拉麵Jo (已結業)

這間人氣的拉麵JO, 據說是米芝蓮推介的餐廳. 成日行yoho mall都見到不過食就今次第一次食. 餐廳已開放式設計座位不算太多, 裝修設計也很有日本味道. 今次一行四人七點鐘到達, 等枱等了十分鐘.其實呢一間餐廳不煮拉麵有售, 其他日式的定食小食也有. 燒牛肉飯: 牛肉份量十足, 牛肉加上燒汁, 燒得好好食, 配麵豉湯一碗鐵板日式炒麵: 細細碟份量不算多, 但炒得正宗好味蒜香豚肉拉麵: 因為蒜味偏淡唔會食到成口都係蒜味, 豚肉夠淋味道ok, 隻蛋就係最好食, 留意拉麵麵質幼細, 鍾意食粗麵啲嘅朋友可以揀沾麵牛舌: 爽口彈牙, 可以叫炒雜菜都幾好食炸雞: 有啲特別, 出面果Ｄ炸份係油蒜香味的蝦餃子: 這個必定要食, 用海蝦整燒完再被餃子包住, 幾好食

是日晚餐，屋企無煮飯，全家一齊岀去食，揀咗Ramen Jo! 鋪頭係Yoho Mall 入面，地點好方便，7點幾去到，剩番好少位，過多陣已經full! 午肉飯: 牛都幾多，有牛味，汁少鹹，但味道ok，餸飯啱好！拉麵: 好濃蒜味，湯底偏濃，麵身幼身少淋！炒麵：畿好味，啱黎到仲岀緊煙，麵有咬口！牛脷：薄切牛脷，好味！蝦餃子：最有驚喜呢個，入面真係成隻蝦，幾大隻添，味道都夾！炒雜菜：正正常常咁！菠菜：好精緻，個汁係冷面汁，好味！總括黎講，坐得幾舒服，服務態度幾好，雖然坐係角落頭，但都會有人主動過黎refill 水，食物又ok！

話說自從YOHO MALL開幕至今我地都有種慣性地想續間試勻不同的餐廳由於太掛住日本的拉麵，今次就揀左拉麵JO有連續六年的米芝蓮食府的名氣，自然就更加吸引我去食啦有我喜愛的明太子蛋卷也有各種小食，好似好正喎~~蟹肉可樂餅都是經典作品，一定要試吧~~主角當然就係拉麵類內部的裝修是這樣~~~開放式廚房，又有吧台咁望住師傅處理辣味豚骨拉麵我哥就叫左個辣味豚骨拉麵首先，見到個湯底有辣油，好濃又辣味十足的湯底中間仲要有辣椒碎粉，撈埋就更加惹味拉麵非常彈牙，通埋爽身，浸左陣都仲爽口特製蒜油豚骨拉麵我呢個就多左半隻流心蛋、一隻鵪鶉蛋，同埋一件腩肉個種類多D, 口感多D, 腩肉魯過的味道非常甜....GOOD而豚肉都大大塊，令人滿足芥辣八爪魚芥辣味好勁，真心無心理準備係會被嗆親切到細細粒咁，好好咬....有點似韓國生八爪魚咁彈牙明太子蛋卷明太子舍種一粒粒的口味，同埋帶些少微辣，與甜蛋卷形成左對比就算不用落醬油就已經好夠味炸蟹肉忌廉餅新鮮炸起熱騰騰的大愛佢既薯蓉忌廉味道，有少許的蟹肉味，但不太算強

