方榮記沙嗲牛肉專家

营业中

休息中

九月的倒數第二個星期是邊爐周。一星期打了三次邊爐，不算在家自己搞的。其中兩次都在方榮記。這是第二次，點了大份的普通手切牛肉，真的很普通。加一百還是值得吃高級的。生魚腩不錯，沒拍的大魚頭也很新鮮。可以湯底中途焦了……這是驚艷的第一次方榮記。頂級牛肉肉味十足，質感爽脆。沙爹湯底很濃。白鱔分量也很好。沒拍的響鈴不用點，是超市貨色。魚腸是貪好玩點的，很恐怖。總的來說是還不錯的街坊小店，我覺得價錢有點貴，不過先生說還好。第一次吃了七百多，第二次五百。就是記得要點頂級牛肉就對了。

每天要解決午餐的問題確是相當苦惱，一來走得不遠，二來沒太多時間，不可能吃得奢華。這間是著名的火鍋店，晚上其門如市，午市較少人吃火鍋，所以午市有經濟飯麵供應，每款三十。轉了入內店，檯上都放了炭爐，是這店的特色。綜合了好幾次的惠顧，結論是不過不失，雖無例湯或咖啡，茶，算是經濟實惠。沙爹牛河，有幾條菜，牛肉切得薄，沙爹醬不夠濃，不致難吃。五香牛腩飯，牛腩較碎，但也好味，也有幾條菜，過得去。班腩飯，魚塊很大件，煮得不錯，也有菜，三十元，無投訴。每次到櫃台找數，老闆都不發一言，目無表情，很有性格。

午市碟頭飯 炒粉麵 好多選擇無例湯 無飲品送 熱茶免費30大元 算底食 嘅干燒伊麵 ~ 九王草菰齊 美味 有飲宴質素 必點麵食粟米牛肉飯 ~ 滑旦汁 牛肉滑 但有2件直紋切片咬唔入 飯太硬 & 乾 扣晒分梅菜扣肉飯 ~ 梅菜得幾塊 豬腩肉切得薄 未入夠味 唔夠林爛 都係飯太硬乾 淨雙丸湯 ~ 魚旦5粒 牛丸5粒 盛惠38 貴過碟飯麵魚旦無味 牛丸有骨碎 未煮透 湯清淡味比較之前食過 退步晒

其實麻麻地沙嗲既我 唔會覺得呢個湯底好食有一次朋友又話帶我食好野 我覺得無咩期望一入到去見到佢地打邊爐個鍋覺得好得意好啦，湯到喇 一見到就覺得好濃再試下飲下佢啖湯，竟然鍾意左 個湯底愈煲愈濃 就算加左水都唔會覺得淡打邊爐既料都好新鮮值得一試

今年香港噶天氣有啲反常，真係好鬼死凍吖，我要快啲搵啲熱野暖暖個身子！！首選梗喺去食火鍋啦，特別鐘意方榮記噶沙嗲牛肉，真係好出名！真係好好味~~.....果然喺星級牛肉吖，色澤好鮮紅，好靚，而且牛肉喺厚切，肉質紅白分層非常分明，而且肉質鮮嫩多汁！！墨魚丸，好有魚噶香味，而且粒粒都好爽口彈牙，入面真係有墨魚粒咖~！雲吞，入面噶蝦好爽口，而且料好多。。湯底好正，雖然話喺清湯，不過加咗鹹魚，湯噶味道好濃郁

即日打去都 book 到枱👍🏻6人枱有兩個爐叫左沙爹同蕃茄沙爹真係超濃，一開始好傑，所以不停加水都無淡晒蕃茄我就覺得一般，好多蕃茄放落清水煲，一開就係無味的，到後來都係蕃茄水咁嘅味叫左手切牛同星級牛手切牛唔掂，好un；星級牛就好淋響鈴必叫，吸晒沙爹湯，正！墨魚滑、魚皮餃、雞肉、蘿白好好味雲吞、竹笙 ok；竹笙有一半都係碎濕濕唔係完整一條烏冬唔似烏冬，好似米線咁幼，質感就兩樣都唔似座位之間好逼；會主動加水每樣野都唔係好貴，食左4個鐘，飽到頂住，每人都係$260

