拉麵Jo (已結業)

一間細細間既爆谷店，一轉手竟然可以變做坐到幾十人既拉麵店！在下十分驚奇！而且岩岩開張既時候大排長龍！就決定要試試佢！餐牌上既低溫叉燒拉麵整到好似朶花咁攤開哂！就食你啦！賣相實在太吸引！我諗住叉燒連埋湯一齊食落口⋯ 就樂極生悲燙親個口⋯我問店員有冇凍水提供⋯ 我個口比湯燙親好痛⋯ 佢地話剩係得熱水⋯⋯ 剩係可以比錢叫凍飲咁我唯有忍下，諗住禁下電話⋯ 點知坐係店入面既卡位係連唔到手機network...亦都連唔到yohomall wifi...冇得上網⋯令我成餐都好sad. 而且由於燙傷左個口，feel唔到d 味，剩係食得出d 叉燒份量非常少 而且簿如紙⋯ 都係正常厚叉燒好食d ～ 連凍水都冇，收我加一服務費埋單130$⋯ no next time!

位於元朗Yoho Mall的拉麵Jo，是一間本港馳名的米芝蓮拉麵店。餐廳的總店設在銅鑼灣，其後在九龍圓方設分店，沒想到第三間分店會開設在元朗，新界人想吃拉麵就更方便啦。第三間分店，提供更多種類的美食，例如: 沙律，小食，不同囗味的拉麵，更有飯類等哦。明太子蛋卷 $65本人最愛的小食，非明太子莫屬。每次看到明太子類的食物，總忍不住要點選一份。一客六件的蛋卷，塞滿大量的明太子，味道略鹹，蛋卷不太濕潤，是被結實的那種哦。炸八爪魚波 $48一碟六件的八爪魚波，適合二人分享呢。八爪魚圓內裡軟綿腍滑，撒上木魚碎，很生動呀。迷你馳名豬腩飯 $58是次沒吃拉麵，想試試餐廳的豬腩飯。豬腩肉肥瘦相間，相當入味，三件豬肉勻屬不同部位，有幼軟也有結實囗感。珍珠米飯拌勻鹹菜，香蔥和醬油同吃，鹹香惹味，快速吃光光啦。

之前已經去過銅鑼灣間拉麵Jo食過，今次就試下佢元朗新開既分店。餐牌都幾大分別，元朗呢間比較多唔同款式同特別d嘅小食同拉麵可以揀。我地點左2款唔同嘅拉麵，一款係辣味沾麵，另一款係特製蒜油豚骨拉麵。先講辣味沾麵，味道比想像中辣，但又會忍唔住猛追黎食，因為真係好惹味！不過提提要食得辣嘅先好點，因為都真係幾辣。至於蒜油拉麵，湯有別於平時其他店既湯，佢有一種油香，但入口唔會覺得油膩，拿捏得好好。而且配料好豐富，有2種肉同2種蛋，呢款拉麵叫特製真係好抵食。2款麵既共通點就係麵條都係比較幼身而且彈牙，岩晒我口味。另外點左小食大阪風炸薯條，鍾意食薯條一定要試下！醬mix得好好，而且係伴衣魚，一齊食好好味啊。份量仲要好大架，係平時嘅2份中薯條。之後仲有叫到章魚丸，味道都唔錯，而且涵都豐富，我會推薦大家試。

今日同朋友去Yoho睇完戲，朋友話想食拉麵，即下search下元朗邊到有拉麵食啦，點知原來喺Yoho都有，勁surprise！呢間拎過好多獎，又係米芝蓮推介，所以一直想試好耐！🤤🤤我揀咗「特製醬油豚骨拉麵」，湯底非常濃味，食到好重豬骨味，但又唔會好膩，淨係個湯底都令人回味無窮！有兩大片叉燒同埋幾舊角切，叉燒肥瘦適中，煮得好腍身，勁入味！第一次見拉麵有鵪鶉蛋，不過味道冇咩特別！半熟蛋唔算太流心，但勝在蛋味濃，咬落去微微漿口，個口感唔錯！拉麵採用咗幼麵，幾有咬口朋友就食沾麵有9塊瘦瘦哋嘅叉燒~小食揀咗蔥花牛舌，個味唔錯，不過感覺牛舌薄咗啲，如果可以厚返些少，喺口感方面會更加好~~收據：p.s. 鋪頭喺商場入面，有部分坐位係open area，私隱度就爭啲喇！

