心之食堂 (裝修中)

心之食堂 個名幾特別大概此一行 體會到 心 仍用心制作是日六時與友人 二人黎到心之食堂 搵食預早左訂位 唔洗等 成為店內第一枱已經好肚餓 忍唔住 見到咩都好似好吸引 先叫左杯西柚橙白啤一上台就聞到香甜味 原來就係西柚味 好飲 好順口 好似果汁又有啤酒味同時上台係佐酒小食 味淋魚干好軟熟 有d咬口 點上旁邊既沙律醬更好味推介 配埋啤酒 正招牌 既 邪惡包 即帶子鵝肝包超厚帶子 夾住大大件鵝肝一大啖放落口 滿足張木椅好得意帶子刺身 二件抵四件既size 超大件 好味啖啖肉好滿足啊 旁邊仲有少少黑松露點綴當然唔好曬 夾埋帶子一起食 正心之蛋卷 三文魚芝心蛋卷 有心思 寫上心之 二字中間好多蟹子 食到卜卜聲 好味芝士仲係有少少流心份量都唔少推介串燒雞軟骨 好香口 又是佐酒一流李小龍卷個名好特別 味道都唔錯 賣相取勝一點好可愛的長椅蒜片牛柳粒 好味 牛肉夠軟配上蒜片好香口 推介份量超大碟 差d食唔曬人多食實夠分火牛三寶三寶也 牛柳粒串 牛舌 牛肉鮮蝦露荀卷 是也三樣都可以散叫 都可以叫一份三寶 樣樣都有牛肉露荀卷好味 中間好爽脆底仲有多塊菠蘿 都幾甜 可以食埋佢上台時 會點一點火 賣相吸引

成日食西餐都開始食到厭厭地，今日就想食下日本野，仲有我最愛既串燒😍令我為左呢一餐期待左成日!店內燈光非常柔和，而且行簡約風，座位之間都十分寛闊，俾人一種舒適既感覺。餐牌上既食物有好多款式，樣樣都好似好好味，好想試唒佢🤤我就點左杯蘋果醋黎飲啦，而另一杯就係熱檸檬果茶，兩杯都醋甜開胃，幾好飲~邪惡包，都真係幾邪惡，係帶子包住鵝肝，帶子燒到岩岩好，唔會話熟透，口感好腍👍🏻而鵝肝外脆內軟，煎得好香，估唔到帶子同鵝肝係咁夾~燒鵪鶉蛋，好有蛋香，灑上少少調味，正!吉列牛柳粒飯，賣相好靚，牛柳粒炸得好鬆化，而且牛味好濃郁，配上燒汁黎食就冇咁乾，岩岩好黑松露牛油帶子，黑松露味道好濃郁，帶子新鮮爽口鹽燒雞翼，雞肉燒得好juicy，加上檸檬汁，令到成個感覺好Fresh個人最喜歡呢個心之蛋捲，裏面一切開係流心，流唒d芝士出黎😍好重芝士味既同時，唔會掩蓋蛋本身既香味，而且裏面仲有蟹籽，多左層次感，個蛋又滑嘟嘟，正!整體黎講食物質素幾高，而且環境舒適，唔錯。

相信唔少人「心」繫日本，日本人不論對食物烹調定上碟都特別有心思。而心之食堂亦用心製作，食物上碟亦有心思，真令人相念日本。店內裝修有單車特色牆，有sofa位環境舒適。六點半到店內未有人潮，不過七、八點左右人流開始多。地方唔算大，食物出品慢慢用心做逐碟出，可以慢慢坐邊傾邊食心之蛋卷 $88要小心切開蛋卷喔！切開時中間流心芝士勇出，蛋卷上有沙律醬同心型茄汁，內有蟹子、蛋、芝士加蟹子，成個組合好夾好「芝」味！牡丹蝦 $48牡丹蝦坐在凳上，不但造型可愛，牡丹蝦又大隻又鮮甜燒三文魚皮 $48三文魚皮燒得香脆帶少少咸，送酒一流原條鰻魚石鍋飯 $118石碢不但可保持飯溫度，而且飯帶少少飯焦。圓碌碌熱辣辣日本飯夠多鰻魚汁，原條鰻魚多汁juicy，鰻魚份量夠多，可以一啖飯一啖鰻魚．Menu

