德美壽司

营业中

休息中

今日終於食到聽左好耐既德美壽司🍣🍣 果然名不虛傳同男朋友兩個人食咗唔係好多嘢 叫咗個牛肉鍋 一份細壽司 一個溫泉蛋天婦羅 佢仲要再杯生啤添食物其實全部都好高水準 尤其是溫泉蛋天婦羅我更加感到好例外 佢完全可以做到 炸到卜卜趣 但溫泉蛋完全冇油沾到 真係好想知佢點整架晚飯時間 如果唔訂枱一定會好多人有排 如果唔訂枱一定會好多人有排等好彩嗰日我大概6:30去食咁就冇咁多人啦 環境都好舒適座位好闊落 而且份量都好足夠我同男朋友食到好飽咁走 好surprise嘅事食完之後仲會有甜品添 如果去開厚福街覓食嘅大家不妨去呢間餐廳試吓

見到德美壽司的wine list , 林林總的日本酒，我知這兒也用心推廣，希望食客可以把酒問青天，今夕是何年……我飲酒希望可以一酒解千愁，可以逃避現今香港世情！但我沒叫酒，因為要照顧同行友人，她住元朗，確保她安全歸家！時世如此，唯有美食當前，大塊大塊吃進肚，用飽肚去麻木悲情！甜蝦壽司:甜蝦清甜，有兩截手指長，橙紅透明色的中蝦顯示其新鮮無比，要食客銘記於心！北寄貝壽司: 北寄貝既爽又甜，在飯粒上堅持新鮮的面貌示人，讚！帆立貝壽司: 雪白兼透明感的她刻意地弄上晶瑩水粉，要我好好欣賞她，外觀度已令人垂涎三尺了。芥辣八爪魚: 攻鼻的芥辣令人好覺醍了良知，配上正義的八爪魚堅持理念，要將自己送入口中，方罷休！Respect !安格斯牛扒: 已切成約七塊的安格斯牛扒，粉紅色的肉肉已表露無遺，幸好看不見血色，否則，勾起一串串不快回憶！牛有牛味，肉脂分佈均勻，啖啖肉，如吃到大家渴望的肉，世界一定大快人心，回到正軌！汁燒魷筒: 一碟的燒汁已滿佈碟，像養了魷筒多久，優閒自在的魷筒根本有特權，連結其他海洋生物，以致他們養尊處優，肥美無比，可以無法無天地大搖大擺挑釁我的味蕾，好像要拿起長水草直逼我味蕾的神

今次揀既呢間位於尖沙咀H8 , 舖頭唔大所以座位唔多, 所以想食可以選擇訂定位先去, 不過星期五係冇得訂位要walk-in😣 我就係揀左happy Friday 去所以都等左大概45mins先有位, 我地極速一個鐘內完成左餐飯, 走果時8點幾都仲有唔少人等緊位🤔 餐廳既壽司選擇都算多, 基本上諗到既款式都會有野菜生肉鍋🐄🥘($74)係等位既時候見到服務員拎左好多鍋出黎, 基本上台台都有叫, 既然咁受歡迎我地都唔執輸試試佢😋 牛肉厚實而且真材實料, 因為牛既份量算多, 唔似之前食過果D牛肉得幾片而且冇咩牛味, 呢度既牛有十分香既牛肉味, 而且加埋個湯汁好惹味🤩 鍋入面仲有少量既蔬菜同埋粗粉絲, 個湯整得好惹味, 忍唔住要飲一啖👍🏿壽司盛合-美🍣($208)總共有8️⃣款壽司, 吞拿魚, 油甘魚, 三文魚, 池魚, 帆立貝, 熟花竹蝦, 三文魚子, 鰻魚, 拖羅茸卷, 玉子燒, 除左拖羅茸卷有3️⃣件之外其他壽司都係1️⃣件, 所以同朋友share 既時候要討論好大家想食咩到時唔洗爭😂 綜合我同友人既食後感, 我地都一致認為佢既壽司係高質👍🏿 每款壽司都係新鮮即叫即整, 每片魚生都係大大塊, 食落淡淡

