日牛涮涮鍋專門店 (已結業)

是日為購買家居電器而選擇來逛鑽石山荷里活廣場,任務完全後剛好已是晚飯時段. 是晚星期六廣場每間食肆都其門如市, 我們最初選擇一品螞蟻解決五臟廟, 到登記號碼的經理(從衣著分析)詢問兩位大約需要等多久?誰知他頭也不抬的答”好耐”, 我想大概示意我們不用等吧! 當時是晚上7點, 絕對明白正值餐廳繁忙時段, 但總不致於如此回答客人! 希望他本人是此店老板,否則請到一位如此不專業的經理...真為一品螞蟻的老板不值!最後我們選擇了一品螞蟻旁的日牛涮涮鍋專門店, 我們7點15分取得號碼9:20分才入座. 根據以往紀錄可說只此一次如此有耐性! 期間也看到不少在等待的客人詢問門前的男員工等候入座時間, 他永遠面帶著笑容禮貌的對客人解釋需要等時間到的客人離開才可安排入座, 語氣和態度令人舒服! 日牛店有涮涮鍋(Shabu Shabu) 和壽喜燒(Sukiyaki)兩款,其特色是一人一鍋, 全日供應90分鐘放題,價錢成人每位$128日牛(澳洲殼飼牛胸腹位),$158特選(澳洲殼飼牛肩脊位),$268極上黑毛和牛(黑毛和牛胸腹位),$338霜降黑毛和牛(黑毛和牛肩脊位) 等4種, 以上套餐均有美國豬肩免費奉

星期六晚上七點來等位，等到八點幾，差不多九點仍未有位！ 行開一陣回來時竟叫過了位，那時九點多，侍應要求重新拎飛等位！結果成十點三先入座！坐底食左四個字已經last order, 仲要催埋單！明明點貴牛，追加時俾平價牛！松葉蟹勁咸！90分鐘限食放題，變成65分鐘放題！唔夠時間又不在入座前通知！最大問題係只催阻收工顧客，又唔催過左90分鐘的客人埋單！如果唔係都唔使咁多人企係度呆等！一個字講晒差！

很久前看雜誌便想試這間店,因為種種原因還未嘗試.今個月放假妹妹便安排今天到來吃火鍋.到達店前己差不多一時三十分,排了半個小時兩點才入座.未入去前以為店子很大,到店內才發現店子原來不大,加上店員說就算二人吃,安排了四人枱也不能搭枱,所以便要等得久一點了.由於在入座前己點了湯,坐下不久便送上湯了.湯底是四選一,我選了日牛清湯,妹妹選了骨原雞湯,未打邊爐前先試兩款湯,兩款湯底味道也唔太特出,跟清湯沒太大分別.是日我們點了98元的午市任食放題.醬料取了柚子醋和芝麻醬,兩款醬的味道也麻麻.芝麻醬唔夠香味,柚子醋味道也唔夠突出.我覺得用鼓油感覺較好...蔬菜,菇菌,丸類和,豆腐和麵食是自取的,比較喜吃的是三文魚丸和芋頭墨魚丸,金菇和冬菇也好味.豆腐也很滑.獅子狗卷很粉,芋絲很淋.除了白飯任裝外,尚有三款麵食.烏冬,蕎麥麵和素麵.素麵太幼了,吃時要尋回有點果難.蕎麥麵無乜味道,最讚的是鳥冬,唔會一團粉,夠煙韌,好吃....吃過配菜後選了牛肉和豚肉片.牛肉片吃了三碟,除了第一碟沒有牛味外,另外兩碟有牛味之餘,也帶點肥,好吃.豚肉片雖然無乜豬味,可切得夠薄和軟熟,沒有渣.除了任飲的飲品夠吸引外,最吸引的

