方榮記沙嗲牛肉專家

营业中

休息中

去九龍城食飯 拍好架車 諗下食乜 行過方榮記 兩個人就走左入去打邊爐 嗰度啲侍應大叔非常親切 招呼也算不錯 食物也尚算新鮮 我鍋沙嗲湯底 味道超濃郁 隊啤打邊爐加埋個環境服務我都覺得非常之滿意 佢個位置唔錯 打完邊路食完晚飯 仲可以喺附近行吓街食吓甜品 咁就過咗一個愉快的晚上 埋單佢個價錢都尚算合理 佢個洗手間都尚算乾淨 至於我就想特別推介大家 佢果碟炸魚皮 食物算新鮮 炸魚皮有剛剛好炸到金黃色 超香口又脆口 算好正 值得推介給大家 不妨一試 最後佢個價錢都算合理

一路都聽人講食沙嗲湯底好食嘅邊爐一定係呢間，但今日食完簡直大失所望，100%唔會有下一次，請都係咁話。佢唯一值得讚係個沙嗲湯底，同預期分別唔大，穴係不俗的，但d配料真係出曬事，叫本地牛肉un到好似食香口膠，鵝腸一滴肥膏都無，四寶圓同佳寶買無分別，脆骨腩，鱔片完全無魚味，墨魚滑一d墨魚味都無，食幾多都係得d沙嗲味，究竟我食左咩鬼野呀今餐🤦🏾‍♂️🤦🏾‍♂️?味道完全接受唔到，收呢個價錢絕對對個價錢唔住，一定無下次，100%失望，大家千期唔好俾佢咁多正評呃左，難聽d 講想扣喉扣返d野食出黎當無食過，絕對100%唔推介

This restaurant is located in Kowloon City, being one of the famous hotpot restaurants in town, and in my memories one of the first to promote the best quality local beef. Not a beef-eater, I did not try their signature beef offerings but rather go for their other well known dish - the satay soup base.The pot is a 'hybrid', with one half being the clear broth and the other half the satay soup base. Decided to go for the normal dishes instead of expensive seafood, we had prawns, mutton roll, chic

同事介紹九龍城食平飯，佢帶我去方榮記，我話午餐唔系打邊爐？！原來食碟頭飯，諗住多數系行貨多，點知黎到不得了！柱候牛腩好多，D汁好多，正正正！！腩好味！$先？盛惠$30大洋 ，仲有其他即做炒粉麵飯揀，我之前未食過呢間野，因為我覺得會好貴，而家$30有得食(冇野飲) ，講真$30食碗好D既麵都唔得啦！仲要系好食喎，唔介紹下點得呀！

聽聞這間火鍋店在九龍城已有很久歷史, 還用炭燒爐, 不過早在幾年前已改用石油氣...夜宵磨, 九時多來到, 不用等位, 舖內也坐滿了一半兩個人, 點了個鴦鴛鍋, 沙嗲和清湯沙嗲味很香, 很濃郁, 清湯也見到有用魚乾淆, 不是鮮魚味, 而是濃湯味配料如下:皇級肥牛($268)-肉質不錯, 軟軟的, 但不夠牛肉味, 始終都是手切牛肉味最重魚皮餃($30)-還可以醬爆貢丸($30)-一般炸魚皮-香口, 好食, 無食過有魚骨的炸魚皮吊片($30)-還可以不要以為一開始給你的那籃菜是免費的, 原來要$20三支藍妹, 兩個人結賬$670

第一要食沙爹醬，充當沙爹火鍋的名字就一定有它的道理，超級濃郁，味道偏甜不辣，本人來說會用魚湯佩沙爹醬，但如果你是沙嗲的擁躉，就一定要食沙嗲火鍋了。第二就一定要試星級肥牛，雖然價錢貴少少，但是也值得，厚切加起雙飛，切工特別厚能試多點牛肉味，要煮來少少！絕對比其他機的薄切入口即化好萬倍，但順帶一提，不能叫普通肥牛因為真的比普通更普通。第三要叫鮮墨魚，不過處處也是，新鮮便成，另外炸魚皮也是全港少見的，超級厚，有骨的，鍾意食魚的朋友會連骨食埋，冇難度，响鈴特厚，普通的10秒是不夠的，這個最少要一分半鐘才能吃！

