日本野 (已結業)

自從去完日本之後，返到嚟香港都好想食日本嘢，搵咗間性價比高日本嘢食下先。好，坐低睇吓有咩好食先。蒲燒鰻魚定食，套餐可以揀沙律或者麵豉湯，大大條鰻魚好抵食，配糖心蛋，送飯一流。石燒吉列霜降牛小排，牛排雪花花紋整齊，放上石鍋燒至喜愛既生熟程度，牛排咬落柔軟，加上表面炸脆嘅外皮，好味。厚燒鰻魚玉子，厚厚嘅玉子包住鰻魚，咬落柔軟可口。芝士年糕，炸到熱辣辣，咬落裡面軟綿綿嘅芝士流出黎，正！刺身拼盤，有四款刺身，都幾新鮮而且抵食。跟餐飲品叫咗熱奶茶、凍檸茶。