日本野 (已結業)

去「日本野」餐廳食日本野 🤪！我幾喜歡餐廳的室內設計, 偏向日式風格, 以木系為主調。餐牌上食物款式多, 例如有刺身、火炙壽司、普通壽司🍣、主食、燒牛肉、自選丼飯等等。另外, 亦有晚市套餐供應。和風炒椰菜 - 裏面有椰菜、茄子、翠玉瓜、菇🍄、西蘭花🥦、小蕃茄等等。炒菜很惹味, 很喜歡日式炒椰菜所用的醬汁的味道。炭燒粟米🌽 - 應該是塗上牛油後再燒的, 第一啖已經品嚐到牛油的味道, 粟米夠鮮甜 。厚燒鰻魚玉子 - 這個玉子很嫩滑, 充滿蛋香, 口感軟熟。裏面的鰻魚燒得幾香, 帶一點油香。旁邊有黑松露沙律醬以增添味道。推介壽司 - 火炙三文魚壽司！三文魚很新鮮, 充滿油脂香, 壽司飯很軟熟。

這天與朋友相約在旺角 ， 很多位於二樓樓上的餐廳其實都要靠 服務員於街上派傳單 先至知道它的存在。 既然今天第一張收的傳單是「日本野」， 就決定上來吃午飯 。日本野位於銀城廣場9樓， 餐廳也頗為闊落可以容納很多人，眼見午市時間也有很多人來吃午餐，很熱鬧呢。H 特選壽司拼盤定食78 午市定食包括了溫泉蛋，前菜沙律和麵豉湯。 溫泉蛋做得非常滑溜, 青瓜蟹籽沙律也新鮮爽脆, 麵豉湯正正常常。 壽司拼盤包括三文魚, 油甘魚， 八爪魚，北寄貝，玉子 與及加州卷， 全部新鮮即做。 另外隨餐也附有烏冬，爽口彈牙。 I 特選刺身拼盤定食 98 刺身拼盤也非常澎湃, 北寄貝, 三文魚, 油甘魚, 甜蝦 和八爪魚等等也是新鮮甜美。  米飯微暖， 煙韌有口感。 B溫泉蛋牛肉丼58 溫泉蛋有濃濃蛋味， 牛肉燒得焦香。 牛油果軟殼蟹卷88 牛油果軟殼蟹卷即叫即做， 牛油果軟滑， 下去軟殼蟹時仍然帶微暖。 而且件數也超級多， 性價比高。 蔥吞拿魚碎三文魚子丼128 吞拿魚蓉柔軟味美， 三文魚子粒粒飽滿，一咬就如海水般在口裏爆開， 超濃味。 而且魚子分量超多絕對冇欺場。

一向對日本野食都情有獨鍾，多元化的日本料理，搵到呢間餐廳叫日本野，除左壽司🍣、刺身、定食，丼飯，仲有壽喜燒，可以暖笠笠咁食住日本野呢個壽喜燒有薄切牛肉、大蔥、金菇、豆腐、冬菇等，這些食材會在由醬油的湯汁中新鮮煮成，甜甜的，可蘸生雞蛋食。可揀配白飯或烏冬，味噌湯或沙律。 $188另外，朋友叫左精選角切魚生丼飯，食材都均勻地切到一粒一粒，份量剛剛好，有味噌湯或沙律可選。海膽壽司，海膽的份量好足，難怪要$88兩件，滿足芝士年糕，芝士再多一點就更好！可能位於銀城廣場9樓的關係，人不多，餐廳內保持到一份寧靜和諧感，都幾配合在日本餐廳的氣氛！最後一讚是員工十分細心，知道我們坐的位置冷氣較凍，特意關小一點，令我們坐得舒服又食得開心

