方榮記沙嗲牛肉專家

营业中

休息中

天氣涼涼地，又係時候去打邊邊啦！雖然其實成個夏天都毫無間斷咁打邊邊…😂傳說中的極濃沙嗲湯底👍堅係正呀淥牛肉一流，完全唔洗點豉油個火鍋兜仔好鬼得意，同埋盤身淺淺地幾好喎，淥嘢唔怕撈極都撈唔返上黎😆------------------------------手切牛其實平時本人係鍾意食機切肥牛多啲🙈貪佢大塊啲，又肥啲，又淋身啲~爸爸大人先識欣賞手切肥牛，鍾意佢肉味濃有咬口喎。所以今次淨係叫左個頂級牛肉試下，不過個牛肉係好食嘅👍完全唔會韌，肉味濃唔會比沙嗲味蓋過，如果可以再肥啲就更好啦😝下次可以試下星級牛肉，有啲好奇$2500極品牛肉皇有幾好食添🤔------------------------------除左手切牛，仲叫左珊瑚蚌&桂花蚌😋桂花蚌好鬼粗碌&大條👍勁正外面滑嘟嘟，中間脆身有咬口勁滿足😋珊瑚蚌🐙君鍾意的珊瑚蚌份量十足，好脆口，都好味不過桂花蚌再好味啲😆------------------------------最後梗係要叫返個麵，索哂啲極濃的沙嗲湯，正到暈👍👍👍幾飽都要啪哂成個麵，平時本人打邊邊從來唔食粉麵，但今次竟然同🐙君搶麵食😂😂😂

呢間野一直都係MUST EAT LIST 上面!!今次就約埋一大班朋友去食返餐勁既。我地一行六人食左都成＄２０００，但值呀！！我地叫左真係好多野食，唔好嚇親桂花蚌　例　＄９８　（呢個encore多左碟，鮮味爽口）珊瑚蚌　例　＄７８　（有少少腥但爽口，不過鍾意桂花蚌多啲）四寶拼盤　例　＄３０　（大愛墨魚丸同牛丸）響鈴　＄３０　炸魚皮　例　＄３０　（佢係帶骨既？比較喜歡普通既魚皮，呢個食到吉親咀）水餃　例　＄３０鮮帶子　例　＄６８　（＄６８有呢個份量好滿意呀！都食多左碟）手打墨魚滑　例　＄６８黑牛柏葉　＄９８　（呢個就真係唔係咁岩口味，食淨最多就係佢）鵝腸　例　＄４８象拔蚌　時價羊肉卷　例　＄６８豬紅　例　＄３０　（唔好叫）豬肝　例　＄３０　（唔好叫）重點黎啦！我地仲食左佢兩碟牛，話明沙嗲牛肉專家，沙嗲好，牛肉都要好！星級牛肉　＄２６８　真係令人欲罷不能，一碟未食完，朋友已經準備叫第二碟！正食到尾，加返個大光麵（＄１５），食盡佢啲沙嗲呢餐真係好享受，加埋同朋友相聚，三五知己聚腳好地方！！

一千間出名沙嗲的店就有一千種沙嗲的味道。說了很久要來試下這裡的沙嗲湯底，鑒於之前未試過別家的，就無法對比了。6點半來到的時候還沒有太多客人，大概7點多些才開始人多起來。冷氣很猛，不會覺得熱。上菜很快，爐子很小，等湯滾等得很著急。在湯最濃的時候當然要先試響鈴，好味！果然又濃又香接下來的黑柏葉和脆肉皖片都非常爽口入味。魚皮有鹹蛋味，非常脆，不過就和沙嗲湯底不算太夾，或者說二者並沒有加成效果。水餃亦有驚喜，蝦肉提鮮，餃子皮滑溜，和沙嗲湯底很配。至於牛肉...可能機切牛肉註定比較難咬同難入味？等到湯底剩下一半，加入大光麵，一口入魂，實在難忘濃厚的沙嗲汁帶些粗粒，掛在麵條上，“shu”一啖吞落肚，真的太幸福。之後加水，沙嗲味還是比想象中濃一些，不會說加了水就索然無味。夥計說我們叫加水加得太遲，但我們還是寧願食多一陣最濃的湯底，而不是食一半就加水讓味道遞減。不過聽說可以加錢加沙嗲湯底，不知道真假與否，若然是真的，下次也可以試下！另外就是我們有點沙嗲醬來蘸牛肉，發覺味道一般，不值得嘗試。整體味道算不錯，這裡的沙嗲湯底不算鹹，顏色偏淺，濃度剛好。至於環境，冷氣很足，座位尚算闊落。價錢方面中等偏貴，人均