鑽石山hollywood plaza 3/F 日式打邊爐SHABU SHABU次次去都排滿人,下午二時到等位用了10分鐘就可入座, 入座前可選定湯底再到自助BAR拿定食物等廚房出湯可節省時間可只叫一碟肉, 價錢連加一才 $70我叫了豬, 切得夠薄, 帶有少少肥有十來片, 對於吃不下太多肉的人是一個不錯的選擇也有任食牛 / 豬 可供食肉獸選擇價錢最便宜的才一百元 (LUNCH 價)熟後因有少許肥肉分佈, 90分鐘限時放題骨膠原雞湯味道較濃~~good昆布湯則清, 本人建議叫雞湯加湯時 ^__^ 不像港式打邊爐是加清水會沖淡味道, 讚一個而沾醬也多種類, 自己可混醬~哈!!汽水同樣是無限任飲有日式芋頭九(超正, 必食), 波菜等蔬菜, 菇 也是無限量供應也有飽肚的麵類 如麵, 烏冬, 蕎麥麵還有原味frozen yogurt 任食 ,我一人就食了三杯味道偏甜, 但還是好好味 @v@有朱古力碎及綿花糖可添加但綿花糖就硬硬, 咬下怪怪

日本達人在鑽石山開店.我自問有期望.坊間同類食店牛x.牛x鍋.我都曾光顧.食物沒有問題,我本人不喜歡限時60至90分鍾打邊爐.今次去鑽石山目標店本來是丼丼屋.因太多人.本來想轉場食意粉無開.經過呢間店門口只有3人等位,不妨一試...呢張相就是自助吧.有飯.有烏冬.有丸類.之後7成都係菜,有汽水同乳洛.簡單介紹完.我慢慢地詳盡介紹..差點忘記過評服務.服務是不俗.我仲不斷撩帶帶位哥哥傾計.都有笑容回收應.但入內我覺得員工不夠.我只見到4位員工走足全場.要求加湯..也要等首先評菜類,也算清潔,沒有黃葉,我喜歡用蕃茄.粟米增加湯的味道,可惜蕃茄不算新鮮,粟米亦不鮮甜.菜類濕我都當清菜水..牛肉越貴越高級最平63,我選的78元...牛肉好老.完全唔覺有牛香味.牛味都淡.唯有點醬加強味道.我覺得難食,薄薄數片.我差點吃不清.為何牛肉上枱都是濕的?烏冬:我等了15分鍾出現了..普通貨色.此刻我自言自語,為何烏冬都加水.?相看不明顯.現場看似水浸的.汽水同乳洛任食.任食.汽水檸茶沒有問題.味道正常,但可樂明顯淡加無氣,乳洛酸味足.滑身,又不會快溶,最好食反而是乳洛?環境暗暗地有情調.坐得舒適.食物比

叫左兩個湯底：清湯(好似係）同豆乳個人認為食涮涮鍋豆乳湯底係唔錯，起碼平時少食D丫嘛！佢有幾個級別嘅肉可以揀，我地第一次試呢間，緊係揀個最平嘅試下先!所有野都好正常，牛肉同豬肉都好正路，唔係勁好食但以呢個價錢都值。望落都好OK呀有菜有菇有年糕，都叫多野揀比較特別嘅係有FROZEN YOGURT，不過D配料的我就真係唔鐘意啦

儲了不少食店相片, 見假期有點時間, 也來分享一下！ 這次介紹的是很久之前, 看了Ester 介紹, 上月終於有空去了這家位於鑽石山的"NICHIGYU 日牛涮涮鍋專門店" 試試它們的日式放題!日式的放題我很少吃, 不過這家要求, 同枱客人, 均需點同一款放題套餐的, 本來我們2個是想分別點不同套餐, 結果, 我們只好點了2個"特選涮涮鍋"不同點不同的套餐, 那惟有點不同的湯底吧, 我點了豆乳濃湯底, 而大少便點了赤味噌湯底而這餐所吃的放題套餐, 包括了牛肉及豚肉各一份! 但要注意的是, 入座後, 吃放題的時間, 是入座後, 需於90分鐘內結帳並離座, 如需延長時間, 每30分鐘需另加收費的(成人及小童的價格不同) 它們的牛肉及豚肉都切得很薄, 吃時不會覺得肉質過韌呀, 配已不同火鍋湯底醬汁同吃, 味道及層次感都不同, 味道不錯的， 另外，由於我沒有添加牛肉，因而不知後加的肉肉質如何，而作出評價！除了點菜時, 所選的放題套餐外, 更可到自助區拿取你喜歡吃的火鍋配料外, 吃還可再去添加的!更可拿取醬汁及飲料, 它們提供的醬汁也有數款之多, 而且也是無限添加的, 吃完可再拿的!更設有甜

