明記潮館 (砵蘭180+商場)

营业中

休息中

今日同朋友聚餐，因為朋友試過話唔算，所以選擇咗呢間潮州打冷鋪。位於商場3樓，途中經過頹垣敗瓦嘅2樓，如唔係有標示，我真係以為fake 我。上到去地方企理整齊，比傳統打冷鋪乾淨點菜時人手不太足夠，等咗一段時間先有侍應落單。不過落單後上菜速度亦算快速，唔使等好耐餸菜陸續上枱。我地點咗:蒸烏頭 - 選用元朗烏頭，魚內臟清除洗淨後同檸檬一齊蒸，沒有泥味。黃金魷魚 - 鹹蛋黃包裹魷魚，味道點都係夾。食落唔算油膩。韭菜豬紅 - 豬紅份量足，味道足夠。唯獨韭菜有點少。蠔仔粥 - 蠔仔唔算少，而且加入柴魚，令粥香口。豉椒炒蜆 - 蜆夠大隻，肉質飽滿。味道反而有點不足，生粉芡汁有點重手。水煮牛 - 夠麻，辣度適中。牛肉偏少，薯粉短少。西蘭花炒帶子 - 西蘭花爽脆唔過火，帶子唔會過熟帶肉汁。滷水拼盤 - 墨魚、鵝腸、紅腸、大荳芽菜…等。滷水不太夠。胡椒豬肚湯 - 鹹味夠，但唔夠鹹菜的酸味。有辣味，但胡椒味不夠。明記招牌炒飯 - 夠香口，飯亦算乾身，連同石鍋上枱，夠晒熱。各樣餸菜味道不錯，只係太多味精，未離開餐廳已經飲咗4杯茶。另外覺得要改善一下侍應態度，因為我地有朋友有啲感冒，所以想問侍應拎多幾對筷子做公

明記潮館，令到我對潮州打冷嘅印象，完全改觀打冷通常會諗起大排檔， 通常喺市政大廈 ， 侍應多數係叔叔 又或者好似喺九龍城樂口福， 這些比較傳統的食肆。行完會展之後，大家都諗唔到食乜嘢， 最後朋友推介食潮州嘢， 揀咗明記潮館所以大家又浩浩蕩蕩返到去旺角。餐廳比我想像的企理闊落好多。有幾間唔同主題嘅特色房 ，仲有卡位， 真係唔錯。我哋嗌咗五個餸， 潮州蠔仔粥 、 韭菜豬紅 、 燒汁脆牛腩 、 啫啫通菜 、 椒鹽九肚魚 。食滿300蚊再送一個潮州拼盤，真係好抵呀。燒汁脆牛腩， 要趁熱食凍咗會韌， 呢個唔算特別好食， 而且比較貴要168蚊。椒鹽九肚魚， 外脆內軟， 保持到魚既嫩滑， 而且椒鹽味唔會太鹹。 潮州蠔仔粥，我哋嗌咗個大嘅， 份量真係好足， 大約每人可以分到兩小碗。 而且啲蠔仔好新鮮。啫啫通菜， 石鍋熱辣辣上枱， 非常惹味。韭菜豬紅， 因為我唔鍾意食豬紅，所以唔知道好唔好食。另外仲有個食滿300蚊以上就會送嘅拼盤。有墨魚、紅腸、鵝腸、鹹菜、雞腎，份量都唔算少。

我本身都好喜歡打冷，因為可以同朋友談好耐~加上食物比較惹味，所以有時同朋友食飯都去開食打冷~去OP見到哩間比較新的明記潮館，所以就同朋友去食一下打冷，飲下青島，上到去，環境好大好乾淨，蠔粥，蠔餅，"九"菜豬紅同埋十多年無食的炸白飯魚了~蠔粥味道淡淡的，我覺得可以，蠔仔都肥美，蠔餅好像食緊天婦羅的感覺，不太油，但我覺得實感馬馬~"九"菜豬紅一般，炸白飯魚好香脆，送酒一流，最開心同朋友叫左一支青島，談下心事，明記潮館整體感覺食物OK我同朋友食左280蚊到,人均140到就可以食到飽，真的有機會都會再來食下的。同朋友吹水一流。

一諗起潮州食物，小編第一時間就諗起滷水拼盤同埋蠔餅，前者就大路菜式簡單但好味！後者就好食嘅話，就知道嗰間餐廳功架夠唔夠⋯🙂呢間餐廳屬於後者，晚飯時間全場爆滿，幾乎每枱都有叫蠔餅，大概係招牌菜啦！🤔 粉少蠔多，而且極香脆！呢種蠔餅預咗多油會好膩⋯但食落完全唔會，蘸咗少許醋之後，解咗嗰種油膩感！每一盤面頭都會灑滿大量炸漿&蔥碎，增加多啲口感！🤨再加上佢唔鹹，食落又唔油膩&滯，小編連續食咗3件⋯真係好好食，掂呀！😍-INS:90sfoodie_carman

