明記潮館 (砵蘭180+商場)

营业中

休息中

朋友從外國回來，想吃潮州菜，就一於帶他們去食明記潮館。明記潮館位於旺角市中心，在朗豪坊或旺角地鐵站行過去只要數分鐘。店內設計帶點中式，樓底高，環境開揚，光線充足，座位寬闊，唔會背貼背，舒適。這裏的食物有好多選擇，有潮州菜，小炒，還有海鮮等。蠔仔肉碎粥打冷當然唔少得有蠔仔肉碎粥，即叫即做，熱辣辣，蠔仔隻隻都脹卜卜，無沙無殼鮮甜美味，配上方魚肉碎，美味可口。鹹菜炆門鱔經典的打冷菜式，上枱都是熱辣辣，門鱔的份量多，鹹菜味道不太鹹，唔錯。孖寶C (招牌鹵水鵝 + 翡翠炒龍躉球)打冷當然也唔少得鹵水鵝，鹵水鵝肥美，鵝油豐富，肉質爽口，而且鹵水入味。翡翠炒龍躉球的龍躉好新鮮，魚肉爽滑，啖啖肉，夠鑊氣，配上清新脆綠的荷蘭豆，好味。上湯菜膽雞(半隻)雞肉滑溜，爽滑鮮嫩，配上上湯芡汁及小唐菜。石鍋啫芥蘭上枱仍是啫啫聲的，份量大，惹味的肉碎配上脆綠爽口的芥蘭，好有鑊氣的菜式。

今晚同老公係旺角行完街，忽然想食打冷，最後揀左呢間明記潮館食呢度環境乾淨企理，有一邊卡位坐，雖然好多人，但竟然唔覺得太嘈，所以都算坐得幾舒服首先我揀左個孖寶餐，有魚有肉有菜，$298好抵呀！ 老公就揀咗個鮮味煲仔焗蜆同埋秘製凍螄蚶 秘製凍獅蚶 $98, 螄蚶洗得好乾淨冇沙，熟度啱啱好，鮮味十足 鹵水鵝份量十肉質鮮嫩， 鹵水汁又唔會死鹹， 加埋啲酸汁一齊食，顯得肉汁更豐富底層仲有我最鍾意食嘅鹵水豆腐，豆腐好滑 翡翠炒龍躉球, 最惹味最回味的一碟小菜， 龍躉肉厚，份量多，肉質彈牙鮮滑，啖啖肉好滿足，炒得非常有鑊氣，加埋多汁既翠肉瓜一齊食，感覺清新招牌煲仔焗蜆$98, 原汁原味，保留住蜆肉原有既鮮味

他很喜歡的中式餐飲，說我倆已很久沒吃過了🤦‍♂️🤦‍♀️在8月初朋友派紅包炸彈時來過，覺得非常好味，所以今次帶他來試一試☺️店內裝潢設計有懷舊的特色😌鹵水雜併+鵝片$198。這個雖然是全晚最貴，但份量實在非常大！其實有4位份量🤣但雜併真是有很多款食物，豬大腸、鵝腸、豬耳、腩肉、紅腸😱😱😱目不暇給！鵝片味道亦很好👍石鍋明記炒飯$98。因爲用石鍋上的關係，所以非常保溫，吃了很久都非常夠熱！還有美味飯焦😄飯粒炒得乾身，食到有魷魚🦑同埋菜甫粒，夠惹味👍煎蠔烙$98。我覺得這是非常好味的菜式！蠔仔好大粒，個餅同面的脆脆炸到好香口！好正😚雖然只係點了3款小菜，但份量真係好大，所以已經非常飽！

早在新蒲崗工作的時候，公司好多時都會接外國的客人到訪，老闆都會帶客人去附近的潮州酒樓食晚餐，對潮州的食物都甚為喜愛！離開舊公司，都很少再食潮州打冷了。慶幸這星期相約舊同事去食晚飯，大家都好有興趣地，想再去食潮州嘢，回味一下。雖不是到酒樓食，我地都找到一間好美味潮茶餐廳，為慶祝十週年，更在晚飯時段，在八點前結帳，仲有八折，非常低食。潮式是以滷水、打冷為主，食物擺放在桌上，隨意挑選，又以潮州的*魚飯*所吸引。餐前的小食都好爽脆。鵪鶉瘦肉雞腳燉湯，湯清味濃，材料豐富，是秋冬的滋補養生保健湯，更是女士不可缺少的補品。滷水鵝片，是不可缺少的，鵝肉片大大件，一點多餘的脂肪都沒有，肉質嫩滑，好鮮甜又有口感，不帶騷味，滷水汁剛好滲透了鵝片，不鹹有點回甘。明記小炒皇，每次在外食晚飯，見到餐牌內有小炒皇。我是必會叫碟，因每間的小炒皇都有自家的材料，各有各的味道。明記的小炒皇，是每晚只有30碟提供，雖是一碟小菜，內的材料豐富，腰果、乾蝦、白飯魚乾、XO醬，韮菜，夠鑊氣，入口香口又脆口。潮式炒麵線，看似是米粉，幼幼的麵線，加上蛋香、芽菜、蝦、魷魚鬚，食落爽脆又香口，美味可口。

