明記潮館 (砵蘭180+商場)

营业中

休息中

第一次去試，所有食物只炒出個樣，食落味道就要想像一下，有色但沒有香及味，鹵水汁沒有其他潮州店嘅味道，其他小炒都一般，份量亦不是網上post的，極可能是廣告稿，希望可以食物味道及份量，那麼一大班人去都係一個好選擇。另外就係，一行入去舖就差d跣低，成間舖嘅地下都係滑潺潺，好似整個地面都係有水油在表面咁，如果老人家一定出意外，相信要徹底清潔下。態度就不敢恭維，只可以講係沒有服務，冇人落單收碟，還收這個價位就有點兒高。

好耐無食打冷, 上次同朋友黎過呢度唔錯, 所以呢間再黎.一坐低侍應已話食滿300蚊就送碟鹵水拼盤, 所以叫下呢樣果樣都差唔多夠.送既鹵水拼盤份量都唔少, 拼盤入面有紅腸, 大腸, 鵝腸, 豬耳, 魷魚等, 特別欣賞鵝腸同大腸, 因為好爽口, 無異味, 鹵水汁仲夠入味, 唔會太咸.黑椒牛仔骨黑椒味夠晒香, 舊舊都沾滿濃濃既汁, 但食左唔係太辣既, 牛仔骨肉質夠嫩, 唔會太韌咬唔開, 唔錯, 配埋炒香既洋蔥好味.欖菜肉鬆四季豆都係炒到好有鑊氣, 四季豆保持爽口, 唔會炒到過腍, 配著肉鬆既香味, 唔會太草青味.

見到最近好多人去食完都話架好食於是我地又走左黎食🤭Hahaha 黎食下新野！！不得不提係個蠔餅啊真係好好食 原只蠔係度架喔脆啵啵 熱啦啦！！一次成哂成碟都無問題啦！必嗌啊 真心推薦炒蜆都正 有大排檔感覺！Good good good ar好食好食 仲食都好多樣野下！鵝片都好好味唔會太肥！！ 啖啖肉 yummy 一片片咁大大塊 好正啊而且而間野既價錢都唔貴！！座得舒服之餘價錢十分貼地！ 平民化首選我地食夠錢仲有碟滷水拼盆送俾我地添

朋友響旺角做sales, 等佢收工一齊食野已接近宵夜, 平日D餐廳都唔會收太夜, 又唔係食茶餐廳, 好彩明記收得好晏.明記打冷為主, 所以好多冷盤, 海鮮野, 鹵水野亦唔少得, 有圖睇好吸引.鹵水鵝片, 唔會切到好薄, 肉夠厚入口有口感. 肉滑唔韌, 片片都入晒鹵水味, 但又唔會死咸, 越食越開胃.佢地D小炒好多選擇, 要左款京蔥豬頸肉, 真係好多蔥, 不過食落好香, 好爽口, 呢款有好輕微既辣, 所以好開胃, 豬頸肉好腍, 配飯一流.

響朗豪坊睇完戲都成9點幾, 旺角應該仲有好多餐廳未收, 四圍行見呢間明記打冷開到零晨, 一於食佢唔洗趕.成間餐廳非常大, 好多枱, 不過咁夜仍然有8成人坐著.打冷最鍾意食鵝片, 皮下唔算太肥, 肉質夠軟腍, 唔會覺得太肥膩, 個汁亦夠入味.石鍋啫啫芥蘭, 呢個真係驚喜, 上枱已聞到陣陣啫啫香味, 非常惹味. 芥蘭翠綠, 新鮮爽口, 唔會搞到D芥蘭又黃又乾.仲有椒鹽鮮魷, 炸到又係好惹味, 夠脆口, 乾身唔油膩, 椒鹽味濃但唔會太咸.