一星期前訂咗枱，八點幾去到已經泊滿哂車，代客泊車要$50。幾乎全場滿座，男女老幼咩客都有。最滿意係夠光猛，抽風好 冷氣夠，食完個身都冇味！沙爹湯 魚湯，湯底好厚身，完全足料夠味。個人比較喜歡魚湯，可能當晚叫得比較多海鮮，夠清甜。手切牛肩肉 牛粒，見到顏色紋理都覺得新鮮，一向好少食牛嘅我都忍唔住，因為見到滾完之後都冇縮水，肥瘦平均。魚卜，份量夠多，即使滾耐咗都唔好話硬哂，反而好多骨膠原痴痴地感覺。encore咗鮮魷兩次！真心一定要試，好爽口彈牙！俾多一碟我都仲ok！要讚嘅係美國桶豪，好大隻，仲要冇縮水，想encore但已洁清。。。服務態度我學得幾好。食物質素不錯，多選擇。六個人埋單$19xx，貴係貴在幾百蚊最平牛肉。如果要我再食方榮記，我都應該會再去，又多一個敍腳點值讚嘅係員工，自動自覺執野教碟倒水。

一直都對方榮記既沙嗲湯底情有獨鈡。今次一大班人專登過黎打邊爐，點左一台野食。特別喜歡食這的響聆、魚皮、牛肉。湯底真的好正，響聆、魚皮在沙嗲湯底中滾幾秒就可以吃了，沙嗲味好濃郁，所有食物與沙嗲味結合一齊，真的不得了！好讚！雖然係打邊爐的餐廳，但環境也不算差。不會說很不乾淨，或是地板油膩。

今日去到，成間滿座點咗皮蛋芫茜拼沙爹服務其實都算友善重介紹邊種牛肉好只係實在太多人叫咗星級牛肉星級係澳洲牛，有雪花冧身啲本來我想叫頂級牛肉，係手切本地牛少啲肥，多啲肉味不過有佢介紹下叫咗星級其他火鍋料ok不過不失始終唔貴，唔預算食到全部都係頂級唯一最可惜係冇半碟叫所以唔可以試多幾樣

港人對打邊爐有偏好，不論什麼口味都喜歡，我個人特别種情沙嗲湯底，所以方榮記的沙嗲湯底，我最like，沙嗲厚身，不會水一般，加肥牛一起，非常美味，還有可以加任何食材都非常合襯，我選擇了鮮魚片，粉絲這些淡味的食材，加落香濃的沙嗲湯底一起，令你吃完要再吃的感覺。

因為媽媽大愛方榮記的沙嗲湯底所以是日母親節就到方榮記打個邊爐!方榮記的沙嗲湯底是較其他店的香濃配上菜1齊就大正大fit!!!響聆是打邊爐一定要點的!在沙嗲湯底中滾2秒然後再放入口中半脆的感覺! 正魚皮也是一樣!另外這裡的牛肉 魚 都是一流!很有肉味 亦都十分鬆軟

