日本野 (已結業)

原本去東京嘅旅行取消了！思鄉病發作唯有喺香港食餐好嘅日本野填補一下心靈上嘅空虛。日本野位置旺角中心地帶交通非常方便，主打石燒牛、不同日式小食、大阪燒、壽司⋯總有一款啱口味！薄荷特調 $68行街行到熱辣辣坐低飲番杯雞尾酒先，薄荷口味非常清涼，一杯夏天消暑退火的飲品。石燒吉列霜降牛小排 $178這裏的晚餐真心抵食，石燒牛更加係必食之選，石燒吉列霜降牛小排淨係睇個石燒爐已經值回票價。落單後轉頭店員就先將塊石板放在枱上，等一陣香噴噴嘅石燒霜降牛小排一上枱，店員就點著石板下嘅燃料，熱燙燙嘅石板放上霜降牛小排。日本野嚴選美國 Prime 級牛小排，肉質鮮嫩無比又多汁，令我們一試難忘！份量足，每件牛小排在石板上煎，入口軟熟嫩滑加埋之外面香脆嘅炸邊，兩種口味一次享受，而套餐內嘅糖心蛋都好香滑，配上白飯入口完全唔會有肥膩嘅感覺，不容錯過，霜降油脂雪花分布均勻漂亮，肉色紅嫩，最啱打卡！厚燒鰻魚玉子 $38晚餐可以追加小食，半份量但又可以試多幾款唔同嘅嘢食，將平常的玉子燒加上蒲燒鰻以及芝士一起做出來的料理，口感豐富，香氣十足，非常滋味！豚肉大阪燒 $88大阪名物，我最鍾意大阪燒嘅燒汁好惹味，超高人氣的招牌菜

o(╥﹏╥)o呢段「抗疫」期要外出吃飯，真係要鼓起很大嘅勇氣，但想吃日本野嘅心一直系度，同朋友買完電話配件shopping完就行到銀城呢個building食呢間”日本野”(✪ω✪)。雖然係特別時期，但這裡十分企理衛生，食得好安心！晚上7點幾，以為會小貓三四隻，客人不多，但依然多年輕人幫襯，好生意呢！ 嘅菜式好多樣化，有日式石燒吉列牛、和牛壽喜燒鍋、自選刺身飯，都有刺身和串燒，一次過滿足嗮我同朋友仔各人不同的口味。而我同朋友分別叫左晚市限定嘅石燒吉列牛定， 牛壽喜燒鍋同和風炒野菜。和風超野菜十分足料，有木魚絲，脆肉瓜，大白菜，本菇，椰菜，荀子，洋蔥，豆角等，蔬菜軟腍，咸咸甜甜嘅日式醬油可以帶出野菜本身嘅清甜，再加上少少芝麻！令簡單嘅炒野菜香味提升！ 😌日式石燒吉列牛好有驚喜啊，第一次食吉列牛！望到脆脆嘅吉列和牛邊邊，同好靚嘅雪花牛肉紋路，配溏心蛋同白飯，醬油有鹽同燒汁，真係流嗮口水啦，旁邊有一舊牛肉膏油，店員細心介紹係用黎燒啲油出黎～先熱一熱個鍋先！熱一熱個鐵板就放落去燒LUUU～～🤗輕輕燒已燒就食得！外圍邊邊嘅吉列脆脆又唔厚，紋理好唔錯啊~肉質好嫩，好香牛味，完全唔會有筋，油香特別豐富

If you are a Japanese lover and come across mong Kok, this is the right spot to go to! The price was very attractive indeed - in general everything had a high-value-for-money! 厚燒鰻魚玉子HK$68Thick tamako with eel was of generous portions! Loved the texture and everything! 芝士煎餃子HK$58Cheesy dumplings!! WHO COULD EVER RESIST! I loved the thick layer of cheese on top and everything that went addictively well together!極上七品刺身HK$328This gigantic plating has got to be one of the highlights of the meal!

