日牛涮涮鍋專門店 (已結業)

今日中午去吃涮涮鍋，拿飛等位說今日沒有限時，正! 可以慢慢食，入坐前先選湯底，我就點了骨膠原湯啦。肉有牛豬，有一碟也有肉任食，兩者價錢不同，反正我不想吃太多用，而其實蔬菜及日式丸也是任吃，點一盤豬就夠了。豬切得好薄，好易夾爛，在湯燙10秒8秒就熟，湯都幾鹹架，原本出面有混醬的醬汁，後來都沒用上了。而湯可以加，不是清水而是同味湯，就唔驚越食越淡。當日粟米超甜美，食了3件，其他丸類同平時港式打邊爐唔同，幾特別，有些我更是第一次見同食到。還有麵同飯，可以食到飽飽。有任吃的乳酪雪糕， topping 有粟米片，彩色朱古力和提子乾，想不到一個任食的環境，都幾多款比食客加，但乳酪當日唔夠冷，擠出時都半溶狀況，我見一。群小學生圍在機前，玩得不亦樂乎。而汽水也是自助任飲，nice

咁前排成班fd 去到鑽石山, 諗5到食乜, 見到尼間野又未試過,大家又想想打邊爐,就入去試試佢...但都等左幾耐下....入到去氣氛都幾正既!! 而且係一人一窩......每個人可5同湯底...記得有咩骨膠原濃湯, 每個名都好似好正咁...但我就揀左最普通既.....咁我地出去攞野食, 種類都幾日本feel, 但種類就普普通通....咁番到去就見到成十盒牛肉,豬肉片, 每盒既數量歉少左啲....啲牛5太肥啱唒我地....丸類較少肥牛5太肥正, 一人大概三盒到,可再叫有5到類形既蔬菜啱唒我最正既係杯yogurt,無限refill , 又5會太水, 仲要有5同配料, 正!! 但想叫佢加牛個啲, 但好耐都冇人理, 人手不太夠, 而且醬料我覺得麻麻... 雖然有啲好特別既, 但啲葱個啲配料成日都被人攞唒.BTW總體而言，不過不失既

本人與女兒在双十節到鑽石山日牛打火鍋,  因為早所以不用等位, 我們要了胡椒湯底和骨膠雞湯底, 但胡椒湯底好淡, 好似清水一樣, 一點味也無, 雞湯好少少, 起碼有少少味道, 牛豬每盤都多少, 好在可以 refill , 出面的食品選擇很少, 無樂富那間選擇多, 鑽石山連辣椒醬都無, 但乳酪雪就好好食, 我們離座前都拿一杯走.

又到放工食飯既時間啦，一班同事都愛一鑊熟，所以就近近地黎日牛啦。我地因為一行7人，所以等得耐都可以理解既!一人一爐，好過你又放我又放，最後放多左囉，浪費!今次湯底選寿喜燒，又香又濃，放入薄薄嘅牛肉，入晒味，但係每次牛肉既份量少之又少，一送黎放入煱就要叫佢攞埋走，唔駛佢行多轉，幸好係一人一煱，可以用友人清湯焯菜，寿喜燒焯菜實在太濃鳥。當然仲要出去搵食啦，唔係卦!，唔好似出門丸同腸點解少得咁可憐?同牛一完全係兩回事，牛一係一張bar枱咁多款，日牛得5款 ，冇晒又唔refill,最慘係冰都冇粒 ，大佬啊！飲品已經唔係太凍，冇冰仲難頂。乳酪雪糕機俾人整到勁污糟又冇人清潔，咁點得架?

來過日牛好多次喇，次次都食得好滿足！所以唔係住呢區都會特登過黎食呢度午餐最抵食，最平$68有交易，有一碟牛肉/豬肉，自助區既食物任食，限時90分鐘。我地通常都叫呢個$68餐，因為根本食唔到咁多肉～是日叫一牛一豬，切得薄，淥一淥就食得喇。$68餐既牛肉會稍多肥膏，豬肉就肥瘦適中。自助區既配菜好豐富，有幾款丸、近十款新鮮蔬菜，仲有飯同烏冬等等，食到飽飽都得！特別推介芝士腸，一咬就爆汁，芝士味香濃！仲有味道特別既菠菜丸，同埋真係有芋頭粒既芋頭丸，出面好少見呢！芽菜亦有心機摘晒頭同尾，抵讚！嫌食肉好漏，可以食碗黑松露糙米飯，有好香既黑松露味，而飯煙un有咬口。不過自助還自助，切記唔好浪費食物呀～～其實我地每次最期待既係呢個乳酪雪糕lol雪糕滑得黎唔肥，仲有幾款配料同醬任你落！筆者覺得最正既配搭係朱古力醬配彩針同棉花糖，有咬口又唔會太甜出面食一杯最平都要廿蚊，呢度食多兩三杯已經回本XD打完呢個食評，又想去食喇日牛，我想去既地方～～