#德美壽司 (尖沙咀)尖沙咀厚福街8號H8 5樓-----星期五晚臨時被要加班嘅朋友仔放飛機 唯有一個人去尖沙咀行街 行到攰就自己嚟咗德美食晚餐 B仔大概成八點幾先上嚟 本身諗住呢啲時間應該冇咩人 唔使等位 點知上到嚟發現成場竟然座無虛席 需要喺出面等一陣先有位 由於本身已經比較夜 加上再等左一陣位 所以坐低嘅時候 B仔真係有種餓到就黎暈低嘅感覺 然後就忍唔住 一叫就叫左三樣嘢俾自己食（I know I am crazy🤭）-◆煎鵝肝帶子卷 （$82 ）帶子刺身鮮甜爽口 香煎鵝肝油香滿瀉 兩種看似風馬牛不相及嘅食物連埋日本米一齊擺落口竟然有說不出的合拍 帶子質感變得更滑溜 鵝肝油膩感則被醋飯 帶子及青瓜中和左 加埋卷上嘅微辣脆脆 香口又具特色😊-◆汁燒魷筒（$67）時間 火喉 調味控制都啱啱好 咬落口感細嫩 易咬 且醬汁味道不太濃 為魷魚筒錦上添花 但又不搶魷魚本身嘅鮮味 😋-◆活鰻魚朴葉飯（$97）造型精緻 被朴葉包住嘅鰻魚飯帶淡淡清香 鰻魚大條得黎 肉質厚身肥美 魚油豐腴 完全無魚骨 份量頗大 兩個人食都完全足夠 但由於B仔太肚餓嘅關係 一個人清晒成碗都完全冇問題 配埋伴飯嘅蛋絲及

～～～☞餐廳名稱：德美壽司 (尖沙咀)☞餐廳地址：尖沙咀厚福街8號H8 5樓～～～這間德美壽司的選擇多得不得了 有烏冬 天婦羅 壽司 手卷 鍋物 刺身 前菜 燒物等等 應有盡有 感覺非常像日式放題的餐單 選擇困難症患者小Q看了很久餐牌也想不到吃什麼 所以最後便選擇了壽司盛盒～ 盛盒裏面有固定種類的壽司 不需要小Q自己想選擇什麼款式 非常很方便 由於晚飯之後約了朋友一起去尖沙咀的酒吧飲酒聊天 所以這天小Q和大舊並沒有打算吃很多東西 只選擇了一個盛盒共同分享 畢竟小食多滋味嘛！～盛盒內容很豐富 有吞拿魚 油甘魚 三文魚 池魚 帆立貝 熟花竹蝦 三文魚子 鰻魚 拖羅茸卷 和甜蛋等 海鮮刺身全部非常新鮮 吃下感覺甜甜的 有鮮味回甘 甜蛋也是出色得不行 咬下去蛋汁在口中四處飛濺 真想把大舊那塊甜蛋也一併吃掉呢 呵呵 ～～～推薦度：🔥🔥🔥🔥🔥（5🔥為最高）

係尖沙咀行街 因為遲左出黎又冇book位 本身想食某排大長龍既西餐 但醒起朋友話有間高質日本餐廳 就黎左德美試！人好多，排到9點幾都好多人，不過唔限時，我地4個人排左個幾鐘。以呢個唔算貴既價錢黎講 總體海鮮質素偏高，但份量好細，人均冇返250-300 應該係食唔飽！但佢既質素真係好有保證，好過食放題！

是日星期四18:45，我又到訪了德美壽司，今次是尖沙咀店。迅速入座後10分鐘，全院滿座之餘。外面已經迫到爆，排隊等位的人幾乎迫爆電梯！我今日有任務在身，需要吃完德美後轉場吃甜品，所以不打算吃飯。食物：推介：牛舌 $407成熟左右的熟度，口感煙韌又彈牙，鹽下得剛剛好，牛香細緻！推介：腐皮創意餃子 $47棄用麵粉皮採用腐皮當外皮，口感超爽脆，底下墊有生菜吸油，非常有趣的口感，澱粉量不多，不怕吃肥人推介：鐵板安格斯牛排 $88才$88竟有一大塊！口感煙韌但完全無筋，牛香適中，還配有炸蒜頭跟甜洋蔥，半顆巨型的番茄。以性價比來說真的高得沒話說！燒茄子 $50釀進了帶甜香的肉醬，茄子10分juicy ，口感軟稔，但如果可以減一些甜味道會更佳

成日都食黃埔個間分店，尖沙咀呢間食過一次咁大把，印象中晚市等位等好耐。今日星期六中午岀尖沙咀，好想食日本嘢，同朋友兩個人大約一點半到入座，好驚訝，竟然唔洗等位，星期六仲要都有set lunch，好抵食刺身一如既往咁大份同新鮮，我嗌個魚生飯啲吞拿魚茸多到我真係食唔哂朋友嗌嘅壽司set仲有埋個小牛肉烏冬，真係唔飽就奇set仲會包埋沙律，日式燉蛋，麵豉湯。仲要價錢好相宜，最冇諗過週末都有set嗌，免加一食到超飽，一個人都係$100到，真係好感動！