我本身自己最鍾意食日本嘢，今日就去咗旺角一間叫日本野嘅餐廳食日本嘢，唔知係咪疫情影響，餐廳唔算太多人，我order左一個燒牛肉定食，佢哋啲牛肉雪花均勻，但係又唔太肥，仲可以自己燒，鍾意幾熟都得，我太太叫咗一個壽喜燒，佢個壽喜燒可以揀烏冬或者飯，啲牛肉都係超林，勁多菜，超好味，另外我哋仲加咗一個牛油果軟殼蟹手卷，個侍應一攞到嚟真係嚇我一跳，超大份，個軟殼蟹仲要脆卜卜，啲侍應服務態度仲要好好，真係值得一試

日本野。。日本野。。女生最愛吃日本野🍣🍱🍶🥢..裝潢簡潔乾淨，餐廳風格以原木為主調，讓人感覺很舒服 很有日式既味道。日本野又有誰不愛吃❓主打各類日式料理，選擇真不少呢。岩晒愛試又愛吃的我👻，如：玉子燒`刺身壽司`石燒吉列牛`壽喜燒鍋物`串燒小食`丼飯套餐，各類卷物。選擇多多 真係無局限。ll $68青瓜蟹柳絲🥗 造成既沙律，加上預先拌勻 滿滿沙律醬同吃，另外份量不少既蟹籽 吃在嘴裡脆脆 既清新又好味。ll $68嫩滑既玉子燒🥚 加上內藏我最愛吃既鰻魚🐟，夾集甜甜醬汁，一口很滿足`很好吃。ll $18原條茄子🍆 好腍滑，加上面頭大量炸蒜粒，一軟腍一脆口，雙重口感 茄子愛好者就是喜歡。ll $88牛油果🥑 跟軟殼蟹🦀，總係壽司既好配搭。l壽司]l $26炙燒過後既三文魚🍣 比刺身多一份炙燒過後既魚油香，油香更肥美 暖烘烘既壽司更好吃。ll $128三文魚`北寄貝`油甘魚`穴子三文魚腩超肥美、穴子大大條、油甘魚夠厚身、北寄貝亦夠新鮮。喜歡多刺身點 仲可以隨意添加額外魚生，呢個飯真是滿足。和風柚子雞翼 (5件）$58另加配既柚子雞翼，份量好足 炸香既嫩滑雞翼 連同柚子醬同吃，味道酸酸甜甜呢。.

今天來到這間位於旺角樓上舖的日本餐廳，餐廳名字就是"日本野"，非常直接。餐廳有卡位，也有普通座位，座位舒適，燈光光猛。餐牌上有多款食物可以選擇，而且也有提供晚餐!晚餐包括有主食，也有湯和飲品，還可以加錢追加小食。芝士煎餃子，平常在日本餐廳吃到的都是煎餃子再點上餃子汁，而這裡的餃子煎好在淋上芝士醬，芝士醬能夠拉絲，而餃子內餡跟平時吃到餃子一樣，也有豬肉和蔥等材料。而芝士醬咸咸香香，令餃子味道更美味!石燒吉列霜降牛小排，這款主食是這間餐廳的人氣選擇。牛肉上枱的時候是生的，店員會給予一個爐及一塊石，在上面自己燒熟。而牛肉是吉列牛肉，只要稍稍把兩邊燒過便能吃，牛肉油脂分配平均，令牛肉鬆軟juicy，還附有醬汁，更能提升牛肉的鮮味!吉列牛的碟邊還有一粒油脂，在燒牛肉前把油脂在石上塗上，這樣便不會黏底，很貼心!這個套餐還有溏心蛋、飯和面豉湯。和牛壽喜燒烏冬，這款定食基本上差不多每枱也有點上。這個壽喜燒除了有牛肉，還有豆腐、大蔥、津白、皇帝菜、雞蛋、金菇等配料，湯底是甜甜的，牛肉肉質鬆軟，湯滾後把烏冬也放進窩內，味道惹味!最後還有凍檸檬茶作結。有機會會再來試試這裡的卷物、刺身等食物!

