日牛涮涮鍋專門店 (已結業)

今日晚上去咗一人一鍋既打邊爐餐廳 ，諗住只食套餐 。我明明睇過他們既宣傳單話午餐套餐$70，但佢地一d都冇提過晚餐只廣過有晚市。我食過他們既午市套餐，好好食 。以為晚市都有。入到去原來一定要放題，仲要每人$133 。諗住走人，但個侍應話5可以就甘走。結果食左$438，一路食一路比成間餐廳既所有侍應啤住 。我腸胃5好，食5到牛肉。—味食豬肉，咩本都回5到。配料凈係食左一次 。

去鑽石山行街，未夠12點已排長龍，係咪真係咁好食呀?於是就排埋—份。明明十二点開，但就等到12:10先開店。我地两個人，選咗一份特選牛肉，同一份牛肉拼豚肉。肉量少得有啲可憐，只得薄薄的六片，真係薄到透視。特選牛真係同普通牛有好大分别。特選牛無咁韌，有肉味；相反普通牛真係好鞋好韌，好似煲完燙嗰啲。湯底一人一鍋，我揀咗赤辛味噌湯，唔太辣但偏咸，要自行加d水。配料有好多蔬菜，丸類，魚片頭好爽口，好食。面就有3款，素面，蕎麥面同烏冬。烏冬罕有地唔好食，因為太淋，完全无咬口。相反素面就幾好喎，出水時間剛好，所以唔會太淋。飲品同froyo 任食。Froyo 幾開胃，夠酸，仲有好多配料加，唔怪得好多人一開始就食froyo 先。

應承了請朋友吃生日飯,由於事忙,過了三個月才抽空請她吃,真的十分抱歉.由於上年跟她吃過一次這兒,她很喜歡,於是今次她也要求到此,既然朋友想吃沒有所謂吧一點十五分左右取票等位,剛到時看見很多人等位,以為今天會有多人吃,幸好等了半小時便可以入座,而且,入座後也尚有不少位子,所以過了兩點左右應該不用等位呢說回食物,由於今天是有限時的90分鐘吃98元任食放題,應該不會太多時間.所以吃一碟肉便算了,吃了最便宜63元的澳洲殼飼牛..牛肉有數片.不過,完全沒有味道的.幸好肉質尚算嫩滑.今次叫的骨膠原雞湯也太鹹了..除了牛肉還可以吃丸子,丸子特別特介南瓜餅和芋頭丸,兩款也同樣好吃..芝士腸唔好食,有蘇味.還有,超甜粟米,每次也要吃兩三件才滿足...當然滑滑豆腐也很得我心呢今次不滿意的地方是:添加食物太慢,想添芋頭丸和南瓜餅足足行了三次先可以取回.還有,是乳酪雪糕在三點左右製冷中,要等了15分鐘才可去吃,但未吃完便被店員催促離座時間到,一心想吃多杯乳酪也不可以..不過,就算店員不催促,也不可以再吃一杯了,因為新製的乳酪太水,根本沒有質感.對於只可吃一杯水水的乳酪的我,心裏實在不是味兒值得一讚地方還是整潔

今晚約了愛吃火鍋的老友記, 因為兩個人都喜歡一人一鍋衛生簡單而且要碟頭細的...通常都是去牛陣或HIPOT, 早前看雜誌介紹了"日牛"所以我想試一試, 星期六晚六時預訂了位準時到不用等就可入座,  感覺良好!  入到內堂, 乾淨企理, 座位自成一角有板間隔, GOOD!   這是第一次來, 所以有'試吃'的感覺, 不打算花費太多, 就要了最便宜的餐, 各HK$133元, 連加一埋單是HK$292, 包括'澳洲穀飼牛及美國豬肩肉'各一小盤, 其他蔬菜、丸子、豆腐、醬料、汽水、乳酪雪糕都是在食物枱上自助任取的.  我要了辛口赤味噌湯, 本以為會很香濃但今晚一試又沒有想像中的美味, 少辣也算不上亦不覺有味噌香...唔...真有點言過其實, 唯有寄望火鍋料好吃幫補一吓...但又確實沒有什麼特別出色的, 所以我沒有什麼可以'推荐'給各位呢!   略為獨特的是醬料有柚子醬汁, 頗為清新, 但我們點的這個'最便宜套餐'這兩碟肉, 都沒肉味, 這張相片所見的就是最後我們剩下來的份量, 根本沒吃多少片呢~  如果只計食物, 同價錢百多元來比較的話, Hipot肯定比這兒好, 這處唯一優勢的是乳酪雪糕味道