之前同朋友一齊去旺角嘅minifriday食晚飯嘅時候發現隔離開咗一間新嘅日本野，叫佢日本野係真係因為佢個名真係日本野🤪餐廳主打唔同日本小食刺身同埋丼飯等等，daddy話我知平日午市呢度多人到爆棚㗎🤭入到去見到佢而家到11月底有個香港人優惠支持香港人🇭🇰凡係身分證號碼括號內有1、0或8係指定日子可以享有免費午市套餐添，值得支持!!石燒吉列霜降牛小排 $178作為依到嘅主打點可以唔叫🥩店員首先會拿出一個石燒爐俾我地逐塊慢慢將牛小排放上去燒控制埋幾成熟添，千祈唔好燒太耐唔係就會過老架🤫霜降牛小排紋理唔錯，輕輕一燒可以食到油脂香同肉汁都幾豐厚🤤外層嘅吉列脆皮夠酥脆，外脆內軟，燒完之後可以睇自己喜好更甜醬或者唔掂唔掂嘅話呢就會比較突出，點左嘅話有甜甜地嘅燒汁亦都好開胃🥰蒲燒鰻魚定食 $118冇諗過呢個價錢竟然有手掌咁長嘅鰻魚，價錢的確幾吸引，質素就不過不失😗鰻魚屬於油脂偏小啲個種，唔算係啖啖肉好令人滿足個款🐟而佢嘅蒲燒醬汁屬於甜度較高，所以需要配埋溫泉蛋日本米飯一齊食🍚個人覺得佢可以再將鰻魚外層燒耐少少令佢多層脆皮以增加口感同埋炭燒香🤓——-溫泉蛋和風燒牛肉丼 $158 餐廳另一個主打當飯就係

話說我係一位好彩嘅幸運兒，因為身份證括號入面中咗指定號碼，可以獲得一客價值$58嘅午餐。咁啱公司同事都係幸運兒，所以就算交通有點唔方便都出咗旺角食晏🤣，食霸王餐哈哈。中午12點半去到，餐廳唔算多人，可能時間尚早加無乜人返工...。餐廳另一邊係食西餐，我哋呢邊就係食「日本野」，裝修都係偏和風🎎。環境舒服、闊落，但燈光稍為暗。睇返menu先，午餐分咗3類(丼飯、咖哩、定食)，共8款，價錢由$52-$98，送飲品，免收加一。但作為一間日本野🇯🇵，午餐竟然無麵豉湯同沙律跟，真係有點兒過份，其實唔稀罕，但覺得畢竟你平均都收成$6x一個😟，都已經唔係希望有蒸蛋。我叫咗🍛咖哩吉列豬扒烏冬($58)，賣相正正常常啦，上面有啲咖哩汁同紅蘿蔔🥕薯仔粒🥔同少許木魚。豬扒size唔大唔細啦，但炸得一般，唔夠脆，同埋塊肉本身比較薄，又無乜味🐷。另外想講就係咖哩配烏冬真係唔係好夾，好似白烚完個烏冬放落去，唔掛汁，加上疑似出咗啲水，令到好似好多汁咁，但又稀稀地，一般般。同事就要咗🍛咖哩牛肋條飯($78)，賣相同我嗰個好似，因為都係咖哩。牛肋條肉🐮就有4大嚿，都幾好味，肉夠淋，好食過豬扒好多。而且咖哩配飯，夾好多，啲

前排本身想食MiniFriday嘅，估唔到full咗要等，更估唔到嘅係佢間開餐廳一半，開咗間“日本野”嗰陣應該係餐廳新開，所以比較少人，不過就勝在夠清淨，而且服務都好有效率呢度有我一直都想試試石燒牛，我朋友就叫咗吉列嘅，我就揀非吉列嘅。就咁睇黎，我呢份偏肥，所以咬落好多油脂，我個人就比較buy濃口味嘅。但我覺得如果以一般食客黎講，均勻d可能會比較好。所以我朋友嘅石燒吉列牛應該比較好，肥瘦比較均勻，而且整個形狀都比較齊整呢個蔥三文魚三文籽丼超級足料，每一塊三文魚都好大塊😂而且三文魚籽真係足到不得了，每一口飯都有三文魚籽，一次過爆開嗰下真係超級濃味。坦白講，正常人食一碗呢個飯+杯茶應該就飽曬另外幾款飽肚之選：芝士餃子、海鮮大阪燒同埋牛油果卷都係性價比高，價錢唔太貴但好飽肚，味道都唔錯ps：嗰陣做緊推廣，玩桶大叔可以換取石燒牛嘅折扣，所以折完之後都幾抵，唔知宜家仲有冇😂幾有趣，所以我覺得overall 性價比幾高另外，記得嗰日有個服務員叔叔好好服務，佢嗰日第一日返工雖然有d緊張，但都係好盡心做好服務，又熱心介紹食物。我對佢印象好深刻。坦白講有一刻我真心想叫埋佢一齊食😂，抵讚😊