六月一，星期日。第二日唔駛返工，又想食宵夜，於是去左方榮記。兩個人黎方榮記其實幾好，因為湯底平，沙嗲湯底只係三十元正，而且味道一流，唔會水流流，有d花生粒係到,正。叫左手切牛，魚，水魷，響玲同生麵。先黎響玲，我第一時間食，由於湯底正，響玲吸曬d汁，好好食。之後到魚，望上去似頭尾位，食落都麻麻，好腥。水魷唔錯，加埋湯底，正。之重到手切牛，面果幾片都無野，下面果d好似碎牛禁，點打邊爐。叫呀姐換過份黎，佢話「手切牛係禁嫁喎」，我心諗「你當人未食過手切牛呀」，我食開既手切牛係如下圖（新明記手切牛）。之後叫佢換過碟，佢話無，得機切牛，又聽到隔離叫手切牛又話無。我當堂明曬，原來我地叫果份係最後一份。之後佢都換左碟機切牛比我地，但做生意禁唔老實真係令人卻步。生麵，15蚊，禁大份，好似唔駛錢，抵食，加上湯底正，緊係好食。補返黎既機切牛好厚，淥唔熟，要煮一段時間，好似紙皮禁，失望。之後呀姐加水，個湯底馬上淡曬唔好食，我都停手埋單。總結，湯底好出色，但加水之後完全唔得。響玲好食，生麵好食抵食，水魷個格。機切牛、手切牛唔合格。如果可以外賣湯底我會外賣湯底，如果無，吸引啊到我再黎，因為火鍋料好差。

天氣又凍番, 啱哂最愛打邊爐嘅我!!突然想食沙爹湯底, 所以揀呢度, 呢間d牛同沙嗲湯底堅得!!朋友愛食三文魚生, 所以開場等時貪得意叫咗碟試下, 唔ok好腥食唔到鮮味, 呢到果然只適合食沙爹湯底打邊爐 叫咗蕃茄拼沙爹湯底~配烏絲(超級市場一包個d, 但我打邊爐必食);豆腐 & 金姑 & 西洋菜(普通);魚皮餃(我不嬲唔食);響鈴(普通未算太香口, 但配埋個沙爹湯底好味);牛柏葉(爽口好味);最後重點, 打邊爐點可以無牛, 叫咗本地手切肥牛, 雖然切得唔係機切咁一片片, 但好香牛味, 好有質感!! 好好味

要為方榮記寫食評，係失望的!方榮記開左我諗有近20年，係出名，可惜我就覺得火鍋配料真係好一般"麻麻"10年前我黎過，食物水平真係唔夠隔黎間好成間鋪好有霸氣，我最唔鍾意係見人係生客，所有食物都打左個折咁方榮記代客泊車要50蚊一入門口，好多張枱，由於生客既關係，點我地坐張又細又對住門口位一張頂級肥牛$218:首先牛肉賣相係唔鋪，都唔緊要，但同一碟牛肉既味道，竟然係唔同的!你可能會問點唔同法，我可以答你，同一碟有紅色，有深紅色，有"林"身，但又有靭到食唔到點解同一碟會出現水準咁大?我都唔知，可能係d頭頭尾尾+頂級肥牛+普通牛肉=頂級肥牛掛!(生客係咁啦)(咁又係如果唔係一隻牛既頭頭尾尾無人要會好晒)試問如果第一次食都做唔好，點做你熟客呢?可能佢地都唔介意，做夠本，唔洗休同埋，我個人黎講，我唔鍾意方榮記用細煲仔，好難打魚扣:爽口，好多粒，但雪藏野，好有雪味其他:牛肚，粉腸，鵝腸，好一般叫左皮蛋莞茜湯底$30，皮蛋"拿"喉到呢，得兩小舊莞茜都有小小怪味罐裝汽水$15蚊你話回頭率會有幾高呢?

天氣凍，又係時候打下邊爐暖下胃，第一次試方榮記，都係冒住佢既招牌沙嗲湯底而黎。個湯好濃，全晚加左五六次水都冇變淡，但就覺得略鹹，同埋d響鈴蔬菜吸左好多湯，會有點“漏”。沙嗲當然要配牛肉，揀左機切，有大小，因為差廿蚊，要左大，真係超大碟-_-#我地兩個人……質素唔太好，覺得唔值$108。是晚亮點係脆鯇骨腩，肉質爽脆，唔腥，只有數條大骨，啱哂怕骨人士，推介！埋單近500，比預算中貴，可以再黎，不過對呢度既牛牛就冇咩興趣了~