方榮記沙嗲牛肉專家

营业中

休息中

入秋係火鍋季節..! 其他非也 基本上火鍋從唔知幾時開始已經演變成 一年四季 無論好天落雨基本上 想幾時就幾時食-.-! 呀呀 但食得多任飲任食 都想食番d真正少少既火鍋...方榮記...係九龍城好多大閘蟹既街 如果整條街行晒一定見到間野...我第一次聽聞係從一個飲食節目...好記得個時呢間野介紹專食牛....係因為新鮮得來用一種叫做 蝴蝶雙飛切法....其實即係咩我唔知..只不過肥牛真係好吸引...haha人生終於第一次有機會試到喇!...老早去到5:30 已經好多人..門口有車泊住..証明好多人係其他區過來..座位其實唔係好大...而且距離都幾近..但咁樣先覺得更加熱鬧@_@ 如果一邊睇埋波仲正... 食品係每碟計錢...肥牛就特別d 因為佢分左好多種...高級個d 要4位數字...普通都有分機切 手切..咁睇完飲食節目介紹就梗係試下手切...另外都叫左好多其他野..但遺憾相片12張上限 upload唔晒芝士腸,四寶丸,手切肥牛,鮮雞片,豬頸肉,羊肉片,韮菜餃,黑柏葉(人生第一次見黑色),鵝腸,豬肚,豬腰,烏冬,一籃菜(湯底包埋,通菜+唐生菜),山根 炸魚皮,魚腩同蝦 老實講 對4

三十幾度的日間, 夜晚都仲有廿九度, 這種天氣都仲去打邊爐, 都可算是向難度挑戰只係因為好似好耐無打過, 而且火鍋店的客人都會比較梳落, 既然有冷氣, 坐得又舒服, 所以其實我覺得係一個不錯的選擇就真沙嗲湯底係佢地概生招牌, 手切肥牛係第二主角, 兩樣野都很有水準, 沙嗲有濃厚花生香味, 愈煲愈濃, 食到最後, 要叫碟米粉撈埋精華才算是完成整套動作共餘配料如貴花蛑, 粟米等, 借助了個特香沙嗲汁, 都當堂變成美食, 大家開懷大吃, 食到飽一飽先盡興而歸

最鐘意呢到既沙爹湯底，香氣撲鼻，每次都越滾越濃，加幾多次水都冇問題。叫左星級機切肥牛。色澤均勻，因為厚切的關係，雖算不上是入口即溶，但牛味濃郁且充滿牛香，以一百六十八元的水準，好過輝哥好多倍。最好食都係炸魚皮，應該係用深海魚皮連骨炸，香脆有魚香，吸左D沙嗲湯，簡直係人間極品。

之前有人介紹來這家食沙爹牛火煱， 話出名牛肉。 點知名氣就大了， 可是食物質素奇差：肥牛： UN到食唔到， 肥牛。。。一點肥也不見， 個老闆仲口口聲聲話係肥牛， 無得換， 機切的， 係咁架啦喎， 叫我地再叫星級肥牛 ＄168 。。。請留意， 我地點的都已經成＄100蠂。乜機切同人切會令到肉質有分別嗎？ 難道和牛用機切就會變成紙皮般食唔到？ 佢的態度令人氣憤。今時今日咁的服務態度還可以生存到？其他的肉， 如雞肉片， 鴕鳥肉。。。等等都不能入口 ， 豆腐 “鞋”到不得了。。。而價錢更加係唔值得， 我地食左幾碟野己經要五百幾元， 每碟調味鼓油仲要位位收＄8。。離譜

午市小菜叫了紅燒豆腐$30+飯$5, 成為$35, 免加一, 價錢算貴.味道方面, 紅燒豆腐都幾滑, 份量多, 有白菜仔做伴菜, 冇咁肥膩, 蠔油汁幾好味, 整體上這個小菜炒得很有WOK氣, 水準OK.店內的環境真是 BELOW AVERAGE, 應改善一下啦.

見凍凍地,同fd去九龍城打下邊爐吹下水啦,唔想太貴,咪揀左方榮記啦...都唔係第一次幫襯,但好耐冇去一去到....奇怪...要登記做會員先幫襯得....(大家估下因咩原因啦)叫左d大路野...手切牛$98....係0鞋到咬唔到咁制,唔係貴野,但唔係咁差ma沙爹湯底.....鹹到.....仲滾左幾個字咋.....開始燶底....呀姐仲要怪責我地,坐事不理,其他野....一般到唔恨,10點去到,未夠12點就趕我埋單走....(門口寫...營業到凌晨2時架喎,仲要我一路食,佢地一路執野趕收工)好心,同個唔知伙記定老細反映下意見,佢仲大大聲話自己打工架咋,(大佬...你都想繼續有工打架..反映下俾你老闆啦)以前...呢間野點會12點未夠就得番1兩台客呀,反醒下啦方榮記....晚節不保喇

唔係第一次食方榮記, 但係o的牛做乜會咁難食o架. 特登去食牛, 叫咗一碟普通手切肥牛$98, 一碟星級肥牛$198, 加拿大生蠔及一籃菜. 兩碟牛除咗顏色唔同之外(深紅同粉紅色), 味道係食唔出係牛定豬. 好似煲完湯嘅肉咁, 一啲味都無, 同超級chewy. 無論係welldone or medium 都一樣. I hated wasting food, but i really can't finish the $198 dish because my jaw was super tired. Totally disappointed. Not going back again.