平時都是惠顧晚巿放題，今天心血來潮想試試午巿放題，12:30pm到達時已很多人在等位了原來午巿只有最普通的牛肉供應（之前晚巿放題我們都是選和牛），但二人埋單都只是$237.6，很抵吃美國牛肉脂肪少得很，所以肉質頗硬，肉味淡，咀嚼得很累最喜歡日式涮涮放題整潔的自助食物枱，蔬菜都很新鮮而且不斷refill自助Froyo機提供原味froyo，有三款醬料和五款toppings自由添加，好吃又好玩相比同類型的牛陣和moumouclub，我最喜歡都是這間日牛，不過還是晚巿可以選高級一點的牛肉較好

周末13：45到達輪候入座，等左45分鐘。放題火鍋，一人一煱，湯底任君選擇，味道清淡。牛肉及豚肉任點任食，超薄切，味道中規中矩。但以$98呢個價錢，已經超額完成！自助區蔬菜、火鍋配料、醬油、汽水及乳酪任君享用，蔬菜算新鮮，都算唔錯。乳酪機可能太多人，乳酪略溶，味酸。只是覺得冷氣大啲會更加舒服！收貨！

開始食到悶@日牛涮涮鍋專門店鑽石山荷里活廣場311A號舖又來到牛涮涮LUNCH $70 一個人任食, 超抵食哈哈, 平日中環區返工一個難食碟頭飯最平都$50起食到麻目之際, 家附近還是有抵食之選見到有新湯底但只有晚市先有, 可以加強服務嗎我不介意加錢,來了多次原有的湯已嚐遍再不加點新意好難會再來食了包了一碟肉, 不是太喜歡食肉的我有1/3碟比了友人吃免費FROYO~TOPPING比之前多了多了粟米片, 之前難食的CHOCOLATE同MARSHMALLOW仍有但不要加, 因為好怪好假好乾好硬, 加粟米片好了還有任飲汽水~~~吃FROYO也夠飽了健康的蔬菜~~YUMMP~健康多吃也不怕伴, 不過光顧了多次新鮮感已沒有了, 吸引力不再希望可以加入新原素不妨加些港式打邊爐配料及海鮮吧!!

同老公遊逛到荷里活廣場搵食, 本來已決定嘆茶. 假日遊人特別多, 我想輪到我都要一小時後. 於是我提議來個涮涮鍋."午市食涮涮鍋, 冇野嘛??"原來感覺非常之好, 早午餐一起吃, 吃得特別多~而且午市套餐優惠, 划算得有點不合邏輯. 我們跟著人流, 由11:50排到12:05, 終於入場了!!侍應講解90分鐘的任食是一人一鍋, 四款湯底為: A. 骨膠原雞湯 B. 辣味噌 C. 和牛清湯 D. 昆布清湯, 由入單開始計起.最後我選了我的最後辣味噌, 有丁點辣, 湯底濃.老公選了骨膠原, 喝了一口好濃雞味.座位安排是打對家, 可方便把捧來的食物放正中間. 位與位之間用木板隔著, 盡享90分鐘的私人涮涮空間.餐廳靠廚房位置有一排上下層的自選任食配料提供, 款式約有40多種:野菜如蕃茄, 金菇, 大蔥, 粟米, 韮菜等. 面類是烏冬, 米粉, 還有較少見的喬麥面. 丸類甚多, 除了貢丸, 炸魚角等一般食材, 還有菠菜丸, 龍蝦丸, 魚腐等, 總有一款適合!芝士腸, 芋絲當然唔少得醬料也有多種, 個人喜用麻醬用來沾肉類和丸類, 可突出食物味道.另外取了柚子汁加辣蘿蔔碎混合, 味道新穎, 帶一點

第三次食日牛涮涮鍋,感覺好抵食~午市有90分鐘火鍋,可以慢慢食價錢由63,78,.....(包一碟牛)98蚊可任食豬+牛添而自助吧可自添汽水任飲,仲有乳酪雪糕自助吧配料很多芝士丸,波菜丸,墨丸,魚旦,南瓜餅,粟米,芽菜,菠菜,唐生菜,蕃茄,蘿白,烏冬,豆腐拉麵, 金茹,冬茹,白飯.....等等一人一鍋自選湯底,好正~之前食牛陣及牛涮鍋,係平啲,但得60分鐘很趕牛陣($4x)不包飲料有Dreyer's雪糕,牛涮鍋($5x)係包飲料有軟雪糕,但我比較喜歡日牛,星期一至四,午市無限時添,感覺日牛很大方呢方面要讚下!!!其次,員工有禮,勤快,有問有答由門面攞位員工至收銀員工都很好今曰由2:00pm食到4:00pm,都係$130左右,抵!

