拉麵Jo (已結業)

聽朋友講話最近yoho開左間米芝蓮拉麵店，今日終於有時間去試下。我自己比較中意食質地比較硬既麵，所以依個麵底非常岩我口味，低溫叉燒味道和口感都唔錯，唯一比較差少少就係湯底唔夠濃，如果中意食湯底比較淡既朋友可以試下。明天會再過黎試下沾麵....

今日約左男朋友去YOHO MALL 睇戲，睇戲之前要搵野食醫下肚。黎之前一早search定食咩了，今次要食米芝蓮推介既日本野! 食拉麵jo!間店就係711對面，見到紅噹噹既招牌就知搵岩位。去到個時仲早，六點幾，所以就可以直接入坐，當時我地都超肚餓，再到遲DD就要等位了～雖然無見到人咁做，但Ｄ椅子既設計係咪俾人放隨身物品呢～拉麵jo個MENU睇到人眼花撩亂，好多選擇，樣樣都想食（流口水）。今次我地點左四樣野食，炸八爪魚球$48，蝦餃子$70，沾麵$89，特製低溫叉燒麵 $118，青森蘋果乳酸梳打$28。因為好肚餓，八爪魚球同蝦餃子一送到就旋風式食晒。第一次見蝦餃子，個賣相超靚，入面係韮菜豬肉，如果多Ｄ韮菜同煎得再脆Ｄ一定更好食～八爪魚球係岩岩整好，熱辣辣既八爪魚＊係我至愛～食落係好似大板食既口感！特製低溫叉燒麵一定係必定要影黎打卡用，賣相簡直係花咁，哈哈。第一次食用低溫整既肉，呢個叉燒味道好岩我口味～個拉麵湯底好濃，拉麵就偏軟身。而沾麵就麵就偏硬身，搭半肥瘦既豬肉加熱熱既濃湯，都唔錯！今次對拉麵jo店員特別印象深刻，佢地都好好禮貌。而且店員企位安排好，即使我地坐得比較入，都好易叫到店員點

戒條, 係愛黎守既: 其實真係極少係大型商場入面搵食, 領嘢機率甚高😭😭 今日因為大雨關係, 去到YOHO入面既新拉麵店: 拉麵JO醫肚🤔舖頭係形點一期既落上面, 前身係賣爆谷🍿估唔到原來三角形既小舖位都可以間到成40個位出黎🤨咁間法, 當然就坐得密少少, 無咁舒服架喇🙄但係商場舖, 真係可以做到人流不斷😮 已經係週日既下晝2點, 都係不停KEEP住FULL🤑🤑 舖頭新既程度係MENU度反映, 雖然有成10版🔟 但係大部份嘢食都係 「即將推出」😓😓最後揀咗兩個拉麵🍜🍜 特製豚骨拉麵先上🐷 先睇湯底係乳白色骨湯🥛 豬骨味還好, 但有少許人造味; 溫度未達燙口冒煙, 但可以接受, 留意同其他拉麵唔同, 麵硬度、湯底、配材都係無得揀😥DEFAULT比你; 至於叉燒, 偏肥薄切, 咬口還好👍有少少肉汁在內, 紫菜上枱係唔乾脆👎最好係隻蛋, 可以有流心🍳你話佢難食未至於, 但分數唔會係高❎ 另一個係特製低溫叉燒麵🎊比佢既美貌吸引咗✨✨ 點菜時店員已講明要等耐啲; 黎到真係同原圖九成似, 適合瘋狂影相📸📸湯底、麵底、配材同前面既豚骨係一致既😎十塊既慢煮叉燒真係「低溫」上枱, 唔熱架囉☄️☄️要搵番啲湯

見到yoho新開左拉麵jo，梗係要試吓啦。拉麵有幾款，博多，味噌同辣味。我哋就叫咗兩個特製博多拉麵，距比普通博多拉麵多咗糖心蛋同埋紫菜。味道都唔錯，豬骨湯底好濃郁，麵條嘅軟硬度都啱啱好。叫咗三個小食，自製餃子，炸蟹肉忌廉餅同埋鐵板豆腐。個餃子煎得好脆，餡料好足，個餃子汁都好好味。而個蟹肉餅好新鮮，啱啱炸起，熱辣辣，裏面都好Creamy。但係個鐵板豆腐就爭少少，好似冇乜味，下次未必會再叫。支Sapporo 啤酒都好好味，可惜冇生啤，剩係得樽裝。

