新斗記 (已搬遷) 新店位置

咁嘅標題，係因為去完最一晚，老婆第二晚又忍唔住要再去多次...第一晚得兩個人食，一早就book定七點半，早咗三個字到，結果都係等到七點半先有枱。一坐低，但見廚師推介個廿幾樣餱全部都係香口好味，繂之叫咗：1. 啫啫唐生菜煲呢個真係好香！因為d蝦醬好靚，係咁俾個煲興住，想唔香都難！話時話，d菜原棵上，都好靚好甜，而且蝦醬份量剛剛好，唔會喧賓奪主。個煲係第一度菜上枱，上嘅時候d菜係未得嘅，咁我就用咗十分鐘，係咁係度兜亂，等d菜唔好一棵生、一棵過焦黑，有得食、有得玩，令到我呢亭坐唔定嘅大細路啦！2. 生炒骨呢個又係好得！d肉皮脆肉嫩，每一舊都俾d汁完全覆蓋，而d汁個味又剛剛好，唔太甜、唔太酸，perfect！3. 果皮蒸泥猛唔個唔識講，其實係唔錯，只係熟咗少少、鞋咗少少、果皮少咗少少。如果唔係外母蒸泥猛蒸得超好，呢個真係算唔錯...4. ?唔好意思，連食兩晚，而且呢排真係出去食得太多、太好，呢個真係失咗憶，唔記得。5. 芝麻糊好香、好濃，因為加上米去磨，所以有埋米香，而且入口唔算太杰，唔錯。第二晚，又無煮飯，食咗d乜...且看下回分解。