拉麵Jo (已結業)

1️⃣特製蒜油豚骨拉麵 HKD$98湯底好香濃 蒜油勁香唔算鹹 無咩味精一D都唔膩半肥瘦嘅豚肉好淋入面仲有好多木耳絲、竹筍絲、蔥花同椰菜拉麵嘅質地偏硬 比較有咬口.2️⃣特製沾麵 HKD$105入面有3塊紫菜同3塊肉湯汁夠濃郁條條麵都掛上湯汁個麵好彈牙 有小小似烏冬但比烏冬更有咬口係粗麵黎.3️⃣大板風炸薯條 HKD$48勁多薯條 好似食黎食去都食唔完薯條上面勁多木魚絲熱食勁好食唔會好油如果粗小小會更好.4️⃣自製餃子HKD$42餃子夠脆又唔係好油入面既餡都幾多汁

明太子煎蛋，煎蛋口感嫩滑，散發著微甜嘅蛋味，撞返明太子嘅鹹香味，味道好好，隨附嘅豉油個人覺得就鹹得滯，唔點佢就咁享受個蛋味反而仲好。自製餃子，餃子嘅外皮煎得好脆，內裏肉餡嘅份量一啲都唔少，而且一啲肥豬肉都無，啱哂怕肥嘅妹豬，餃子汁酸酸地，十分開胃。擔擔麵，俾我發現喺呢間日式拉麵舖竟然有擔擔麵嗌，即刻嗌咗個嚟試吓，先呷一啖湯底，係香濃嘅擔擔味同豚骨味道嘅融和，味道十分特別，估唔到呢個川式嘅擔擔味同日式嘅豚骨湯底味完全無違和感；薄切嘅日式叉燒經過66度低溫慢煮，邊位帶有少少脂肪，入口散發住誘人嘅豬味，麵質偏爽，啱哂鐘意食爽麵嘅朋友。辣味沾麵，沾麵比起拉麵要粗身好多，個口感有啲以烏冬，軟糯而彈牙，夾起拉麵，將拉麵放入湯入面沾一下就係沾麵最正宗嘅食法，沾麵個湯底辣得過癮，味道就鹹過拉麵個湯少少，啲麵放耐咗就會黏埋一舊，要快啲食哂佢先得喇。呢間拉麵店嘅性價比都唔錯，過開嚟呢頭都可以番兜。

今日火車壞車，搞到我原本想去北區接男朋友收工號計劃實行唔到，轉為各自返元朗，問題又嚟啦，到底食咩好呢？因為想食麵，搵左唔同嘅餐廳，最後揀左呢間有沾麵食嘅拉麵Jo，原因當然又係男朋友鐘意食啦🤣要試一間餐廳好唔好食當然係試啲最基本嘅嘢啦，所以佢嗌左個最基本嘅沾麵。個湯上嚟熱辣辣，而啲麵就冷麵凍冰冰，呢一下冰火交融實在不得了，啲麵彈牙到呢⋯⋯佢啲腩肉麵好軟腍。唔洗講啦，男朋友好滿意👍🏼餐廳仲好體貼地有張卡通說明書教你食沾麵，實行看圖識字，有心思。而我自己就俾呢碗慢煮叉燒嘅排場吸引左，一上嚟當然試左啖湯先啦，好濃好濃嘅豬骨湯味，真係好濃好似屋企淆好多個鐘果隻味，飲落唔會太油，但可惜嘅係愈飲愈咸。啲慢煮叉燒真係好·好·食，超軟腍又入味。而佢個流心蛋我就覺得一般般，因為蛋心冇甜味，蛋白都太軟身，同埋我果隻冇乜流心，可能因為擺啖熱湯上面啦。小食我又係俾佢個外形吸引左，呢個係成隻蝦嚟做餃子，菜同肉就會相對得好少好少。因為佢啲蝦唔新鮮，完全冇鮮甜味，亦冇餃子味，所以試完就算。我諗叫返普通餃子會好食啲。餐廳環境啲位置比較狹窄，一係風口位，一係就中間啲檯有啲熱。所以食完都快快走，唔會坐得耐。