有好友在我放工後臨時急call說想來個晚餐,抵食之餘最好位處旺區,要滿足好友的要求,很快便想到了在旺角的明記潮館;好友一聽之下也馬上同意,遂先打電話去訂位;7點多的旺角車水馬龍,與好友在地鐵站朗豪坊的出口見面後就步行至食肆;從大廈的1樓可望到食肆的店名,就搭扶手電梯上去;熟悉的佈置,充滿空間感,令人坐得舒服;餐牌似乎重新製過,比之前更精美;而食物的款式依舊是百花齊放;與好友研究了一陣,便有了決定,於是馬上落單;第一道菜的韮菜豬紅,豬紅味道濃郁,質感彈滑;有黑椒的底味袪腥臊兼有辣味提升,加強了層次感!韮菜夠鮮嫩,作為配角也是生色不少!第二道是滷水中拼盤,點餐超過300就奉送一碟;碟頭份量足料,味道香濃,計有豬大腸,豬頸肉,豬耳,紅腸,墨魚等;其中的豬大腸口感綿中帶點煙韌,內裡油脂豐腴,滷汁均勻滲透其中,與豬大腸本味配合得很美好!此刻要馬上來杯冰凍的啤酒,延長那美妙的口感!豬頸肉夠彈滑,肉汁鎖在內裡,也是下酒美食!好友鍾情的辣酒煮花螺,這店做得相當好;不單份量大,而且把花螺處理得很乾淨,只有零星砂粒;辣酒汁也調校得濃郁兼具層次,花螺吸收了精華之處,不單肉質爽彈,複郁的辣味更助其袪腥提鮮,令

幫襯大概有四次😋每次都試唔同食物🍗🍤 我覺得粉絲蟹煲同小炒王係我最愛，同埋極愛佢哋嘅前菜，辣菜鋪，雖然好鹹，但送白粥非常正最緊要佢嘅營業時間啱晒我呢啲夜鬼~~

潮州菜係其中一種我最喜愛既中菜。我家蘿蔔頭經常帶我去試新野，今日黎到旺角呢個充滿美食既地方，都不忘要去試下呢間好出名、好多人既潮州菜。我地行完街差不多9點先開飯，無諗過咁夜都仲要等位😒。。不過好彩等左十分鐘左就有得入去啦三心兩意既我，又想食蠔餅、又想食滷味、又想食海鮮、又想食菜。。誰不知呢到如果你叫野食叫夠$300，佢會送一個滷水拼盤俾你。。所以貪心既我一於叫多幾樣叫夠$300就有個免費既滷水拼盤啦😝我地兩個人叫左薑葱雞(點知佢落錯單落左沙薑雞🙄)、蠔仔粥、瑤柱上湯絲瓜、椒鹽鮮魷、再加埋免費既滷水拼盤。。。食到抱住個肚走呀1. 沙薑雞啲雞肉嫩滑，但味道有點淡，要另外點沙薑汁先更野味。2.蠔仔粥既蠔鮮甜，可惜柴魚太硬咬唔開3.瑤柱上湯絲瓜係店員推介既煮法，亦係最驚喜既一款小菜，絲瓜非常清甜，湯底用雞湯煮成，好食到連湯都飲埋🤣4.椒鹽鮮魷炸得好香口，味道不錯5.滷水拼盤亦好好食、好入味，估唔到免費既質素都咁高大家值得一試😋

已經係第二次嚟呢度啦！上次同爸爸媽媽黎，今次係同朋友上嚟食嘢！雖然只係得兩個人，但因為都想食潮州打冷，所以就上咗黎。我記得上次呢度嗰個鹵水雜拼好大份既，仲都幾好食，所以都可以話係專門為咗個鹵水雜拼而黎。D花生係主菜未到之前傾傾下計都食鬼哂。好鍾意食鹽焗花生！menu 簡直稱得上五花八門！潮州打冷有！ 大排檔風味都有！ 我覺得黎呢度食仲豐富過去食酒樓！ 本身今次想食螄蚶㗎，叫完個雜拼都係覺得應該要食返個菜先。螄蚶唯有留下次啦！呢個雜拼真係冇得彈！包羅萬有！食潮州打冷有啲咁嘅雜拼，絕對係不二之選！ 有鵝，有大腸，有紅腸，有魷魚，有鵝腸，有豬耳，有豬腩肉，仲有大豆芽添呀！樣樣都香，樣樣都好食！真係好happy! 我同個fd一個叫飯一個叫粥，其實只係食呢碟都夠我地2個食。我好鍾意個粥！！！ 係潮州嘅味道！有好多粥水！粥水仲係好香嘅米味！ 呢個味道真係冇任何嘢可以取代呀！因為兩個都係女仔，所以都想叫返碟菜。叫咗個翠玉瓜炒蝦球，翠玉瓜炒得好香，唔會太淋，脆卜卜好好食呀！蝦球都好新鮮好彈！極度有大排檔風味！有鑊氣！ 呢度既座位坐得好舒服，店員服務都唔錯，兩個人談心，就算係女仔都唔會覺得尷尬！