天氣雖然開始會暖，但仍無減我地去打邊爐既雅興。特別係D自助式既放題，鍾意食咩就自己去任拎，實在係三五知己既好去處呀，但留意呢度只係90分鐘，「彭」一聲就完架啦！好多火鍋店既sukiyaki其實都只不過係shabushabu,因為佢一俾你既鍋就係勁多日式甜鼓油＋糖既湯底，再送你一隻蛋，收就收多你＄20大元！真正既sukiyaki係燒架波，湯汁得好少，鍋底只有薄薄既一層，放入配料，沾起蛋汁黎食，入口甜而濃！講番D配料先，豚肉同牛肉任食，我地要左最低價錢個隻，第一同三碟牛肉都幾好，雖然唔係雪花，但入口不un，厚度適中，肉味幾重既，旁邊有小小一條脂肪！但第二碟牛肉就差囉超薄，薄到一夾幾乎散左，敗筆係太簿，特別係湯汁底咁濃，入口過甜！豚肉就正常，只食了一碟！自助選料區，都算多選擇，但無左日式豆卜，油揚呀，好失望，索唔到湯既精華。比較好既係芝士豆腐丸、讚歧烏冬同芋頭丸！食飽飽一定要食幾杯呢度既Froyo，唔落配料都好好，甜度比酸度重，但仍屬一個很好既甜品！

同老公揀左３百幾蚊一位既黑毛和牛，開頭第一次黎既牛肉ＯＫ，但第二碟打後全部係down grade牛肉，又肥又厚又唔好食！！問個員工，佢仲話係一樣既野！！離哂譜！！忍唔住要開個account寫食評，等大家有定心理準備！！

很喜歡食日式火鍋, 見未試過這間, 一於星期六勇闖, 大約5點45去到完全不用排隊, 即刻可以入座.它的特色是一人一鍋, 湯底有五種 : 昆布湯/骨膠原雞湯/日牛清湯/豆乳濃湯/赤味噌湯, 而醬汁有三種 : 麻醬/甜豉油/黑胡椒柚子汁.我跟另一半選各了昆布湯 & 骨膠原雞湯, 由於伴侶不吃牛, 所以選了最平的套餐.湯味道很淡. 不知是否因為最平, 所以牛肉非常老, 但豚肉也不見到好到那裡, 比起X陣的最平一個差很多. 第一輪上了牛肉跟豚肉, 所有肉類切得很薄, 而且份量少, 很快要添, 但時間太早吧人手不夠, 全場只有一個帶位 + 一個等侍應 + 一個負責傳菜, 等了一段時間才有時間招呼我們.我想這地方唯一值得讚賞地方大, 環境好, 雖然坐一張長枱, 但每個位都會有一塊活動板跟格離分格, 大家多了點私人空間

行完街都9點了, 要快快搵食.行到去呢間牛涮鍋門口, 見唔洗點等位就入左去了環境唔錯的, 旦比較暗是一人一鍋的. 任食我選了昆布湯底, 朋友選了骨膠原湯底 (似似地雞湯的味)其實我地都覺得湯底偏淡了些,肉類是要order 的, 其他野食要出去自己拎的, 形式同牛陣相似.牛肉 / 豚肉 都幾好食, 賣相都唔錯我覺得呢度d 野食吸引過牛陣, 算係多選擇.食到差唔多...係時候食甜品.呢度甜品有而家好興的乳酪雪糕, 正wo~仲有chocolate 碎個d 加 ***如果有d 生果加就仲好了!!唔錯唔錯~百幾蚊黎講~都算抵食