食物質素整體合格。但係訂座冇左85折就好唔抵..../.\壽司。 真心普通。只算合格。但影相呃like唔錯。味淋魚干 。 我覺得可以一試但冇下次芝士翠玉瓜。 ok既,起碼唔會燒到干哂。牛柳。 真心超級普通。但影相呃like必叫。因為佢上檯後會再淋汁，仲要有火tim.帶子鵝肝。呢個係全晚最好味。必食之選。其他......正常啦…因為8號風既關係，所以得我地一檯。所以座位闊傾計唔錯但以呢個價錢…2個女仔616蚊。

週末去了銅鑼灣晚飯，耀華街百樂中心一向多餐廳，我們今次選了一家日式餐廳 - 心之食堂。餐廳感覺跟它的名字一樣，像一家cafe，氣氛比較casual 舒適。點了數款燒物，魚生飯及大阪燒。燒白鱔魚皮燒得非常香口脆薄，肉質厚實有魚香。京蔥雞肉串雞肉大塊，吸收了醬汁的味道更香，再加上京蔥令整個串燒更多層次。雞軟骨串串燒有軟骨及少許雞肉，入口爽脆!燒蘆筍燒蘆筍，新鮮爽口。刺身串平時食的串燒都是熟食，這裡還有刺身串。黑松露帶子串，以薄白蘿蔔片包著帶子，很鮮甜，加點黑松露提升鮮味。另一款吞拿魚串則加了蟹膏提味。角切魚生飯一個心形魚生飯端上，有三文魚，吞拿魚，章魚，青瓜等，材料豐富。一般魚生飯都是用沒那麼新鮮的魚生，這個心形魚生飯海鮮有鮮味很不錯。心動大阪燒又一心形之作，很久沒食大阪燒的我當然心動。大阪燒份量不太大，但中間有很多椰菜，章魚及煙肉，不是只有粉漿的燒餅。在格調輕鬆的日式餐廳跟朋友聊天享受晚餐，心情特別暢快。

食物種類多元化，貴精不貴多有小店特色的料理，如火焰牛三寶（牛柳，牛舌，牛肉捲海老露筍），邪惡包（大大隻帶子鵝肝手卷）也有適合送酒的小食，如炸三文魚皮，各式串燒（燒白鱔超正）也有飽肚的，如手卷，鰻魚飯，大阪燒等飲下啤酒，再飲下清酒，傾下計，食下小吃，和好友過了一個愉快的晚上！這是一個銅鑼灣少有（甚至香港也少找到）的親切小店，推薦給喜歡居酒屋feel的朋友店內有一款自家釀的士多啤梨清洒，很清新，深信女士一定會鍾意，推介

嚟到銅鑼灣，除咗食高檔西餐，當然仲有不同類型嘅飲食餐廳可供選擇。今日就上咗去啲樓上鋪，食日本串燒同埋料理。上到樓上，發現佢嘅格局都比較入屋，完全唔會發現佢係一間餐廳。侍應姐姐幾好人，問我哋想食啲乜嘢，我地話睇一睇餐牌先。發現餐牌有唔同類型嘅選擇之外，原來佢係過膠嘅餐牌，可以用完再用，真係十分欣賞佢嘅環保意識。不過我就擔心枝筆啲墨水唔夠，令到侍應同埋落單嘅廚師，睇唔到我哋想食啲乜嘢，而落錯單哈哈，好彩無事。我哋叫咗好多嘢食，包括一份海膽、香草豬頸肉烏冬、燒雞軟骨三串、胡椒豬肚湯煮蜆、蒜香牛柳粒、芝士烤菇、蒜香烤焗茄子同藍蝶花白桃乳酸。海膽份量唔係太多，但係剛剛好，配上脆脆嘅紫菜，一小口一小口地放入口中，完全係高級享受，海膽最緊要唔好有腥味，呢樣野如果餐廳做得好，證明衛生都做得好好。隨後上嘅豬頸肉烏冬，個湯真係冇得頂！豬骨湯熬成嘅湯底，配上烤過嘅豬頸肉，肉質夠入味，加埋湯底同滑滑烏冬，可謂一流！雞軟骨我就食咗兩串，而朋友只食了一串，因為雞軟骨都烤得唔錯，而且溫度夠熱，好香口。另外胡椒湯煮蜆，又係另一樣我好好想推介嘅食物。蜆肉非常入味，而且大大粒既肉，可以滿足我的舌頭，我連個胡椒湯都飲埋啦！

