明記潮館 (砵蘭180+商場)

营业中

休息中

事緣今日收工諗住落旺角食完飯去行下街買件新年衫其實都唔知食乜嘢好 突然諗起王角應該有好多打冷 咁就上openrice睇下見到呢一間好似好多人都話好食 個心入面都有諗一諗係咪真㗎？ 不過唔緊要啦好食就好食就會再食唔好食都係一次啫 咁跟住放咗工大概六點幾就去到明記打冷 嘩估唔到六點幾已經好多人 仲有好多一圍圍大圍嘅人食飯嗰啲應該唔係遊客個個都係香港人講流利嘅廣東話我覺得最好食係鹵水鵝片跟住就係豬紅然之後呢因為佢話我嗌夠三百蚊就送咗一碟鹵水拼盤畀我 仲嗌咗一個炒蜆同埋豪仔粥 我就覺得炒蜆就最唔好食啦 覺得有啲腥味我諗嗰個蜆唔係即刻炒嘅可能係翻翻熱畀我哋食嘅 大致上呢一餐真係好滿意不過唔知係咪味精係好鹹食完之後個口好乾好乾跟住我行街嘅時候都買多支茶飲總括嚟講我覺得好好味 係個蜆真係麻麻地 大家如果係都要早少少去因為我七點幾嘅走嘅時候已經超級多人係成場都係人爆枱嗰種

今日同男朋友係朗豪坊行完街睇完戲男朋友話之前係附近試過間潮洲菜唔錯就帶左我去依間食明記潮館潮州打冷依間潮州菜館環境好大 家庭聚會最合適 一入去店員就安排最入其中一間房既座位俾我哋小菜有鹹菜同花生鹹菜味道獨特 有回憶既味道花生香口 不禁食完一粒又一粒滷水鵝片鵝片肉質嫩滑 大大塊點上酸醋汁 冇得頂 食潮州菜必點呀鵝片底仲有滷水豆腐同花生 份量十足蒜蓉蒸海蝦海蝦開邊 方便食用新鮮海蝦上舖滿蒜蓉 味道出色同男朋友食得好滋味虎皮三蔬三蔬包括四季豆、尖椒同苦瓜一次過可以食晒三款蔬菜 唔錯點滿三百蚊仲送左碟滷水拼盤拼盤包括魷魚、鵝腸、豬耳、紅腸、豬腸同豬腩片 底部仲舖有芽菜 雖然係送既 但一點都不馬虎 大碟又豐富 我就尤愛鮮嫩既魷魚 男朋友就鍾意爽口既鵝腸-兩個人 點左三道菜式 再送左一大碟食到好飽 好抵食 而味道正宗 好有潮州風味

西餐、日本菜食到悶悶地同男朋友行完旺角朗豪坊上網search到附近有間有好多好評既潮州打冷一於同男朋友去浪漫一番店舖好大，而且裝修係以大排擋為主都幾有特色門口已經見到食滿$300 就會送一客滷水雜拼既優惠正呀食潮州野當然要點凍烏頭 （$188） 配上豆瓣醬汁輕輕打開層魚皮，已經見到鋪滿黃油魚肉食落肉質嫩滑鮮甜，而且口感結實唔會一夾就散滷水雜拼雖然係送，但都幾豐富有紅腸、豬耳，墨魚，鵝腸，豬腩肉滷得入味，而且嚼勁十足海味粉絲什菜煲 （$98）用上3種唔同蔬菜同多款海味乾 去煮一打開煲蓋已經聞到好香而且底部仲有粉絲，粉絲索哂d 海味鮮味值得推薦煲仔焗大蜆 （$98）蜆份量足而且隻隻都好飽滿煮法簡單但可以食到本身蜆既鮮味埋單人均$200 已經飽到食唔哂呢度款式多，份量足好岩一大班朋友或家人叫多幾個餸開心share

今日同朋友喺旺角附近搵嘢食，行到去朗豪坊附近嘅一個商場，見到有間大型打冷店，於是就入去試一試。 入面全層都係打冷店，樓面好大，坐得都幾舒服同鬆動，我哋叫咗個蠔仔肉碎粥，奇味雞煲，三隻紐西蘭活元貝，近期佢哋做優惠，仲送咗個鹵水拼盤。 首先鹵水拼盤送上，入面有鵝腸，紅腸，芽菜，豬大腸，豬肉等等唔同嘅滷水食物，鵝腸豬大腸好爽口同埋彈牙，全部都好入味。 之後奇味雞煲送上，雞煲味道好香，啲雞好入味，啲雞肉都好鮮嫩，幾特別嘅一道菜。 之後係紐西蘭活元貝，我哋係用蒜蓉蒸粉絲嘅方法去處理三隻元貝，啲粉絲好入味，蒜蓉同埋元貝嘅味好夾。 最後係蠔仔粥，我哋叫咗小份量嘅蠔仔粥，蠔仔味道好新鮮，個粥味道好清甜。

