拉麵Jo (已結業)

元郎最近開左個新店, 新既拉麵JO分店, 當然要黎試下啦!位置唔算好舒服, 地方比較細, 但服務還是不錯的.拉麵JO其實沾麵比較出名D, 所以試一試, 始終唔同分店,師傅都唔同, 麵既軟硬度黎講其實都係岩岩好, 係OK的,但係湯底有小小需要改善, 因為我係沾麵拉麵FANS, 我對湯要求都比較高, 記憶都深,雖然都係拉麵jo 但係元郎分店既湯底 好似無cwb 分店既好飲, 調味上, 呢間湯底豬骨味比較淡dd,咸味有小小過重, 如果辣味湯既話辣味有小小擋左本身湯主要既味道~所以論分店上, cwb 湯底會比較好可以自由加配料, 配料唔算貴, 份量正常, 好似cwb分店會比較多d ,玉子好食, 無咩大問題, 醬油都岩岩好味, 合適做玉子既調味.唔會煮到過軟, 口感仲係到, 有多層既感覺, 呢道完全無問題!沾麵加底只需要25元, 我覺得算幾抵食, 如果自問大胃王可以試試, 麵底軟硬度都係岩岩好, 唔會話因為外加而影響口感.整體還算不錯, 但可能新店關係, 可以睇到有d地方仲未做熟! 

日本拉麵係香港人至愛，本人亦不例外。呢家香港有好多過江龍店家，拉麵Jo係我其中一間最鍾意既拉麵。原因係高性價比，地點方便同埋真係好味。今次我黎左係元朗形點一期既分店，叫左一個set lunch, 一碗拉麵同埋兩個餃子。第一個係之低溫叉燒拉麵($118)，加左小丸子同埋可樂($12)。另一個拉麵特製豚骨拉麵($92)，餃子就係自製餃子($42)同埋蝦餃子($70)。低溫叉燒拉麵($118)睇上去十分震撼，滿滿既叉燒圍住拉麵，十分搶眼，低溫叉燒相比起其他叉燒更滑更入味，原因係叉燒係慢慢煮熟能令肉汁唔會蒸發。特製豚骨拉麵($92)除左有一塊豬腩片外，重有半生熟既蛋同埋鵪鶉蛋，兩碗麵係用上一樣既麵條同埋湯底，麵條彈牙而且有香味，掛上濃厚豬骨底，十分好味。小丸子外脆內軟，好似係日本食個D咁。自製餃子($42)同埋蝦餃子($70)，兩者都幾似，出面食煎餃最味成個皮都係油，但呢到做到脆而不油，入面既餡有蔥香肉香而且多汁，做得十分好，而蝦餃子更加上原隻蝦，唔洗剝蝦又食到蝦肉，十分過癮。總括人均百五蚊左右食到咁多野，十分抵食同埋滿足，呢個都係我係佢常客既原因。

拉麵jo元朗新開既拉麵店😻午餐時間就黎食食佢😊👍🏻午餐套餐都幾多選擇😳☝🏻 重可以加錢叫小食🎈蝦餃子（5隻-$70)原隻蝦包住係薄薄既餃子皮入面，上面重有d 沙律醬，甜而不膩，蝦身爽口，唔錯🎈擔擔沾麵（$99)上面既芝麻係炒過既所以特別香☝🏻配埋一隻溏心蛋，半啫喱狀態既溏心蛋🤤加埋豚肉。配埋有咬口既拉麵☺️怕太硬既人，可以浸多幾下先食辣辣地好味道☝🏻（算係少辣啦，又唔洗怕太辣既而喧賓奪主🎈特製沾麵（$105)朋友order 既沾麵都唔錯bro😳話說都幾足料，因為佢既肉肉有三大片，同埋半隻蛋溏心蛋。沾麵湯底濃而不過咸，好香既豉油味！唔喜歡太辣既人士岩曬☺️同埋係麵底好多。🎈炸雞肉（+$10)幾大舊，肉地厚係一間唔錯既午餐