在時代廣場見完客，時間太晚了，還是食完晚餐才回家吧! 耀華街很多食店，在找尋食哪間時見到這大厦(百樂中心)很多人排隊，原來這大厦也有頗多食店，那我又跟著排隊🐑🐑🐑🐑最後出錯lift😂不想再上上落落，見門面也幾靚，就這間吧🤘餐廳精小，但五臟俱全，牆上有部很精緻的單車🚲作裝飾，美!! 另一邊還要有個大大電視📺看看👏👏食店另一邊也有窗望向街外👀👀🏢🏨夠開揚。侍應給我menu, 內藏小咭( 是小咭，不是閃咭😂😂 )， 全都過膠， 其他的也是過了膠，原來是可以重覆又重覆地寫，夠環保，抵讚👍👍加拿大海膽 - 這樣放置，我多數會這樣吃(以為自己是食家😂)，你們會這樣嗎？食法一: 先食海膽，再食青瓜，最後食紫菜，即是全部材料分開食囉😅結論:海膽味濃郁食法二 : 紫菜包著海膽及青瓜一起食結論: 海膽味被沖淡，有種refresh的感覺2種食法我都like😆邪惡包 - 其實是紫菜包著半熟的帶子及鵝肝，還要把它放在木櫈型的餐盤上，型呀!! 鵝肝很creamy! 帶子煮到半熟，所以很腍。料理師傅還提醒我要盡快食，以免紫菜變腍，對食有要求👍👍彩虹卷 - 卷物都colorful🌈👏內裡是炸蝦，外面當然有飯😂，最

今日係銅鑼灣行完街，發現一間樓上居酒屋，十分有驚喜樓上舖近年越開越多，其實有好多質素都唔錯，唔使食極都係個D連鎖店餐牌可以直接用筆寫上你要既食物，環保又方便，減省左會落錯單既機率而且有一份店舖推薦食物既卡，選擇困難症既朋友仔可以用到鰻魚飯超級大份~齋睇樣都好有氣勢三文魚茶漬飯味道香濃，不過好細份一碗，2個人 share好快食完唔夠食啊！豬軟骨烏冬味道好食，個豬軟骨入味得嚟又唔會太淋好有口感個煮蜆今次唔係用清酒，係用豬骨湯煮，十分特別既配搭蛋捲我覺得唔夠芝士，不過都好好食~燒牛柳粒有姿勢有實際，一放上枱就點火，差D趕唔切相機食先，肉質鮮嫩，唔會過老， 中間隔著燒過既三椒片一定要試嘅刺身串串 唔需要點醬！！！一食落去就知新鮮海膽配上青瓜同紫菜超級新鮮俾我發現到充電線，唔知係職員用or俾客人用，充電先當日6點左右上到去，所以仲未有人，不過店舖唔係好大，坐位有限，想同朋友相約上去食下野飲下野既朋友，記得要先預約啊！

今日同男朋友去食位於銅鑼灣百樂中心嘅心之食堂，聽個名令我聯想起日本嘅深宵食堂😂😂e間野都係以日本菜為主，店鋪面積唔算大，但位置都算闊落，2個人都可以比到四人位我。餐牌野食有分卷物、燒物、主食同炸物等等，好環保咁將餐牌過膠，顧客直接寫係上面，落完單一抹就可以再重用。好好嘅落單方式！李小龍卷。入面包住左炸蟹鉗、蟹柳同青瓜，外層就有魚子醬同蟹籽。成個卷都比蟹籽包住，食落啖啖都卜卜聲，炸蟹鉗嘅炸粉都好簿，食有蟹肉嘅味。三文魚刺身。一份有四塊，每塊都手掌咁長，而且係厚切架！食落去無乜筋，油脂都幾豐富，都算新鮮嘅。汁燒牛肉飯。睇落細細碗，但牛肉都有6 7片肥牛，下面d飯係淋滿左汁。食落都好夠一個女仔嘅份量，d飯係下面壓得幾實，入口肥牛係燒汁嘅味道，食曬一碗都好飽。蒜片牛柳粒。成碟都幾多牛柳，牛柳唔係全熟，中間仲有小小紅色 所以入口好嫩，唔會老。醬汁好夠味，又唔會搶左牛肉嘅鮮味，蒜味都唔會太濃，幾好。巨峰提子汁。飲落去味有d淡，唔係太飲得出提子味，有d失色。。。薄荷菠蘿特飲。微酸嘅菠蘿味，薄荷味唔太重嘅梳打。飲落係FuzeTea嘅菠蘿薄荷，但無咁勁薄荷味，比例岩岩好。有d太重薄荷會有牙膏味，而e個無