本身想叫晚餐menu，但5點幾就肚餓，等唔切晚市啦😂下午茶餐可以揀一迷你拉麵+一小食+一汽水，五十幾蚊up。.我揀咗迷你蒜油豚骨拉麵，size應該係平時正常拉麵嘅一半。唯一嗰塊叉燒好薄，食落唔夠口感唔夠香，唔知平常正常size拉麵係咪都係用呢隻叉燒🙈拉麵中規中矩，蒜油香唔濃，湯底較平凡。拉麵麵條雖然冇得揀軟硬程度，但好彩麵條唔會太腍，煮得啱啱好。.小食反而有意外驚喜。跟餐我揀咗薯仔沙律，份量都唔算細，薯仔沙律夠凍😎👍🏻另外額外單點咗兩個小食。大阪風炸薯條係淋上大量木魚絲、沙律醬同燒汁嘅炸薯條，我都係第一次食咁樣配搭嘅薯條。薯條係用幼薯，即叫即炸，薯條熱辣辣而且夠脆身。炸雞軟骨都唔錯，佢地用嘅雞軟骨係大件啲嘅，食落更有口感。

今天約了朋友到元朗食晚飯，因為天氣太熱的關係，便決定留在商場找餐廳食算了。YOHO其實都挺多餐廳的，但我們想食拉麵，湊好看到這一家拉麵店便二話不說地進去了。點了一份秘製低溫叉燒拉麵和豚骨拉麵，低溫叉燒賣相很吸睛，碗邊圍著鋪滿了叉燒，可能低溫製關係，肉質非常嫩滑。豚骨拉麵湯底非常濃郁而且重豬骨香味，麵條軟硬度適中，喜歡加些少七味粉一起食，增加味道層次。另外餐點了一份蔥花牛舌，肉質嫩滑而有咬口，加些蔥花一起吃提升其鮮味，只是份量真的太細份了。

60幾蚊有個迷你拉麵，小食，同汽水，係商場嚟講都算係咁。我同媽咪各人都叫咗個拉麵，佢叫咗醬汁豬骨，我叫咗辣味豬骨湯底。湯唔係特別濃，仲覺得差少少野。嗰麵係真係好迷李，兩啖食完，麵內有一塊肉，塊肉太肥啦，筍有兩條，同葱。辣味帶出湯底嘅香味，我request麵硬，不過出到黎都係好淋。小食，叫左唐陽炸雞同加咗15蚊嘅豬腩肉飯。炸雞外皮脆，裹面嫩，不過太厚粉。豬腩肉飯不錯，白飯好好食，煮得岩岩好，肉都好入味，肥脂夾係肉中間，很okay!

今晚同男友到yoho看電影，打算先吃點東西才去看。走著走著，看見這間拉麵店也不錯便進去試試。我們各自點了一份拉麵，我點的是普通豚骨拉麵，男友點了特製低溫叉燒拉麵。豚骨拉麵湯頭濃郁，只拍了幾張照片的時間已經起了一層薄薄的膠，雖然湯頭有油，但這層薄膠應該是骨膠原。拉麵質地剛剛好，不會煮得過爛或過硬。只是拉麵有點不夠入味，但混著湯一起食便好了。豚肉油脂香口，入口即溶。特製低溫叉燒賣相出色，叉燒份量也很多，低溫煮成的叉燒肉質嫩滑，重肉香，是偏咸了些少；但整體而言也不錯的👍🏽值得稱讚是員工有善，經常主動幫忙倒水。

原本未食拉麵JO之前唔知道原來佢係米之蓮餐廳。因為我自己好鍾意食拉麵所以對拉麵嘅要求都有啲高，食完試過呢間拉麵之後都覺得對得住米之蓮呢一個名。元朗分店開設喺形點一期，人流夠晒旺。我哋當日去食嘅時候雖然係平日嘅晚上但係都要等位。好彩唔係等得好耐，侍應就安排左我哋坐低。可能係因為新鋪開張嘅關係，有一部份嘅菜式都係暫時未能供應。問咗侍應佢話好快就會全線供應返。首先前菜我叫咗炸八爪魚球，呢個小食都唔錯，細細粒咁一啖一口。再配埋大量嘅木魚同埋沙律醬！very nice!!! 之後就到煎餃子出場。每次去親唔同既拉麵鋪都會叫佢哋嘅餃子！一間好嘅拉麵鋪我認為係要有返咁上下出息嘅餃子先係。呢個餃子煎得啱啱好，入邊唔會過生或者過熟。而且個餃子個皮好薄，啱晒我口味！因為我真係好唔鍾意食啲好厚皮嘅餃子。講咗咁耐終於到拉麵出場啦，我今日叫咗呢個特製蒜油拉麵。問咗侍應特製同埋唔係特製有啲咩分別，佢話係會多咗啲紫菜同埋一件豬腩肉。個拉麵一上到黎先試吓個湯底，真係好重蒜頭味。而個湯底係比較杰身，如果唔係好鍾意嘅朋友可以轉食返醬油湯底咁會比較清啲。 至於面方面我鍾意食硬身少少嘅面，只要落單時候同侍應講埋，廚房就會幫你準