原來Mini Friday隔離開左間「日本野」， 開得咁近，唔知係咪同一個集團架呢～😂😂 呢到有晚餐套餐提供， 由$98起，包湯/沙律和咖啡/茶/汽水一杯。 自選丼飯（$128） 超過17款嘅刺身選擇， 三文魚（2片）、北寄貝（2片）、油甘魚（2片）、甜蝦（2隻）、帆立貝（2片）（+$14）， 仲會有玉子附送， 刺身都幾新鮮， 尤其係油甘魚同帆立貝， 唯北寄貝個頭比較細， 整體來說不錯吃，可以一試！ 🌟推薦❗️石燒吉列霜降牛小排（$178） 之前有係「吉列牛忌廉烏冬專門店」、「Steak Bar」食過石燒吉列牛， 冇諗過呢到嘅吉列牛做得咁好， 霜降牛小排有着雲石般細緻嘅油花紋理， 筋肉間帶網狀細小脂肪， 入口肉香軟嫩， 可能係小編食過最出色嘅吉列牛小排。😋 溏心蛋蛋黃呈半熟流心狀，蛋香濃郁，送飯一流！ 跟套餐仲可以追加小食， 🌟推薦❗️厚燒鰻魚玉子（3件）（$38） 厚厚嘅玉子，肉眼見足足有三至四層， 包住香甜嘅鰻魚， 仲有蟹籽嘅點綴， 蘸上黑松露蛋黃醬，好味呀！☺️ 牛油果控不會錯過嘅牛油果軟殼蟹卷（$88） 一

這鋪原來一間鋪內有2間餐廳的。今次就試日本野先。今晚同朋友係旺角食日本料理， 環境不錯，濃厚的和風裝修，溫暖的簡約木系感，寬闊的座位，坐得很舒適。極上七品刺身有三文魚、油甘魚、牡丹蝦、帆立貝、赤貝及八爪魚， 賣相非常之吸引，每一件壽司刺身都非常之精緻。三文魚切到有花紋, 三文魚口感豐富肥美。油甘魚口感柔軟細滑，肉身油分重。 牡丹蝦其極甜美的蝦肉，豐腴甘香的蝦膏，還有細綿帶爽的口感。帆立貝肉質具彈性，厚實口感與鮮甜滑嫩相得益彰。八爪魚咬起來非常彈牙，口感嫩中帶脆，極富口感。赤貝我也很喜歡，外表亮麗光澤，入口有海水及鮮甜的味道。水信玄餅這款日本點心，像水滴一樣晶瑩剔透，一看就愛上了，內裡的花花美得像藝術品，感覺更加夢幻和浪漫，傳統的日本食法就是灑上黃豆粉再淋上下面的黑糖蜜享用。

其實對於mini friday呢個品牌, 一直有信心。近月此餐廳分割咗一半做日本餐, 短短一個月都食咗3次, 服務態度, 一次比一次差。我決定唔會再幫襯。食物味道: 過得去, 但不正宗日式料理。(1)食個滑蛋豬扒飯, 啲滑蛋嘅處理熟得滯; 而吉列豬扒亦並非好脆(濕嘅); (2)亦食過咖哩雞扒烏冬兩次, 第一次食, 咖哩汁撈咗落烏冬度, 冇湯, 傑撻撻、林bet bet, 食唔落, 第二次食, 咖哩汁分開上, 感覺好少少, 我認為佢哋嘅烏冬煮得太過火、太林, 而且冇過冷河, 所以黐埋一住。(3)另外啲雞扒係黑椒醃, 配咖哩其實好古怪, 感覺上雪得太耐嘅肉類, 先會用黑椒配搭。不滿意嘅原因: (1) (每次)落單嘅時候, 男侍應語氣好不耐煩。(2) (第二次)用餐嘅時候, 不停過嚟望住, 唔知佢望乜, 係咪想我食快啲?(3) (每次)食完收碟收得好快(4) (今次, 即係最後一次), 一家三口(有個4歲小朋友), 好侍應同我講: 如果小朋友唔點餐, 我哋一家三口只可以坐二人坐位。我沒有跟他們爭辯, 氣憤離開。以前嘅 mini friday 唔錯, 環境舒適, 服務殷勤, 食物種類選擇多,