琴晚放左工同朋友去食宵夜，叫左西蘭花炒帶子，鹵水三拼同蟹肉栗米羹，啲野都幾好食既！但周圍勁多人食煙囉，附近三四枱人都不停食煙，啲二手煙係咁攻埋黎，控煙辦應該跟進下。

老婆今晚想打冷，我就特登上openrice睇下附近有邊間打冷店，原來旺角砵蘭街這間商場上面是食肆，三樓全層都是食潮州滷味，帶老婆去試試。每日有不同的特價套餐，而滷味亦有多款。潮式蠔仔餅：蠔餅裏面大大粒蠔肉，形狀飽滿，表面舖面蛋花脆漿，略嫌比較鬆散難夾，不過味道不腥且鮮。墨魚拼大腸：墨魚切成薄片，爽口彈牙；大腸裏面肥膏已作清理，不會有騷味及不太油膩，下面是爽口芽菜仔。薑葱魚雲煲：魚雲有六至七件，表面佔上落粉先走油，所以魚雲不鬆散，而且用大量的薑葱爆炒，味道鮮味且嫩滑。

打冷店近幾年越開越多，已經不是男人至愛，好多老中青都喜歡一班人圍埋一齊，飲下酒食下滷味，這間在旺角佔了全層的明記潮館，地方大且座位寬敞，坐得舒服。店員先送上小食泡菜及魚仔。韮菜豬紅超級大碗，豬紅腍滑，下面墊著韮菜，不過味道較咸。滷水鵝片鵝片素面不會太多脂肪，肉質嫩腍，滷得入味，下面墊著滷豆腐及花生，花生炆得很腍。紅燒豆腐豆腐外層炸過，裏面嫩滑，旁邊還有冬菇及菜心，食了太多肉，可以清淡一點。蠔仔肉碎粥蠔仔脹卜卜，完全無腥味，粥底是方魚湯底，加上肉碎，飯粒不會太腍，味道鮮甜飽肚。

這天放工後，我約了朋友在旺角吃晚餐，經過網上的介紹，我們決定來到這間潮州菜試一試，店內環境非常寬敞和清潔衛生，貴賓房供人數較多的朋友聚會和家庭聚會，餐廳十分細心，每張枱都提供紙巾和熱茶供應前菜花生和酸蘿蔔爽口微彈的鹹花生，蘿蔔味道酸酸甜甜，令人非常開胃滷水鵝肝($208)用柔滑的鵝肝鋪面，再用軟綿綿十分新鮮的豆腐鋪底，配上滷水豉油，十分特別，份量非常多，價錢可以接受潮式蠔仔餅($98)軟綿綿的蠔非常新鮮，海水味比較淡，人們較容易接受，將鴨蛋炸成的餅底，十分脆口，份量非常多，非常地道燒汁脆牛腩($168)非常新鮮的牛腩外脆內嫩，十分特別，配上清甜的燒汁，份量非常多，延抵食芝士海蝦伊麵($168)芝士的份量很多，很濃郁，蝦十分多，非常大隻，彈牙和新鮮，軟綿綿的伊麵，份量非常多，非常抵食整體來說，食物的選擇很多，食物的質素相當高，食物的用料非常新鮮，食物的定價延合理，店員人數延多，店員亦有良好和積極的服務態度，所以我認為這間餐廳值得再去惠顧

好耐冇食過打冷，係OpenRice search下潮洲菜，發現呢度有間有唔少好評，一於試吓。呢度都有唔少選擇，有打冷有小炒。滷水雜拼加滷水鵝$188，有好多滷水料，有大腸，紅腸，豬耳，墨魚，鵝腸，豬腩肉，豬頭肉，芽菜墊底，加埋鵝脾。跟住梗係襯返支啤酒點綴一下 $28。蠔仔粥（小） $58，食潮洲打冷，蠔仔粥真係不可少。黃金魷魚，好香脆，炸得得剛剛好。走嗰陣時留意到，而家做緊10周年誌慶，八時前結帳離座有八折。

今晚又買左飛準備睇戲， 開波前梗係食飽飽先啦🤓小食20是炸花生🥜香菜莆，香口又爽脆。滷水墨魚98墨魚啜口，口感是日欠軟糯，幸好滷水汁清香不濁😋芽菜爽口量不少🤪薑蔥焗美國桶蠔198桶蠔屈得恰好，味有層次， 薑蔥做得入味，食指大動😍蠔仔粥58小但份量一點也不欺場，蠔仔肥美，加入芫茜，湯飯粒加了有嚼勁的方圓魚魷魚肉碎等，在好香軟下😋增添一份口感。今次吃真的大進步，魚無上次的硬，更易吃，粥底加了胡椒粉提升了粥的整個味道㖿！白飯14食後感：上菜快👍🏻位就腳😍易拎位👏🏻

