明記潮館 (砵蘭180+商場)

营业中

休息中

同朋友聚會，打冷的確係一個唔錯嘅選擇，唔會有限時，可以同朋友慢慢暢談。今次去左 “明記潮館”，依家食滿$300就送一碟鹵水拼盤，抵呀! 我地叫左四樣小菜: 蠔餅，石鍋通菜，椒鹽鮮魷同埋豉椒炒蜆。蠔餅係炸過脆卜卜的，好香口，而且啲蠔都幾大粒，不過粉有啲厚。椒鹽鮮魷啲粉唔厚，魷魚一啲都唔un，唔會太咸，味道岩岩好。石鍋通菜熱辣辣送上，菜唔會太淋，煮得非常入味，正!!豉椒炒蜆，啲蜆係無沙的!! 但味道偏淡。整體都唔錯，埋單大約$650，可以再去食

今日星期一同兩個朋友去開旺角, 四圍都係人, 又唔想食譚仔, 有人提意去打冷~ 我突然醒起係砵蘭街個邊有一座無人租既商場, 近排改裝咗做餐廳有間叫"明記潮館" 主打係潮州打冷野, 成日經過都見到佢d廣告, 想試好耐, 今晚就試下佢啦~ 上到去間野都幾大間, 8成入座, 有卡位的~ 坐得幾舒服~ 睇下餐版又唔費喎~ 滷水鵝$128, 細蠔仔粥$58, 炸蠔餅$98, 九菜豬紅$68, 重點黎啦, 係佢食滿300蚊送滷水併盤一個, 成件事扺上加扺~ 首先講下佢個滷水鵝好入味, 鵝肉一D都唔老~ 好甘香~ 蠔仔粥, 蠔仔好新鮮, 仲有方魚碎~ 更加香口, 炸蠔餅--蠔仔一樣咁新鮮, 炸漿不太厚, 非常足料, 九菜豬紅---一碗真係大到嚇親~ 滿滿一大碗~ 好入味, 好惹味~ 正~ 值得推介~ GOOD~

秋冬季節最愛打冷，可以坐街邊吹吹風，又可以感受到香港風味，但最近食環不停檢控，所以已經好少可以坐街邊嘅食店。不過都無阻我喜愛打冷嘅熱情，今晚一於去樓上打冷店大吃一餐。餐廳位於砵蘭街內，位置非常顯眼，招牌明亮寬敞，店內空間廣闊，枱與枱之間有一定距離，而且裝修乾淨舒適，同舊式打冷店感覺好唔同，真的舒服很多。店內同一般打冷店一樣將小食，潮州冷盤全部放出黎供食客挑選，而餐牌就有各式各樣嘅小菜，小炒等等，包羅萬有，任勻選擇！打冷必食之選當然係滷水小食，今次就揀咗個雙拼滷水。滷水鵝片拼墨魚鵝片色凙漂亮，肉質鮮嫩，入口甘香軟嫩，滷水非常入味，好好食呀！而墨魚爽嫩有咬口，鮮甜味十足，再沾上少少酸調味，更加滋味！白飯魚煎蛋蛋皮濕潤又軟嫩，蛋味香濃，白飯魚大大條，肉質軟綿鮮甜！蠔仔肉碎粥蠔仔鮮甜十足，粥底清甜，份量亦好足夠！潮州炒麵缐第一次見用雞蛋炒麵缐，蛋香味十足，麵缐QQ的，鮮魷彈牙，堅正！地方舒服，服務又好，下次可以唔洗再坐街邊舖食打冷！

今日與友人放工後聚腳旺角，走到落隧道的位置被一間食打冷的菜館吸引住。於是便走上去試試潮州菜。店內環境非常寬敞明亮，令人感覺很舒適，而且整體環境氣氛很好，大家可以舒暢地對談亦不會影響其他人。蠔餅-必點菜式，炸得非常酥脆，而且蠔仔非常多，粉漿唔厚， 啖啖都係蠔，真係好滿足。瑤柱蛋白炒飯-為左唔齋食白飯，點了一個炒飯，炒飯唔重口味，香料唔重，清清地嘅口味再配合其他小菜，簡直大滿足。椒鹽白飯魚-以前食得多椒鹽的菜式，試下白飯魚，感覺非常新奇，特別係整碟的分量非常多，簡直令我食到夠喉！ 鹵水雙拼-墨魚拼五花腩，鹵水味足，而且五花腩唔會太油膩，令我忍唔住要沾多d醬汁食。最可愛的地方是職員態度友善，和藹，服務周到，又會好關心我地進食體驗，令到成晚過得非常愉快，上菜上得都好有效率，碟接碟咁上。

