明記潮館 (砵蘭180+商場)

营业中

休息中

又係星期五夜晚 旺角街頭人頭湧湧 去到邊都咁多人 創興更加係排一個鐘都入唔到lift點算好？ 😫😫😫 得2個人食明記好似無乜野可以叫到 不過無計照食啦！！上到去原來都全場爆滿 坐定定就叫野食先叫左3個dish: 蠔餅、黃金鮮魷、明記荔枝骨😋😋蠔餅叫做比較好食，多蠔仔又無沙；黃金鮮魷就鹹左d，2個人都食唔晒；荔枝骨就一般般，無乜特別comment！ 不過叫左可以坐得耐，要gathering傾計都係個選擇，下次多人d就試多d dishes。

明記潮館，知名度都有翻咁上下，主要係食潮州野，打冷個啲。三個人唔太大食，叫左三樣餸炸，分別係潮州炒麵線，潮洲蠔仔肉碎泡飯，滷水鵝片。1. 潮洲炒麵線自己未食過呢個餸，所以個感覺都幾新鮮。首先，有好多蛋係個麵上面，所以成個麵都有一陣得蛋香嘅味道。潮州麵線感覺食落好似米粉，定唔知真係米粉。除咗蛋之外，裏邊仲有啲蝦仁仔，魷魚絲仔，但係感覺啲蝦人仔唔夠新鮮，因為食落去都唔夠爽口彈牙同埋蝦味唔夠濃。仲有，就係可以炒得乾身啲，乾身嘅炒米粉係最好食嘅。2. 潮州蠔仔肉碎泡飯同一般蠔仔泡飯冇咩分別，唯一可以講既係有信心保證，一定唔會唔好味。3. 滷水鵝片一個例牌既滷水鵝片都幾貴，$148。好在份量都唔算少，味道都唔錯，啖啖肉。下面既滷水豆腐都唔差。總結：貴得有佢道理，因為啲野係有水準保證，座位亦都算闊落。

近來網上都"潮"食一間位於旺角既人氣潮州菜館,我身為半個潮州人,就同埋我屋企人去左試下明記潮館,睇下有幾"潮" 去到發現裝潢及座位都好摩登,唔係傳統潮州菜館個隻樣,我幾buy! 又乾淨又現代化既設計,加分!食物方面, 我地叫左五樣小菜,等我每一樣簡介下啦!(1)潮州蠔餅 - 依個蠔餅勝在夠大! 好有份量! 但佢比較係"酥炸",太酥了,同我食開傳統個種蠔餅有點不一樣。蠔唔算話好大隻,但每一啖都食到蠔。(2) 一口牛粒- 依個望落好似好簡單,但牛肉粒十分稔,配以芝麻粒作點綴,以及薯粒在底, 味道十分好!(3) 黃金咸蛋魷魚 - 果然係"潮", 嗌左個最興的黃金魷魚。食落好香口,魷魚亦不會太硬,味道一流!(4) 烏頭 - 依道烏頭魚則十分傳統, 配以豆醬, 好鮮,唔會太重腥味, 讚!(5) 蒜泥蒸蝦 - 蝦開半邊蒸, 同樣好有鮮味!  蒜蓉亦冇蓋過蝦既味道, 良好!

屋企人生日特登揀呢到慶祝，覺得環境幾乾淨同舒適，不過食物雖然多選擇但質素普通。食完叫姐姐上蛋糕，佢話找晤到，我自己去放嘢飲個雪櫃到睇，明明下層第二個就係，點解找咁耐都找晤到？知道8點前埋單會有8折，7點53分已經揮手嗌姐姐埋單，57分碌完卡我對返無做折，問姐姐點解無做折？佢話過左鐘，我話都未夠8點！廢是佢行黎行去話已經過8點，親自去櫃位，一位戴眼鏡嘅男人仲話下次早d啦，我同返佢講你地找個蛋糕都找咁耐，埋單又搞勁耐，如果晤想做折就咪做呢個優惠la⋯⋯睇返單原來係電腦單同信用卡機時間不符，不過最後有俾返$77現金我⋯希望餐廳可以將電腦時間更正返，以免出現不必要的誤會。

人多時間夜唔想食咁飽,其中一個選擇就係打冷!!其實我自己唔太好,不過朋友喜歡就無辦法啦~貪心的我們一黎就叫左滷水三拼,佢個份量真係唔係講笑,成座山咁,7個人都食唔曬!食物質素方面係ok的,魷魚好彈牙好好咬,D滷水汁唔會太咸.牛肉紋理分明,一D都唔肥,容易咬而且牛肉味o係滷過之後就更加出.但真係太多啦~~口痕gei我一見到黃金xxx就忍唔住要叫,最後大家決定食黃金鮮魷.佢D魷件件好大件,就咁睇都見到鹹蛋混合得好好.不過油份過多,而且魷魚唔夠彈牙.打冷一定要食蠔餅,但呢個蠔餅個樣有D唔同,我覺得佢炸過龍,所以唔係好食到蠔味,D蠔又少肉.加上散曬,其實唔係食到好多.整體感覺呢度坐得舒服,食物選擇多,不過質素唔算超級高,價錢唔係太貴,ok gei~唯一要讚gei係我地叫左個menu 搵唔到gei菜脯蛋~呢個真係好食!每一件都有厚度而且蛋味香濃,雖然油左少少,但都係好食gei味道!