Yoho新開左間拉麵店，成日經過都見到排隊等位，今次同朋友一放工就去食～等左10分鐘左右入座。特製低溫叉燒麵$118好鬼正，鋪滿左叉燒，啖啖肉喇今鋪真係，我中意將叉燒撈落熱湯度再食👌🏻😋蝦餃子$70（5個）原隻蝦包係餃子度再有蔥肉餡，上面有少少沙律醬，酸酸甜甜令人胃口大開～特製沾麵$105個叉燒係勁好味！入口即融個隻，又夠曬入味，叉燒既油脂香同熱辣辣既湯汁，係一種勁正既combination!最驚湯底太咸食完要狂隊水，呢款沾麵湯底絕對唔會～

元朗形點新開了一間日式拉麵店，聽聞是很出名的拉麵店，由開店至今大約一個月吧，每晚均客似雲來，除了店內坐滿人流，門口更有很多人在等候。店內位置雖然不多，但在門外亦有一排餐枱可坐，對餐廳宣傳頗有幫助，在形點商場的眾多餐廳裏，它算是唯一一間如似佈局的店舖，故頗有特色！店舖雖然主打拉麵，但選擇也有很多，有飯、有拉麵、炒麵、也有沾麵，更有很多小食，非常適合香港人心多及喜歡選擇的特性。今日選擇了蒜油拉麵，及幾款小食作初步嘗試，小食有炸八爪魚球、炒野菜及鐵板豆腐。拉麵未上枱已經傳來陣陣蒜香味，上枱後先嚐一口湯底，果然旁名不虛傳，湯底味濃兼十分鮮甜，真材實料餚出來的湯底的確與別不同，拉麵非常彈牙，雖然配料只有兩片肉，但好食的拉麵淨食麵已經感到很豐富了！炸八爪魚球size較為細粒，但炸到熱辣辣，外脆內軟，非常好食。鐵板豆腐大件又清淡，配拉麵一絕！炒野菜好fresh ，可解油膩，正！埋單$314，其實不太便宜，不過想食好嘢係要付出少少代價的！

Yoho賣爆谷個邊開左新日本菜，主打拉麵。鋪頭睇落唔大，但係座位都唔少，轉角位入去仲有幾多張枱，假期夜晚黎食都唔使特別等位。可能新開張唔算多人。鋪頭裝飾都非常日式，以木枱木凳為主，而且枱同枱之間都唔算逼，凳底亦都有位擺野香港有3間，元朗真係愈開愈多好野食可能因為新開張，有部份小食都未有。但以主打拉麵既鋪頭黎講，小食種類都算唔小除左麵食，亦都有飯食，價錢以YOHO黎講絕對唔算貴拉麵有6款味咁多我地叫左蒜香，一黎到擺落檯已經好香蒜味，湯底真係好好味。糖心蛋流水亦都岩岩好一碗麵有兩款叉燒，幾特別，好淋入口即溶咋外仲都叫左沾麵，點知沾麵仲好食，粗身拉麵掛湯一流，而且仲好爽，亦都冇一般沾面咁痴身，真係唔錯仲有兩款小食，波菜係涼菜好開胃，但就細份左小小，而炸雞就好出色，熱辣辣炸起，有5大件。我地食完已經開始要等位，JO拉麵係Yoho黎講都算係抵食好味

拉麵JO係元朗開左新店，既然係米芝蓮推介，又點可以唔去試一試☺️8點去到已經勁多人，好彩等一陣就有位落完單大約等左15分鐘度就有得食啦!!!🤤🤤🍀炸八爪魚球 ($48)嘩!!!😍 木魚碎落得勁重手，勁足料!好滑嘅粉漿，入口即溶! 八爪魚幾彈牙🍀特製蒜油豚骨拉麵 ($98)豬骨湯底本身好香濃，加埋蒜油勁香，但一啲都唔膩!!🤤半肥瘦嘅豚肉好腍!! 流心玉子好嫩好入味😋入面仲有好多木耳絲、竹筍絲、蔥花同椰菜👍🏻我好鐘意佢個拉麵嘅質地同軟硬度，佢嘅麵質偏硬，真係好岩我!!🍀特製辣味沾麵 ($109)個湯熱辣辣，滾到係咁起泡入面有3大塊紫菜同好多肉!😍仲有玉子!一開始就放部分麵落去個湯度等一陣先食，咁就更加入味!!湯汁夠濃郁，條條麵都掛上湯汁🤤🤤🤤個湯汁辣得黎好惹味! 麵質好彈牙，口感幾似烏冬食沾麵緊係要飲埋個湯!!!😍 食完麵可以問店員加清湯稀釋個濃湯，飲埋個湯真係大滿足!!☺️🍀巨峰乳酸梳打 ($28)解辣良品!!