今晚朋友帶路來了旺角去食潮州打冷，原來是位於商場內三樓的明記潮館，和朋友準時到達，原來已有四枱客人吃晚飯。我們入座後，便慢慢研究一下菜單，點了滷水什拼、秘製凍施庵、小碗蠔仔粥、石碢啫啫芥蘭，及一罐汽水。滷水什拼樣樣滷水食品都有，食物入味但不鹹，很有水準！施庵醃得很入味，鮮甜無比，簡直不用點任何醬都可以。小碗的蠔仔粥原來都份量十足，粒粒蠔仔都月脹卜卜，一啖一啖沒停口。啫啫芥蘭上枱時還熱烘烘，入口非常惹味，芥蘭很柔嫩，完全沒有渣。整體來說明記菜式有水準，很有潮州風味，侍應有禮親切，座位很舒適，印象非常好，下次一定會再來。還有，若8時前埋單，可享有8拆優惠的。

喺荃灣已經明文遠播的明記潮館，早陣子來了旺角開新場今次終於有機會來試試舖頭位於砵蘭街180商場 要搭電梯上一層很大的店鋪呢環境教荃灣舒適坐下已奉上小食可以先品嚐入門口有一個漁人碼頭有很多海鮮可以揀有線有蟹仲有打冷的食材石鍋啫啫油麥菜 $88涼涼天氣最適合，鍋可以keep住溫度，一上枱香味已直迫我鼻孔內。客家黃酒雞煲半隻 $148用上紅棗，杞子，圓肉，黃酒煮成的客家黃酒雞煲，喜歡藥材味嘅必試， 食到咀lam lam. 濃郁的黃酒 湯底滲滿雞肉内。實在太欣賞這個湯底了， 還pack走呢！鹵水鵝片 $148質地非常好厚度適中，還有幾件鹵水汁豆腐在底層蠔仔粥仔(小) $58大得過份的小蠔仔粥，蠔仔新鮮，份量很多，粥底軟綿非常值得推介的潮式打冷店

我老豆係潮州人，自小其實都接觸開潮州菜。食潮洲打冷，香港地通常都係排檔形式，但呢間明記潮館，建館喺棟商廈嘅二樓。光線明亮，裝修企理又帶點舊香港特色。呢度將成個滷檔搬曬入嚟，感覺亦都乾淨。潮州打冷，最不應該錯過自然係滷味，我同男朋友兩個人食，order一份雙拼嘅墨魚拼鵝腸（$148）已經好足夠。上到嚟大大碟，當然墊碟都有D芽菜，令到份量好澎湃。味道上，入口有淡淡滷水味，唔算特別重味。跟住問咗侍應姐姐，原來D滷味已經浸咗長達4個鐘，要點檯頭呢個特製辣椒油味道會更上一層樓。我點完試下，慢慢咀嚼之下確實滲透著絲絲鹹香，但更能品嘗到嘅係食材嘅原有鮮味。而一向鍾意香口嘢嘅我點咗一個沙拉蝦球（$158）同埋避風塘炒茶樹菇（$108）。沙拉蝦球真是一道會令人開心的菜，蝦仁酥酥脆脆，裹上上酸甜的沙律醬（唔知師傅係咪有落到煉奶，食落有陣淡淡奶味），簡單又好味。而至於茶樹菇，呢道菜餚食起來的話就會感覺到有一些辣味，不過更多的還是保存了茶樹菇本身的鮮美口味，因茶樹菇較粗身，故炸後依然吃到茶樹菇本身的爽脆質感，味道不死鹹，最重要是炸得乾爽不油膩，外層炸漿香脆鬆化，不怕死實，非常不錯。而至於這個石鍋海鮮炒飯，個人

今晚 Honey 接我收工，大家潮州人對食潮州菜當然不用多講早有默契，聽聞荃灣的 「明記潮州海鮮飯店」在旺角開了分店當然要去支持一下，因為我小時候在荃灣住個陣已經食到現在，真係陪我成長，好記得他們的蠔仔粥個大地魚香味仍記憶猶新！旺角分店位於砵蘭180+ 商場三樓全層裝修懷舊港風二人可座卡位舒適自在，一大班人有房私隱度高。朝日啤酒 （塔） $238我兩都是酒客一塔大大支冰凍啤酒當然小不了，一個字爽 ✌🏼前菜小食 $20魚仔同菜甫潮州菜又點小得鹵水拼盤$148大大碟熱騰騰的鹵水拼盤當中有豬頭肉、紅腸、滷水豬肉、大腸、腎片、墨魚同鵝腸，重點個鵝腸爽脆帶油膏脂香滿口油香味美。韮菜豬紅 $68豬紅爽滑不黏牙，做得最好的是韮菜竟然是易咬不 黏牙這是好難得的。鹵水掌翼 $118味道剛好不鹹不淡鹵水味香而不重，掌翼軟腍入味有嚼口，一碟鹵水就知廚藝功架我真是無可挑剔。啤酒塔有 2L 👍抵食孖寶蠔仔粥下次先試，今次貪飲肚皮漲漲食不下了😃潮州菜必食的打冷裝置充滿著舊香港色彩

