日本野 (已結業)

呢晚余媽媽相約朋友嚟到位於旺角銀城食 我地大愛嘅日本野~ 呢間餐廳真係叫<日本野>呀！ 個名好易記^^ 餐廳是和風設計, 枱與枱之間有一定的距離, 進入餐廳前, 職員會提供搓手液給客人消毒雙手, 衛生措施足夠~呢度當然係主打日本野啦…還有我最愛的梳乎厘pancake呢！我地兩個人合共點左4款Signature食物, 賣單連加一收費約$500, 以呢個和風質素的日式晚餐來說, 價錢都幾實惠啊～ <石燒霜降牛小排>$148, 加$28 upgrade做套餐, 配昆布湯, 唐心蛋和飯~霜降牛小排油花分佈均勻, 色澤好靚, 用石燒特別香嫩又juicy, 近乎入口即溶, 很回味~記得先用附上的油膏刷一刷石板, 令燒出來的肉質更靚更香~<刺身定食> 附送沙律 $128 我選了油甘魚, 甜蝦和三文魚刺身很新鮮, 夠大塊, 吃得出鮮味來~<榴槤炸彈> $38 我一向都好喜歡吃榴槤, 所以今次都忍不住點了榴槤炸彈過口癮~ 外脆內軟, 炸粉唔多,  也沒有油益味, 很新鮮~  看見暖暖的榴槤流心溢出, 很療癒~&

今日同舊同事上咗嚟食晏😊😊舊同事話呢一度嘅午市套餐好抵食，平均都係六十蚊左右！套餐仲要有埋餐飲都唔洗加一收費😆😆即使係散嗌小食嘅價錢都唔係貴所以我哋都嗌咗個燒啡菇同兩件北寄貝壽司開胃開胃~食完個啡菇同壽司， 我哋兩份證餐都一齊嚟到！我哋分別要咗滑蛋豬扒飯$52同咖哩雞扒烏冬$58~我既日式咖哩仲有好多薯仔粒同紅甘筍粒，成碗都好豐富兩份都大大碗， 仲會有一小碟沙律添 😚😚唔好話我哋係女仔呀，即使係一個男仔食完成個餐都會覺得飽曬!飲品方面，我哋兩個就飲咗解喝嘅凍檸茶😍😍雖然話飽曬，但女仔食甜品係有第二個位㗎嘛🤣🤣所以我哋最後都忍唔住一人嗌咗一個靚靚水信玄餅做飯後甜品~~~

呢日放假約左朋友中午聚餐~~我地約左去“日本野”食日本野！哈哈，無錯！係去一間叫日本野既餐廳食日式料理：)呢度即使係假日都有午市套餐，套餐價錢仲唔洗加一添！！我地幾個就決定要兩個套餐再散點其他食物一齊share~~~先黎既係單點既“極上七品刺身”HKd$328+10%，一大盤豐富刺身，呃like一流xpp之後就到我地所揀既套餐上場~~分别係“滑蛋吉列豬排丼”HKd$52同“刺身定食”HKd$98！！！吉列豬排唔會炸到乾爭爭油淋林咁，味道唔錯，仲要份量頗多，CP值甚高；)之後有單點既“石燒降霜牛小排”HKd$148+10%，加多18蚊仲可以轉為套餐，包有米飯同味噌湯添！！牛小排肥瘦得宜，肉質香軟而不失牛香，令我地大感驚喜~~加上有十多片既份量，性價比不低呢！！！之後亦單點左兩款小食：“炭燒大啡菇”HKd$36同“鰻魚玉子燒”HKd$68=]呢度個玉子燒係另一亮點，又係意料之外既高質！！！玉子厚嫩味帶微甜，卷入既係嫩彈既鰻魚，兩者味道融和合拍，加上表層既木魚碎同飛魚子，令整份玉子燒更添和風之味：）套餐包有飲品，凍飲都不需另加收費添！！最後我地仲order左兩款甜品share~~除左日式既“

