明記潮館 (砵蘭180+商場)

营业中

休息中

行過豉油街隧道，就見到個好大嘅發光招牌，寫住明記潮館，樓下有個接待處，見價錢唔貴又有滷水拼盤送，就上去試吓每檯都會有個小食，係銀魚仔同菜寶，魚仔香口，菜寶爽脆豉椒炒蜆（$98）隻隻有蜆肉，唔會甩晒出嚟，最緊要係無沙，飽滿，鮮甜上湯菜膽雞（$118）菜膽雞要煮得嫩滑，其實好考師傅功力，呢碟菜膽雞肉絕對夠嫩，上湯唔太濃，更突出到雞本身嘅味道，呢隻雞味濃明記荔枝骨（$108）每舊骨都油泡得好脆口，個汁酸酸甜甜，配埋淡淡荔枝清香，一啖肉一啖骨咁食就成為最好味嘅食法方魚肉碎粥（細）$58方魚配搭條條魷魚絲，鍾意鹹鹹香香海味鮮味就最啱，加上大量芫荽及香蔥，香氣十足滷水拼盤（食滿$300免費贈送）雖然係送，份量一啲都唔小。個滷水係非一般滷水，有種獨特嘅香味，唔會一味得個咸字。鵝腸好爽脆，焦點。大腸煮得淋，滲滿滷水香味食食下先見到有個孖寶優惠，太飽了，再食唔落喇原來仲有打邊爐環境好有大排檔feel，但有冷氣同埋地方乾淨食嘢記得食飽$300 ，有個拼盤送㗎

好耐都冇食打冷多數都係食西餐或者日本食物，以往打冷都係去荃灣嗰間明記，聽朋友講明記喺旺角開咗間旗艦店所以專程過去食，唔知係咪好耐冇食打冷特別興奮，以往叫的菜色例如韭菜豬紅、煎蠔餅、大眼魚；但今次除咗呢啲款之外仲叫咗避風塘茶樹菇、雪裏紅鮮竹茄子、燒汁脆牛腩，我好欣賞避風塘茶樹菇十分香脆感覺又脆又軟，食完一碟再order多一碟𠻹；另外黃酒雞煲材料好足侍應端上檯已經聞到陣陣的藥材酒味真是香濃撲鼻，我第一時間飲了幾口雞湯好好飲好滿意，其實煎蠔餅打冷店必有但我最欣賞呢間的煎蠔餅真的好脆沒有失手過，就連螄蚶都好好食可能秘製汁㓎得夠時間，甜品反抄竽綿中帶甜香！正！

完左朋友婚禮彩排之後，我地一行10人去左附近搵野食，最後揀左呢間朋友介紹既「明記潮館」食。我地去到九點左右，算係過左最繁忙既食飯時間，但呢間舖真係好旺場，我地都要等10分鐘先有位。大羊腩煲($398)係我印象中羊肉都係一陣酥味，所以對食羊肉無乜好感，但呢個羊腩煲又無呢陣酥味、羊肉幾淋，幾好食。西蘭花炒帶子($188)西蘭花整得爽口唔淋，帶子大大粒，唔錯。沙拉蝦球($158)凡係用沙津醬整既野食都會加分，沙拉骨食得多，呢個沙拉蝦球真係第一次食，一口食曬，唔使整到成口沙津醬，正！明記荔枝骨($108)聽講係用荔枝汁整既，但食唔到荔枝味，似係平時食既咕嚕肉，味道都ok。滷水拼盤(消費滿$300送)因為太肚餓既關係，有幾個菜未影到相已經比人夾曬咁濟，其中有個蠔仔肉碎粥都係好出色，值得推介。但個人覺得呢間打冷都幾貴，百幾蚊一個菜，自己平時食開都好少過百一個菜，唔算抵食。

Been here a few times and their food is delicious especially good a big group of people . They open 24/7 in Mong Kok which fit perfect for working people like me. They have large variety of food like Chinese dishes and hot pot. Their cold crab and fish are fresh too. No doubt this is a good place for big group gathering . They also have room for private party and TV !