今日黎到旺角銀城新開嘅日本野試下，一解思鄉之愁。周六中午，食客得番2-3桌。座位寬敞，適合三五知己聚餐。周末依然有午市套餐供應，價錢約$52-$98 （包沙律及汽水）還有部分單點餐牌特選壽司拼盤 定食 $78 （壽司：三文魚、油甘魚、八爪魚、北寄貝、玉子、加州卷x3)配味增湯、溫泉蛋、豬骨湯烏冬 脆味雞軟骨 $48比較厚粉，但內裏唔會乾。炭燒牛舌串 $38/2串味道可以，係薄左少少。厚燒鰻魚玉子 $68蛋卷香滑，夾層鰻魚彈牙有口感。配埋鰹魚碎、蟹子、黑松露醬非常滋味！石燒霜降牛小排 $148最有驚喜的一道菜式。美國prime級嘅牛小排，色澤鮮明、油花分佈均勻。有10塊之多。（配牛脂、石爐）想食幾成熟由自己話事。牛小排質地鮮嫩、肉汁豐富，都可以話係我食過名列前茅嘅吉列牛！水信玄餅 $28俗稱雨滴蛋糕，日本名物之一。入口即溶的果凍口感。抵到$28仲有咩好投訴。

今晚想食日本野，又唔想食咁貴，於是就嚟咗呢度！晚市套餐好抵食，而且有我地想食嘅嘢！石燒吉列霜降牛小排就係我哋嘅target! 另外我哋仲加咗啲小食。套餐幾精美！仲有個石燒爐，要快啲趁佢熱辣辣嘅時候燒牛肉～生熟程度可以自己掌握牛肉肉質幾淋，油脂好豐富。我哋跟餐加錢要咗個芝士年糕～仲要咗個炸薯條！食完咁多熱氣野梗係要食甜品水信玄餅口感幾好，撈埋啲黃豆粉好好食 最鍾意呢啲食咗好味又唔飽嘅甜品另外仲要左梳乎厘pancak配雪糕，呢個甜品要等20分鐘，不過好嘢係值得等待！梳乎厘充滿空氣感，好正大家食完正餐一定要留肚食甜品呀！

忽然間想食日本野 點知發現呢間真係叫日本嘢嘅日本野😂雖然中文叫日本野但係英文係MINIFRIDAY入邊裝修好有日本感覺食物選擇好多價錢好抵食 尤其係晚市套餐我哋就叫咗石燒吉列霜降牛小排套餐有成十幾件吉列牛 自己喺石上邊燒到鍾意嘅程度 撈埋調味料同埋味素飯就食得！另外追加小食厚燒鰻魚玉子燒同和風炒野菜厚燒玉子好有厚度 鰻魚份量都唔少 仲有邪惡拉絲芝士炒野菜係二人份量 +40幾蚊就有好抵食！另外散叫咗啲壽司三文魚甜蝦同牛油果加州卷同樣大件夾抵食！另外再叫咗個冷烏冬分量大 沾日式薄豉油食 清淡好味！餐廳仲有得自選丼飯 價錢抵食👍🏻

蕃薯妹一向好鐘意食Sukiyaki同埋和牛燒烤，最近朋友介紹呢一間「日本野」，可以一次過滿足曬兩個願望😍「日本野」位於旺角銀城廣場9樓，位置響鬧市內商廈唔難搵，呢度嘅裝修幾靚，頗有日本風情，座位寬敞唔會好逼，即使響抗疫期間亦唔怕同隔離檯食客太親密。睇吓set dinner嘅餐牌，話明要滿足曬兩個願望，我地好快就決定好Order《H.石燒吉列霜降牛小排》同埋《I.和牛壽喜燒》兩個餐🤤仲追加咗兩個小食，厚燒鰻魚玉子同埋刺身拼盤🥰刺身拼盤 $88有三文魚、北寄貝、八爪魚🐙、甜蝦。好有驚喜！三文魚超肥美～ 全部都好新鮮鮮甜❤️厚燒鰻魚玉子 $38咸甜度適中，好味😋H.石燒吉列霜降牛小排 $178跟餐可以選擇要溏心蛋定溫泉蛋，我選擇咗溏心蛋🥚第一次食吉列嘅牛小排燒烤，輕輕響燒石板上面燒香兩面就食得，吉列外皮香脆，牛味香濃，有少少咬口，非常好味👍🏻👍🏻I.和牛壽喜燒 $188跟餐可以選擇配飯定烏冬，食sukiyaki當然要配鳥冬😍 壽喜燒醬汁非常香甜，和牛入口即溶感，好好味😭 其他配菜同埋鳥冬吸收咗壽喜燒醬汁都非常好味，好想一食再食！食日本菜當然唔少得飲日本酒，我地選擇咗熊本縣一千代之園純米酒，凍飲