「明記潮館」位於旺角朗豪坊前一條街的砵蘭街180＋商場3樓，商場外牆有超巨型招牌。「明記」24小時營業，凌晨也不怕《無啖好食》...... 晚市孖寶套餐(上圖)確實較划算，已涵蓋大部份必食潮州菜式 。鹵水鵝片 ($148): 鵝片肥美厚肉，肉質滑嫩，鵝味適中，但未達非常濃郁，而鹵水味道亦不會過咸，有助提鮮。凍烏頭 ($188): 採用元朗楊氏烏頭 (還附吊牌)，肉嫩肥美，含豐富黃油，魚油味蠻重。烏頭頗大條，足夠4-6人享用。砵酒焗鱔球 ($188): 一客共有六件，無骨的鱔球炸至十分香酥，砵酒味突出，但稍微遮蓋鱔的鮮味。加多寶 / 王老吉，兩者對我來說沒有分別，味道也是一樣，清爽解渴，甜版涼茶。

今日特地帶外地朋友去試地道的潮洲打冷，即時想起明記潮館。早於一星期前就打黎book位，可見我幾有誠意！今次叫了黃金鮮魷，清炒油麥菜，班腩煲同叫滿300蚊會送滷水雜拼。清炒油麥菜一上枱，已經唔合格。因為係好明顯見到係燶左，炒到黑哂，唔太滿意。滷水雜拼跟住上，可惜，芽菜多過主角，誠意麻麻，鵝腸好un，口感一般，好彩唔洗比錢額外叫。黃金鮮魷係我最期待既，好彩，仲有佢加分，有咸蛋黃味！不過不失啦！至於全場最貴既班腩煲$188，真係好一般。表皮唔脆口，涼瓜明明係配角但多到蓋哂d班腩，我睇唔透。唔建議叫呢味。

又到季度聚會，每次都頭痕吃什麼，入冬而來吃膩火鍋了，今次話事人挑選了小菜打冷位於旺角砵蘭180大廈3樓，離鐵路站約5分鐘腳程，算便利。餐廳屬旗艦店，裝修設計走懷舊風，明亮乾淨舒服，服務員反應快友善，會不時換碟又幫忙起魚骨，值得一讚當晚有好幾個優惠套餐，4個人唔算太大食，點了兩個套餐加一個菜，已經食到好飽。白切走地雞配薑蔥粉絲蟹煲- 走地雞好嫩滑，但雞肉質有咬口彈牙，好鮮美，正粉絲煮得好乾身且不油膩，大大隻肉蟹更是重殼蟹，啖啖蟹肉鮮甜好食，正砵酒焗蠔配凍烏頭魚-桶蠔大隻先被炸得香脆再加砵酒焗，仍保留外脆皮內鮮甜不腥，正而烏頭魚來自元朗，魚尾還附有出世證明，食得放心整體來說：地點佳，服務貼心，環境坐得舒服，食物質素佳，回頭指數

4個人走去麻甩打冷，朋友話呢間食過好好食，咁就走去食啦，佢叫夠300蚊可以送一個雜錦拼盤，我地仲叫左豬紅，好好食！辣辣地但都幾咸下，哈哈。仲叫左蠔餅，個人覺得蠔比較少，粉就好多咁，麻麻地......另外，我地仲叫左上湯豆苗，但係都幾油下，豆苗係幾好食既；最後仲叫左一個椒鹽白飯魚，不過不失。食評係冇d人講到咁好食既，名過於實，但隻1664好好味，最後埋單成600幾700。