今日老公OT ，我同囡囡自己食，近近地渣車落YOHO MALL 搵食，之前經過見到拉麵Jo仲裝修緊，今日原來開左啦，所以二話不說帶囡囡入去食餐廳店鋪細細，裝潢日本風格，有吧枱，長方枱，同埋二人枱，四人枱，8:00左右到達，已經差不多滿座了。特製低溫叉燒麵（$118）碗邊鋪滿低溫叉燒，超級吸睛，低溫叉燒第一次食，叉燒薄薄一片，唔會好乾，而且帶點鹹香味，肉質特別軟腍，湯底非常濃郁，但不會過鹹，拉麵用上幼麵，好彈牙枝豆（$28）炸蟹肉忌廉餅（$32）以個超級好食，蟹肉忌廉餅炸得金黃香脆，粉漿唔會太厚，入面蟹肉忌廉餅非常綿滑，仲食到蟹肉，最緊要食完一點都不油膩

之前係銅鑼灣見過拉麵Jo，一直心思思想食，知道係YOHO Mall 開左，以後唔駛出咁遠就有得食啦，岩晒我以D口痕想食，又唔想出咁遠既人，YOHO MALL 又超方便，上水去只需4個字。我以為只係食拉麵，原來都有小食、拉麵、前菜、一品、飯、沾麵，好多選擇。特製辣味沾麵-辣味湯頭非常濃郁，有3塊叉燒，半肥瘦適中，粗麵條口感煙煙韌韌，有嚼頭，每一口麵都沾有大量濃郁既湯汁，而麵條亦非常掛湯 亦可附加配料，價錢亦唔貴，我加了紫菜和溏心蛋，溏心蛋軟滑的蛋白，蛋黃味濃郁又香自製餃子-個皮不會太厚，餡料好飽滿，好豐富。巨峰乳酸梳打

又係元朗搵食，今次食依間yohomall既jo拉麵，lunch時間拎位冇困難。內部環境不窄，亦有bar枱，任君選擇。一杯熱茶暖胃好重要🤗炸雞肉肉質鮮，都幾多肉汁，調味不俗。加十蚊有兩大舊都幾抵食😛炸八爪魚小丸子新鮮即炸，食落熱辣辣，非常香口大大粒八爪魚係入面，配合木魚絲，幾有口感。豚骨拉麵麵質爽口彈牙，湯底味道較淡，適合口味較淡的香港人😛叉燒質素一般，冇驚喜😂整體配料較少。蒜油豚骨拉麵湯底較濃，非常香濃，岩重口味人士。隻蛋好有蛋香，配上湯汁相當香甜，值得一讚！整體係元朗唔錯既拉麵店，價錢中規中矩，值得一試🤓

自從Yoho Mall開幕，元朗愈來愈多知名餐廳進駐，最新一間係拉麵Jo, 係米芝蓮推介，梗係要試下。我哋叫咗一碗特製蒜油豚骨拉麵，一碗特濃博多拉麵，一碟蝦餃，同一杯巨峰乳酸梳打😋😋😋我碗係特製蒜油豚骨拉麵。先呷一啖湯，湯頭味道濃郁，加咗蒜油好香。拉麵硬度雖然無得揀，但軟硬適中。半肥瘦叉燒又腍又滑，食落一d都唔會覺得肥膩。半熟蛋香滑，蛋黃溏心，睇來療癒，食來滿足。其他配料有紫菜、荀、葱、木耳，最特別係有鵪鶉蛋，我膽固醇高，俾咗朋友食，朋友話少食多滋味，好味道呢。👍👍👍至於蝦餃真係好特別。平時喺拉麵店食嘅都係普通餃子，今次係第一次喺拉麵店食到蝦餃。大大隻原隻蝦剝咗殼包喺入面，上次再唧上沙津醬，咬落彈牙鮮味，正!😍😍😍再配上一杯巨峰乳酸梳打，冰涼透心，fresh，同拉麵絕配。😘😘😘