今次搵食去得比較遠，去咗元朗Yoho mall。我覺得自己有點愛上左拉麵，中午食完拉麵，夜晚都揀拉麵做晚餐特製蒜油豚骨拉麵（$98）呢個麵配菜真係好豐富，鋪滿一碗，令人食指大動。首先大呷一啖湯底，有蒜嘅香味，但又唔會咸，係啱啱好嘅。麵身都幾彈牙，唔錯。豚肉肥瘦適中，食落口感有層次；除咗兩塊豚肉，仲有一舊醬油炆好嘅豬肉，好入味。溏心蛋煮得啱啱好，唔鐘意太流質果種。最特別係有鵪鶉蛋，有醃過既，幾香口。有筍絲、木耳絲同葱，哩d爽脆既餸平衡個麵既口感，最後我係食囇既特製博多拉麵（$95）朋友點既，湯都幾香濃，但同我既麵又係好唔同既味，一樣既就係好香濃。鐵板牛柳粒（$88）牛柳粒係比較原汁原味既，口感幾好，唔怕韌，建議上檯盡快食，免得牛柳粒係鐵板上擺太耐伴碟嘅洋蔥好好味，受熱軟身之後，吸晒肉汁，又甜又好味。明太子煎蛋（$65）賣相好靚，彈嘅分層好明顯，一層一層，睇得出好有心思，包裹着明太子，口感好特別。明太子處理過，唔係辛辣同鹹果種，同煎蛋一齊味道都幾夾。整體來講，拉麵嘅湯底都係香濃同有心機煮嘅，食完之後亦唔會話特別口渴，所以味精應該都唔會重。其他小食都唔錯，店面係日式嘅小清新裝修風格，坐得好舒

呢一間位於元朗形點一期嘅《拉麵Jo》， 喺h&m同埋zara嗰一邊， 地點就真係超級方便， 行街購物一站式。呢一間餐廳除咗平時食到嘅日式拉麵之外， 仲有比較少見到嘅沾麵。今次就試咗呢一款《辣味沾麵》， 沾麵嘅湯底同麵條係分開上嘅， 要特別留意嘅係盛載沾麵嘅碗非常之熱，沾麵選用咗「12號」嘅粗身拉麵，口感軟糯q彈， 而且粗麵質更加能掛湯。 沾麵藥湯底一般味道都比較濃郁， 而且一般都比較鹹， 食嘅時候只需夾起一束麵條放入湯沾一下，就能夠品嘗到拉麵最正嘅口感， 以及味道最好嘅湯底。沾麵附上咗幾塊慢煮叉燒， 叉燒豬味濃， 而且肉嫩多汁。另外亦叫咗呢個款《特選蒜油豚骨拉麵》， 蒜油香氣撲鼻， 特選拉麵附有叉燒、 半熟蛋、 木耳絲、荀、以及紫菜。麵條方面就選擇咗較為幼身嘅「25號」拉麵。 幼身嘅拉麵更加能襯托傳統嘅豚骨湯底， 豬骨湯底經過多小時浠製， 味道相當之濃郁。由於不含味精， 就算食完麵飲埋啲湯都唔會覺得口渴， 幼身嘅拉麵比較爽口彈牙， 同沾麵嘅粗麵口感截然不同， 各具特色。除咗拉麵之外， 餐廳重提供咗多款嘅日式小吃， 呢一款《炸蟹肉忌廉餅》， 上枱時候熱辣辣， 外層炸得金黃香脆， 入邊嘅蟹

係yoho買完野就係度搵野食,記得以前呢個位賣popcorn,咁快轉左呢間拉麵店。見呢度都多人食,應該幾好食掛,就選左呢間啦。見佢除左拉麵仲有d小菜,就同朋友happy share麵同小菜啦!拉麵夠大,夠2人食添呀,char siu唔會太肥,有大約3片,有紫菜,有糖心蛋,手打既麵有彈性。和牛粒用鐵板上,份量都幾多呀!都幾熟,我仲意佢夠熟但又仲有PINK既位。好好味,加埋D洋蔥真係一絕呀!仲叫左D毛豆,毛豆面有少少SALT。另外,個帶子炒MUSHROOMS又係好好味,有3粒大大既帶子,裡面唔會過熟,好晶瑩呀。我同朋友分別叫左2杯梳打,佢果杯係提子SODA,我果杯係蘋果梳打。好好味呀!呢度上餐快,好快就有得食。