這兩年也沒有在九龍城晚飯，大大數天前心血來潮想吃吃火鍋，小婢便訂了位～方榮記大大先點了火鍋必吃：手切肥牛～太失望，沒試過這麼韌，戴假牙/沒有牙力的奉勸慎選脆肉鯇脆肉鯇厚切，非常爽口，Goooooood金錢𦟌一看，實在打咗個突⋯瘀紅色像雪久了，幸好味道還好桶蠔肥美，漲卜卜，有七大隻當然，招牌上寫著"沙嗲牛肉專家"，這沙嗲湯底必然要會一會。我們選了鴛鴦湯底皮蛋莞茜這個不用說吧，所以火鍋店也沒什麼分別。沙嗲微辣，但夠香，的確比其他食店的特別，有點咸了少少，個人認為配墨魚湯很搭味這次發現，九龍城已不像昔日，每次到訪也需要早幾天訂位，今次就算是星期六晚飯時間，每間食店也頗冷清。有數間出名的飯店，也沒有滿坐…或者，港人都愛新鮮感吧，沒有新店進駐的舊區，已經不是首選了。

再次工作後同同事宵夜，今次黎到方榮記打邊爐，一嚐馳名沙爹湯底，呢度用明爐火，可以叫2款鍋底，除左必食沙爹，再叫比較清淡既蕃茄鍋，沙爹湯非常濃厚，很惹味，蕃茄就清水加蕃茄，有點失望。桶蠔非常大隻，就算滾耐左都好嫩，口感一流。手切肥牛好新鮮，沾上濃濃沙爹湯，半生熟，無得輸。脆肉鯇片，好多碎骨，肉鮮但怕骨者慎叫。鱔片很肥美爽口，骨較細較軟，推介!配料10蚊1碟，作為愛蒜者一定要叫炸蒜，即炸出黎，又熱又脆又香，叔空口食都無問題。桂花蚌同珊瑚蚌都好鮮甜爽口，份量足，6個人分都無問題。牛展好大片，爽滑彈牙，絕對會一食再食。平均每人250蚊食到惹味湯底，新鮮配料，值得下次再去。

冬天打邊爐係大愛之一😍😍😍 兩個女仔圍住個邊爐一邊吹水一邊烚吓烚吓好窩心好warm😘我哋兩個女仔叫得太多食唔晒，最後打包拎咗返屋企，沙嗲湯底呢其實係好濃郁，完全唔使點任何醬汁。不過咸左少少一路打一路要飲水解渴。我哋叫左豬紅、花枝片、炸魚皮、機切肥牛、響鈴烏冬、枝竹。值得一提嘅係佢嘅炸魚皮唔係平時食開嗰啲可以喺超級市場買到嘅獨立包裝魚皮佢新鮮自家製魚皮。呢個價錢比出邊任食打邊爐係貴左少少嘅不過沙嗲湯底唔係間間餐廳都有提供所以呢一間係值得一試嘅。