這裏是打冷格局，甚為麻 luck, 所以來的多是男人。大排檔風格，地點方便，來談天飲啤酒一流。先來一個卥水拼盤，有豬頸肉，鵝腸，紅腸，大雜會，吃得很開心。然後我們叫了一個孖寶，吃到馬友；我真的第一次這樣吃，馬友我以為只能做咸魚，原來可以清蒸，凍食。我不太合意，因我怕腥，但朋友覺得好味，這就因人而已。另外有個焗蠔，真是回味了很久。很入味，蠔是桶蠔就間間都差不多了，但做工甚好，我很欣賞。再來一個菜煲，也是吃出愉悅感覺。沙爹牛河就不太潮式，像是港式多一點，沒有用花生炒，而且河粉是白色的，不過味道依然不錯，合格水準。整體來這裏吃飯談天是很好的，但女士們就未必習慣。

今日約左一大班fd去"明記"補食生日飯，位置尚算放便但舖位門口就有D鬼鼠😅轉3層先上到去，入面都幾大下，但服務員反應就有DD慢。我地點左蠔仔粥/蠔餅/荔枝骨/黃金鮮魷/九菜豬紅/滷水拼盤/滷水掌翼/春菜腩肉/豉椒炒蜆/欖菜肉崧四季豆/幾支啤酒……太多太多了😂樣樣都算幾好味&有D意想不到😁唯獨係D碗筷油左D，個滷水拼盤麻麻(亂&冇物味)，春來腩肉油左D之外！其他比想像好味，又抵食下次會帶朋友去試下

7月份的生日飯局選擇咗食中菜，但作為搞手既我一向都不太喜歡揀酒樓嗰啲廣東菜，最後提議咗主角試下呢間潮州菜館，主角亦立即卜鎚試一試！！有別於平時幫襯開細細間既潮州菜館，呢度環境其實唔錯，入到黎好熱鬧，好有大排檔既氣氛，但又一啲都唔迫，又有冷氣嘆，坐得算舒服，而佢既裝修係可以見到落過心思既食物方面，其實選擇都唔少！螄蚶～呢道菜並唔係人人接受到，本人就很喜歡！😋 但食過有啲餐廳既螄蚶，浸得唔夠乾淨，會有泥係入面，有啲又會過咸。呢度就冇以上兩個問題，味道係唔錯既，唔點汗已夠晒味，但如果辣少少就會更好啦！😁鹵水拼盤～食潮州菜不能少既一道菜，入面包括無骨鵝片、豬耳、鵝腸。雞腎。紅腸等！呢道菜，我覺得相比起某啲潮州菜館並唔算太出色，中規中矩，鹵水味未夠香。。椒鹽鮮魷～外層炸到幾鬆脆，入面鮮魷唔會韌，但略嫌放太多椒鹽係面。。😆另外，我地叫咗個孖寶餐，其中既呢道走地雞真係值得一讚！雞肉並非好滑，但佢皮下脂肪卻非常少，係香港食雞真係好少見除咗唔太肥外，佢重好有鮮雞既味道，一啲都唔似冰鮮雞！另一道孖寶菜式就係呢隻蟹，隻蟹本身都炒到好香，不過呢道菜既精髓並唔係係隻蟹度，而係蟹下面既粉絲 粉絲炒到好乾身，一啲都

每次行過朗豪坊我都會成日俾明記潮館大招牌吸引到, 我一直都知道佢係一間好出名食潮州菜嘅鋪頭, 所以最後忍唔住book咗位同屋企人食, 上到去環境唔錯 而且好大,我見到好多張枱,在有冷氣既地方食打冷真係好正因為同屋企人食,所以呢度每一樣餸都大大碟,真係好啱我哋,我哋一口氣叫咗五樣餸, 有豬手,有鹵水豬耳, 煲仔腐乳通菜,最重要係有清蒸扇貝同煲仔焗蜆肉, 扇貝每一隻都好大,而且好新鮮,蒸得好入味!!煲仔蜆肉又多,真係好抵食, 我同屋企人都好鍾意去呢度食!!