最近好想食拉麵 要係元朗搵一間係日本人主理嘅米芝連拉麵店唔易架 今次去元朗yoho mall 新商場搵到有間拉麵Jo。主打既拉麵 因應個人喜好㨂湯底 配左唔同嘅麵款特製醬油豚骨拉麵麵條方面，麵款用左幼麵，軟硬度適中湯底方面，醬油味濃郁但唔會過咸特制蒜油豚骨拉麵麵條方面，麵款係用左幼麵，軟硬度都係適中湯底方面，蒜味濃而不會搶左豚骨味，可以話係雙重口感呢兩碗麵嘅豚肉都係一樣，惹味得黎肥瘦適中，入口即融炸八爪魚球同平時唔同，今次唔係燒的形式，竟然係炸得金黃色粒粒飽滿的小丸子上不滲油光，唧上美乃滋及燒汁之後，再灑上生機勃勃的木魚碎。外層香口薄脆，無半點膩感，入面濕潤可口，不會過黏，但就如坊間的八爪魚丸，只有細碎的一粒八爪魚肉。配搭甜潤的美乃滋，又有酸燻醒胃的燒汁，木魚碎的微微鮮香助力之下夠哂惹味。大磚豆腐先將豆腐炸香後，加入不木魚碎 加秘製醬汁 保證新鮮熱辣辣 豆腐好軟腍嫩滑，充滿大豆香明太子濕醃的魚子既明太子  加上感覺柔嫩玉子 細緻的風味

🔎拉麵Jo📍元朗元龍街9號形點一期1樓1072號舖-🔹辣味沾麵 $95湯熱辣辣上枱仲滾緊♥️ 豚肉有6片 半肥瘦幾淋幾好味湯底都幾辣 食得好過癮 唔食得辣嘅朋友仔就試唔到啦沾麵麵條軟硬度適中而且好掛湯 可以浸一陣先再食味道會更出平時好怕食沾麵會太濃味太咸 呢個我覺得岩岩好 會有下次 下次食大碗可以配埋溏心蛋🥚🔹特級低溫叉燒麵$118足足9大片嘅低溫叉燒鋪滿左係碗邊 低溫叉燒都幾薄 而且好嫩好吸引 值得一試！拉麵麵條係較幼身 份量都幾多 配埋豬骨湯底好有日本風味🔹蝦餃子$70/5隻原隻蝦連蔥及豬肉餡包嘅餃子 面頭加左d沙律醬都幾特別可以一試 味道亦都唔錯 餐牌部分菜式仲係未推出 期待下次再去食嘅時後可以試其他款

不嬲呢個商場都係西式餐廳比較多，見到一間新嘅日本拉麵就同朋友入去食個lunch，一人叫咗一個面之外再叫咗一啲小食，覺得個沾面都不過不失正正常常。個小食係蝦餃子，就幾好食。可能係新開所以就算五仙時間都係大概坐得一半人。

是日收工趕返去湊完成舞蹈堂的阿女，跟住帶佢去 YOHO MALL新開的拉麵店食拉麵，阿女因為我而愛上日本，成日掛住食壽司，我要佢知道日本仲有拉麵都好好食架~~~其實因為爸爸和嫲嫲等人成日帶佢食好西，搞到佢為食又要對食有要求，我之前試過帶佢去食野，佢會覺得食物唔好食而唔願食甚至吐出來，之前在食在元朗有人話呢間店唔好食，但我見呢間店有人排隊等位，所以好想試吓~~~好在呢間拉麵店的特製低溫叉燒麵原來幾好食，初初見到d肉的顏色以為係未熟，唔敢俾昕昕食，點知佢追住要，仲食到唔停口，我個人覺得都不錯，值得下次再叫來食~~~由於阿女鍾意食紫菜，所以加錢都要俾佢食~~~鍾意食紫菜的佢話難咬，我就話要醮湯食，沒想到佢食曬六塊紫菜😝😝炸八爪魚球，一止枱熱辣辣，幾好食，原來我唔知阿女唔好，我要自已食曬= ="鐵板牛柳粒，阿女依家跟我做埋食肉獸，佢食到都話好食，我就覺得中規中距，雖然不及和牛的入口即溶咁好食，但至少係有D牛味的肉粒，唔會韌~~~整體感覺不錯，阿女去咗一次都好記得呢間店，因為佢在我準備點餐時見到同學仔，仲傾咗一陣