經常都同朋友講話好想去食打冷，但每次都會走左去食西餐今日終於都可以食到我最想食既潮州菜啦食潮州菜，蠔仔粥同滷水鵝片總是少不了**呢間潮州菜既野食全部都好大碟（我覺得😂）蠔仔粥（細）呢個原來係細的，但對於我黎講都幾大碗，可分到4碗蠔仔好厚肉味道唔會好咸，幾好味滷水鵝片併墨魚滷水鵝片好好味呀，好入味而且肉質好嫩墨魚又好爽口，唔會好難咬，佐酒一流椒鹽白飯魚每條白飯魚都好脹卜卜，特別香口，係新鮮炸的份量好多又係用黎佐酒一流啫啫生菜呢個菜比較多汁左，唔夠乾身，所以味道比較濃

今日去旺角約咗屋企人食飯佢，哋話想食潮州嘢，因為甘岩見到有明記潮館，呢個商場其實係近朗豪坊，上到去地方好大！一坐下來己有小食幾碟，但要收$20！上菜好快，韭菜豬紅$68 份量勁大，豬紅十分入味，比得上出面大排檔，好正！滷水三拼$148 要左鵝腸，豬大腸，魷魚，內藏我屋企人最愛，而且食落去好爽口！豉椒炒蜆$98 炒到好惹味，而且蜆肉好新鮮！蠔仔粥 $58 飽滿蠔仔，有大同細份，我揀左細份，食落去，一d也不腥，而且好鮮甜美味，呢個值得叫！每人埋單$115，價錢抵，份量多，服務不錯！

明記潮館之前在荃灣的時候，朋友已經食過話幾抵食味道不俗，最近發現原來明記已經悄悄搬到旺角，剛好要約朋友吃飯，一於到明記試試。＊＊＊＊＊＊＊＊＊＊＊＊明記位於朗豪坊附近新開的180+商場，佔了整層樓面，店面極大，但平日晚市依然坐滿一大半，可見明記的號召力。明記有圓枱也有卡座，座位不會太迫，另外亦設有廂房，裝潢走懷舊路線，但地方乾淨企理。餐前小食($20/份)餐前小食有辣菜脯和魚仔，二至四人一份，收費都合理。滷水雜拼($148)食潮州菜怎能不點滷水，明記單是滷水都有過十款，選擇困難症最好就是點這個滷水雜拼，每款都有少少，不怕有人不吃這樣不吃那樣，總有樣你啱食。雜拼有鵝腸、墨魚、紅腸、豬耳和五花腩，大大碟足夠四至六人分吃，但滷水味略嫌不夠，味道普通。燒汁脆牛腩($168)脆牛腩不是很多地方有得吃，見到明記有當然要試試。脆牛腩切得夠薄，不會太韌，外圍炸皮又薄又脆，非常夠鑊氣，但建議要盡快吃，否則不單炸皮變腍，連牛腩都變硬。方魚肉碎粥－小($58)方魚肉碎粥有分大碗和小碗，小的份量其實也夠兩人分吃。方魚肉碎粥其實跟蠔仔粥差不多，只是沒有蠔仔，因為朋友不吃蠔仔所以點這個，味道是可以的，但飯多水少，

今晚老公帶我到旺角一個好靜的商場說要食潮州打冷，入了商場上了二樓，見到整層都是吉舖，我個心立即懷疑這裡真的有好東西食嗎? 再轉個彎上三樓，未上電梯已見到大大個招牌-明記潮館， 個刻好似森林中找到點曙光。雖然位置不起眼，但舖內卻有不少食客。餐廳佔了整層三樓，地方闊落，比一般舊式的打冷潮州舖較乾淨企理。餐廳還設有獨立房間，方便一大班朋友仔來聚會。餐廳主打潮州打冷，所以設有鹵水區域，放置好多不同的鹵水小食。另外設有，大魚缸滿載住當日新鮮的海鮮。今晚2 個人叫了一個細的蠔仔粥，上枱後阿姐還好細心幫手分好，可能廚師忘記了放一堆芫茜上面，令到蠔仔粥外貌不及餐牌的那麼討好，但食落好夠味，材料十足，蠔仔新鮮肥美，每人還可以分到2大碗。食潮州打冷就必定要有鹵水，不想煩就叫一個雜併，(有墨魚，生腸，紅腸，鵝腸，雞腎，豬頭肉，芽菜)，非常丰富。另外，香口的椒鹽九肚魚是我至愛，粉漿不會太厚，肥美的九肚魚配上金黃的蒜粒，好惹味。老公還叫了一個男人的浪漫- 豆腐支竹火腩煲，上枱熱喇喇，永遠主角都不是我最愛，配角豆腐同支竹才是我最愛，吸收晒濃味的醬汁，好惹味，送飯一流。埋單才知道原來八 點前結脹離開是有八折優惠的，