3條友去打冷，旺角試新野，明記潮館夠膽開係一個死寂商場，必定有返咁上下！職員係咁推介大眼雞，睇怕應該係因為近來染色事件影響，無咩人食掛雖然有特價$168一條，但一來驚驚地，二來唔大條，烏頭又唔太鍾意，結果揀左條馬友，大size$2xx，細既$188，3條友要係細啦，估唔到咁正，肉質嫩得黎唔會削，滑得黎有鮮味，認真高質鹵水拼盤好味，唔會太咸，份量又夠多，當中鵝片＆鵝腸超卓豬耳就差d.....另外點左碟鵝肝，夠晒肥美超級邪惡，3個人食都有點膩仲有點左個粥，但都幾多蠔殼碎唔滿意，連相都無影。最尾唔係好夠喉，叫多碟椒鹽鮮魷，味道可以，但唔係好突出。要讚既係環境唔錯，打冷未試過坐得咁舒服，侍應又服務好

鵝片併鹵水雜碎, 成碟好似垃圾咁, 鵝片得幾片係面, 下面全部係芽菜, 收費2 舊水。喊菜炆門鱔, 全部都係咸菜, 門鱔數量1 隻手指都數得曬, 仲要件件都係得丁屎咁大件。整體, 試一次當新野, 唔建議再來!

𠲖家食比以前貴左，冇咁底食，有部份食物就麻麻地，但有部份食物就好好食，可以推介比大家是鹽水煱蜆，環境衛生都算ok ，但冇咩空調可以就將溫度調高一些，貼牆壁兩邊好熱。

同朋友gathering，黎試下超多好評既明記潮館每張台都放左個前菜，係乾魚仔同辣蘿蔔乾魚仔冇味既，辣蘿蔔幾辣，普通質素。埋單果陣先知原來要收$20，完全唔值見隔離台比返個前菜個侍應，如果要去試建議比返佢啦！total叫左五樣野，逐樣講下啦韭菜豬紅都幾大份，豬紅份量都算多，同埋碗底有大量韭菜。味道方面，算正常，豬紅調味唔會太鹹。質感適中，唔會厚實或者一夾就散。韭菜正常。不過，太油啦！睇相見到面頭浮住一層辣油，依家回憶返，係一啲都唔辣嫁！得個油字整體質素，普通！啫啫滑雞煲份量唔多，得零星幾件細件既雞件，仲要超多皮同骨，肉勁少所以完全試唔到雞滑唔滑，亦無味道可言配料方面，有五件以內既豬潤、冬菇同大量洋蔥。豬澗大片但唔厚身，唔算太老既煮得都冬菇夠淋，正常野同樣地，都係好油好似好大個煲，但可以食既野勁少，性價比超級無敵低，真係唔洗試「滷水鵝」$128鵝肉好多皮同脂肪，可以食到既瘦鵝肉得幾舊，份量唔多味道方面，唔算太入味，似就咁整熟隻鵝多啲碟底有花生同滷豆腐花生軟身，都算入味豆腐唔鬆散唔滑，冇咩味整體而言，有負所望，潮州菜必叫既菜式竟然味道一般最多兩星半「小炒皇」$108所謂小炒皇，就係炒韭菜花

好飽，  因為.........成肚氣呢間嘢唔好講話冇下次，重要話俾未去過嘅人聴唔好去，擺明趕客。痴線，冷氣壞，今日世界柸頭埸免費播，竟然熄電視，問佢哋，佢話呢段時間唔播波，乜嘢服務態度，埋單嗰時個老細重要黑口黑面，大佬，欠你𠺢。難得約齊中同去聚一聚，點知食咗個半鐘都唔夠，熱到頂唔順就走咗，真係快過大家樂。食物質素已經唔需要講。

同男朋友行旺角，同女人仔行街的確要好多體力，行左陣佢已經腳仔軟，肚仔打鼓話要搵野食。 假日旺角處處多人到爆，突然醒起兩個月前公司gathering 黎過依間餐廳，舒適大排檔feel, 最重要係抵食大大碟-六點半黎到，我地當日walk in ,好彩仲有最後一張台🤡 可見受歡迎程度。 餐廳頗大間，環境寬躺，坐得舒服，職員招呼又好。-我地叫左個套餐（孖寶A)🌟黃酒雞煲 （一隻）+ 潮式凍烏頭細個唔太鍾意食魚，因為怕腥但大個左，就好鍾意食😂知道食魚健康d 潮式烏頭魚，係其中愛吃既一款好有風味，每一口充滿魚香簡單得來又鮮味！ 加埋豆板醬更香口惹味呢-黃酒雞煲亦好有驚喜估唔到咁大盤❗️一路用爐火熱著，保持食物既溫度傳來陣陣酒香，很補氣血呢鮮雞件份量足又多而且雞肉夠嫩夠滑，唔鞋口-食滿$300 仲有一份鹵水拼盤送呀仲要咁大碟！ 好大方！-一間絕對有誠意既餐館❗️黎緊親戚由澳州番港，一於book 依間先😆