今晚同媽媽係旺角行完街，帶左媽媽去食拒最中意既潮州打冷打冷唔單止適合一班朋友聚會，更適合帶長輩去食！一黎有好多熱食，老人家唔太喜歡生冷野嘛二黎比傳統中菜有特色，算係老少咸宜既餐廳餐牌有好幾版，選擇甚為豐富而且餐廳好貼心推出左唔同套餐，例如一配二，就可享有優惠價食打冷點可以無韮菜豬紅！呢到既豬紅，單睇賣相已經知道好入味，色澤深紅，豬紅全部大件，不會碎碎小小而且韭菜亦非常嫩口，咬落去無渣值90分本人好中意食海鮮，尤其是炒蜆基本上餐廳有炒蜆，我都一定會叫明記炒蜆份量多，每隻蜆都真材實料，蜆肉厚身，唔似得其他餐廳咁多空殼～再來味道幾有鍋氣，但又可以控制到d蜆唔會太老，師傅手勢幾唔錯！兩個女人加左細既蠔仔粥，侍應好貼心，一上檯就幫我地每人裝一碗，完全唔洗自己郁手，服務一流因為侍應姐姐太快手啦，所以呢張相係【相機食後】蠔仔非常新鮮，隻隻都夠曬飽滿，配料有芫西，香味提升左好多！估唔到仲有魚方，令個粥更有咬口！呢個係免費送架～～消費滿$300就有免費鹵水拼盤送，有齊墨魚、紅腸、鵝腸、豬頭肉等等完全比足料媽媽大讚鵝腸好肥美，但又夠曬彈牙，係屋企真系煮唔到呢個水準年紀大左，出街食飯總要叫返個菜感覺上健康d

今日拎到間潮式打冷同媽媽、男友一起吃，初時以為普通餐廳，到店後，原來是全層（！），環境企理！我們點了蠔仔粥，聽伙記哥哥的提示，先點小的，呵呵，太足料了！份量很有驚喜，蠔肉多、還有方魚！韮菜豬紅又是男友至愛，他表示很不錯，因為很夠味，有街頭小食的感覺！蠔餅很鬆化、蠔肉份量大方！只是約一百元！正宗大件又抵食！薑蔥焗蠔，又是媽媽最愛！魚肉新鮮，夠鑊氣呢！這雜拼是亮點亮點！食夠$300 就送！太感動！真是每樣都有，即使是鵝肝，都有！份量多、又俱全！石窩油墨菜，夠熱！有鑊氣！

今日工人放假﹐一家三口出旺角逛逛食晚飯﹐遠處已經看到明記潮館超大明亮的招牌﹐於是決定入去一試﹐明記潮館位於重新裝修的商厦「砵蘭180+商場」3樓﹐餐牌的款式也有很多選擇﹐有秋冬必備的雞煲、羊肉煲、花蛤蟹煲及火鍋﹐還有潮州菜優惠推介多款選擇﹐老公選了孖寶C 招牌滷水鵝片+涼瓜龍蠆頭腩﹐及古法羊腩煲(細)。落單後﹐服務員說凡堂食惠顧食品每檯消費滿300元便送一碟滷水拼盆。該碟滷水拼盆份量也不少﹐當中有紅腸、豬腸、鵝腸、滷肉及墨魚﹐一點都不馬虎﹐而滷水汁調味也不錯﹐鵝片砌薄片每件差不多厚度﹐可見師傅刀工技巧厲害。孖寶餐另一味是涼瓜龍躉﹐足料大大碟﹐涼瓜煮得好食﹐不是每個廚師都能掌握到的﹐這間不錯﹐涼瓜爽口味帶甘﹐喜歡食涼瓜的人一定讚不絕口﹐至於龍蠆頭腩夠新鮮啖啖鮮味﹐最後細羊腩煲﹐一點都不細﹐份量足夠4人份量﹐還跟一盆生菜﹐每件都大大件有咬口﹐且並沒有羊肉的膻味﹐可惜美中不足是羊肉不夠腍身﹐如燜煮多一點時間一定會更好食。三口子飽肚腸肥埋單都只是$750不到﹐如果多2個人也足夠份量﹐超值。喜歡摸著酒杯吹下水﹐10點後啤酒買二送一。