一班同事收工去打邊爐，話呢間位於九龍城嘅方榮記不得不試，遠近馳名係佢地個沙嗲湯底，最後都揀咗黎試下沙嗲湯底配一口牛粒味道一流，嗰湯底唔算辣，所以唔食得辣嘅朋友都可以試下，不過煮耐咗就會「窿」，所以要盡快落料去沙嗲湯底度食

睇人哋嗰啲ig.. .影嘢食.. ...影到方榮記個沙嗲湯底，同埋啲嘢食，好靚好吸引.. .咁就跟住個ig 去食方榮記啦伏咗😑啲嘢食嚟左.. .冇一樣野係覺得新鮮嘅🤦🏻‍♀️羊肉直頭臭嘅.. .雪到啲肉有少少黑.. .成餐飯要$900，食咗啲垃圾💀好彩食到一半嘅時候已經停手😑嗰啲百零蚊嘅任食任飲，都好過佢一百倍😩個湯底都衰.. .主打沙嗲湯底，本身都已經唔係話特別好濃烈嘅沙嗲味打咗一陣啲湯開始乾，咁叫侍應姐姐幫我地加湯啦.. .最後係加水🤯吉野家打邊爐，都有湯加拉😑搞到本身難食嘅打邊爐再衰啲🤮一啲質素都冇

中午同同事食飯，問心野食係ok ，夠鑊氣。碟頭飯係平，小炒就貴左少少，D 呀姐服務態度都無咩野。走既時候埋單，我見到張單寫180,咁我咪比$200。點知原來係180+24,我睇錯左。我比少左你出聲無問題，我比返ja ma 。收錢個位呀叔bear 到我行好似我有心咁，請問呢d 係咩服務態度之前夜晚去過一次邊爐印象都不錯，總周不時同人講去食，好正架。結果今次令我太憤怒及失望，可能你地真係唔憂做，因為好多名人食，但唔代表你地好態度可以咁

方榮記已經不知來過幾多次了，因為沙嗲湯底實在好食，今次公司同事聚餐，老闆問我有什麼好介紹，我話不如大家開開心心去打邊爐，我提議去方榮記，原來好多同事都冇聽過或冇食過，咁就一於去試吓啦！黎得方榮記我一定係介紹佢哋嘅沙嗲湯底，呢度嘅沙嗲湯底係用潮州做法，因為沙嗲其實分好多唔同國家、門派，像馬來西亞一帶的，應該是最正宗，但他們多數用來點串燒，所以那些沙嗲醬是很濃的，方榮記是潮州派，潮州人整沙嗲是經過改良的，所以味道雖香濃，但用來做湯底也不會太杰撻撻，另外食呢度沙嗲湯底一定要配佢地手切牛肉，其他配菜與生蠔、雲吞、牛柏葉、手打丸、珊螃旁、蝦、蔬菜類等等，都很新鮮和好吃！很多人來食方榮記都說那些侍應伯伯很喜歡鬧人，但其實我去過咁多次他們都沒有態度唔好，而且很講得笑，經常同我地傾計，所以真係要試過先知堅定流！

沙嗲牛河非常之唔好食，啲河粉同沙嗲牛係分開嘅，啲河粉應該係冇炒過一pat pat，同以前金島潮州酒家根本無得比！其他嘢一般般咁.....所以食沙嗲牛河千祈唔好去呢度食！啲魚皮揸得比較特別連骨連少少肉，但係比一般炸魚皮嘞，我覺得就唔好食......至於啲炒米粉都整得OK，覺得佢係唯一我覺得唯一可以食得入口嘅.....環境衛生及服務都算OK，我午市週末時間去全場得三幾台唔算好多人，下次應該唔會再幫襯了。

話說朋友飯局提議在九龍城食飯，於是喜愛打邊爐的朋友就訂了九龍城的方榮記沙爹專家火鍋。名不虛傳⋯⋯⋯⋯⋯⋯因只有個沙爹鍋湯底較為出色DD , 但食物方面豪無特色⋯仲衰過我去幫襯那些火鍋放題的材料⋯丸/菜/魚/海鮮價錢上雖然吾算貴⋯但也不值⋯⋯⋯是次一行7人去食，無一個覺得有需要再翻兜⋯⋯⋯