今日想找些日本風味嘅美食，所以去咗元朗形點既JO拉麵，我們來到時六點左右，仲未到晚飯的繁忙時間，目測已有八成以上滿座，相信這歸功於連續六年攞咗米芝蓮大獎既美名，湯麵既味道不得不給個讚，特色小食都有番咁上下水準。餐牌有前菜、小食、拉麵、沾麵、餃子、飯食等選擇，我選左蒜油豚骨拉麵，因為覺得拉麵是主打得奬作，拉麵質感比較挺身有口感，香濃既蒜油配上濃濃嘅豬骨湯底好美味，入口有滿足的感覺最吸引人。另一特點是入口即溶嘅叉燒，很少可以嚐到如此滑溜溜既叉燒，睇番MENU介紹，原來是用66度慢煮的方法把叉燒煮得香嫩幼滑，相當有心思，可見是廚師研究一番下的用心之作，配菜有比較爽口既椰菜片，還有木耳絲和蔥花做點綴。之後再加了一個炸蟹肉忌廉餅做小食，外皮包了麵包糠炸得鬆脆，裡面是包了蟹肉、忌廉和麵粉既餡料，炸得外脆內軟，醬汁用了酸酸甜甜嘅千島醬，配搭爽脆既生菜和沙律菜做點綴。

湯同麵是分開的湯很油吃麵感覺吃了一大堆麵粉，而且是不掛湯的麵粉食完好濟 見佢新開去食，好後悔兩個人食兩碗面加一碟Wasabi八爪魚埋單二百幾蚊好彩服務態度良好但碗麵真係好難食

元朗真係愈黎愈多好野食，Yoho Mall呢排又開多左間拉麵店，好似幾正宗，就幫襯下😇.博多拉麵🍜緊係要食下招牌拉麵，湯底豬骨味勁濃，但感覺冇乜味精👏🏼幼身拉麵食落好爽口，舊豬肉都唔會話太肥辣味占麵粗身拉麵好有咬口好彈牙，湯底比較辣，岩哂無辣不歡的朋友唐揚炸雞味道比較似南乳炸雞，唔同一般的唐揚炸雞口感，但雞肉好嫩好滑餃子🥟就正常啦，冇乜特別，但餃子皮就偏薄青森蘋果梳打好重蘋果味，不錯環境都算幾好，上餐速度快👍🏻

之前經過圓方見到拉麵jo已經好想試但因為果次太忙所以冇時間入去食原來元朗Yoho都開咗分店啊星期三放咗工之後就去咗食八點去到已經full 哂...等左10分鐘終於到我和朋友入去食啦開放式嘅廚房可以睇到廚師煮拉麵嘅過程餐牌選擇好多！有拉麵沾麵小食...連章魚丸都有....花多眼亂嘅選擇結果點了兩個拉麵一個小食😊擔擔沾面$99擔擔麵嘅湯底有啲花生碎..香濃得來好有咬口...而且配上熱石鍋...可以保持溫度👍🏻冷麵係粗面...掛湯能力一流，將擔擔麵汁鎖實，正特製低溫叉燒拉麵$118勁吸晴，整碗都是薄切叉燒，食肉獸必叫，香濃嘅豬骨湯底配上拉麵....難怪有米之蓮推介啦蝦餃子$70第一次食這種餃子！外貌已經十分吸引！完整一隻鮮蝦包在餃子裹！爽口彈牙！配上沙律醬和香蔥，帶來更日式嘅口味👍🏻食到咁正宗嘅拉麵都係三百幾！簡直物超所值！元朗人又多一個食拉麵嘅選擇！