地方夠大, 坐都算寬. 有小小酒樓格局, 有別一般打冷大排檔.衛生黎講一般, 唔係太乾淨.野食黎講, 大致都OK.生醃螄蚶, 好鮮味, 推介. 最傳統食用螄蚶的方式是用沸水輕輕灼一下，僅兩三成熟，肉還黐着殼，和血水一併吞之。而潮州人最常的煮法是用豉油、辣椒、蒜頭、芫荽及少許酒和醋生浸一夜.滷水拼盤, 不過不失, 唔係3好食, 又唔係難食咁. 咩都有D, 想試唔想野可以一試.酸菜門鱔, 好唔抵食, 得4, 5舊魚, 仲要係D邊皮, 骨位

旺角高質打冷/小炒，聚會好地方！.第一次食呢間，朋友冇介紹錯👍🏻有時一班人食飯諗地方的確幾頭痕，又要岩大家食既野，又要就腳，又要經濟實惠，又要間餐廳坐到多人等等😂.琴晚去呢間gathering，餐廳都有好多booking 了，好彩我地都有booking 位。.8個人叫左10個餸，碟碟大碟，體整味道都算好，係值得encore 同推介朋友去的🤤.其中，我覺得麻辣四季豆、小炒皇、炸牛腩、蠔餅同明記招牌炒飯都好出色！大家都一致讚好！👅.切餅費$50當天人均消費$180左右Btw部分店員服務欠佳，又吹住我地埋單交台😂.

平時食得西餐啊日本菜韓國菜太多，突然之間好想食返啲地道野，今日見收工遲咗，又係星期五晚，好想同一班老友出去打冷食飯先～時間都唔早就約大家去一個中心位旺角，咁食到幾夜都唔怕冇車搭交通方便啲👍🏻👍🏻一坐低就有碗靚湯飲下其實打冷離不開都係嗰幾味餸，但係今次最值得讚嘅就係豉椒炒蜆好有鑊氣😋😋送埋啤酒真係一流😍😍仲有滷水拼盤，一下子俾我哋清晒🙈🙈仲有叫得啤酒都想食啲煎炸熱野黎送酒啦，個煎蠔餅都一定要嗌，夠晒香口👏🏻👏🏻之後叫埋個肉鬆四季豆，可以食下菜健康少少☺️仲有值得一讚嘅就係呢間打冷喺室內嘅，無論咩天氣就算大熱天時都有冷氣嘆👌👌下次再食打冷嘅話就打返旺角呢一間👍🏻👍🏻

呢間打冷已經食過數次 算系不錯的一間打冷食店每枱必有前菜一小碟 味道正常 是日四人點了三款食物（送一餸）但都食到個個捧腹 分別是羊腩煲 韭菜豬紅 啫啫通菜煲 仲有送的滷味拼盤每次打冷豬紅都是必點之物 呢道菜同以往水準一樣都是非常入味而且分量不小比其他店來說是一份半至兩份的份量 啫啫通菜煲味道不錯，有鍋氣，上枱時炸炸聲又出晒煙滷味拼盤雖系送的 但分量一點也不少 新鮮爽口羊腩煲系今餐伏位 味道淡 肉質有點似煲湯肉 全靠腐乳加強味道

最近發覺自己好耐冇食潮州野啦，最近有時間，一於就去係旺角地鐵站出咗幾分鐘就到既明記晚膳。入到去覺得非常之舒服，整潔企理。打開餐牌，應有盡有，一於樣樣都叫啲先！首先我哋叫了一套晚飯孖寶豉汁蒸白鱔其實白鱔係一樣非常難預備的菜式，估不到佢可以準備到一啲泥味都無，調味又剛剛好，吃得出白鱔的鮮味，正！滷水鵝來到梗係要叫一碟滷水鵝，滷水汁絕對好好，有入味之餘又無味精的感覺。滷水鵝味夠香濃夠口感，令人有一吃再吃的衝動。蠔仔粥(小)粥底非常之好，夠味。成大窩粥熱辣辣上枱。蠔仔乾淨，無沙，另一樣推介之選。滷水拼盤(小）因為我哋食夠錢仲送個拼盤比我哋添，認真不錯。雖然係送嘅但係份量絕對唔少，啖啖肉。同滷水鵝一樣佢嘅滷水值得回味，喜愛樣樣都是吃一點的話，絕對係一個好選擇。