突然懷念家鄉菜，朋友介紹左呢間餐廳，特來一試。整體而言，價錢合宜，菜式合格。先講講潮州菜必點的胡椒豬肚湯，胡椒味足，可惜腸落多了一點，令湯略有苦味，少啲豬肚應該不俗。第二樣必點係蠔餅，皮炸得很鬆脆，不錯

天氣開始冷又係食煲既時候所以約朋友嚟哩度食，因為又有羊腩煲食又可以食埋打冷諗起都流口水。夜晚放工大約7點已經坐滿一半枱，入坐之後第一時間叫店員落左一個羊腩煲先之後慢慢睇下餐牌食啲咩！羊腩煲 細 $298上菜啦我們叫個細已經好大煲好多件羊肉，配料都唔少令跟埋生菜，羊肉好入味一啲都唔“穌”好腍唔嚡食完即刻暖粒粒...哈哈！韮菜豬紅 $68這個一樣好大碗韮菜豬紅係打冷店必食啦！醬汁好野味潮式蠔仔餅 $98炸得好鬆化蠔仔都好大粒點埋醬汁一流。潮式浸蜆點解鍾意嚟呢度食野就是因為啲餸好大碟，這個浸蜆一樣大大煲蜆肉夠大隻又入味明記小炒皇 $118另外叫埋小炒皇九菜花好嫰腰果夠脆仲有蝦干等等。。。好豐富今餐個個都食飽飽，正

上星期和大班朋友試過後，食物不錯；今晚專登帶老婆去試試。一見有堂食惠顧食品滿$300，送細滷水拼盤；即刻同老婆點菜：滷水鵝翼、細蠔粥、小炒皇，再加2支大啤。落單後問問店員夠未？ 可唔可以享有優惠，佢話張單夠$300就會有小拼盤送。食到中途，重未見碟拼碟，心知不妙，即刻問問另一個店員，佢話等一等就有，再等多十幾分鐘都係冇嚟。我再問個店員，店員問左個經理後，就回覆大啤酒唔計，只計食物所以重掙$6，我再問咁俾個白飯咁夠啦！個經理話個飯唔算。跟住佢仲話加多個蠔粥啦⋯⋯我真係俾佢吹到啤一聲，我已經食左啦個蠔粥，我問飯唔係食物咩。佢跟住唔答即走。我真係好鬼慶，海報冇列明話必須要叫小菜不包括酒水，白飯， 白粥再內。我自問從落單果刻，已經去問夠唔夠$300，然後再去問另一店員追單，要一而再、再而三之下至話我唔夠。重要話飯唔算數，我真係好鬼嬲。雖然食物不俗（唔算突出-蠔粥重要有殻），希望大家吸取我依個教訓後，唔好再犯。

由於自己本身係潮州人，細細個已經經常跟屋企人去食潮州菜，所以對於潮州菜特別有份濃厚既情懷近日一班舊同事相約晚餐聚舊，選擇了旺角，貪圖方便就腳，其中一位同事就提議，天氣涼少少，不如打冷吧！於是，我二話不說就帶佢地黎「明記潮館」我鍾意呢間菜館係因為地方大，坐得舒服，最適合一班朋友邊食邊講，就算坐得耐都唔會趕人交枱，最重要係環境同食物乾淨衛生，咁先令人食得放心最後我地四人共點了六碟菜，分別有豉椒炒蜆，韮菜豬紅，椒鹽鮮魷，潮式蠔仔餅，滷水雜拼同石鍋通菜個人最愛係豉椒炒蜆，一般菜館吃到的不是殼有沙石，就是大部分的蜆肉跟殼分開，導致碟上夾到的有兩成都是沒蜆肉的空殼。但呢度既炒蜆完全沒有此問題，而且廚師把蜆炒得非常入味，濃濃的豉椒汁跟蜆肉配合得天衣無縫！其他幾味菜亦十分出色，好有鑊氣，想知味道如何就快點來試試吧，保證食過返尋味呢

