影片
更多
2013-09-29
4126 浏览
約咗班舊同學周六晚飯，見下午有時間，就約埋下午茶。本身約咗去沙田第一城嗰間日牛分店，但行程有變就改咗去鑽石山分店。之前（8月尾）都嚟過呢間食晚餐，已經覺得呢間嘅服務ok啦！一如其他食評所講，周六下午等位比較耐。我哋4人，其中2個2點鐘到咗攞飛先，我哋2點40分左右到齊都仲未有位，都要等多一陣先有位。入座前先點湯底，4個都要昆布清湯，叫最平嘅日牛套餐（$63 一碟肥牛+火鍋配料&乳酪&飲品任食任飲）。食物：以最平嘅牛肉比較，日牛的比X陣的優勝，而上級的上次食過都覺得比X陣的上級牛肉優勝，至於和牛就唔知喇，唔捨得食。但係甜品方面就不能夠比較了，X陣的某些分店係H品牌雪糕，日牛的係乳酪（可加配料），兩種不同嘅甜品，好視乎個人喜好。呢度嘅乳酪，其實係某品牌專門店的乳酪，如果食得多仲抵過專登去專門店食！小弟都食咗4大杯！飲品有可樂、雪碧及雀巢檸檬茶。其他火鍋配料有各式丸類、烏冬、冷麵。服務：有位女侍應唔記得咗我哋要加湯，咁啱佢喺附近篤緊電腦，我哋大聲少少叫「唔該」想再叫佢加湯。佢望一望過嚟，然後我見到佢口形「哎呀係喎」再同我哋講「得，等一等」，跟住極其瞬速去攞湯幫我哋加，仲一邊講唔好意思！咁有禮
本身約咗去沙田第一城嗰間日牛分店，但行程有變就改咗去鑽石山分店。
之前（8月尾）都嚟過呢間食晚餐，已經覺得呢間嘅服務ok啦！
一如其他食評所講，周六下午等位比較耐。我哋4人，其中2個2點鐘到咗攞飛先，我哋2點40分左右到齊都仲未有位，都要等多一陣先有位。
入座前先點湯底，4個都要昆布清湯，叫最平嘅日牛套餐（$63 一碟肥牛+火鍋配料&乳酪&飲品任食任飲）。
食物：
以最平嘅牛肉比較，日牛的比X陣的優勝，而上級的上次食過都覺得比X陣的上級牛肉優勝，至於和牛就唔知喇，唔捨得食。
但係甜品方面就不能夠比較了，X陣的某些分店係H品牌雪糕，日牛的係乳酪（可加配料），兩種不同嘅甜品，好視乎個人喜好。呢度嘅乳酪，其實係某品牌專門店的乳酪，如果食得多仲抵過專登去專門店食！小弟都食咗4大杯！
飲品有可樂、雪碧及雀巢檸檬茶。
其他火鍋配料有各式丸類、烏冬、冷麵。
服務：
有位女侍應唔記得咗我哋要加湯，咁啱佢喺附近篤緊電腦，我哋大聲少少叫「唔該」想再叫佢加湯。佢望一望過嚟，然後我見到佢口形「哎呀係喎」再同我哋講「得，等一等」，跟住極其瞬速去攞湯幫我哋加，仲一邊講唔好意思！咁有禮貌，當然要回佢一句「唔緊要~唔該晒！」啦！
之後另一位女侍應擺低咗張單俾我哋叫我哋埋，就即時轉頭走，我哋想話佢知有會員卡，咪即時叫返住佢囉，點知佢聽唔到，坐喺我哋不遠處，看似休息時間用饍中嘅另外兩位年青女侍應聽到我哋叫，即時放底手上碗筷過嚟問我哋有咩需要幫手，我心即時覺得「嘩！掂呀！」，哈哈！
無論食物與服務質素，值得一讚！會有下次！
张贴