元朗yoho mall成為新貴之後，再次造訪。今次主要找吃的！ramen jo 每一分店的餐牌都有點不同，不過招牌的拉麵和沾麵都沒變。這裏吧枱位置較少，獨自吃拉麵時可以看到廚房的工作，不會悶。而中間都有大枱，還有四周的二人和四人枱。特製低溫叉燒拉麵先不談味道，只看賣相已相當吸引！九大塊粉紅色的低溫叉燒，相當震撼。入口嫩滑，肉味較重，經燒過後更香。拉麵偏軟，是25號幼身拉麵，配合用18小時熬製的豬骨湯底，是一種温暖的comfort food。沾麵原味沾麵主要是香濃稠厚的魚介湯汁和入口即化的豬腩叉燒。而更令人喜歡的當然是12號粗沾麵，因其粗度是最可以沾起足夠湯汁的關鍵！千萬要在最後請店員加湯把沾麵湯汁喝掉！加了一份牛舌蔥花牛舌比較薄身，較焦的位置爽口非常，有幾片卻較靭，但都燒得香噴噴的，加上檸檬汁就更開胃。

好耐之前就聽朋友介紹過呢間拉麵鋪 今日終於有幸同朋友一齊黎試試佢😋拉麵鋪黎講 呢間鋪嘅野食都算多 除咗有唔同湯底拉麵揀之外 仲有沾麵或者其他主食可以揀👍🏻但我今次選擇試咗個醬油豚骨拉麵先 而小食方面 就叫咗炸雞同埋炸八爪魚球 值得一提嘅係 呢間雖然主打係拉麵 但佢嘅小食都唔少 賣相亦不錯 搞到我樣樣都想叫黎試下🙄先講講醬油豚骨拉麵 豬骨湯底濃郁 叉燒肥瘦適中 麵底都唔錯！夠爽口 唔會太淋！五分係滿分嘅話 我會比佢四分😋😋跟住係炸雞 外脆內軟 本身已經夠味嘅 但我會再加小小七味粉調味 一流！最後係炸八爪魚球 我最欣賞之處係 八爪魚球上有好多木魚絲（見圖）！平時食開嘅日本餐都好孤寒唔會比咁多😂😂但味道依然無令我失望 我會比四分佢 一分失在入面個餡可以再多dd🤤 有機會一定會再黎試其他嘢食！

元朗嘅朋友又多左個食拉麵嘅好選擇啦❣今次食拉麵Jo揀左食 辣味豚骨拉麵🍜中意食辣嘅朋友仔可以選擇辣味嘅拉麵🤩🔥，呢個拉麵比一般豚骨🐷拉麵特別在於佢嘅配料同辣味醬🌶，除左黑木耳絲，筍同青蔥，呢款拉麵係配有大份量嘅蔥白絲😀，但就無溫泉蛋同紫菜，夾起一啖拉麵加埋蔥白絲，為煙韌嘅麵條增加微微嘅辣味同爽脆嘅口感，個人就好中意食蔥💚，所以就愛上加愛🥰而麵嘅湯底都夠濃郁豬骨味🐷同有足夠嘅油香，食耐左都唔會覺得油膩😎，試過食過啲拉麵唔夠一半已經覺得好膩食唔落，至於辣度對於平時食開辣嘅朋友仔應該唔算好辣，辣過譚仔十小辣少少🌶。齋食一碗拉麵有啲寡，所以嗌多左個小食，咁多小食真係有嗰花多眼亂，最後揀左個炸雞軟骨🐔，一碟份量都合理，仲可以唧啲檸檬汁🍋落去感覺就無咁油同更fresh，呢款炸嘅小食都好香口又脆卜卜，唔會有太厚嘅粉漿，食幾啖拉麵再食幾粒雞軟骨，兩種口感都可以享受到👍🏻❤推介推介！

新開張, 黎試下, 舖面裝修得唔差, 想坐bar枱, 睇下廚師煮麵, 點知無嘢睇, 淨係見到兩個人夾下配菜, 都唔知整bar枱黎做乜.可能啱啱開張, menu上有D食物都未有. 其實款色都唔少, 有沾麵, 炒麵, 不過拉麵Jo喎, 梗係試拉麵喇.特製低溫叉燒拉麵, 店推介, 個樣唔錯, 豚肉都冧, 其他就差D, 係我唔鐘意”上海麵”款式嘅拉麵, 太幼身, 略欠質感, 蔥唔得, 有D怪味, 可能係大陸蔥, 唔用日本蔥, 都應該用返D靚D嘅蔥. 湯底麻麻.辣味豚骨拉麵, 一般.蝦餃子, 一般.唔知點解感覺好似食緊上海菜咁.