兩個人坐底order左野,個阿嬸比左湯底之後,無啦啦放底一碟菜,因為我地無叫,我仲以為咁好係跟個湯底送的.點知一問,佢話要15蚊,唔要就幫我取消番佢.見到個清水湯底同ed老屈手段,我真係好有新鮮感同希望佢地d野都係咁新鮮啦,點知...........我地order左以下食品:蕃茄湯底: 好健康,因為只是清水+蕃茄.如果叫清湯,唔知會唔會比清水呢?桂花蚌: ok的,都算爽口,但唔係特別好食蠔仔: 唔知係咪太細粒,食唔出海鮮味,沙就有墨魚丸: 街市普通貨色即食麵: 無乜好講兩個人order左湯底+3個餸+即食麵+一支小麥草汁誠為$227.一次過,唔會再黎

今晚去探公公，家住九龍城，晚上去食方榮記。循例叫左沙爹同芫茜湯底，最鐘意呢到既沙爹湯底，香氣撲鼻，每次都越滾越濃，加幾多次水都冇問題。諗住叫手切肥牛，但已經賣晒，叫左星級機切肥牛。色澤均勻，因為厚切的關係，雖算不上是入口即溶，但牛味濃郁且充滿牛香，以一百六十八元的水準，已有交代。叫左其他配料有豬潤﹑滑豆腐﹑魚皮餃﹑魚滑﹑水餃﹑雞肉﹑四寶丸﹑金菇﹑炸魚皮﹑生魚片﹑脆鯇片等，每款都係廿五至三十元，價錢合理，最好食都係炸魚皮，應該係用深海魚皮連骨炸，香脆有魚香，吸左D沙嗲湯，簡直係人間極品。唯一要彈既係坐位擠迫，轉身都轉唔到，不過有高質素既食物，冇所謂啦

天氣驟冷,即興打邊爐.由於慣常到的火鍋店也爆滿,最終決定到方榮記.已經數年沒有來,對上一次對其印象已經不太好,除了鍾情於沙爹湯底.一到來已不太滿意待應的服務,雖然是預料之內.坐下後先點了沙爹湯底,再點了本地手切牛,韮菜餃,"波波",金菇,醬爆魚丸,豆腐,聖子和星級牛(即美國牛)跟一些普通食材.朋友說這兒的墨魚滑像鯪魚肉,所以放棄了.可能慣了吃牛頸瘠,所以我對手切牛並不太有好感,雖然有牛味,但很多筋,較"un".原本寄望星級牛,但太肥了,而且沒什牛味...最後還吃不掉.我沒吃聖子,但朋友說有沙! 究竟有否洗淨呢?其他的食材只是一般.當我們想叫人收拾枱面時,伙記阿叔叫我們放在地上會有人收.結果到我們走時那些碟和竹籃還在原位...朋友做東,我不知多少一位,我想不便宜.食物質素一般,服務差,只靠湯底.我想以後也不會來了..

收工已經11點，打電話比方榮記問幾點收工，他們話1點，我們拿拿聲，駕車11點半到達，即叫下單：好出名既沙爹湯底, 食落味精相當多，比以前少了花生香味，但配炸魚皮連骨，香脆極好的魚香，淥落的沙嗲湯真係無得頂。牛肉切到好厚，牛肉味是有但也是普通街市貨式，我菲佣都輕易買到。但是要贊是魚皮餃，有油份，爽口，有濃烈既魚味。食到差不多12點半，老闆拉閘，拉台，我們仍然有1瓶啤酒，拿拿聲飲左去，但是仍然感到老闆是直接盯著我們，就知道要急急腳走，那黑面都是方榮記特式，但相信我，我是會再來的。

聽聞梁朝偉 都去食咁咪同男朋友試下囉!得個貴字2個人食701$埋單食咗 5蝶餸,2碟牛同1碟雞,1碟菜,1碟豬肝食 重有1支啤酒牛肉粒都ok其他都係麻麻....最好笑就係叫咗芫茜皮旦湯底,個湯底得2條芫茜同一隻皮旦分2邊,未曾見過湯底可以清成咁!2條芫茜都比得落手,好野!試過一次就算啦!都係一般水準,有啲失望!

上年12月同同學仔黎呢度打邊爐慶祝考完試, 今日同阿媽黎, 係因為佢突然間話想打邊爐....喜歡呢個清湯底, 好好味但食完唔會有味精感覺...當然仲有愛吃牛者不能不食的手切牛牛!!!

是日午膳，本來又想殺去新蒲崗發現新大陸；不過，甫上車後醒起，有同事推介過方榮記的午市很抵食，就齊齊轉場殺去方榮記。何以方榮記午市抵食呢？同事資料指出，方榮記午市有一味類似濕炒牛河 (後來證實為「沙嗲牛河」)之物，所用的牛，乃出自對上一晚用剩的靚肥牛。既然如此，豈能不試？果然，方榮記午市時段，光顧的都是街坊為主；一望餐牌，炒粉麵也只是$20一碟！嘩！果然抵！就要了個沙嗲牛河、乾炒牛河和梅菜扣肉。梅菜扣肉先上，其實味道一般般，肉不算酥軟，梅菜和汁都偏少了點。 接著來的是乾炒牛河；乾炒牛河的用的牛肉只屬一般貨色，牛鮮不太濃，不過都尚算乾身香口；而且其辣油實在太香噴噴而且都夠晒剌激，令這乾炒牛河生色不少！最後，主角沙嗲牛河上場！同事果然沒說錯，這沙嗲牛河肉的牛肉果然是好貨，牛鮮味濃而相當嫩滑，加上都相當香口的沙嗲和爽滑的河粉，配搭得宜，相當好吃。晚市打邊爐吃不起靚牛，有機會於午市來，以特惠價淺嘗一下過過癮，也實在是椿美事；方榮記此益街坊之舉，太公歡迎之至！

湯底：沙嗲最正，真係勁好味呀鯇魚片：好味呀其它野都唔錯啦，不過佢地無左個湯底真係會唔掂！！！不過服務就麻麻啦！6人 TIL：$600