同朋友喺旺角聚會，某人話想食打冷，就來試試呢間明記潮館<3 叫左個招牌炸蠔餅，炸得十分鬆脆，蠔夠多，非常足料抵食，必試❤︎ 再試埋個滷水拼盤，鵝片新鮮脆口，鵝腸處理得好乾淨，無污糟嘢之餘，連多餘肥膏都無，滷水汁醃得好入味❤︎另外仲有個烏頭，又係好新鮮，仲有黃油喺入面！一人加多個白粥，非常完美！想講一講，呢間舖頭超大，行入去見到「哇」左一聲，十分之闊落！真是好適合一大班friends gathering ，慢慢吹水慢慢坐

4個女仔圍埋一堆去搵食，在旺角鬧市真係很多選擇，有人提議日本菜、泰菜……我就突然一想，不如試吓潮州菜，竟然大家都沒反對，但大家又唔想找大排檔，怕有人食煙，而且污糟。所以揀咗明記潮館，都算係比較新式嘅潮州菜館。4個大胃女仔，叫咗2份孖寶，有雞、有魚、有蟹、有蠔……另加一碟瑤柱扒豆苗，一兜胡椒咸菜豬肚湯，為今晚晚餐劃上一個完美又豐盛嘅句號。新派潮州菜，但味道和賣相都很好，服務也有別於一般大排檔，起碼不會粗聲粗氣叫你落單。開心的晚餐~~

一直好期待去明記潮館食飯！位於係二樓既明記，同其他舊式既潮州館好唔同，坐得比較舒服同埋環境非常衛生。光線明亮，充滿舊香港色彩，裝修得好好！晚飯時候一入到去，見到幾乎滿座，經理好熱情，好快就比咗張四人枱我地。所有員工態度都好好，值得一讚！餐牌有包羅萬有既傳統潮州菜🤤諗左一陣，叫左條馬友，豉油大蝦，炒蜆仔，😻好快就上菜。野食完全無味精，一啲都唔油，好鮮甜好入味🤤整體黎講，係明記食飯感覺好舒服，氣氛好好。每次黎食飯都覺得好好味，材料質素非常好👍🏻非常值得推介既潮州菜館🤞🏻

週未晚黎到旺角搵食，聽講有間叫「明記潮館」嘅打冷野唔錯，就決定試一試。呢間餐廳位於砵蘭街近小米同行人隧道，成個商場無商店剩係得明記地方幾闊落！唔駛同人迫夠$300送鹵水拼盤一碟四個人可以試多幾款菜黃金鮮魷味道還可以，不過咸蛋味唔夠蠔餅新鮮炸好，夠鬆脆，蠔份量較少胡椒豬肚湯勁多料味道如果可以再辣d硬好芥蘭都唔錯，夠爽口蝦仁 🍤就一般般，唔鮮味，個汁調得唔好食唔推介鹵水拼盤，送嘅野不要有期望～$800落樓，總括黎講，性價比唔算高

好多香港人鐘意打冷，明記潮館係旺角開咗間佔地好大既潮州菜餐廳，方便了很多人覓食。呢間餐廳出面有好大既廣告牌，好易望到，本身以為新開既餐廳不會太多人，點知一上到去見已坐滿9成，生意非常好。前菜係潮州菜必有既菜莆及炸魚仔，菜莆爽脆，很開胃。鹵水鵝 - 鹵水不會太咸，但鹵得入味，而且鵝肉鮮嫩無骨，非常方便食用。白切新鮮走地雞 - 比起平時既雞，雞肉味更突出，由於係走地雞的原故，肉質更加實淨，而且雞皮較簿，沒有太多油脂。打冷唔食蠔仔粥，好似差d野咁，細粥分量不是太多，但夠3個人食，隔離枱見到我地既蠔仔粥，亦忍唔住叫返碗，蠔仔粥很鮮甜，蠔仔脹卜卜很juicy，粥既米飯亦系粒粒分明。

約了久未見面朋友聚舊，大家都想找一間可以慢慢坐傾計餐廳，朋友推介這間位於旺角的明記潮館，很久之前已經試過他們的荃灣總店，見有新開分店一於試試！餐廳設計走懷舊風格，有如身在舊香港，而且每張台之間都有充足空間，十分適合朋友相聚來到潮式打冷當然要點滷水食品，滷水鵝有大大隻餓脾，而且滷得入味，吃得十分滿足！螄蚶亦有驚喜，份量什多，加上少少辣味吊味，又夠新鮮，極之美味！推介大家必點蠔仔粥蠔量多，而且粒粒飽滿，很好吃每檯點滿$300送一個滷水併盤，又係抵吃得不得了，有齊魷魚、大腸、豬頭肉等必備配搭，沒有因為免費偷工減料，很難得這間高水準潮州打冷值得推薦！