得知日牛星期1至4中午有4人同行3人收費,所以約左3個fd一齊去食日牛.服務員態度不錯,見到我地個火鍋就黎冇湯就會即刻添湯,火鍋配料都有好多選擇,食材亦都好新鮮,值得一讚.而我個人認為最好食既日牛自家制既froyo,酸甜度適中,而且雪糕亦很軟滑,冇「很水」既感覺. 不過美中不足的地方係食完一開始佢提供既牛肉,再叫第二批個陣,d牛肉已經冇第一批咁好食,略嫌有點硬

男朋友想食任食火鍋，巧合之下上網搵到尼間，見到其他食評話吾錯，於是就在今個星期六試一試😃😃有食評話要等位等好耐，我就嘗試在星期四卜位，打左兩三次都冇聽電話，係晚上再試一下，點知對方回應係full booking 難道尼間火鍋店真係感好食？令我同男友更加期待了。😌到左星期六，我地5：40就上左去搵位，因為聽人講就算6：00去都要等成個鐘。我地上到去冇人等位，裡面7成空。跟住我地等到6：00，開始有d人，但仍然可以即刻入去，所以都係諗住等左陣。終於係6：15忍吾住誘惑就入左去lu。一入到去被編放係食物counter既後面，拎野食好方便，野食吾算好多，但其實我地主要都係食肉。叫左$138日牛要加一，係晚市最平既，任食豬&牛不過要主動問佢拎，冇得自己拎。一人一鍋，可以擇自己中意既湯底，吾洗就對方而且有舊膠圍住個鍋，吾洗驚燙傷。個人覺得蕃茄湯底太酸，又冇咩蕃茄味，可以試試骨膠原雞湯，吾錯的。推介: 豆腐魚蛋，裡面有d碎豆腐&小小芝士+魚蛋。仲有yoga係必食，同出面$50幾蚊杯既冇分別，而且仲可以走果時拎出去食，我同男友都係一人一大杯拎出去食，正豬同牛方面都好好，$138(要加一)食到感既質素真

一個人一個忙裡偷閒的下午，火煱燒肉二選一，火鍋還要等位，但火鍋可以任吃，等也無妨。一時四十分到，等了五分鐘便有位，未入座門口的waitress已問要什麽湯什麽餐，更細心提醒三點半last order, 比我更擔心不夠時間吃和吃不夠。點了$98牛豕肉任吃，昆布清湯很快已上，我第一次光顧這店，一人一小鍋，爐在枱的右下角，整間店多是四人枱，但也有在四人枱中加一薄板，是很體貼獨行狹的做法，食物counter在最遠一邊，有喬麥烏冬粟米蘿蔔金菇生菜紹菜韮菜蓮藕蕃茄南瓜芋絲山蒻芝士腸菠菜丸南瓜魚餅豉油麻醬青葱粒辛辣鮮蘿蔔蓉可樂乳酪，琳琅滿目目不暇給不能盡錄，生意好，食物流量快，菜蔬都新鮮，搜羅一輪。回到位兩盒肉已到，本來以為$98不必對肉有太大期望，但肉的賣相蠻不俗，牛和豕脂肪和肉比例勻稱，牛乍看竟似iberico ham, 輕輕一涮，竟充滿肉香，真的要用竟，因上次在isquare 牛陣用$170吃的牛和豕也祇是不過了了，沒有太多肉味，這裡的牛和豕卻真的令我喜出望外。肉和着各種菜吃，十分滋味，越吃越起勁，哇啦哇啦，我用一小時吃了六盒肉，鄰座兩位北方漢子也被我比下去，還要讃是每一盒肉都保持水準，不似牛

