日本野 (已結業)

较早之前同朋友去咗旺角银城嘅日本餐厅食饭，环境舒适，同朋友吃饭倾吓计几啱心。当晚我吃左个自选丼饭，拣咗玉子蛋、北寄贝、油甘鱼、帆立贝和海胆，丼饭砌得十分整齐，刺身食落去都新鲜，海胆嘅份量很多，又甜美。配搭蟹子青瓜沙律，爽脆清甜。至于朋友就食蒲烧鳗鱼定食，原条烧鳗鱼上碟「噢」左咀，配搭溏心蛋、白饭同味噌汤，都系$118，非常抵食呀！烧鳗鱼嘅肉质好厚，食落啖啖肉，最重要系骨丝被挑得干净，入口滑身很多啊！厚烧鳗鱼玉子，呢个我觉得系必食呀！玉子滑嘟嘟，卷着厚厚嘅鳗鱼肉，香滑可口。芝士年糕，年糕表层炸得金黄香脆，咬一口，芝士即时流出来，很甘香啊。和风柚子鸡翼，鸡翼先炸过，皮脆肉嫩，再用柚子酱淋在鸡翼上，酸甜香嫩。食饱饭紧要来个甜品先满足嘅，心太软配抹茶雪糕，样子同一般见到嘅心太软有点不同，但流心朱古力够浓郁，不太过甜。整体来讲，呢间餐厅嘅食物都ok，在旺角区价钱亦唔太贵，欣赏的！