🇯🇵性價比高日本野 石燒霜降牛小排🥩餐廳名真係好頂癮 叫”日本野”😂疫情無得去日本 唯有去食吓日本野😚🥩最吸引嘅一定係石燒霜降牛小排雖然有少少筋 但牛味濃油花夠多 燒完好香口我覺得燒完嘅牛肉點少少鹽係最原汁原味😋其實仲有吉列石燒霜降牛小排可以選擇🥰一客兩串牛舌$38好抵食~三文魚刺身只係$58有5片 仲要超厚😍應該厚到可以一開二咁厚 好抵食阿😳鰻魚炒飯晚餐套餐 包湯/沙律🥗同一杯餐飲 鰻魚醬汁夠香濃 炒到每粒飯都均勻蟹子沙律同火炙三文魚壽司🍣都正常水準最後2個人係飽住咁走🤰🏻加埋一只係$500.🥩石燒霜降牛小排$148🍚鰻魚炒飯$118🥗蟹子沙律$68🍢炭燒牛舌串$38🍣三文魚刺身$58🍣火炙三文魚壽司$26📍日本野 (旺角)旺角西洋菜南街2A號銀城廣場9樓

前排香港好似好興食吉列牛👅身邊既朋友都成日食,見佢地既LIST度仲有好幾間未試過,所以今日就一齊去旺角試下哩家!食物方面:⚪️厚燒鰻魚玉子⚪️牛油果軟殼蟹卷二個小食都係熱辣辣,軟殼蟹卷好脆好好味☺️而且好大份,玉子甜甜地夾埋鰻魚好正!(晚餐SET)⚪️溫泉蛋和風燒牛肉丼份量都好多,牛既份量都好多岩岩好,味道適中牛肉都吾會過熟,配埋溫泉蛋😏⚪️石燒吉列霜降牛小排(配日本米飯和溫泉蛋)吉列皮吾厚,而且好脆,牛小排好淋好香牛味🤭份量都夠,溏心蛋好香加埋飯好正!整體方面:餐廳裝潢好日式,菜式選擇都很多,用石燒真係玩得又食得😬仲可以按唔同人需要去控制肉既生熟程度,味道都好好,食材都好新鮮,一班朋友一齊去食都幾好!

話說朋友問我今晚我哋去邊度食嘢，我答佢日本嘢，佢話唔係問你食咩呀，係邊間餐廳呀。我話我咪答咗你。哈哈哈...無錯！間餐廳個名真係叫日本嘢，太搞鬼了吧🥴疫症關係，餐廳真係好少人，環境寧靜，坐得好舒服。我哋兩個叫咗個晚餐定食，一個係照燒雞扒定食🐔，另一個係石燒吉列霜降牛小排🐮。以前食過一間餐廳啲照燒雞扒定食好正，好耐無搵番呢種感覺，估唔到喺呢度可以尋回嗰種味道，啲雞皮又香又脆，唔會太過燶。雞肉又夠嫩滑，倒埋啲燒汁落去無得彈。溫泉蛋溫度控制得好好，撈飯食超正！美國Prime 級牛小排，油花均勻，用熱石爐燒兩燒就食得，可以自己控制生熟程度。一食落去，肉質好嫩，個邊又脆脆哋，即燒牛仲感覺到好香嘅油脂，食落就更加好味。撈飯真係一流😋😋😋！跟餐仲有麵豉湯同溏心蛋，隻蛋好流心呀！另外仲可以用優惠價加小食，揀咗個厚燒鰻魚玉子同埋刺身拼盤。厚燒鰻魚玉子好香，玉子夠厚，食落好有口感，上面有木魚同蟹子，個醬係沙律醬加黑松露，食落有啖啖黑松露嘅香味，不過如果再多少少鰻魚就perfect！個刺身拼盤有三文魚、北寄貝、八爪魚🐙、甜蝦各兩件🦐，啲刺身超新鮮，就好似平時喺日本食嗰啲咁新鮮！講起都好掛住日本呀！有排都無得

今日難得放假就同男朋友來食一餐日本野！因為症情，所以好耐無出街食晚餐。今日選了這間第一次的日本野，這是與mini Friday 相連的，所以可選日本或西式餐廳。環境簡約樸素，以日式設計為主，感覺不錯；服務也友善有禮，乾淨舒適！入去餐廳前會先幫客人量體溫及用酒精搓手選擇唔少喔，有刺身、壽司、卷物、小食、串燒、炒飯、烏冬、丼飯、鍋物等等，一定適合不同客人口味首先來個火炙帆立貝壽司喜歡火炙的香口，帆立貝的軟軟口感，壽司的飯軟硬剛好，不錯這裡出名的石燒霜降牛小排，男朋友一見就雙眼發光，好濃郁牛味又軟滑易咬，服務員幫忙起火，客人可以一邊燒一邊慢慢品嚐，更有燒肉汁及3種調味（海鹽、菜圃、芥末）自行配搭，好正！更點了炭燒牛舌串及炭燒粟米牛舌爽口有咬口又大片，香濃黑椒好惹味；燒粟米是男朋友必點，見佢食哂喔！也點了雞肉大板燒大板燒有3種選擇（雞肉、豚肉、海鮮）男朋友選了雞肉大板燒，好大份又多醬汁，有燒汁及沙律醬，更有好多蔬菜，但雞肉有點硬身，口感可以更好