這次經過銅鑼灣，其實也不是以食為天，主要是為了SOGO的感謝祭，但碰巧search到心之食堂看見評價都不錯，就選擇血拼前來這裡醫醫肚子。看見內裡的裝潢，不似日式餐廳般大多和式設計，反而有種文青風格。牆上設置了自行車裝飾，增加了型格。在這個環境，不喝兩杯也有點對不起自己。碰巧店內在做推廣，只要分享/Like心之食堂FACEBOOK,便可免費獲贈一杯Hoegaarden Rosee-桑椹口味的啤酒。酸酸甜甜，女孩子必定喜歡。基本上我很喜歡吃魚生的，這次也不例外地點了魚生，但這裡的魚生呈上的容器很特別，是一個高腳杯，這個海膽蟹子迷你杯，海膽十分甘甜，蟹子拌著下面的飯很好吃。而壽司彩虹卷色彩十分斑斕，卷內裹著炸蝦、牛油果，除了飯面沾滿蟹子，每塊卷上都放了一些黑魚子，黑魚子富有濃郁咸鮮味，基本上不用點醬油壽司就很入味。而最特別的是，這裡有尋常刺身，但也有把刺身做成卷狀的串串，三文魚和帆立貝肉厚而鮮甜，非常奪目的設計。吃完生食要開始吃熟食，這個炸雞肉軟骨粒，老實說我有一點點失望，因為粉裹得太厚，咬不出雞軟骨在哪兒。但是這個邪惡包認真邪惡，以紫菜包著蔬菜、燒鵝肝和帶子，大大粒，一口咬下去鵝肝甘香帶油

位於銅鑼灣百樂中心嘅心之食堂， 係深宵食堂嘅分店， 不過裝修同裝飾同深宵食堂就好大分別，佈局較為清新，用咗掛牆單車、鹿角吊燈等。食物種類都係走多元化路線，刺身、壽司、炸物、燒物、鍋物、一品料理等，選擇都好多下。心之火焰鐵板牛柳粒 $88 兩串串燒插喺片鮮菠蘿上，然後店員就點火，大火燒下燒下當然又係相機食先，因為串燒夾有紅椒、黃椒同青椒，所以牛柳都好大陣椒味，大火燒過既牛柳，有d韌，不過味道都幾唔錯。芝心海苔蛋卷 $88 呢個燒蛋卷好多層好厚身，蛋煮得唔會過老岩岩好，不過蛋香就一般，中間卷左塊海苔，入面充滿芝士，熱辣辣咁，仲可以拉到芝士絲出黎，加埋面頭d沙律醬同茄汁食就更香口。蘆筍海老牛肉卷 $48/兩件 薄燒牛肉裏面捲住蘆筍同蝦肉， 牛肉燒到啱啱好唔會過熟過韌， 加埋燒汁都幾好味， 入面隻蝦爽口彈牙， 蘆筍清新爽甜， 呢個牛肉卷都幾唔錯。原條鰻魚石鍋飯 $118 原條鰻魚大大條攤喺碗面， 非常吸引， 鰻魚表面仲塗滿醬汁， 甜甜地好惹味， 肉質油份口感比例都剛剛好好， 外層香脆內裏鮮嫩，香甜可口送飯一流， 加上個石鍋可以保持溫度， 食到最後都仲係暖暖地，好唔錯。大蝦天婦羅 $78 一碟有