見有lunch menu，就同朋友入嚟食個拉麵午餐😋😋🤘🏾 呢度除左拉麵仲有飯！拉麵都有好多款，仲有沾麵👻我叫左一個特製低溫叉燒拉麵🍜佢有跟半粒溏心蛋，唔洗加錢😝有成9塊低溫叉燒，睇落紅紅地，但唔洗驚，係熟架！ 肉質會更嫩💕 麵係偏硬，啱我口味，湯底有濃濃既豬味，偏濃味！加$10 有3粒炸章魚🐙燒😻 呢個高質，用料好足，章魚好彈牙🤘🏾加埋滿滿既燒汁，沙律醬，木魚，超滿足🥳朋友食特製蒜油豚骨拉麵😜 我更喜歡呢個湯底，有埋蒜油，更加香！另外個豚肉好正，半肥瘦叉燒，有少少溶喺口入面既感覺，燒到有焦香🤩 溏心蛋煮得啱啱好，不過可以再濃味啲！呢個係加$10 既薯仔沙律，同平時嗰啲薯仔沙律差唔多🥔 個沙律球裡面有啲配料，幾fresh🥗$28 一杯左面 巨峰乳酸梳打🍇右面 青森蘋果乳酸梳打🍏呢兩杯都係乳酸梳打，乳酸味唔算好重，味道落左落巨峰，同蘋果到👅 生果味道好出，唔會假，乳酸果重啲就好lu😋

我同老公都鍾意食拉麵🍜 係Yoho 睇完戲，見到攞咗米芝蓮 嘅拉麵Jo 你去咗元朗二話不說即刻去試吓先😋店舖座位唔算多裝修同日本嘅差不多，幾有特色！特製醬油豚骨拉麵，太大碗，有兩片豚肉，仲有一舊滷肉，但都有兩款鵪鶉蛋同埋糖心蛋，仲有紫菜、筍、大蔥同菜，材料真係好多，好滿足👏👏湯底濃郁但吾油，成碗湯飲晒😬😬拉麵彈牙，食到最尾都唔會太軟👍👍幾特別喎竟然有幾款飯可以選擇我就揀咗。迷你馳名豬腩飯。有驚喜喎🤩豬腩肥而不膩，非常之甘香，腩位肥瘦相隔，配上大量蔥花和配菜，好野味😋😋女士啱啱好午餐可以加小食$10或者小食同汽水$12 揀咗炸雞同薯仔沙律🥗薯仔沙律同日本食嗰啲一樣㗎😋😋炸雞都好嫩滑 juicy 🥰🥰米芝蓮果然有質素👍

見到YOHO有新開的拉麵店，今天難得早放工，當然要去試下，我們7時來到，雖然不用等位，不過都已經坐了8成人，坐底看了餐牌，原來這間拉麵店已連續六年獲得米芝蓮推介，店子不算太大，採開放式設計，空間感好足夠，我們被安排坐在BAR檯，可以看到師傅在裡面煮麵。特製低溫叉燒拉麵+追加粟米奶白色的豬骨湯底，湯底濃得來又唔會太咸，叉燒舖滿碗邊，賣相非常吸引，總共有9片，叉燒薄得來有口感，麵條是幼麵，煙靭有彈性。因為拉麵裡沒有粟米，所以加$10追加粟米，粟米好甜。辣味豚骨拉麵選了辣味豬骨湯底，辣味濃郁，有兩片叉燒，這款叉燒較軟熟，還有竹筍、木耳和青葱。蝦餃子跟平時的餃子不一樣，餃子裡面包了一整隻蝦，蝦肉彈牙，餃子皮薄餡靚，不會煎得太燶。