午市時段來到叫左一個lunch set 2個散叫食物lunch set價錢好相宜，叫左壽司定食，會跟沙律、烏冬、麵豉湯同飲品睇落好豐富，可惜壽司唔新鮮，烏冬亦係淋，最終所有嘢都食唔晒京蔥吞拿魚茸三文魚子飯賣相不太好，平時食開嘅吞拿魚茸應該係粉紅色，但係呢到既係啡啡地色，有啲似熟咗既色，免治豬肉咁嘅顏色。。。食落冇乜味都好似唔知自己食緊啲咩咁，有時忍唔住問吓店員點解魚肉嘅顏色係咁樣，於是店員問咗廚房得出嘅答案是因為有用豉油加工所以係咁樣嘅顏色。。。不過我個人認為佢唔新鮮所以最終都係冇食到石燒牛肉上枱時牛肉6塊完全係結冰狀態，有可能係特色？不過我諗更加有可能嘅係啱啱開門未解凍。不過都唔應該咁樣就呈現喺客人面前。。食完下午肚柯。。。

疫症稍為暖和，雖然仍未能放鬆，但已忍不住要去覓食。和女朋友一起到了旺角，選擇了一間日本餐廳，店名叫日本野，在一間比較有名的西餐廳Min Friday的旁邊，同屬一個集團。餐廳內，跟足政府規定，相隔1.5米，以及為客人量體溫等等。下單了，先來一大壺冷泡水果茶。之後，就開吃了。日式炒牛柳粒，口感稍強，味道尚可，78元一份。芝士煎餃子，一份六隻，芝士十足，煎餃略硬，58元一份。雞肉大阪燒，雞肉略嚡，餅底厚身，料十足，很飽肚，78元一份。一份二串的牛舌，38元，口感味道都一般。炭燒茄子，跟一般串燒店的茄子截然不同，很清淡，炭燒味不明顯。四款火炙壽司，我最愛的是火炙三文魚，26元一份兩件，香氣撲鼻，三文魚肥美可口。188元，一碗三文魚魚籽丼飯，價錢雖略貴，但三文魚很肥，料很足，配上魚籽，味道不差。兩個人，一起捧著大肚離開，十分浪漫，迎接明天復活節的來臨。日本野 (旺角)人均消費400元旺角西洋菜南街2A號銀城廣場9樓

食日本野，因有疫情關係，很多食肆都唔太多人食，但依到反而算多人。量體溫，搓手液當然做足。食物種類有熱食，壽司，丼飯，甜品。。。。唔單止散叫，套餐都有🍱。🍣今次主要叫左火炙壽司系列帆立貝大愛，壽司飯唔大舊，每款都重火炙味。火炙三文魚油脂出，飯的醋味唔會太重。三文魚三文魚子丼三文魚厚切，好多塊，感覺食極都有。三文魚子分量剛好，咸度適中。串燒牛舌一份有兩串，厚身，而且爽口，面燒得香口。茄子，木魚十足，有日本風，同泰國串燒唔同。🍹水果茶日本菜有得飲水果茶都幾得別，叫jar就已經夠2個人飲，水果清新。

最近無得去日本旅行，但又好掛住日本野，所以一於約朋友黎日本野食飯！餐廳環境舒適，座位都幾闊落晚市會有唔同嘅定食、丼飯、鍋物套餐選擇，唔夠的話仲可以優惠價追加小食。石燒吉列霜降牛小排定食餐廳主打菜之一，店員會準備一個爐同石板俾客人自己燒，過程都幾好玩！牛小排紋理幾靚，油脂分佈平均，只要輕輕燒兩下就食得，牛肉味濃，都幾juicy，吉列外皮幾脆，再點埋燒烤醬汁，好味！龍蝦海鮮蕃茄鍋海鮮都幾足料，除左有主角龍蝦外，有墨魚仔、蜆、蝦、魚，蕃茄湯香濃，湯滾既時候倒埋烏冬落鍋，可以吸收晒湯底嘅精華！厚燒鰻魚玉子跟餐追加左3件玉子燒，份量剛剛好，可以俾我地試多啲唔同嘅小食，玉子嫩滑，中間夾住鰻魚，口感豐富，再點埋黑松露沙律醬，提升左味道層次！刺身拼盤另一款追加小食係刺身拼盤，跟餐加88蚊，有三文魚、北寄貝、八爪魚、甜蝦，都幾豐富！刺身幾大件，而且三文魚肥美，抵食！火炙帆立貝/火炙和牛另外，我地散叫左火炙帆立貝同和牛、帆立貝火炙完後，香味更出，和牛一上枱真係有啲嚇親，有半隻碟咁長，而且牛味濃！豚肉大阪燒份量好大，豚肉嫩滑，而且有好多椰菜，好清新，再配埋燒汁同沙律醬，酸酸甜甜幾好味！日式炒牛柳粒牛柳粒剛炒