這間位於元朗形點的拉麵jo，小店以開放式廚房設計，店舖雖少但五臟俱全。明太子煎蛋玉子燒裏面夾著大量的明太子，明太子的咸鮮味道滲進蛋內，有蛋香同時又有咸鮮味。葱花牛舌薄切牛舌加上檸檬汁，正好去掉油膩感，牛舌爽口彈牙。迷你馳名豬腩飯豬腩肉味道偏咸，肉質較有咬口，以煙韌的珍珠米配上香葱及咸菜，最後當然不少得的糖心蛋，入口蛋香十足，呈半流心狀。辣味沾麵沾麵是用了粗麵，麵質較幼麵彈牙爽口，而且份量十足，湯汁有濃郁的蝦香，辣度屬中等，十分惹味，薄切豬腩片都很腍。

聽講米芝連推介的拉麵Jo喺元朗Yoho mall開左分店，即刻拉老公去試下！我地7點左右到，唔使等就有位，但過多一陣就已經開始要等位了！🔸特製蒜油豚骨拉麵($98)食拉麵要先飲湯，湯底呈奶白色，上面有一層好香既蒜油，唔好太膩。配料有叉燒、溫泉蛋、紫菜等，叉燒有兩款，不款係一片片的，另外一款係好似魯肉，兩款都係半肥瘦，而且煮到好腍好入味。麵底係直身幼麵，麵質軟硬適中。唯一覺得嗰幾塊椰菜無煮過，生食有點怪。🔸特製沾麵 ($105)沾麵湯底用石鍋呈上，上台時啲湯仲滾緊，保證湯底熱辣辣。啲沾麵係用粗麵，煙韌有咬口，沾上濃郁既沾麵湯底，很不錯👍🏼我比較喜歡呢但沾麵！🔸蔥花牛舌 ($68)牛舌煎到好香，都腌得入味，煎到外脆內軟，唔會有蘇味。好味！

今日去到元朗Yoho Mall行街，晚餐苦惱食咩好，實在太多選擇，發覺原來拉麵Jo開左分店，之前食過銅鑼灣總店非常不錯，晚餐一於就揀拉麵Jo！除左多款拉麵如豚骨、蒜油、醬油、沾麵可選，呢間分店仲有唔同種類既小食，如鐵板、炸物、玉子燒等，岩哂我呢d鍾意試新野既人！好友揀選麵豉拉麵HK$88味噌湯底非常濃郁，口感濃厚，配料豐富，有栗米粒、葱絲、筍絲、葱花及紫菜絲；豚肉肉質嫩滑，入口即溶，麵條軟硬適中，掛湯力佳。我選了特製豚骨拉麵HK$92湯底充滿濃郁豬骨味，非常惹味不會過鹹。特製配料更為豐富，有半隻溏心蛋及鵪鶉蛋、木耳絲、筍絲、葱花、三片紫菜；麵條煙韌彈牙，掛滿湯汁，豚肉肥瘦適中，充滿脂香豐腴！小食方面選了日式煎蛋及炸雞肉日式煎蛋HK$48一客六件，份量十足，賣相吸引，口感偏扎實，充滿蛋香，綿密帶點微甜。炸雞肉HK$53熱辣辣的炸雞外酥內軟，咬開依然嫰滑多汁，口感酥脆！

