日牛涮涮鍋專門店 (已結業)

环境差！食物质素差！服务差！ 一行到入去坐低就后悔，个环境好伏， 餐具又污糟，食物区啲嘢食一睇就知唔新鲜，食物选择少，丸嘅种类得两三款。炸物甜品望到都唔会想攞嚟，环境咁差，更加唔敢食软雪糕。汤底冇味嘅，不过啲牛肉还可以。叫牛肉要侍应落单，但永远无人招呼，下下都要行出去揾人过黎。上食物求其放低，明明见到餐盘放唔平，都就咁放低就走左去。呢个价位，食过其他餐厅，食物质素，环境同服务好过呢间好多倍！以后都唔会帮衬呢间！…查看更多

午市最平放题$128日牛餐，任食牛、猪、鸡，八折后$102.4，星期一至五公众假期前例外，扺食重有雪榚甜品少许热食，咖啡茶等，可以食一个半小时，交通方便，地铁上盖。…查看更多

太耐冇打边炉有点心瘾起同朋友行街大家一个眼神交流就决定入座任食真系食到好饱蕃茄汤底好香浓仲可以自己系自助区加入粟米🌽提升甜度任食牛真系唔食得太多好饱好撑:(食食下太饱唯有出动第二个胃转战甜品今期系绿茶苹果加原味乳酪我真系好有做挤雪糕员既天份呢最后食左三杯 大满足啊😌…查看更多

点可以唔讲讲下我喺这家餐厅嘅惊喜食体验？第一啖牛肉入口，我都忍唔住话声「好滑好嫩」🤤，简直不得了！一拉一涮，牛肉喺锅里轻轻转两圈，啱啱好嘅熟度令人心花怒放。牛肉香味四溢，肉质嘅嫩滑真系令人回味无穷！讲到配菜，新鲜青菜无限量供应，荣获咗我心中嘅健康大奖🥦。同事仔一边狂涮蔬菜，一边笑住话「我嚟做"草食兽"啦！」饮品选择啲多，随便拣喺都开心到飞起。可惜，话时话番茄汤底系太"番茄"咗，不过胡椒汤底实在太令我心动，汤香辛香味，暖笠笠一啖，彷佛食紧暖笠笠抱抱，啱哂寒天暖胃！听日仲要黎试下𠮶个胡椒汤底牛肉小菜档，重温今日嘅好滋味！落单时嘅服务亦唔逊色，职员帮手快手快脚，唔使等太耐就有新鲜滚热嘅美食端上！食到饱嘅概念呢度真系得意得嚟好贴心。总之，呢度嘅牛肉涮涮锅真系物有所值，食得好、食得叹，happy到弹起！🎉…查看更多

其中一样好香港嘅嘢：打边炉！今日去咗食日式打边炉 Shabu Shabu 🤗 佢有几款价钱，不过要留意星期六、日、公众假期同公众假期前夕系要每人加多$10。我哋今次就拣咗‘特选’𠮶款，每人$218+10% service charge.因为我哋早去（5pm左右），所以唔洗排队已经可以入。限时90分钟，其实食埋甜品都系啱啱好够。鬼佬今日做完运动，要大量补充蛋白质，所以任食鸡肉、猪肉同牛肉就啱哂。鸡肉佢会切到一粒粒俾你，猪肉同牛肉就切到好薄，可以任加。我觉得猪肉好食过牛肉，牛肉比较肥。中意食素嘅都冇问题，佢有all you can eat 菜、瓜类、洋葱、萝卜、蕃茄，豆腐、菇类、粟米等等。甜品有蛋挞同brownie, 不过因为食完主菜太饱，我哋今次净系食咗frozen yogurt。除咗有原味，今期仲有秋天嘅味道：栗子味。Frozen yogurt都有不同嘅配料，例如花生碎、提子干同棉花糖，不过就冇我最中意嘅彩针😔食完热辣辣嘅嘢最啱食番杯☺️我家鬼佬系咖啡爱好者☕️可以任饮咖啡佢就最开心。我就饮左杯热茶🍵𠮶度仲有果汁同汽水，全部都系任饮。…查看更多