早排係旺角食左Mini Friday，發現同層另一間餐廳叫日本野，你冇聽錯，餐廳名字直係叫日本野。我非常欣賞餐廳直接既一面，所以今日決定試一試日本野。餐廳最近做緊優惠，只要客人叫左set dinner D同H可以玩木桶大叔。第一把刀就贏既客人可以免費，第二把刀先贏都有五折。我同女友都係第八、九刀先贏，不過都有八折✌🏻 牛油果軟殼蟹卷好大份，軟殼蟹好脆口，牛油果有助中和油膩感，加埋沙律醬酸酸甜甜，非常滋味。芝士煎餃子表面勁多芝士，芝士完全融化，令餃子口感更豐富多汁。炭燒秋葵普通通通。炭燒牛舌串調味剛剛好，唔會遮蓋牛舌本身味道，肉質有韌勁。女朋友嘅dinner set係石燒吉列牛定食，肉味都算濃郁，充滿嚼勁，有少少油香。唯一要彈既係炸粉同肉容易散開。套餐亦配有溏心蛋，白飯同湯。至於我既dinner set就係和牛壽喜燒。不論油花既分布同紋路，和牛既賣相都非常吸引。自己鍾意較濃味既壽喜燒湯底，日本野既壽喜燒正正滿足到我呢一點。厚燒鰻魚玉子一共有三件，玉子燒口感比較厚實，失去滑嫩既口感，不過點埋黑松露醬就好好味。食左咁多埋單都係$750。我個人認為壽喜燒同卷物值得一試。

好耐無同朋友食飯，今次就係openrice選左旺角呢間日本野試下，我地對佢既食物同環境都好滿意。 推薦大家一試環境方面，係日本餐廳黎講真心闊落，d位都坐得舒服，身為日迷既我，好鐘意佢餐廳有類似日本小屋既設計^^今次點左幾樣食物試下，樣樣都好岩口味，無伏野，平時食開其他或者都會有一兩道菜吾新鮮或味道麻麻～但今次就相當滿意😋下次想試埋佢既石燒吉列牛&大阪燒～呵呵呢個鰻魚玉子，d蛋入口好鬆軟，有種入口即溶既感覺～配埋有黑松露&蟹子既沙律醬，好味，推薦～呢個壽喜燒火鍋烏冬，壽喜燒湯底濃郁，吾會非常甜，味道岩岩好，d牛肉質好好，係岩岩滾既時候食，正哦，d配菜都入曬味，真。壽喜燒，平時食完呢d野會有好頸渴既感覺，但今次完全無魚生飯d魚生一食落就知好新鮮，份量岩岩好，CP值高哦呢個牛油果軟殼蟹卷，作為牛油果愛好者既我必點，同出面食開好食既都差不多，但佢勝在賣相吸引，同埋壽司師父應該對切野好考究，牛油果切到好平均我地食牛吾夠喉就點左呢個，溫泉蛋燒牛肉丼，牛既肉質同味道正啊，d牛吾un，而且老闆都真係吾孤寒，好多塊牛😂稻庭冷烏冬，真。稻庭烏冬～加少少wasabi 落個配湯度，連埋烏冬一齊食，好特別，可以

早排去左日本旅行日日食日本野返到香港都要食日本野所以今晚放左工同老公去「日本野」食日本野😂呢間「日本野」款式都幾多選擇刺身、壽司不用多說仲有我至愛既吉列牛我地都叫左好多野食🤣「極上七品刺身 $328」（三文魚、油甘魚、牡丹蝦、活赤貝、帆立貝、海膽、八爪魚）>刺身都幾新鮮，啖啖肉「榴連炸彈 $38」>我的至愛，榴槤茸爆緊出黎「冰鎮秋葵 $48」>以前唔鐘意食秋葵而家好鐘意食好味又健康不過唔係好多人接受佢滑潺潺既感覺「厚燒鰻魚玉子 $68」>玉子又係我至愛蛋香濃中間夾著鰻魚更加啖啖肉更加好味「牛油果軟殼蟹卷 $88」>沒想到呢個卷物份量都幾多😂我同老公食完個感覺係超飽👍🏻「石燒吉列霜降牛小排 $158」>主角出場最鐘意吉列牛呢款煎完之後周邊脆卜卜肉質嫩滑沾埋醬汁好味道壽司系列：「三文魚壽司 $22、火灸三文魚 $26、火灸帆立貝 $52」>抵食夾大件👍🏻呢間日本野性價比都高而且款式多新鮮好味環境乾淨坐得又舒適下次一定會再來！