喺形點一期睇完戲，順便喺度揾地方食飯，見到呢間新開嘅《拉麵Jo》決定試下。炸八爪魚球 ($48) - 八爪魚球炸得外面脆脆地裏面軟滑及彈牙八爪魚粒，唔錯。特製豚骨拉麵 ($92) - 豬骨湯底味道鮮甜濃稠適中，配上幼身口感滑溜的拉麵剛好做到掛麵效果，肥瘦交替的叉燒片有豚肉嘅鮮甜味入口甘香。配上爽脆竹筍同温泉蛋，yummy。特製蒜油豚骨拉麵 ($98) - 上枱已經聞到好香蒜油味，湯底除咗鮮甜嘅骨味仲有蒜油嘅香味，味道濃郁又不會過咸，而豚肉塊亦很腍身入味，正！巨峰乳酸梳打 ($28) - 有香甜嘅巨峰提子味，解渴好飲。青森蘋果乳酸梳打 ($28) - 酸酸甜甜的蘋果味十分解膩。

元朗拉麵真係好小有得介紹俾其他人認識，以為形點新開呢間會有新希望，原來都係令我有點失望而回。沾麵都令我失望乙價錢方面同其他地區一樣都係貴，但呢間係唔好食，份糧又小，好失望$98 完全不值得，味道淡，叉燒薄，份糧非常小，呢個價錢太貴了。呢個沾麵係辣既，但得辣無其他味道，又唔夠熱，食欠幾啖就凍哂了。雞軟骨已經比較出色，因為夠熱亦夠脆，但味道略鹽，食多幾啖就會覺得足夠。希望下次有機會再試，味道會有改善啦。

今晚經過元朗Yoho Mall 新開左拉麵店，見佢唔係太多人排隊就試一試佢，可能鋪頭比較細，卒之我地3個人都要排左45分鐘先入得，今次試沾面先，每人一碗沾麵，另外再加小食雞軟骨、鐵板豆腐、蛋。我覺得沾面份量都好適中，唔係特別大食既應該都夠飽，至於味道都算可以啦，但老公就話啲麵梘水味比較重，而鐵板豆腐呢，我就覺得麻麻地，冇乜味道，加上用鐵板上關係，豆腐底部有小小燶；而雞軟骨就比較多油。總括黎講，想食沾麵既都可以一試既，但我地就應該冇下次喇，因為真係冇乜特別吸引。

見新開拉麵，去試試入去坐個單丁位，店員目無表情咁拎menu 埋嚟... 下午茶迷你拉麵，小食，連罐裝汽水，由$58-65.... 不過要加一😒（小弟一直認為正宗日本拉麵係不會加一的！）拉麵極小碗，極普通貨色，因坐正廚師煮麵位，眼見廚師（唔想叫拉麵師傅，因真的不是！）懶懶嫻，極不認真咁，一如所料，極普通,已經係out-of-expectation 啦小食叫咗炸雞... 反哂光咁極油！完全冇索油！咁自己用餐紙索成啦.... 張紙索油索到溶咗.... 完全同件雞「溶」為一體....好啦，俾錢... $100 樓下只收cash... 你credit card 唔收都算，有支付寶都要$100 以上先收🤬，最憎成袋散子...總結，冇下次！

最近形點又有一間米芝連推介拉麵店進駐，開正我樓下當然要一試究竟。光顧當日為星期六下午三點鐘，新店開業果然人頭湧湧，就算一個人食都大約等左10分鐘先入得。今次叫左特製豚骨拉麵，先呷一口豬骨湯，淡而無味，亦由於湯頭過於薄身，未能做到其他人講的十分掛湯，鵪鶉蛋屬於少見出現係拉麵但又做唔到好驚喜嘅效果，半肥瘦豬腩叉燒屬於正常水平，亦係呢碗野唯一可取之處，我唔肯定係咪因為新開嘅關係以致水準麻麻，但我都唔肯定自己會唔會俾多次機會佢。