朋友喺面書分享左呢間餐廳嘅野食，好鬼靚，一於又黎試下。百樂中心呢度都好多野食，到12樓一開門就睇到大大個招牌了。餐廳內燈光柔和，適合夜媽媽三五知己嚟飲飲食食放鬆心情。餐廳仲提供外賣，平時部外賣單車就咁掛喺牆，要送外賣時速遞員就係踩住呢架單車送外賣……(喂，吹水咋!)餐紙也擺放得有心思，擺喺個「正豬兜」度。熱檸檬果茶$28 - 大大杯又溫熱，酸酸甜甜開胃之選，飲完令人心情舒暢。底下仲有啲碎碎嘅檸檬皮，記得食埋佢呀~邪惡包(帶子鵝肝包)$38 - 咁大塊鵝肝咁大粒帶子，仲要做緊特價盛惠$38，咁即係引我食完又encore啫，果然夠晒邪惡。第一次嚟就扮晒大爺坐喺張長椅度。第二次嚟佢就俾人擺咗上枱…仔，又真係幾得意幾有心思。Any肥你點嚟我都係照食架啦~厚帶子開邊，夾住兩邊封煎得香脆鵝肝。一入口，就有帶子嘅爽彈同鵝肝軟熟兩種不同口感，鵝肝嘅油香同帶子嘅鮮甜亦都相當絕配。 一黎到要即刻食，紫菜脆卜卜。彩虹卷$68炸蝦、蟹子、青瓜、牛油果、紫菜、魚鬆粉、黑魚子集於一身。比較有特色嘅係魚鬆粉，味道甜甜地，櫻花嘅顏色令到成個彩虹卷更加日本風。鹽燒雞翼(4隻)$48 - 分開兩串攤開嚟燒，方便shari

平時講起日式料理，都會諗起刺身同壽司。但係今日去試嘅一間係主要serve日式熟食嘅餐廳叫心之食堂。首先到來嘅係邪惡包，賣相唔算特別，似一個迷你手卷。但食落先發現大有來頭，咬落十分有口感，彈性十足，原來是帶子！此時，一陣陣鵝肝味由卷內散出，充滿整個口腔，感到十分幸福。接下來的便是蘆筍海老牛肉捲，捲中有蘆薈和蝦肉，吸收了最外層肥美的牛肉，食落口有牛肉嘅甜，又蘆筍嘅香，亦有海蝦嘅鮮！真是多重享受！再黎嘅係厚燒牛舌心，同平時食到嘅牛舌大有不同。呢款牛舌嘅柔韌程度剛好，咬落去岩岩好斷開，但亦富有口感。食客既能享受咀嚼牛舌嘅過程，亦能毫不費勁輕鬆食下整塊牛舌，相信師傅對火候控制相當有經驗。食左咁多小食，差唔多係主菜嘅時間啦。嘩！係原條鰻魚石鍋飯阿。好大隻鰻魚係頂，差唔多有手掌咁大！配合鰻魚汗，石鍋飯相當入味。其份量亦算多，夠兩個人享用。最後，係我期待左最耐嘅蒜香烤焗茄子。可能要焗所以耐左少少，但係賣相相當吸引，一共四塊，每塊有一支可樂咁大，份量十足。味道亦偏重，吃一塊覺得很香很濃，再吃一塊但會覺得有點過鹹，我建議四人享用就最好，畢竟小食多滋味！還點了烏龍茶18／熱檸檬果茶28，味道ＯＫ，價錢算好平

百樂中心又有新野食🤔最近得閒少少可以去下銅鑼灣覓食，今日試依間主打創意新派日式料理。秋葵刺身沙律，刺身都多同唔同種類，秋葵切碎左令到沙律醬好稠，幾抵食。忌廉蟹肉餅，現炸熱辣辣，不過皮略厚。牡丹蝦刺身，好大隻，鮮甜😼燒雞泡魚乾，略嫌汁太多，比較稔，但好香同厚。鐵板牛舌，醬汁好惹味，勁大份，食到個人都飽哂。原條鰻魚石鍋飯，本身好期待，條鰻魚好大條，飯好夠又飽滿，醬汁甜甜地，不過個日唔知點解有少少腥。下次可以試佢啲創意壽司😼😼