話說我已經係第二次幫襯呢一間打冷舖頭，上一次係我好朋友帶我嚟食，位置就腳，喺正砵蘭街朗豪坊斜對面🤘🏽今次同女朋友去完夜街，又唔想食打邊爐咁heavy，就帶佢去食打冷喇！由於我哋去到嘅時候已經成10點，所以都唔使等位上到去任坐。其實我哋兩個人都叫咗幾多嘢食🤭 ——————————✅韭菜豬紅：完美嘅配搭基本上我每次食潮州嘢我一定會叫！豬紅非常之有咬口，配埋韭菜絕對係爽爽爽。而且佢嘅底汁都非常之濃郁🤗✅蠔仔肉碎粥：唔計方魚肉碎粥，豪仔肉碎粥就係我嘅number 2。大大粒嘅蠔仔，加上熱辣辣嘅潮州粥，冬天食絕對啱晒（不過侍應阿姐太過熱情❤️佢好開心咁走埋嚟幫我地分落碗仔，但係我係唔食芫荽㗎！！😭）✅滷水鵝片：每一塊都有我手掌咁大，厚薄均勻，亦都有豆腐放底，點買辣椒油絕對一流🤤✅潮式秘製螄蚶：又係啖啖肉，加埋佢嘅秘製配方，酸味味幾好入口👍🏽（ps 我女朋友唔識用個鉗開殼）——————————另外只要全單消費滿$300就會送一份滷水拼盤👍🏽 份量一啲都唔少咖！最後梗係食到捧住個肚走啦🥺🤩——————————食物質素：9/10環境衛生：6/10舒適度：7/10服務：8/10 性價比：9/10總評分：7

行經砵蘭街見到一個偌大的招牌，潮州菜真係好耐冇食呀！ 決定晚飯就食呢間喇！環境裝修雅緻，地方夠大，保留大排檔的風味。入面仲有一個好大的'漁人碼頭'， 有好多新鮮嘅海鮮， 任君選擇。今日胃口特別好，2個人點了3個餸及各人1個粥，無留意滿$300元仲有鹵水拼盤奉送， 今餐真係豐富 ，餸菜放滿枱，食得飽飽！招牌鹵水鵝片，有豆腐墊底，鹵水汁味道適中， 鵝肉夠嫩。涼瓜炆龍躉頭腩， 龍躉大大件啖啖肉。春菜腩肉， 潮州家常菜之一， 簡單又美味。鹵水拼盤 ， 久違的鵝腸，豬腸……，一件一件送入口，放肆地食。白粥是一流的配搭

今晚到旺角「明記潮館」吃晚飯，因為看見在「砵蘭180+商場」地面近大門口處，有張大海報顯示惠顧堂食滿$300有滷水拼盤一碟贈送。五位以下送中份，六人以上送大份。我們先從大門口處向女服務員取已訂的座位編號，再從扶手電梯上到商場三樓，潮館佔據三樓全層，除一邊大堂，另一邊分間格似貨櫃箱的卡座位、4-6細圓枱和有私人空間房間，晚飯時間幾乎滿座。我和同行年輕人有機會一嘗馳名潮洲滷水感到蠻開心的，鵝腸、豬大腸和紅腸對年輕人來說，有點點的陌生，今餐有機會畀佢哋認識和品嚐，還有墨魚片和美味的大豆芽菜，免費滷水拼盤份量也十足。我們還點選咗黃金鮮魷$138，沙爹牛肉炒芥蘭$108，芝士海蝦伊麵$168。黃澄澄起沙鹹蛋黃緊緊包裹肉質鮮爽的魷魚，入口咁香，起沙鹹蛋黃和鮮魷是美味的最佳拍檔，也是最邪惡的拍檔！我們開開心心幹掉那邪惡的拍檔！沙爹牛肉炒芥蘭，除了嫩滑牛肉，很有菜味的芥蘭很受我們歡迎，切得細小段的芥蘭，容易咀嚼之外，入口爽脆美味。芝士海蝦伊麵，很欣賞海蝦背部已經界開去腸，焗好的芝士海蝦伊麵賣相靚靚，去蝦殼的同時，飄揚著走油後再焗海蝦的香氣，十分吸引，惟一美中不足是焗芝士之下的伊麵比較乾身，如果有少許上

朋友生日話想去啲無咁拘束嘅地方😂咁仲唔係去大排檔！但咁凍再去室外食好易gg😪所以都係揀番間暖暖地嘅第一次黎呢間 係Portland 180樓上 有啲難搵朋友兜左幾個圈都搵唔到😂 其實勁大個banner係外墻入到去商場周地都係指示點去明記 啲指示好頻密😂入到去見到勁大個漁人碼頭同打冷部open kitchen 好有feel 💪🏻原本諗住叫明記雜拼 點知waiter同我地講叫滿$300 免費送 抵到喊所以我地首先叫左條是日特惠精選 大眼雞凍食啲肉身好厚實 新鮮無腥味😏煲仔焗蜆上菜快速 三分鐘就到雖然我嫌佢味道偏淡 但係新鮮搭救 淨食鮮味送嘅拼盤打冷一定有番碟充撐場面煲仔菜都好有鍋氣☺️仲叫左三碗靚仔大飽口福😋😋