元朗YOHO Mall 近期開左間新拉麵店。🤩小編決定放工去試試佢！6:30pm 去到，已經擠滿食客。😱餐廳環境開放，可以望到入面廚房外，整個店面都寬敞明亮。餐枱下面好窩心甘有個置物架，食客可以放袋落去，吾洗坐得甘辛苦。👍👍小編點左以下食物:1. 豚骨拉麵拉麵有分特製同正常，小編叫的兩碗拉麵都係正常。特製就多半粒鹵蛋，鵪鶉蛋，一塊叉燒。豚骨湯濃而鮮，飲得岀用料精心。🤩叉燒軟嫩。吾好以為白色果個部分係肥肉，其實係瘦肉黎，所以整個口感都特別！😋2. 蒜油豚骨拉麵果然蒜油味十分香濃！即使蒜油味重，但湯底都吾會因此太油膩同咸。岩曬中意蒜味的人。😚😚3. 炸雞軟骨雞軟骨配檸檬汁真的很撘！🥰香脆可口，又有啲鹽酥味。4. 鐵板豆腐大大塊的豆腐。上菜果陣假係煙霧四起！表面煎得剛剛好，沒有過熟而令豆腐口感變差。相反，入面依然嫩滑。豆腐下面有啲蒜，蒜味滲入豆腐裡面，整體味道更香！👅👅5. 鹵蛋因為拉麵冇蛋，額外再加左一客。蛋白同蛋黃都有流心的。😝拉麵吾夠味，可自行係枱下面的抽屜拎七味粉。今次用餐整體的評分都很好！👍員工有禮貌，不時問你洗吾洗加水，又提醒小編椅下面可放手袋！💕

好耐無出元朗，今次約朋友去shopping，行位置十分方便，又連住西鐵站嘅yoho mall，見餓就黎左呢間連續六年獲得米芝連指南推介嘅拉麵店食午餐。特製豚骨拉麵（$92）有雙蛋😍-溏心蛋同鵪鶉蛋，好少可拉麵有呢個組合👍🏻，好特別。至於湯底嘅豚骨味十分濃郁，但唔會過咸同過油，配上腩肉變得更完美。蒜油豚骨拉麵（$85）湯底嘅豚骨味濃厚得黎帶有蒜油味，飲落更有層次。而兩碗拉麵嘅麵條都係幼麵，軟硬度適中，仲好彈牙。細叉燒飯（$68）Size比想像中大，叉燒係切成小粒，啖啖珍珠米都有肉，好快就食曬一碗另外午市優惠可加飲品配小食（加$12）炸雞肉（2個）十分嫩滑，仲能做到鎖住肉汁。炸八爪魚球（3個）炸得外脆內軟，同大阪食果啲有9成似。葱花牛舌（$68）薄薄一片片，十分香口又彈牙，好有驚喜。總結係整體屬高質素，下次會再黎。

元朗拉麵店都有好幾間，呢間位於Yo號新開嘅拉麵Jo係我嘅新寵兒🥰🥰熱辣辣放假都會喺商場消費㗎啦！行完街就食返個拉麵啦😬裝修近似日本，服務態度都似日本喎👍👍拉麵店來講選擇都算比較多，有拉麵有飯有沾面有好多款小食😋😋我係食肉獸，看圖點餐一定係點呢款特製低溫叉燒拉麵，九大篇叉燒鋪滿晒成隻碗，見到都開心🥳低溫處理非常嫩滑，而且好少肥肉位，特別健康，湯底唔太濃，清清地啱晒我😍😍朋友想食飯，就試咗呢個安格斯牛肉飯，醬汁酸酸地好特別好開胃☺牛肉用安格斯當然係好味啦 偷食咗一舊牛味重有咬口唔錯👍👍加咗炸雞同小丸子真係滿足晒所有願望🤣🤣. 炸雞香口雞肉很滑！小丸子即叫即做，熱辣辣好味!!方便又就腳行街睇戲一條龍，下次一於試吓佢嘅沾面先😅