一人一鍋的Shabu Shabu, 夠衛生，又可揀自己喜歡的湯底，幾好啊！ 我們一行六人，點了湯底和肉類，然後等…等⋯又等⋯足足等了90分鐘，才有位！肥牛和豬肉是指定食材，每人各有兩盒肉，一盒牛和一盒豬。好精絰呀！牛的肉質比較＂鞋＂，反而豬肉好嫩滑。我們要的是最平的肉，所以都算不錯！下次我應該會要D貴價肉！配菜的選擇都OK： 生菜，娃娃菜，菠菜，粟米，獅子狗卷，八抓魚丸，海鮮丸，鮮豆腐，豆卜, 蟹柳， 烏冬等等也有白飯，炒飯，汽水任飲任食！乳酪頗甜，但可用紙杯裝一大杯，離開食店後慢慢歎！超正!等了這麼久也算值得！

每年同姨仔、舅仔慶祝生日都好有數，因為佢兩個同月生日，只喺相差一個星期，所以，年年請佢哋食飯可以一次過。阿Q啲諗叫做俾少次錢，查實仲傷荷包，因為仲有老婆嗰份，舅仔拍緊拖，無理由唔請埋佢女友架，一個人頂晒，依個就喺做姐夫代價，不過，都俾得甘心樂意，一年都喺俾一次，最緊要大家食得開心！平時搞生日飯都喺由我諗食乜，難得姨仔有心水好介紹，就喺晌荷里活廣場由日本村姑林慧美搞嘅日牛，唔使我諗就最好不過啦。仲有，原來姨仔一早申請埋日牛張會員卡，益我慳番個加一服務費呀。知道日牛都多人等，已經未夠6:00pm就嚟排隊，但都要等成粒鐘，其實小弟就極唔多鍾意為搵食而排隊，因為總覺得無咩必要，費時失事，浪費時間，要處理總有更好方法。不過，大家都明，佢哋都喺純粹出於商業利益考慮。卒之入座，被安排坐最入就晌取食物之前嘅一排枱，認真方便拎嘢食，轉個身就喺。其實室內環境唔錯，深啡為主色調，高樓底，燈光都刻意調校過，整個場唔會「光撐撐」，感覺柔和舒服，但對正每個爐位又打咗聚光燈，唔會黑掹掹。同埋啲枱夠晒大張闊落，擺咗好多嘢都唔覺佢逼，最欣賞喺枱上塊「隔板」，因為有啲枱大張到坐成10人，但以一塊塊隔板間開晒，變成幾多個人

It's a long wait....it always has with this restaruant ....We ordered soup base: seaweed clear soup, peppered beef soup and chicken soup.I like my seaweed soup, it's quite nice esp with me putting different food in there, i like the food to be less strong taste There are lots of choices to pick from, i like the cheeze in the fishball the most.  There are a few fishball, frozen sausages, veggie, tofu, noodles, rice and drink & yogurt. I do like the service of refilling the beef portion, which is

4個人，睇完戲兩點幾都未食晏，好肚餓咪嚟日牛食涮涮鍋放題囉。星期六要等位係預料之內，攞咗飛可以先周圍行吓。返到嚟再等多陣就到我哋，先落單後入座。日牛比其他好嘅係，其他嘅午市一碟肉類、涮涮鍋放題係限時60分鐘，而日牛就同肉類放題一樣有90分鐘，星期一至四更加係無限時！4個人都揀咗胡椒和牛清湯，個湯底都幾好味。而我哋選擇要一碟肉嘅餐，三個日牛$63（最普通嗰隻）同一個特選牛$78。今次廚房做嘢好冇效率，隔離枱食任食肉類都已經第二轉（同時間入座），我哋啲牛都未到，不過都可以忍，如果係肉類放題就唔能夠接受，話晒都已經過咗超過半個鐘。催咗兩次，第二次有個好細粒嘅男侍應，佢嘅答覆係：「慢慢等吓啦！係咁架喇！」我即刻叫佢身後個女侍應，呢個女侍應係上兩次都見過，態度一流的，今次唔例外，即刻話幫我跟跟就入咗廚房。我即時有種感覺係呢個男侍應絕對係呢間舖嘅污點，我唔係要你道出一個我已知嘅事實嚟叫我收嗲，我係想你幫我催廚房嘛！跟住再過咗接近十分鐘先嚟咗三碟牛，咁望落好似有少少分別，咪問身後個白色衫職員，佢話三碟牛係同一款，咁咪即係靚少少嘅特選牛未到啦，又等吓你。之後又要再催先嚟埋，見同之前三碟嘅其中兩碟好明顯