一知元朗開咗拉麵jo 就去咗食，同朋友叫左三樣嘢，我就叫左蒜油豚骨拉麵，拉麵質地唔淋，比較爽口，日本人對拉麵嘅質地會比較執著，但呢碗同日本食嘅差不多，而且湯底唔算鹹，無好重味精嘅感覺。而豚肉都唔嚡口，幾淋，蒜味個人喜歡重返少少，不過因為可避免會有種口乾嘅情況呢個湯味道恰到好處。朋友就叫左辣味沾麵，啲沾麵有啲似烏冬，但佢話幾好食，辣味岩岩好。午市關係呢兩個麵加$12有小食同飲品，有八爪魚丸同炸雞，雖然係平價小食但係炸雞無嚴重炸粉，同八爪魚🐙係好味唔係成粒粉團，而飲品種類唔同係汽水！而重點推薦食呢個炒北海道帶子雜菇，朋友介紹係好食，食得出啲菇係用牛油炒，好香，帶子都幾大粒有份量，唔怪得要成$95一碟

去YOHO行街街，見到呢間新開拉麵，位置方便叫左Lunch set特製低溫叉燒拉麵$118特製沾麵$105套餐 加 $12有飲品同小食，小食三選一，我同朋友揀左炸八爪魚球，炸雞，飲品有汽水額外加左蛋特製低溫叉燒拉麵，第一眼望落去，全部肉圍係碗邊，心靈上得到極大滿足拉麵彈牙，幼幼，湯底濃，有荀，半隻蛋小食都好好，炸八爪魚球有 3 粒，炸雞香脆可口特製沾麵碗湯熱辣辣，滾到起泡，有3大塊紫菜同好多肉湯汁夠濃郁，個湯汁好惹味! 麵質好彈牙，口感幾似烏冬沾麵底係粗麵，掛湯黎講就非常好，麵吸湯之餘，有咬口。沾麵湯底亦維持水準，木魚味香濃，唔會油膩，湯底如果再濃一d 會更好

Spicy noodles $95 The soup is hot and spicy, and the porridge has 6 pieces. The soup is a bit spicy, the food is so delicious, the food is so hot, the friends will try it out. Dip noodles with moderate hardness and good hanging soup. You can dip for a while and then taste more. Usually I am afraid that the food will be too strong and too salty. I think the rock is good. There will be next time. The next big bowl can be buried.

琴日試咗個低溫叉燒麵湯底較淡，所以今次叫咗個沾面食，這個沾面湯底十分濃郁，對於一個中意食比較重口味既我，真係十分合適，相比低溫叉燒麵，我更喜歡這個沾麵，食完後還可以加清湯溝淡，非常好食，十分推薦

本人一向都中意食拉麵🍜，我覺得拉麵🍜最重要都係個湯底，今日又癮起，所以就走左去元朗 Yoho Mall試呢間 Raman Jo。餐廳唔算好大，好在唔使排隊我朋友叫咗個低溫叉燒拉麵，呢個好似好特別咁，出邊都未聽過有低溫叉燒呢樣野，個侍應特登提我地話呢個低溫叉燒會有少少粉紅色，我仲喺度諗會唔會好似啲牛肉咁半生熟，你都之後個質感又幾得意，而且有一樣野係可以肯定嘅，佢係熟既，而且幾好味。湯底幾好味，不過我個人中意濃一啲嘅湯，所以我就叫咗個沾面嚟食，個侍應仲同我講話當我食完呢碗沾面之後，可以通知佢哋加湯，然後再飲埋碗湯，真係完全符合晒我食拉麵嘅風格，我係一滴湯都唔會漏嗰啲人，當然要個湯好飲啦，所以我就揀咗個特製辣味Jim面，可能個湯佢要特登煮嘅關係，我朋友嗰個嚟咗一陣間我先有得食，但係呢個沾面都係值得等待嘅，你都見到佢分開裝嗰啲湯，啲湯係滾嘅，佢仲特登塊板紙係寫住沾面嘅食法，好似啲人成日都會用咗錯誤嘅方法去食沾面咁樣，咁我就跟住佢個方法夾一啖沾面放落啲湯度，然後再啜，呢個湯底就比我朋友嗰個低溫叉燒拉麵濃好多好多，啱晒我心意，雖然佢叫做辣味沾麵，但係啲湯會真係好辣，反而係香比較多