食日本嘢當然要食刺身壽司先開心～旺角呢間開咗冇耐嘅日本野好似好吸引，同朋友去食！首先我哋叫咗個五式刺身，刺身都幾新鮮，而且幾肥美。之後就叫咗個壽司拼盤，一共有六件；有赤海蝦、海膽、三文魚、赤貝、油甘魚及黑松露帶子。再叫咗牛油果軟殼蟹卷。我都幾鍾意食卷物，最鍾意食軟殼蟹卷。軟殼蟹妹脆，新鮮整起，而且上面仲有牛油果。熟食叫咗秋葵，都唔錯。仲有大阪燒，材料都幾豐富。甜品叫咗水信玄餅，好似啫喱咁，賣相好靚。

同同事難得出黎食野，當然食好d啦嗌左個set lunch, 除左主食外，會有沙律同埋野飲溫泉蛋牛肉丼，有大量牛肉，食落幾香口，再配埋溫泉蛋撈飯，蛋味濃，正。午餐呢個價錢算ok咖喱牛肋條烏冬，烏冬彈牙，咖啡味香濃可燒吉列霜降牛小排，係可板上用牛脂肪燒一燒無咁容易痴底，之後放兩塊霜降小牛排燒，燒完兩邊就食得。入口肉香吉列脆脆地，做到外脆內軟好食炭燒牛舌都好正，唔硬比較彈牙，有少少炭燒既香味燒大啡菇，菇好厚，加厚醬油燒，好正燒茄子: 面頭大量木魚，加入調味粉後變得非常惹味牛油果軟殼蟹卷: 暖暖的壽司飯包裏炸至香脆的軟殼蟹，一軟一脆的口感特別美味水晶玄餅配上黃豆粉同黑糖，唔太甜，成品好靚好精緻

銀城廣場9樓，地方唔算大，但係座位都算幾舒適👍🏼💙 角切魚生丼 $138，dinner set 連飲品 加沙律/湯💙 鹽燒鯖魚定食 $98，鯖魚燒得好食😋💙 石燒霜降牛小排 $148，自己燒牛小排😍 鍾意幾熟自己控制👍🏼另外仲有兩款跟餐加錢嘅小食💙 芝士年糕 +$28，唔知點解我都幾鍾意食芝士年糕，鍾意佢嗰種外脆內軟嘅感覺😚💙 和風炒野菜 +$48，有菇有西蘭花有椰菜有番茄仔有木魚... 出街食飯都要食下菜嘅🥦💙 價錢方面算合理，喺旺角想食日本野可以一試😊

朋友好鐘意食日本野，今日就同佢去旺角食日本野。冇錯，間餐廳真係叫日本野！環境唔錯，適合坐低慢慢傾計。打開餐牌，見到有好多唔同選擇，有刺身、魚生飯、壽司、燒物等等。我地點左石燒吉列霜降牛小排，牛小排油脂分佈分明，放上石板列燒，煮到八成熟，嫩滑又惹味！另外，我地仲點左精選角切魚生飯，魚生飯入面有三文魚、吞拿魚、蟹籽等等，全部都好新鮮，正啊！當然，食日本野點少得壽司呢，我地點左火灸帆立貝、三文魚、油甘魚同埋三文魚子壽司，好豐富啊！

今日晏畫去到旺角日本野食lunch，一個午餐由$52-$98不等，有丼飯、咖哩同定食揀🥰😋😝，成班朋友一齊食緊係要叫多啲野share黎食📌特選壽司拼盤定食總共有八舊壽司，有我最鍾意食嘅加洲卷同油甘魚😍😍，仲有沙律、半熟蛋、麵豉湯同一碗烏冬，呢個價錢都算抵食📌咖哩牛肋條配烏冬咖哩唔會太辣，反而咖喱香味較突出👍🏼，牛肋條無骨又夠煙韌，仲有啲薯仔配菜📌滑蛋吉列豬扒丼炸香嘅吉列豬扒皮薄肉嫩🤤，滑蛋夾雜係飯中間為成個飯增加左唔少味道同顏色📌石燒吉列霜降牛小排今餐最愛嘅係呢個石燒牛小排😆，霜降牛高質好味🤩，可以自己落手燒控制生熟程度，撈飯食一流📌焦糖燉蛋甜品叫左個焦糖燉蛋，蛋滑鬆軟🥚，焦糖岩岩好唔會有燒焦味，面頭仲有唔少水果配料