好耐無食過潮洲野喇，朋友介紹左呢間抵食潮洲菜館，於是約埋幾位知心好友一齊食返餐好嘅。我地一行五人，叫左1. 蠔仔肉碎粥2. 鹹菜炆門鱔3. 滷水鵝片4. 滷水鵝肝5. 潮式秘製螄蚶6. 韮菜豬紅7. 煎蠔烙8. 滷水雜併（叫滿300蚊送嘅）蠔仔肉碎粥：蠔仔十分飽滿肥大，方魚碎增加蠔仔粥的層次，成碗蠔仔粥充滿鮮甜味，推介。鹹菜炆門鱔：係正宗潮洲煮法，味道比較清爽，門鱔新鮮彈牙。滷水鵝片：雖然香港沒有新鮮鵝，但呢度的鵝片嘅肉質好似新鮮鵝肉般，有𡁻頭兼好香肉味，加埋滷水嘅咸香味，正！墊底的滷水豆腐亦十分出色，不要錯過！推介！滷水鵝肝：膽固醇萬歲！鵝肝心十分軟滑甘香🤤🤤🤤🤤潮式秘製螄蚶：呢個菜式係潮洲經典，接受到吃生螄蚶的不能錯過，呢家的醃汁十分可口且帶有獨特的玫塊花香味（同行的話似荔枝味），螄蚶洗得十分乾淨且十分肥美新鮮；老闆還特別訂購專開螄蚶的夾子，方便客人品嚐，十分細心。勁推！韮菜豬紅：豬紅煮得十分惹味，且份量很多，必點。煎蠔烙：即蠔餅，外面酥脆，內裏軟滑，每粒蠔仔都十分飽滿又有鮮味，必點！滷水雜併：雖然係送，但都唔孤寒，十分大碟，且種類很多，有墨魚、豬腸、鵝腸、腩肉、豬頭肉、豆芽、紅腸

除了雞煲，打冷也是本人特別喜愛的菜式，久不久就想食。打冷通常都係踎街邊，作為港女，有時都有心理障礙而旺角這間明記，位於山東街附近的一個「死場」，佔地3樓全層，食物唔錯，又唔使坐街邊，個人好like除了環境，他的食物有好多選擇，而且質素不錯。今次點了冷烏頭烏頭表明是本地烏頭，由於是凍食，魚本身的衛生和質素是重要的單看黃油的程度，也許不是太豐膩，但吃下來，肉很鮮味，也很軟滑另外，也點了蠔餅，這裏的蠔餅是炸得比較鬆化的做法，很香口，蠔仔也很飽滿。在外面比較少吃到的炒麵線，也是本人必點，炒得很乾身，味道不錯

朋友聚餐，多數會選尖旺銅，食店集中又多選擇。放題pizza都食到有點悶，今晚攪下新意思，去食潮州菜。餐廳位於砵蘭街180plus 商場，附近都多甜品糖水店，飯後還可以去下場食甜品呢。明記位於商場3樓佔了一整層，地方好闊敞，坐得好舒服，好適合家庭或大班朋友聚會。餐廳食物種類繁多，大部分為潮州菜式，亦有少量廣東菜，照顧不同口味。我們點了；大蠔仔肉碎粥：滿滿的一大鍋，鋪滿飽滿的蠔仔，少許方魚肉碎點綴，鮮甜無比，喜愛蠔的我絕對啱口味。鹵水鵝片：肉很多又大塊，肉得香有肉汁，勝價比高！鹵水味濃但唔咸。祕製獅庵：生餣的獅庵，外殼很雪白乾淨感覺良好，用蒜，酒餣過的獅庵鮮甜又惹味，店員還提供一個為開獅庵而設計的鉗，食得方便又有趣。鹵水鵝肝：甘醇香，質地鬆軟，送酒一流。另外食滿3百元還送鹵味拼盤，鵝腸，墨魚，豬大腸...等，全部都十分出色，不會因為贈送而偷工減料。最後值得一提餐廳員工，對食物款色用料清楚，有禮貌又招呼週到，朋友們都感非常滿意，大家都過了個愉快週末。