同老公買左4點場睇戲 大約2點鐘去到日牛門後要二人檯帶位小姐話執緊檯 叫我地點餐先咁我就要左兩位$78果隻 (第二級價錢, 包一碟牛 & 自助區放題)坐低無耐侍應就送上一鍋湯&一碟牛 咁我同老公就一齊出去拎醬油 飲品 & 配菜喇向出面搞出一大餐返埋位 都未見我鍋湯... 咁我就追追啦...點知原來無落單!! 雖然唔係大件事, 之但係佢地見兩個人一張檯 而又得一鍋湯... 佢地唔覺得奇怪架咩?? anyway... 我同老公碟牛係應該同價錢同級數既但我後上果碟就靚好多 老公果碟好多肥膏我叫左赤味噌湯 老公要左雞湯果個鍋好香濃味噌味 但就一d辣味都無有食客向呢度之前都提過金菇無去曬根位d黑色 我今日都見到呢個情況豆腐好滑 好重豆味各類菜都好新鮮素麵 & 烏冬都好食粟米好甜侍應會自己幫你加湯 非常好最後加個froyo做甜品 畫上一個完美句號!埋單$171.6 連加一 都相單滿足雖然佢無牛陣咁多野食 但整體上日牛都好多牛陣好多去過好幾間牛陣都覺得好污糟

未夠12點已有十幾人排定隊，是日暑假尾聲，首輪入座全滿。本人吃第二輪1:35p.m.，入座率只有一半。喜歡一人一爐的設計，一來就手，唔洗伸長隻手都夾到；二來自己鍾意落乜就落乜大家有沒有發覺一大班人打邊爐通常一穫熟？好無癮！有ｄ麻煩友又會唔比你落生的食物，要等食晒煲內番滾了十年的食物先再落～食最平的牛，只有一盤，薄切約十塊，配料和飲品任飲任食，限時90分鐘，$70一個，抵～～～～以這個價錢，肥牛質素已經好好～滿意！有4款湯底選擇，本人選了骨膠元雞湯，好濃郁，抵讚！你們看，個爐好有火氣，又可以調較大小，比起大家樂呀美心呀吉野家呀好得多，我知價錢唔同麻～這個爐仲夠晒穩陣，好安全，連小學生都可以自己一個爐呀！好勒，講下任食配料，有二十樣左右～丸子很特別，什麼菠菜丸之類，為什麼沒有常見的魚蛋，牛丸？！但有美味的金菇冬菇粟米蕃茄蘿蔔等，菜都有三種，又有烏冬幼麵飯，包食得飽你～最畫龍點睛的可說是這部乳酪機，自己整，又有好靚好甜美的七彩朱古力做裝飾，好吸引！乳酪雖只有原味，但口感不錯，酸酸的很開胃，一定要試呀～～～～總結價錢合理，食物質素唔錯，正常人食一盤肥牛已經足夠，如果你是肥牛的fans就吃任食吧

今日一點半左右經過荷李活廣場見到依間餐廳幾吸引.就入去試試.2個人叫左2份牛+豚(澳洲穀飼牛胸腹位+美國豬肩) 放題+自助區放題 $98/位任飲有汽水同檸檬茶!澳洲穀飼牛胸腹位 - 最平個隻,所以有心野準備唔會好好食，不過又唔太差，唔算太硬! OK 美國豬肩 - 冇乜味，比較硬麻麻地其他配菜 - 獅子狗卷、魚片頭、雞肉腸、生菜、金菇、多款魚蛋、鳥冬、蒿麥麵、蕃茄...等等依D食物唔太差都唔錯，有D酒樓直情入唔到口! 再來2客肥牛 - 不過同剛剛來個盒有D唔同，大塊D肥D...好奇怪煮完D肥牛縮埋一粒粒...個樣好怪...有D肥牛肥到半件都係膏...最後就係乳酪...正到爆! 太飽啦...想食多杯都食唔落!

