拉麵Jo (已結業)

今日想找些日本風味嘅美食，所以去咗元朗形點既JO拉麵，我們來到時六點左右，仲未到晚飯的繁忙時間，目測已有八成以上滿座，相信這歸功於連續六年攞咗米芝蓮大獎既美名，湯麵既味道不得不給個讚，特色小食都有番咁上下水準。餐牌有前菜、小食、拉麵、沾麵、餃子、飯食等選擇，我選左蒜油豚骨拉麵，因為覺得拉麵是主打得奬作，拉麵質感比較挺身有口感，香濃既蒜油配上濃濃嘅豬骨湯底好美味，入口有滿足的感覺最吸引人。另一特點是入口即溶嘅叉燒，很少可以嚐到如此滑溜溜既叉燒，睇番MENU介紹，原來是用66度慢煮的方法把叉燒煮得香嫩幼滑，相當有心思，可見是廚師研究一番下的用心之作，配菜有比較爽口既椰菜片，還有木耳絲和蔥花做點綴。之後再加了一個炸蟹肉忌廉餅做小食，外皮包了麵包糠炸得鬆脆，裡面是包了蟹肉、忌廉和麵粉既餡料，炸得外脆內軟，醬汁用了酸酸甜甜嘅千島醬，配搭爽脆既生菜和沙律菜做點綴。