方榮記，九龍城火鍋界中響噹噹的名字。早幾年試過她的沙嗲湯底，濃厚的味道，一試難忘。今日再拜訪，水準依舊有辦有眼，沒有失望。友人第一次幫襯，入到店內還是白雪雪簡約裝修，大圓枱配小圓櫈，石油氣爐也買少見少，帶點懷旧感。當日只有一行兩人，一點也沒手軟，點了大概三，四人分量。手切牛肉，墨魚，米粉，中蝦，枝竹，雲吞定水餃傻傻分不清，蘿蔔，仲有一碟自跟嘅菜。要了沙爹湯底和清湯，幻想中的清湯和現實中的有距離，其實我應該叫皮蛋芫茜湯底，食菜專用，用無油湯底烚菜打底無咁肥。點評幾樣食品吧. 手切本地牛，肉味濃，夠瘦，我最痛恨肥牛，手切的就剛好，就算烚耐少少肉質也不怕韌。要了小份量的，也吃不完。墨魚: 份量看上去不多, 但兩個人也消滅不完, 不用煮太久已經能吃, 喜歡那特別的口感. 中蝦: 件頭部很大，肉質彈牙帶鮮, 價錢也不貴,值得叫.雲吞?水餃? : 沒有澎湃的餡料, 味道是不錯的, 有時候少吃多滋味. 當天晚上在外頭凍到顫抖, 入內吃了沒多久已經要脫外套, 加上叫了一瓶啤酒和一罐汽水, 賣單最後6百多, 實惠的價格.我的第100篇食評, 便獻給了方榮記.

今日買完大閘蟹經過，見幾舊式，入嚟食碗麵先返屋企。求其叫左碗魚皮餃墨丸麵（雙拼$35），魚餃有驚喜！絕對唔係雪藏魚餃。另外驚喜係個辣油，冇渣，係香氣四溢。食完先知原來係間出名嘅火鍋店😅下次再嚟打邊爐！

進入11月喇，天氣都逐漸又變得更凍喇，不過哩種時候最岩就系去打邊爐喇，成班人圍埋一齊，有講有笑，幾好下吖。去到嘅時候可以見到現場已經有好多人選擇打邊爐。經過一番商量之後，選擇咗沙嗲鍋底，大家口味差不多，一開始就上咗好多，其中頂級牛肉真心超級水準，頂級系真嘅，牛肉系一片片咁好薄嘅，然之後可以見到佢表面嘅脂肪分佈，肥瘦相間，放落湯底度滾兩滾就已經熟咗喇，無洗加醬料都一斤好好味喇。魷魚出乎意料好食，之前仲舉得魷魚同打邊爐有無夾感，食完之後簡直想再食一份，不過點得多咗啲。扇貝都好新鮮，零星青菜都好搭配，炸魚片都好好食。

唔 料敢收我57蚊個星米???一舊差燒都無 偷工減料定比人食左啊?點解仲未執笠???離譜唔緊要定唔好離x曬譜啦! 想食貴價cheap野又想減肥呢間一定係最好選擇!!!!

話說我朋友想食沙嗲湯底 佢係open vice度見到呢間咁我哋就決定去啦 間野開左咁多年 生存到咁耐 諗住都唔差啦 事關我細個係附近讀書 所以對上一次食已經係差唔多10年前嘅事咁講番琴晚嘅經歷先 首先我係openrice到見到間野收兩點咁我諗住無死啦11點幾去到點知一入門口個阿姐未叫我地坐低 已經話我哋收1點咁都唔緊要啦 咁就快快手叫過沙爹湯底先 再叫咗碟手切牛肉 戲肉就嚟啦個阿姐係咁開大個爐火 驚死我哋打得慢咁仲係咁叫我地落單叫埋嘢食話師傅就黎收工 咁我哋就叫埋啲嘢食啦但係佢啲嘢食全部都係雪櫃雪到硬晒先攞出黎 咁我就同佢講你叫師傅收工先啦 反正你啲嘢都係喺雪櫃攞出黎嘅 最利害係佢個韭菜餃雪到個面頭結晒冰都夠膽攞出黎俾人食最終12點過少少就吹話要埋單啦 間野有啲咁嘅好員工 包個老細搵到錢

沙嗲湯底好濃郁 係我食過咁多間火鍋最濃郁既一間😋一定要叫響玲 吸哂啲汁真係不得了😍而我叫左星級牛肉 普通啦 少少肥 但都有牛肉味👌🏻我recommend佢既海鮮 幾新鮮👍🏻仲幾扺食啊 唔太貴 食得過☺️