想試下牛肉火鍋好耐....星期六晏奏先黎想BOOK即晚食當然冇位啦....所以晚市時間5:30一開始就walk in入左去喇....我地2個都叫左最平既$128 日牛任食,一人一鍋, 我點了豆乳湯底, 老公點了骨膠原湯底豆乳湯底好正 (可能我第一次食呢隻味,所以覺得呢個湯底好特別)平時乜湯底都好, 一落料就已經成個湯都變晒其他味, 呢個一路打都有好強既豆乳味好快就落左兩個鍋同埋一板牛肉, 一板豬肉其實如果冇要求既話, $128餐都夠晒, 因為d肉都唔差, 冇乜肥肉, 都好有牛肉味出面仲有個自肋bar, 自己拎其他配料, 其實都係普通打邊爐果deg. 豆腐, 菜, 冬菇, 芝士丸 & 各種丸類最正既係有稻庭烏冬^^90分鍾真係唔多夠, 始終都係打邊爐, 6熟d野都要時間是晚2個人, total叫左1板豬, 3板牛食到好飽.....最後好趕咁食埋個Yogurt就夠鍾還枱lu.....

絕大部分友人都唔介意口水尾，食飯都無需用公筷，不過當中總有人係衞生幫，不容許筷子來筷子往，一齊打邊爐（洗筷子?）更加免問早前兔比響讚石山荷里活廣場睇完戲要揾食，發現左間蠻不錯嘅日式火鍋店，仲係少有嘅一人一鍋模式，可各自揀喜愛湯底，又迎合到唔鐘意洗筷子嘅衞生幫㖭~ 哩家由「 日本村姑」林慧美開設嘅Nichigyu日牛涮涮鍋專門店，裝潢時尚有型，環境乾淨闊落，坐得舒服舒服由入座起計任食90分鐘，可任點牛肉豬肉，其他食材包括醬油、蔬菜、丸類、飯、麵、飲品及Frozen Yogurt等則自助自取，款式算不少特別一讚哩個四四方方以木箱包圍嘅鍋，就算檯面空間唔多都唔怕燙傷，設計特別又貼心~湯底有豆乳、和牛清湯、昆布清湯、辣麵豉、骨膠原清雞湯5款選擇，湯底refill都係加湯而非滾水，唔會愈滾愈淡，兔比點骨膠原清雞湯味道清甜，而兔比佬嘅辣麵豉湯味道都蠻辣不足係牛肉豬肉切得太薄，筷子一拖好易爛，食起黎無咩口感，點左兩碟最平價嘅澳洲牛肉（$128任食），其中一碟色澤偏粉紅，仲誤會左係豬肉，您分得出嗎？自助食材雖無咩特別但選料不錯，稻庭烏冬幾煙韌，粟米鮮甜爽口，豆腐滑一滑不過兔比最愛芝士魚腐，芝味十足，兔

家人剛從日本旅遊回來, 建議大夥人去吃日本火煱, 來到鑽石山的日牛餐廳, 原來未開門就有大夥人排隊, 奇怪真的甘好吃排了15分鐘剛好門. 服務生都禮貌地招呼我們進去, 要夠人數的一半才可以取台, 即總人數是10人, 起碼要6人到現場才可以先取台. 規矩都合理. 是餐廳的憤常做法. 在點菜方面, 不一定是點自助餐的, 都可以給吃得少的人點一煱的菜, 故此價格相對合理便宜. 談及餐廳提供的牛肉, 可以說是合理肉鮮, 而且份量適宜 另外, 自助自取食品包括很多蔬菜, 和我最喜歡的冬菇, 菇類, 與及各式不同款的日式魚蛋. 在醬汁方面, 醬油, 和這裡特別推介的柚子醬汁. 給客戶多些日式醬油的選擇. 還有是特有的麻醬給客戶配與牛肉吃, 又可令牛肉吃時更有多些麻醬味道, 不致只有單調的牛肉味. 除了一般的火煱食材可令您吃過飽, 又有自助汽水外, 還有近年最受年輕人和因減肥而轉變不吃高卡路里的冰淇淋人士歡迎的Yogurt, 使大家吃飽之後, 還可在不增肥的情況下, 再吃些冰凍甜品. 可說是吃飯之完畢加上個完美句號. 可以親子的火煱主要是因為火煱有本造的邊, 不會容易碰到手, 另外, 由於是電熱板,