久聞拉麵Jo之名，今日一試，名不虛傳！拉麵癮發作，記得YoHo 新開拉麵Jo，就佢啦！菜單選擇比一般拉麵店多喎， 拉麵沾麵各自有好幾款，連飯都有三款，有齊大中細size，好耐冇見過咁齊全嘅menu。 不過今日就梗係試一試佢嘅拉麵有咩秘密喇！特製低溫叉燒麵見佢標籤皇牌推薦，賣相好震撼，好多塊肉圍住碗邊，應該係食肉獸之愛。一上枱覺得啲叉燒好似火腿，可能係用低溫煮法，令佢個樣子略有不同， 雖然叉燒同火腿都係如出一轍🐷，哈哈。 師傅刀功幾好（雖然有可能係機器切），每塊叉燒大小相若，厚薄均勻，所以令佢更加感覺似火腿🙈。 其實食落都真係好似火腿質感😅，除咗冇火腿咁咸；低溫慢煮令肉質嫩滑啲😋，肉汁減少流失，一撮麵配一塊肉一齊食，加啖湯，個鮮味同咸香味真係無與倫比。湯底又係不得不提，好濃豬肉味，真係食豚有味豚。炒雜菜，有紅燈籠椒，茶樹菇，雞髀菇，芽菜，切條冬菇同埋蘆筍，好豐富，我本來仲expect係牛油炒，因為大部分日式餐廳都係用牛油嘛😛，原來佢係蒜蓉炒，有鑊氣，口感爽脆，係一流嘅小菜。米芝蓮之選果然非凡！🏆

拉麵JO原來在元朗開了分店，以往我和太太都是去銅鑼灣分店，人太多了！今天來到YOHOMALL一期，幸好我們早，不用等位。我比較大食，叫了一碗特裝低溫叉燒麵，這個麵較貴，$118，但是食過才知道是好東西！這個麵有很多一片片薄的叉燒，叉燒是低溫煮，比起平時的叉燒會比較淋身，湯底比較濃，是豬骨湯的味道。糖心蛋有半隻，麵質不算太林，咬起來比較有嚼勁。太太說我的麵比較多肉，她order了特製醬油豚骨拉麵，這個麵有兩片叉燒和一件豬腩肉，先說說豬腩肉，十分juicy，肉汁好多，而且好細嫩，一點也不痴牙。湯底始終有醬油，味道較為濃味和略咸，但是OK的。麵質煙煙韌韌，幾彈牙！另加了一份餃子，$42有五隻，約抵食，餃子是炸過的。皮很脆但是沒什麼油，餃子餡內的材料都很豐富 每啖落下去都很有口感。強烈建議大家來Yohomall，因為這邊等位都舒服點，沒有那麼熱。

Ramen Jo小食:鐵板豆腐 $48(4件)豆腐好入味，用咗好多唔同嘅調味料醃過，然後再煎，煎嘅時候再加入蔥花，仲有木魚絲，味道係鹹鹹地，幾開胃主菜:特製沾麵 $105沾麵條係粗麵，算係有點𡁻口，沾麵湯味道濃郁，不過可能唔太夠熱，食咗半碗就要返熱啲湯，確實係有啲麻煩。不過啲叉燒令我既驚喜，Ramen Jo嘅叉燒係薄切，半肥胖瘦，食落去唔會一種好肥膩嘅感覺!主菜:燃燒麵豉沾面 $99同特製沾麵條一樣，都係粗麵，麵條方面就唔多講啦。佢嘅湯底好特別，係有少少麻醬嘅味道，並唔係偏鹹，同特製沾面個湯底非常唔同。叉燒就係一大塊，並沒有切細件！不過其實味道都係一樣嘅！飲品：巨峰乳酸梳打有巨峰提子嘅味道，亦都有乳酸嘅味道，比例啱啱好，唔會太甜唔會太酸！