日牛已經不是第一次食，不過鑽石山店就係第一次。今日同同事來食lunch set，一人一份肉，然後都係任飲任食佢個自助bar的野食。丸類比平時多左2款，係墨魚芋粒丸同埋有粒似南瓜丸，湯底我選辛辣，蔬菜種類很多而且好新鮮，丸類我覺得正方型果粒似魚腐的丸最好食，蕎麥面都唔錯。醬油方面都係果d，反而冇咩新鮮感。牛肉丶豬肉其實冇咩特別，切到咁薄一定唔鞋！重點除左係多菜少肉的打邊爐之外，就係乳酪雪糕，基本上係我至愛，因為佢d雪糕真係好味，唔洗加配料都好味又滑，配料果款圓粒脆糖丶糖漿都正，必食推介。侍應方面係唔夠人手，不過都好好禮貌，除左1個長髮扎馬尾果個女侍應之外，其他都好好。

約咗班舊同學周六晚飯，見下午有時間，就約埋下午茶。本身約咗去沙田第一城嗰間日牛分店，但行程有變就改咗去鑽石山分店。之前（8月尾）都嚟過呢間食晚餐，已經覺得呢間嘅服務ok啦！一如其他食評所講，周六下午等位比較耐。我哋4人，其中2個2點鐘到咗攞飛先，我哋2點40分左右到齊都仲未有位，都要等多一陣先有位。入座前先點湯底，4個都要昆布清湯，叫最平嘅日牛套餐（$63 一碟肥牛+火鍋配料&乳酪&飲品任食任飲）。食物：以最平嘅牛肉比較，日牛的比X陣的優勝，而上級的上次食過都覺得比X陣的上級牛肉優勝，至於和牛就唔知喇，唔捨得食。但係甜品方面就不能夠比較了，X陣的某些分店係H品牌雪糕，日牛的係乳酪（可加配料），兩種不同嘅甜品，好視乎個人喜好。呢度嘅乳酪，其實係某品牌專門店的乳酪，如果食得多仲抵過專登去專門店食！小弟都食咗4大杯！飲品有可樂、雪碧及雀巢檸檬茶。其他火鍋配料有各式丸類、烏冬、冷麵。服務：有位女侍應唔記得咗我哋要加湯，咁啱佢喺附近篤緊電腦，我哋大聲少少叫「唔該」想再叫佢加湯。佢望一望過嚟，然後我見到佢口形「哎呀係喎」再同我哋講「得，等一等」，跟住極其瞬速去攞湯幫我哋加，仲一邊講唔好意思！咁有禮

好同事就快 Last Day，於是我們幾隻飯腳就同佢提早farewell，選址日牛係因為同事好愛長腳蟹，又有 frozen yogurt可供任食，地點尚算方便，所以決定喺度進行歡送晚餐了。由於有訂枱，所以當日近乎唔駛等位就入得，我地一行6人用最短時間選了自己既湯底，然後就出去攞菜﹑丸﹑麵食﹑飲品等了。兩牛一豬先上，望落去唔錯的，搞笑地同事們唔知係放題，結果慳住食，蝕左。等左好耐先有第一輪長腳蟹，手起刀落放哂入鍋再落單，可惜追左好幾次都未嚟，連普通牛肉都未有，店員話單太多，所以耐啲，一陣又話未解得切凍，所以要等。以我既性格，如果唔係因為有外人喺度，我諗我一早剷左班店員上天花板。你做得放題，無論有點蟹冇點蟹都好，有人落單應盡快出菜啦！(我係連肉都冇得食呀！)冇限時就話啫，得90分鐘，大家埋頭吃都冇乜時間吹水嘛... 真係有點火嚟架！猶幸同事們覺得食物味道唔錯，算多選擇，同重點確係想跟同事farewell，所以冇我咁激動既。比起坑口分店，我覺得呢間認真麻麻，真架，人手真係唔夠，職員冇乜心serve人咁，夠鐘叫我地走但我地啲野食咁遲先上，所以佢雖然催左我地兩次，但到第三次我地又剛完成想完成既部