元朗形點一期新開了一間拉麵店，拉麵Jo， 朋友說這間拉麵店很出名， 米芝蓮推介，銅鑼灣有另一間分店。 今日終於有機會試試。因為今日是平日， 所以晚市都不算多人，不用等位。 我和朋友安排了近門口的兩人座位， 凳底有一個可以放袋的地方，幾方便喎。 餐廳主打是日式拉麵， 當然第一時間要點一個拉麵。 拉麵分湯拉麵和沾麵， 湯拉麵是用幼麵條， 沾麵是用粗麵條的。 因為喜歡食幼麵條， 所以點了湯拉麵。湯拉麵的湯底也分了三款，豚骨，蒜油，醬油。 想香味重但又不想味道太濃， 蒜油就是最好嘅選擇。特製蒜油豚骨拉麵 ($98)蒜油湯底有很香的豚骨味和蒜味， 呈奶白色，味道剛好，不算太鹹。 幼拉麵粗幼度適中， 烹調時間也恰好，不太腍也不太硬。叉燒是半肥瘦，入口即溶。 撇除健康考慮， 半肥瘦叉燒跟拉麵是最好的。特製拉麵的配料比普通的多了半熟蛋， 鵪鶉蛋，還有一件豬軟骨。半熟蛋， 鵪鶉蛋味道不錯，豬軟骨入味，很軟。安格斯牛肉飯 ($118)牛肉飯賣相非常吸引，整個飯面鋪滿了一片片的安格斯牛肉， 每片牛肉都是剛好半生熟，軟熟和帶很香濃的牛肉味。牛肉飯淋上蒜香汁，蒜香汁帶微微甜味，跟牛肉飯很夾。牛肉飯附送麵豉湯。麵

係Yoho mall開咗米芝蓮推介拉麵店 我地梗係唔會錯過 好好彩等一陣就有位 打開餐牌見到都好多選擇 有小食 前菜 料理 丼飯我太肚餓所以揀安格斯牛肉飯 隨餐附送麵豉湯以和食飯盒代替碗 打開第一眼就已經被賣相吸引 飯面鋪滿片狀牛肉 邊位微焦帶脆 中間位置半生熟呈嫩粉紅入口柔軟重牛味 牛油滲出加上蒜醬 特別惹味老公揀佢最鍾意嘅沾麵 半肥瘦叉燒軟腍肉香冷麵煙韌彈牙 再浸落暖笠笠嘅濃郁豚骨魚介湯一冷一熱 衝擊吞尖 令人越食越上癮最後追加日式蛋卷作結尾 厚實香滑富彈性 重蛋味帶微甜 值得一提 店員都好主動不斷加茶又非常有禮今餐滿足又飽肚 以後食晚餐又多一個選擇

今日一心想去食拉麵，行行下街見到唔多人去食, 一於就去試下先。一入去就有位,叫左個沾麵食下,職員話沾麵會耐少少,不過唔趕時間所以無所謂。之前係日本食過既沾麵係凍既,呢間食既就係熱既。叫左個味噌味黎試下,味道唔錯呀啲拉麵都幾彈牙,值得一食

睇完電影就看看附近有什麼好吃的結果就看到這一間拉麵店。(≧∇≦)好吧，哪就去試試。其實真的不錯。(●°u°●)​ 」我也很喜歡。這裡的環境滿美的，^_−☆食物的賣相也相當吸引煎蛋卷明太子蛋捲，一向喜歡吃明太子的我就覺得10分好吃的明太子。(◐‿◑)叉燒拉麵這是店裏最出名的叉燒拉麵叉燒分量十足。而且叉燒單獨吃的味道也10分濃郁。拉麵可以自行調節中軟度，硬度，中度，也可以加面，(⁎⁍̴̛ᴗ⁍̴̛⁎)牛肉飯是我朋友叫的，我也偷吃了一口。我個人喜歡牛肉飯多一點。^ω^不知道是不是囧rz隔離飯特別香呢，別人叫的總是特別好吃亿。