前排同朋友相聚 約左係呢間好評唔少日本野最推薦一定係個霜降牛小排，一個定食量都唔少. 店員提醒呢個唔係煎牛扒唔好諗住medium rare. 一定要煎到全熟，先有油脂香同軟嫩，聽左提示我地照咁煎啦，真係唔同. 有牛肉香又嫩,不過唔駛吉列邊都可以，因為其實煎過程中會甩，同埋都易燶另外炒和牛粒新鮮炒好熱辣辣，帶pepper 香. 不過炒過左火有d 韌鰻魚芝士蛋卷幾好食，雖然鰻魚中間細舊. 但cheese + mayonnaise呢個組合係不敗Sashimi 不過不失，熟食會較吸引豚肉大阪燒集健康同邪惡於一身，因為佢底其實大部分係椰菜，不過上面勁多醬，幾好味不過會有點膩超飽肚和牛壽司帶火炙過香味不過都係霜降牛正d龍蝦海鮮烏冬，喜歡烏冬滑溜唔算腍，海鮮蕃茄湯底都幾足料甜品apple crumble 麻麻，上面crumble唔脆.pineapple sorbet好食，真係菠蘿樣，酸酸甜甜好清爽

哇哈哈！話明日本野就緊係食日本野！名乎其實！無改錯名！食日本野點少得食刺身。呢個極上七品刺身不得了！真心！賣相大堆頭得黎質素都唔錯，三文魚同油金魚勁厚身，海膽份量都唔少咖，仲有牡丹蝦、赤貝同八爪魚！另外點左個這裹的名物石燒吉列霜降牛小排！怕熱氣可以點非吉列版。但我就緊係揀吉列先食到石燒精粹啦！哈哈！其實係我中意煎炸野夠香口姐。牛肉脂肪分布好平均，吃下去肥瘦適中，好好食！呢間餐廳好和風，好好feel，卡位間哂和窗，野食又好食，下次可以再戰！

以前淨係知旺角銀城上面有間名將今時今日原來出左間日本野個名真係叫「日本野」 十個趣.《極上七品刺身🍣》給傻眼了 厚切魚生厚過我手掌✋🏻🤏🏿唔知以為師傅唔記得切🤩三文魚、油金魚、牡丹蝦、帆立貝、活赤貝、海膽、八爪魚七樣都好正 新鮮肥美爽甜.《石燒吉列霜降牛小排🥩》粉嫩和牛好靚 雪花分佈❄️真係好飲降霜咁厚薄適中 放上熱石板喳喳聲辣一辣兩邊就食得.《和牛壽喜燒🍲🥓》大大塊肥和牛 未滾已經流晒口水🤤入面有豆腐冬菇金菇魚蛋旺菜最重要係有隻生蛋 先係壽喜燒嘅精髓揀左配烏冬 放埋落去真係夠哂完滿.《和風柚子雞翼》柚子蜜沖水就飲得多 點雞翼好少見原來有幾好食 仲去左少少炸雞翼嘅油膩感.《厚燒鰻魚玉子🍳》玉子燒咋嗎 有咩咁特別咪就係可以點黑松露 好香咖

日本野位於銀座廣場9樓，座位寬闊。看到餐廳石燒吉列霜降牛小排晚餐定食（$178）的照片甚是吸引，表皮口感鬆脆，外脆內軟，肉質不俗而油脂分佈均勻沒有筋，加上日本米飯及溏心蛋也蠻飽肚的！吃罷肚子已經飽了一半，吃點刺身剛剛好！極上七品刺身（$328）當中淺嚐了三文魚，非常厚切，也算新鮮。我不太喜歡沙拉但吃了一口煙三文魚藜麥沙律（$78）也挺清新的。炭燒牛舌串（$38）包辦了一客，可惜是顧著燒吉列牛小排導致我吃的時候已經變冷了。雜錦壽司拼盤（$208）整體質素很不錯，絕對可以encore。