今次嚟方榮記食，明顯地多咗一批國內同鄉嘅客，但係夥記或者太子爺嘅服務就仍然係好地道，食客唔啱嘅照鬧。當然呢啲睇下大家接唔接受，而我就反而覺得，呢啲大排檔式比較親切。火鍋季節，食咗好多唔同火鍋。當然又唔少得方榮記濃濃嘅沙嗲鍋。一坐低，夥記就上咗一個蔬菜籃，菜幾新鮮。大嘅手切牛肉，一般火鍋店會擺到靚靚咁，而呢度就好家庭式，一堆放起碟上、上面加咗條蔥，望落有啲住家味。桶蠔係中size，大約五隻。鮮蝦大約有五六吋長，一碟有六隻，新鮮爽口。蟶子每隻計，一隻30蚊。洗得都算乾淨，打邊爐灼一灼兩三分鐘，就可以食得。

第一次寫食評，好想同方榮記講，對唔住，煩親你。我地唔啱，你有怪莫怪，我以後唔敢再來。上樓上，坐低點菜，見到有個叫「拼盤」嘅嘢，朋友問下位後生仔：「唔該，拼盤有啲咩架？」「你唔好叫啦，散叫啦。」態度好差，朋友話，乜咁串架，我唔想掃興，同朋友話，佢意思應該係想同我地講，其實個拼盤唔抵食嘅，散叫抵啲咁嘅意思啫。點左一堆嘢，其餘嘅嘢來晒，有份吊桶無來，追問一句「唔該，差一份吊桶沒來。」「無吊桶！」「下？」「無吊桶！！」「哦，唔好意思，聽唔清楚嘛。」「好大聲！無吊桶！」哦，叫左嘢無來到，問一句都唔畀問嘅，我地應該要知道你無吊桶嘅，對唔住，煩親你。食物唔見到好食得去邊，價錢唔算合理，個地板跣到阿媽都唔認得，都唔緊要，但係啲態度好成咁，當你幾好食都無用，我真係唔敢再去。

方榮記手切垃圾，靭到好似香口膠、唔肯退！其他食物質數差！不知道所為😡湯㡳一般無驚喜😪是旦一間一定好食過佢！貴甲唔好食！ 很失望！唔好食、失望再失望！泊車$50😵

一凍又想打邊爐🍲一直聽說方榮記嘅沙嗲湯底很濃很香終於搵到朋友仔陪我去試啦😊(坦白說我的期望是頗高的)沙嗲湯底比外面一般的濃郁(對我來說可以再濃一點再香一點)還好的是加了幾遍水後味道依然所以和外面相比其實已很濃郁只是我比較重口味而已。。。。。。。。。。。。星級牛肉▸睇個樣都知正🤤好厚切，牛味都幾濃，滾完好淋好軟滑，啖啖肉，真心不錯👍🏻。。。。。。。。。。。。手打墨魚滑▸咪睇佢白𠽌𠽌以為佢無乜料到，其實裡面好多墨魚粒，完全真材實料，好彈牙，好有咬口，真心推薦👍🏻。。。。。。。。。。。。炸魚皮▸同平時個啲好唔同，呢個係連魚骨炸，但完全唔係我杯茶，平時唔中意食魚就係怕多骨，炸完都係唔中意，覺得好硬好吉口。。。。。。。。。。。。另外仲食左竹苼，鵝腸，花枝，公仔麵😊

九龍城覓食，朋友介紹呢間，食過一直回味，再一齊試試!此店主打沙嗲湯底和牛肉，這個當然不會錯過，另叫一個清湯底，試多個口味。沙嗲底十分濃郁，感覺比一般湯底濃三倍，色澤較深，傳來陣陣香味。清湯也不算淡，比較重口味。今晚都試左星級牛肉，肉紋均渾，口感嫩滑，有一種軟錦錦的感覺。另外，試下有骨魚皮，有骨的感覺比較硬身，可謂一試特色!飲品有玻璃樽裝可樂，與火煱係絕配，極受歡迎，見侍應經常拿常三五支送給客戶。而其他飲品都係一般支裝行貨，款式尚算齊全。

沙嗲湯底($60)招牌沙嗲湯底 沒吃過就千萬不要跟其他人說你來過方榮記 哈哈🤣😏 湯底濃稠 超級濃味☺️‼️ 加了幾趟清水 沙嗲味仍不會被沖淡配出前一丁/公仔麵 無敵😋😭-炸魚皮($30)必叫必叫‼️有試意之作 連魚骨炸 非常香脆 而且完全不會覺得油膩 保持乾身 讚🤘🏻-脆肉鯇片($58) 及 頂級牛肉手切($298)脆肉鯇賣相吸引 可惜質感不夠爽脆一般吃火鍋都必叫牛頸脊 但這裏沒有😣連肥牛也沒有 全部都是手切/機切牛肉 肉味是有 不過口感差一截 希望能加入🐮的其他部分位啦😛-特別推薦這裏的酸梅湯😍 甜度適中 不起眼卻很好喝🤘🏻