最近見涼涼地，就係食打冷的好季節！同一班朋友特別約咗喺旺角一帶咁方便嘅地方去打冷，平日星期三去都已經人頭湧湧，可見店入面的吸引力！招牌蜆煲由於食材好新鮮，所以唔使點加調味料都好鮮味。呢一個招牌蜆煲都係冇介紹錯，百分百食到蜆的咸香！啫啫通菜煲上枱嘅時候仲係熱辣辣，呢個絕對係一個加分為。通菜份量都幾多，加上熱鍋上，新鮮熱辣好好食。蠔餅上堂嘅時候唔多夠熱，不過勝在外皮好鬆脆，食落絲絲蛋香，而且每一口都係蠔仔。食夠$300仲送滷水拼盤。滷水拼盤乜嘢都有，可以每一樣都試啲。有埋大豆芽墊底，睇落份量都幾多。

身為潮州人，梗係鍾意食潮州嘢，但係一般嘅潮州打冷通常都係街邊或者大排檔，當然唔會坐得好舒服。呢間位於旺角砵蘭街一商場內嘅明記潮館就坐得非常舒服，無論係三五知己定一大棚人，都有充足嘅座位。仲要每枱之間隔得幾遠，好有私隱度，傾計傾一晚嘅好選擇。潮州嘢最好食嘅係滷水鵝，滷水豬腸鵝腸等美食，呢家真係做得唔錯！呢碟滷水拼盤大夾夾好食，墨魚片同鵝腸好爽口，其他嘅滷水非常之入味，但係又唔會過鹹。值得一讚嘅係佢嘅韭菜豬紅，一大湯碗，面頭全部係豬紅，下面嘅韭菜亦都好嫩口，食完係冇渣嘅！好味程度係食完一兜，朋友堅持再叫多一兜。佢嘅蠔餅非常之脆，有啲係炸嘅感覺。但就比較乾身，唔會食到成口油。最正嘅係佢有生啤提供，如果三五知己都飲得，建議叫最大份量嘅啤酒，兩公升都幾襟飲。

同幾個朋友去食飯，又想可以暢所欲言咁樣傾計，普通嘅西餐廳日本菜格調難免會令人感覺拘謹，今日就同朋友去咗旺角朗豪坊附近一個商場，試吓潮州菜，同班朋友打下冷。唔係朋友帶路，都唔知呢個商場嘅2樓原來有一間潮州菜。坐低之後來一杯熱茶。環境同一般係街邊嘅潮州鋪唔同，呢度坐得舒服，又有冷氣。空間大致寬敞，唔會貼都好埋。打冷又點可以冇咗潮州凍魚呢？除咗烏頭、牙帶之外，仲有大眼雞。朋友係愛魚之人，叫咗一條，滿足佢胃口。肉質食落去厚實，唔需要多加調味料，都感受到那種鮮味。黃金魷魚上枱時感覺有點油，可能油溫未夠熱。食落去鹹蛋黃充分包住魷魚，魷魚彈牙得來好鮮味！鹹蛋黃做了畫龍點睛之效。呢碗蠔仔肉碎粥，有大細選擇！可惜唔係幾夠熱，有啲失色。。凡在明記惠顧夠$300即刻送滷水雜錦一碟！同兩三個朋友食，絕對會過呢個數。同朋友嚟食飯，最緊要其實都係氣氛！呢度最啱一大班人傾下計！

平時好鍾意同D朋友去食潮州打冷，尤其鍾意食煎蠔餅同蠔仔粥呢啲麻甩佬野。今次就約咗幾個麻甩到去旺角試一試新開嘅明記潮館，我哋食開佢荃灣嘅總店多年，今次試吓佢嘅新店。呢間潮館非常之大，座位好闊落寬敞，最吸引嘅一入到去即刻叫咗一座啤酒塔，有成2L咁多，不過四個人飲啱啱好。一個啤酒塔都係二百零蚊，仲係日本Asahi 生啤！食物方面我哋叫咗一個孖寶套餐，包括滷水鵝半隻及炒龍躉。只係兩百幾元，抵食！另外加咗滷水拼盤、韭菜豬紅、黃金鮮魷。當然唔少得就係我嘅至愛煎蠔餅同蠔仔粥。佢嘅食物質素非常之正，不得不讚佢個韭菜朱紅非常入味，好大碗豬紅！仲有個炒龍躉好厚身好大塊肉。