平時少食潮州打冷野，因為朋友介紹，今日就黎左呢度食啦！佢個地方好大好大！有幾間廂房，成個熟食市場甘！好熱鬧、好有氣氛！一路行去張枱時，見到人地啲送好好味甘，好大碟！流晒口水望下個餐牌，野食都好多選擇，價錢唔貴，好多唔洗一百蚊就有一碟！食潮州野首要食佢個鹵水！呢個鹵水拼盤有好多款食材，包括豬耳、大腸、墨魚、紅腸同肉片等。個底有啲豆牙墊住，吸晒啲鹵水汁！👍🏻👍🏻食物夠林，入晒味，濃鹵水味，但唔會好咸，岩味道！另一個打冷必食既就係蠔仔粥！好大鍋！材料都好豐富，見到有好多蠔，漲卜卜，好肥美！個粥好好味，無味精，有淡淡既蠔味，正！大眼雞大眼雞醃到好入味，咸咸地，配果碟醬較為咸，我唔點已經好足夠。海味粉絲雜菜煲蔬菜嫩、爽口，排列整齊，有冬菇、雜菌同大蝦乾等。份量多，味道不過不失。黃酒雞一上台時超香！吸引晒大家既注意力！個湯甜甜地，好香黃酒味。雞好嫩滑，即使一路煲都仲係好正！有雲耳、杞子、紅棗等，超補！呢個黃酒雞超推薦！一間值得推薦既潮州食館！好似成日都好多人，所以黎時記得book位先！

上次同男朋友經過，見到咁大個招牌就已經比佢吸引左，加上好耐冇食過潮州野，所以決定上去試試。可惜，門口姐姐已經話full晒，要等耐啲時間。。。。返到公司同同事講起，原來明記食潮州野都幾出名。身為一個吃貨當然係不到明記心不死啦！於是就同閨蜜就立即book位去試試啦。上到去地方超大！成個大型大排檔甘！人好多，好熱鬧！鹵水檔口食潮洲野一定唔少得個鹵水！所以我地先叫左個鹵水雜拼。拼盤有墨魚、紅腸、豬耳、大腸同肉片等。最欣賞係啲墨魚，好爽口彈牙，一啲都唔韌，好入味！個鹵水好香，但唔算咸，所以好岩食！身為蠔皇又點可以唔叫蠔仔粥呢？唔係講笑！好多蠔蠔蠔呀！好足料！啲蠔漲卜卜的。因為咁多蠔所以果粥底好鮮好甜！！！呢個一定唔可以錯過！食開海鮮有條路，於是再叫一個煲仔焗蜆！一打開果煲蓋，望落去以為好乾，但食落去比想像中多汁同埋都好新鮮！份量好多！最後一味就係海味粉絲雜菜煲！啲粉絲索左海味既鮮甜真係好好味呀！個肚雖然已經好飽但都忍唔到口！好多菜，爽口！正！另外見到好多枱都叫蠔餅，果樣都好似好鬆化同好多蠔咁，但因為朋友熱氣，所以今次冇叫，下次一定會再叫返！正！！