話說我點了$158的霜降黑毛和牛放題第一碟上來的牛肉都幾GOOD, 等我滿心歡喜啦點知第二碟再上的牛肉仲韌過羅宋湯d 湯渣 於是我叫阿waitor 哥哥埋黎問個究竟, 佢就解釋話係同一個grade 既牛, 只係切得厚左 第3碟牛黎到, 丫, 又正常番。ok!! 第4碟牛肉, 又係韌!!! 唉呢個時候就算我叫個經埋黎又如何？佢咪又係同我解釋話d 牛肉係同一個grade, 只係切厚左姐。我懷疑呢間shabushabu 根本就係梅花間竹咁比d cheap 牛你, 等你投訴又唔係, 嘈又唔係...狡猾的牛, 實至名歸la !!!有時出街想食餐好ge 開心ge, 洗百零二百蚊 ﹐ 點知遇著li d 衰鋪頭, 都幾無奈。But to be fair , 佢 d yogurt 幾好食ge, 但都彌補唔到我既失望。

BOOK 了位, 基本上不用等, 但要人齊才可以俾入! 因為一入座就計時 - 90分鐘。 聽講以前係落單起計, 咁合理D, 因為就等人來落單, 都等了幾分鐘, 然後再等煱底, 已經用了超過10分鐘, 第一輪肉送來的時候, 已最少沒有了15-20分鐘, 有D 搵笨!有2種食法, SABU SABU & SUKIYAKI , SABU SABU 又再分5種湯底, 每人一煱, 各自選自己喜愛的湯, 幾好! 而且個爐好快, 一下子就滾啦!放題任食有幾個價錢, ORDER 158 的, 但懷疑佢分唔到, 所以應該ORDER 最平128 個種, 雖說是日牛XXX, 也有豬的, 其他配菜放在外面自取!比起另一間同類店舖, 價錢較貴, 上肉較慢, 份量較少, 只得10-12片, 而且好薄, 好快食完, 所以要叫得好密, 以免浪費時間等! 兩種肉時好時差, 所以話佢可能分唔到邊個叫邊款 　 配菜中以芝士魚旦較為特別, 其他都係個一般款 , 但添加得算快! DESERT 只有FROZEN YUGURT, 原味, 唔夠酸!2位年青的服務員及經理態度都好好, 唯有一位較大D

日牛涮涮鍋專門店這是我第三次到呢間涮涮鍋用膳，六點鐘去到，不用等就有位置，同上次一樣我們叫的是特選牛肉，點菜後好快就上鍋鍋了，所以我們都盡快出去拎想吃的配菜，推介食物有：好滑的豆腐、好甜的粟米和蘿蔔、爽口的生菜及不可不試的芝士魚蛋 加添了兩次牛肉都好快補給，侍應生又主動為我們添加了幾次湯底，值得一讚，最後仲試埋自家製的乳酪，好滿足的一餐呀。

跟同事吃午市冬至飯，大夥年輕人，不再選酒樓，選了放題形式的涮涮鍋，原因當然是便宜又抵食。一個半小時內，午市放題套餐多達6款，分為HK$58、78、128、158，以牛的高低質素而分，套餐包一人一鍋、一客指定份量的指定牛，其他食物則可在放題檯上自取，包括日式丸物類5-6款、少不了腸仔菜菇蘿蔔類8-9款，飲品有可樂橙汁茶，烏冬也有2款，也有白飯任裝，和自製雪糕。午市來說，算是驚喜。來到日牛，當然是說牛，我們香港人機關算盡，5人點齊5款不同價錢的套餐，互相分享比較，最後結論是！一分錢一分貨，因為一般 HK$58牛肉，果然很一般，但128 和 158的雪花毛牛和特級雪花毛牛，D雪花真係幾靚，不過，當然，切得好薄，每客大概只有12片， 如果不是有其他放題食品，都好唔易飽！但是，對平日午市聚餐來說，吃了一個半小時，每人都只是 $100，也算抵食 ! 不過，我建議要訂位，因為出面等位的人，可真不少！