聽到好多朋友講話旺角有間潮州菜館唔錯，同為潮州人既我緊係要黎支持下啦！旺角朗豪坊行前少少就到，係樓下已經見到大大個搶眼招牌上到去第一時間比我既印象就係好大，好多人，d裝修好有特式，仲有好多唔同設計既包房，同我想象中平時食開既打冷鋪好唔同。睇下份菜單，除左一般打冷鋪食到既野亦都混合左好多大排擋既地道菜，仲有潮州先食到既沙嗲牛肉芥蘭炒河等等。。可惜今次人唔多叫唔到太多唯有下次再黎！睇下上面炸到咁幼細既雪花，就知道師傅功架十足，外脆內軟嘅蠔餅，啖啖都係蠔肉，配上唔太鹹嘅魚露，香脆可口大大碗韭菜豬紅，絕對夠四個人食，豬紅亦都入曬味，正！鐘意啜埋骨既可以簡滷水鵝肉，想啖啖肉既就可以選擇滷水鵝片，唔會太鹹，岩曬香港人口味。滑一滑既大蝦，配上沙律醬同沙律菜，甜道控制得啱啱好，唔會太漏而家10周年優惠，八點前賣單有八折，啤酒亦都買兩送一

今日同媽咪出旺角行街買野，見肚餓想搵野食，媽咪本身是潮州人，所以想食潮州打冷，經過極冷門商場180+商場，見到3/F 有潮州打冷，於是膽粗粗去試下。上到去十分熱鬧，環境比一般打冷整潔很多，裝修十分用心去設計。菜單有幾頁之多，食物款式很多，令我花多眼亂。最後我選左1）蠔仔餅2) 招牌鵝片3）辣酒煮花螺4）石鍋啫啫芥蘭蠔餅裏面的蠔仔十分新鮮，食落去口感外脆內軟，最特別是蠔餅上有黃金脆粉，令口感更特出。招牌鵝片肉質鮮嫩，唔會Un，老滷水味很足夠，配埋潮式酸甜汁，令人食完又再想食多幾舊。辣酒煮花螺肉質新鮮彈牙，辣味濃郁，喜歡食辣既朋友仔一定鐘意。石鍋啫啫芥蘭本人覺得一定要叫，石鍋可以保持芥蘭都在暖的狀態，芥蘭完全沒有苦澀味，炒得十分惹味，我同媽咪不夠十分鐘已經食晒👍👍👍👍👍👍

是晚黎到明記潮館，因為友人想食打冷，又想揀個就腳同比較乾淨既地方，於是就揀左黎旺角食，貪佢地點夠就腳，方便大家走個鋪位都有少少難搵， 係街口轉角位，如果冇留意就會行過左～坐底就即刻叫野食～叫左：-雜錦拼盆拼鵝片：正常～唔太特別黃金鮮魷：好惹味，好食小炒皇：韮菜炒蝦米，唔係咁特別水煮牛肉：辣度剛好，幾好食蠔餅：煮法唔同平時，麻麻地啫啫通菜：要撈勻先食，所有菜先yam到汁總括而言都不過不失，勝在可以坐耐d傾計～但個場好似唔係好夠冷氣...

打冷好耐冇去食, 難得係旺角都搵到間坐得舒服可以傾下計既餐廳~食打冷就梗係要食呢個滷水雜拼啦, 個底仲有勁多芽菜呀, 好好味呀, 勁快就清哂呢碟野呀蠔餅都係必點啦, 呢個蠔餅好大份, 而且蠔仔粉量都有好多新鮮熱辣辣即刻炸起既椒鹽魷魚都係推介之一跟著就叫左個蠔仔粥, 蠔仔大大粒, 個湯好好飲, 大家都讚呢碗粥好好味, 因為食左好多炸野, 可以中和番本身訂檯個時話限時2個鐘, 不過我地都坐左3個鐘, 好彩冇趕我地走大家都話下次要再黎食呀!

今日同屋企人一齊食飯，係好多朋友介紹下，一直都好想黎’明記潮館’試下。一上到去，等左五分鐘就好快入到去，店員服務質素好好，好有禮貌，介紹左好多招牌菜，叫完野食就好快齊哂，醬油蟹冇得輸，好好味😍一試難忘，估唔到咁好味，好味過韓國啲醬油蟹。賴尿蝦有好鮮甜，好高質！炒硯仔肉好正，一啲殻都無，好入味。整體黎講明記真係好高質。環境非常乾淨，一啲都唔污漕。服務質素好，野食非常好味新鮮，價錢公道唔貴，好扺食，好少係餐廳食野咁滿意，一定會經常落黎幫襯！好想試埋其他招牌菜😋