自從畢業之後，大家各有名忙，都好難約得成大學同學食飯。今日終於約得成喇，真係好開心，幾個女仔一個墟，更係要搵一個就腳又可以隨心吹水既好地方啦！平時成日食日韓泰菜，今次就得別d，專登揀左方便就腳係朗豪坊附近既明記打冷！之前都聽過呢間出名大碟夾抵食，所以預早打電話book位，好在真係book左喳，我地去到既時候已經full哂，證明我地應該無揀錯地方啦！明記既環境好寬敞，佈置亦都好有潮州特色，感覺似係正宗既潮州餐館，亦都見到好多人一家大細咁去食野呢！因為放工關係，大家都好肚餓喇，拿拿聲叫野食，樣樣都好吸引！第一次食，真係唔知野食既份量，惟有想食咩就叫咩。首先叫左蟹肉粟米羹（例），見到真係嚇親，因為份量都幾大下，但好食既應該點都食得哂既。好在，明記既蟹肉粟米羹係真材實料既，可以食到蟹肉，而唔係蟹柳扮蟹肉，而且味道岩岩好，唔係太喊又唔淡，配合埋d超甜粟，真係好開胃。之後黎既就係客家黃酒雞，下單既時候問侍應姐姐，一隻係咪好大隻，姐姐話唔算好大既，因為我地非常肚餓，所以就叫左一隻喇。點知上既時候真係賣相同份量都贏哂，真係開始擔心係咪食得哂。 😂😂聞到黃酒既酒香，雞件果然係好香滑，雞浸係黃酒之中又唔會

間唔時都會心血來潮掛住滷水拼盤同蠔餅，所以不時就搵下啲好食嘅打冷。聽聞呢間幾抵食嘅，所以就要去試下。好多人好滿場，係我第一下嘅感想。好彩咁啱有張檯，唔理咩位都坐咗落去先啦梗係啦。由於樣樣都想試嘅關係，我一口氣就叫咗四個餸，仲要佢做緊promotion，食夠$300蚊個滷水拼盤！我！錯！了！因為真係好大碟！係物超所值嘅大碟！逐樣講下先：1. 石鍋啫啫通菜，個味道係惹味嘅，佢好多汁係個石鍋底到，好味嘅；仲有好多蒜粒係底，加上好多菜，成件事絕不欺場2. 煎蠔烙，呢個係打冷鋪冇得唔食架啦，同樣地大份，煎/炸得好香口，好脆身，而且啲蠔好大粒，絕對唔係細細粒呃人嘅，而且每食到一舊都見到蠔，正3. 燒汁脆牛腩，呢個不得不介紹，因為佢係脆皮嘅牛腩，一上檯熱辣辣，脆口好好食嘅，牛腩嘅牛腩味好濃，好食好食4. 雪裡紅鮮竹茄子，呢個又係不得不介紹，因為佢嘅鮮竹係炸過，但係唔係平時炸嘅枝竹，而係真係有用少少炸粉係面嘅枝竹。加埋個茄子嘅汁，成件事好好食，同埋夠特別，必食必食！5. 滷水拼盤，講真，雖然係送，但係都唔少份量架，絕唔係送幾舊當送咗嗰啲friend，味道係濃嘅，但唔係鹹。多人食就更加好，因為可以食多嘢

這間明記之前同同事食過兩次宵夜了，兩次都覺得幾好食，所以今日特登帶另一半嚟試吓，除咗嘢食 ok外，有隻啤酒1664都好好飲，有種果香味，但可惜幾貴只能飲一杯。我叫咗一個套餐，馬友加砵酒蠔，馬友啲肉質比較林，我就一般。而砵酒蠔就無酒味及偏甜，啲蠔無蠔味。如果幫襯$300以上就有一碟併盤送。而蠔仔粥就唔夠香及野味。

第一次帶好友過來食飯，呢度開到好夜，地方又大，十分易搵，佢首次去都無盪塞路，大家成功相聚🤗新一年，換上新menu，新淨有新意。小食20係脆花生同咸酸菜，兩個人來說，吃不完。滷水鵝片128加左價但味道還是不錯，咸味足，鹵水味不濃，吃起來啖啖肉好方便，底下既豆腐好多，加上花生🥜好滿足。蠔仔粥58(小)粥内既蠔仔比一般的巨型，加入魷魚方魚等一齊煮理，唯方魚干吃上來較硬外，粥煲得挺美味。砵酒焗美國桶蠔188是全餐最好吃的，拖過油的蠔身帶脆，混上濃縮的汁醬加入洋蔥再屈，超惹味可口，要趁熱吃喔！食後感：其他食物也美味，不比潮州的餸菜輸si，唔止大男人啱食，就連小女人都會發現佢的好🤣