一行八人飯聚，想搵地方吹水飲啤酒兼食飯，於是就決定食潮州嘢。人多多哋，一於去明記潮館，抵食又坐得舒服。冇book位，可能因為都成9點，walk in唔洗等，入去即刻有位。一坐低，前面兩碟魚仔前菜，一碟正常，另一碟得返幾條，即刻叫人換，職員都好樂意換俾我哋。講到明啤啤佢，香口嘢點少得？八個人，叫到一枱都係。黃酒雞煲 / 黃金鮮魷 / 凍烏頭 / 小炒皇 / 滷水鵝 / 椒鹽白飯魚 / 蠔餠 / 翡翠炒龍躉 / 韮菜豬紅 / 西湖牛肉羹 / 燒汁脆牛腩 / 荔枝骨黃酒雞煲 : 有gas爐熱住，酒香好勁，雞肉嫩，食到尾連木耳都入晒味，正!黃金鮮魷 : 粉唔厚，夠多咸蛋黃，好味!燒汁脆牛腩 : 唔知係咪加單，所以嚟到係凍嘅，攪到牛腩食落硬硬地。整體都算幾好食

潮州菜特色之處，就是擅用使用了鹽、醋、花椒、酸橙、鹵水等佐料助存及調和食物，然後再用配醬調味，包括了普寧豆醬、南姜、梅膏、魚露、紅豉油、三滲醬。潮州雜鹹主要是配潮州白粥用的，如鹹菜、貢菜、菜脯、橄欖菜、冬菜、烏橄欖多達100種。潮州宴席，普遍有10個主菜，海鮮佔7成左右，其中2、3三個湯菜，所以有一句說話就是無海鮮不成宴。明記潮館，就能體會到潮州菜的特色，最大驚喜的便是除了吃上潮州菜的特色，還能吃上鑊氣十足的潮州菜，在巿面上並不容易找到菜館可以做出如此鑊氣的味道。******************************明記潮館位於一個重新修建的商場，在人流滿滿的旺角區砵蘭街之內，從商場坐電梯而出，便會走進這個走廊，到達明記潮館，感覺走進了一條時光隧道。而從扶手電梯而進，就會進進菜館的正門入口。明記潮館分開了左右2邊，左邊便是長形空間，以人數4人為主的枱，還放了些海鮮和鹵水食材，近牆身便是4人一卡一卡的坐位。右邊便是空間較大的地方，以人數4人以上為主的大枱，還有一排房間，以供訂房的食客而坐。在飯枱旁便可以看見鹵水和海鮮食材，足以感覺到走入潮州菜館之內。明記總店和舊店都在荃灣，旺角是新

今晚同屋企人食飯, 爸爸發板每次都離不開食中菜, 但酒樓晚市入座又要前菜、又茶芥, 未食野都已經要成舊水, 於是最後決定食"打冷"。記得大半年前去過近朗豪坊既明館, 味道唔錯, 價錢實惠得黎又大大碟, 所以今晚就去返明館食晚飯。平日晚上, 餐廳已經座無虛席, 比起上一次黎, 人流旺了不少。呢度只收前菜同埋加一, 但就冇茶芥費用, 對比酒樓黎講, 抵好多!呢度除左食潮州菜既鹵水鵝、凍蟹等等...仲有中菜選擇, 款式多多, 令人花多眼亂。打冷定必會點既【鹵水鵝】 HK$128份量都幾多, 鹵水鵝入味, 肉質軟糯, 皮下脂肪唔會太厚, 底下仲有幾件豆腐索下味。其實呢度有鹵水鵝片選擇, 價格貴HK$20, 如果想豪邁咁啖啖肉食, 建議都係揀鵝片, 肉食比較多。【韮菜豬紅】 HK$68記得上一次黎食豬紅, 味道過鹹, 今次再order駁一駁, 味道終於調教得岩岩好, 帶微微既辣, 豬紅很滑且入味, 底下仲有大量韮菜可以夾集一齊食。【芝士海蝦伊麵】 HK$168半打既大蝦排列於表面, 面層佈滿了焗至金黃既芝士, 芝士唔會過鹹, 芝士汁較杰, 足夠沾到每條伊麵 , 可惜當中有幾隻蝦不算新鮮, 肉質有