今日放假，諗住同媽咪爸爸食下飯，諗起旺角有間新開既日本餐廳，仲新開張做緊Promotion ，即刻OpenRice Book 枱食返餐好嘅先。😂😂✌🏻✌🏻Book 左1:30pm ，去到唔使再等之餘，其實都仲有好多位，撞啱佢地做緊Promotion ，媽媽合晒資格有$58免費午餐(貴過$58可以加錢），而我就有8折，爸爸就乜優惠都無。wakakakakaak...😂😂😂😂望下餐牌，其實選擇唔太多，不過要㨂$58或以下嘅餐，其實都有幾款，唔會無得揀。👍🏻👍🏻 爸爸一來到就睇中佢個刺身定食，因為佢既Theory 係貴一定有原因同好食😅😅😅，但本人覺得個壽司定食好似仲好。。🤣🤣🤣。。 我就叫左個角切魚生飯，而媽媽就叫左個滑蛋豬扒飯。。個餐仲要包嘢飲，所以如果食正佢Promotion 既要求，其實都幾抵。。首先上枱既係我份角切魚生飯，份量比較細，而且魚生唔算新鮮，我覺得普通左啲，但如果鍾意食蟹籽既都可以考慮，因為okay 多嘅。。。之後係爸爸既刺身定食，刺身份量都幾少，但個定食有温泉蛋，沙律，飯同湯，食晒成碗飯先啱啱飽 （之後我爸爸仲要清左媽媽碗滑蛋豬先夠飽。我諗我爸爸太大食。😂😂😂😂)，刺身

有好多日本正野的日本野～～～餐廳名稱：日本野 (旺角)餐廳地址：旺角西洋菜南街2A號銀城廣場9樓～～～最近一些連鎖壽司店出了不少不好的新聞 我和大舊都罷吃了一段時間 但熱愛日本菜的我們當然不能因此而少了吃日本野 這天 很想食日本野的我們 上網找到了這家叫日本野的新餐廳 覺得它的名字改得好直接 感覺幾得意 所以我們便選了它來做晚餐的落腳點😆～～～上來之後發現他們的裝修果真很日本風 座位挺好坐 餐牌選擇挺多 肚子好餓的我們叫了蒲燒鰻魚定食 追加刺身拼盤和厚燒鰻魚玉子 還叫了豚肉大阪燒 帆立貝刺身牡丹蝦刺身 冰鎮秋葵 和炭燒粟米等🥰～～～鰻魚定食的鰻魚燒得很脆身 香香的 很不錯 加上香軟的米飯正好填填我們空空的胃 好舒服😌～～～刺身拼盤裏面有三文魚北寄貝八爪魚甜蝦各兩件 全部刺身都新鮮 尤其是三文魚腩 好肥美 又很厚切 油花均勻 超級好吃的 推薦大家一定要叫😍～～～厚燒鰻魚玉子就是另外一個絕對要點的東西 蛋香濃 熱辣辣 好柔軟 加上中間的鰻魚 調味和配搭都天衣無縫 很出色😉～～～豚肉大阪燒則非常有特色 不是用平時的日式薄豚肉 而是用豬肉切粒加進去 口感好特別 是很新奇有驚喜的大阪燒 不錯哦😝

同朋友出黎旺角買野，順便食下野先，上網搵到呢間日本野，個名咁搞笑就試下佢先。地點在銀城廣場，唔難搵，不過可能係樓上舖又唔多人喎，啲位幾闊落感覺唔錯。枱上有七味粉同豉油，個樽都幾乾淨喎。特選壽司併盤定食（$78）呢款午市定食又幾豐富喎，樣樣有啲好吸引。壽司細細件，魚生幾新鮮無腥味又無雪味，幾正。蟹籽沙律，青瓜絲爽脆無出水，多蟹籽又多蛋黃醬，正。烏冬個湯底無乜味，都ok嘅。麵豉湯香口不死鹹，好飲。溫泉蛋牛肉丼（$58）朋友點的牛肉丼，牛肉片份量很多，成碗都係牛肉，甜甜地調味不錯，溫泉蛋亦很有蛋香，但碗飯好濕，有啲湯飯嘅感覺，哈哈。午餐有餐飲送，要左熱奶茶同可樂。熱奶茶又幾香滑喎，意外地日本餐廳竟然有一杯靚嘅港式奶茶！可樂就正正常常啦，係細杯左啲。見有人食吉列牛，好香呀，等我地又點一份試下先。石燒吉列霜降牛小排（$158）啲牛好靚呀～期待！醬料有肉汁，海鹽，生蒜同沙律醬，個人較喜歡加海鹽或蒜。好香好香～牛小排燒到滋滋香，牛油走晒出黎勁甘香，如果配上一碗白飯就更滿足了，好後悔掛住食無點到添。環境唔錯，價錢又唔貴，旺角又多個好地方食日本野啦。