係Yoho 1期行街，竟然俾我見到開左間拉麵jo之前係cwb食過，感覺唔錯，見仲未要排隊等位就拿拿聲入去坐低先炸八爪魚球 $48/6粒size岩岩好，個粉醬好滑，可以一口一粒，面頭d木魚碎細細個最喜歡望住佢，點解會識郁既特製低温叉燒麵 $118呢碗嘢個賣相一流，同餐牌上既一模一樣，放上網呃like一流係幼身拉麵，軟硬度剛剛好，湯底唔算好濃總共有9塊叉燒，size都大過隻湯匙架，薄切，唔會太肥特級辣味沾麵 $109個湯底來到仲係好滾架，將沾麵放係熱湯內蘸一下，就能夠掛起濃湯，沾麵比較硬身，食落有咬口，而呢度仲有一次免費加湯蝦餃子5個 $70第一次食蝦餃子，面頭加左沙律醬同青葱咬落去真係有隻蝦係度，仲有餃子餡，幾特別

呢一排我地嘅城市元氣大傷，人人心情都好沈重，不過再難過嘅日子，飯總係要食，為嘅係要行更遠嘅路。今次大胃真係要行好遠水路，唔怕塞車咁嚟到元朗行商場，消散鬱結嘅情緒，順便就食個拉麵啦心情唔好都要打卡㗎，第一下揀嘅，非打卡值爆棚嘅叉燒拉麵莫屬。湯底有好濃嘅蝦味，唔錯未見過呢種餃子，可以包到啲蝦咁樣，究竟大胃係食蝦定食餃子呢？黑蒜油拉麵幾足料，清清地，多款肉類，除咗溏心蛋，仲有鵪鶉蛋𠻹，好神奇呀胃民好喜歡玉子燒，點都嗌返個啦，果然美味しい食飽個肚，暫時填補心中嘅不安，繼續有力為香港打氣

🥳元朗多野食，我諗大家都知🤩，今次就黎到形點去食米之蓮拉麵JO🍜呢間新開拉麵店成日排長龍🐉，今日我地好好彩，好快安排到座位椅子下面有個細細個架，可以放袋，又唔阻人坐底之後好快就俾左茶我地🍵雖然呢度係拉麵店，但係就有好多唔同種類既野食，前菜🥒、小食🍡、湯拉麵、沾麵🍜、飯🍛等等好多元化，最岩多❤️人事🤣我地叫左一飯一拉麵🍜、兩個小食，侍應服好好，知道我地叫左小食，就問都冇問俾左兩隻碟仔我地，好細❤️😁特製低溫叉燒拉麵呢個拉麵🍜既賣相真係冇得輸。全部叉燒都用低溫煮完之後，鋪係碗邊，除左令賣相一流之外，仲可以避免叉燒肉口感太老，真係一舉兩得👍🏻👍🏻拉麵又唔會太稔身，口感剛剛好馳名豬腩肉飯呢個飯好足料，每件豬腩肉都大大件，而且，又有溏心蛋、又配上大量蔥花，好香好好食，仲有一碗麵鼓湯。😋明太子煎蛋🍳雞蛋🥚卷裡面包左明太子，就咁食已經好好味，我覺得可以唔洗沾隔離果個醬油。味道都有少少辣，口感都算嬾口，值得一試炒雜菜因為我真係好鍾意食菜，所以叫左一碟，都算大碟，而且有好多唔同種類既菜，顏色豐富又有尚養，最岩有營人仕總結，呢間鋪頭無論食物質素、服務都好好，大家都可以試下呢餐廳

係元朗Yoho 行完街街，又係搵食既時間，有dd掛住拉麵既味道添，有拉麵Jo呀，好，入去坐底睇下好咩好食先。辣味豚骨拉麵，辣味啱啱好，啱晒香港人口味，豚肉夠厚夠脂肪，有口感，拉麵亦都爽口彈牙，唔錯！特製低溫叉燒麵，碗邊圍滿靚靚叉燒，好吸引呀，叉燒比起豚肉瘦一D，食落唔膩，溏心蛋都夠軟心，好味味！炸八爪魚球，外香內軟，，入面有八爪魚粒粒，一D 都唔粉。鐵板豆腐，煎得外皮有少少脆，但豆腐依然嫩滑，加埋木魚更有層次感。