德美壽司都唔係第一次食㗎啦，今日朋友放工約我嚟德美壽司，今次位於尖沙咀嘅分店，人客一樣係咁多，好彩朋友一早book好左位，一嚟到就已經可以入咗啦。叫咗個壽司拼盤，一如既往，魚生一樣係咁新鮮，而且有我最鍾意食嘅海膽壽司，同埋三文魚子軍艦，海膽好新鮮，入口又咁又甜，三文魚子，粒粒都好脆，係我口內爆發，魚油深透舌尖每一個味蕾。最鍾意佢嘅玉子，十分之有特色，裏面有佢哋嘅字架，真有趣，可見廚師嘅心思。加州卷都係我最愛嘅之一，大大件，而且又夠紮實，唔會一夾就散開，裏面嘅材料夠晒新鮮，令人回味。食日本野，又邊少得我最鍾意嘅蟹子沙律啊，孩子份量好多，沙律醬均勻，青瓜絲又爽脆，感覺好清新，啱晒我呢種要減肥嘅人士。

在朋友建議下 到尖沙咀吃壽司 便來了位於H8 德美 本擔心晚餐時間沒有訂座 要長時間等候 幸好開放了新區域 讓我們用餐《蟹肉蟹籽蟹膏》鮮甜的蟹肉 加上蟹籽的口感 還有蟹膏的濃郁味道 絕佳的配搭《海膽》淡淡的海水味 但濃濃的鮮甜味 連不太吃海膽的友人 亦大讚《炙燒油甘魚》這油甘魚在咀嚼下轉化成魚油脂 啖啖的 不會太油膩 油脂香《玉子》厚厚的玉子 除了有蛋味 還帶有甜味《炙燒帆立貝》肥美的帆立貝 爽口彈牙 燒完都不失鮮味《海膽魷魚》魷魚𠝹成一條條 口感有別於以往 加上海膽的鮮味 很夾《帆立貝》爽口又鮮味 不亞於炙燒《鵝肝》不得了 入口便融 鵝肝啲油脂香 擴散整個口《燒菇》燒完後 乾身的表面 內裏多汁 咬下時更爆汁 亦帶有香菇味《燒魷魚》一大筒 𠝹成一圈圈 超彈口 香味十足《燒煙肉蠔》表面的煙肉不油 一口連蠔咬下 又燙又爆汁 蠔很新鮮 沒有腥臭味 一啖當然吃不完另一啖純蠔 更感到蠔的彈牙口感《東坡肉》想不到日式菜的東坡肉 味道挺好 肥肥的豬肉 不會太膩 亦有種融化中的感覺《鰻魚卷》卷面的蟹籽 爽口彈牙 咬下有卜卜聲 鰻魚除了帶有鰻魚汁味 更有芝士 味道挺搭 卷中更有青瓜絲 減低芝士鰻魚的油膩

這星期都在衝工作，身心疲累極了，所以媽媽在我下班後陪我血拼買衣服，然後去德美壽司吃日本菜。德美壽司選擇不勝枚舉，壽司，刺身，燒物和各式料理，媽媽這次偏好熟食，故這頓晚飯全點熟食。牛油果軟殼蟹手卷的美味猶存於心，手卷內餡非常豐盛，牛油果的滑潤幾乎入口即化，軟殼蟹炸得酥酥脆脆不油膩，伴上爽甜的青瓜絲，新鮮的蟹籽點綴手卷上頭，口感味道多變。平日所吃的天婦羅主要以大蝦，野菜為主，而這裡卻有少見紫蘇沙追魚海膽天婦羅供應，當然要點一份來試試看。天婦羅屬挺有水準，香脆的外層包裹軟綿的沙追魚，魚肉鮮甜裡帶海膽的郁香，全都被我們秒殺。鹽燒三文魚頭相當碩大，魚皮部份脆不可擋，皮下的魚肉細緻滑嫩，同時飽含膠質，口中充斥三文魚油。由於三文魚頭只用海鹽香燒，故能吃到三文魚頭最新鮮的原味。黑豚串秀色可餐，厚厚的豚肉肥中帶瘦，油花豐富，看到我們口水直流。黑豚肉香四溢，外脆內彈，鹹鹹甜甜的醬汁十分對味，檸檬汁為黑豚肉帶來不一樣的風味。牛肉炒烏冬經濃稠的燒汁熱炒後，醬汁均勻地吸附在烏冬上，滑彈具嚼勁，光吃烏冬已很過癮，牛肉柔嫩無比，與洋蔥，雜菜演奏出一場精彩的烏冬二重奏，我們一口接一口吃過不停。

黎到呢到食野, 真係唔錯, 地方環境都可以架! 叫左佢既德美海膽魚生飯 $158, 本人都好鐘意食海膽,海膽、三文魚、油甘魚、帶子, 有唔同既魚生, 真係值得一讚, 同埋魚生都新鮮既!

一直久仰德美壽司既大名 之前去沙田河畔兩次都食唔成(一次太多人,一次last order左)最近知道原來TST都有分店 就同小胖男友去達成想試既心願黎到德美壽司點能夠唔order壽司🍣我地order左signature既德美玉子, 仲有北寄貝,火炙帆立貝,仲有腐皮壽司醋飯既味道調較得唔錯 size適中易入口火炙帆立貝表面燒到香噴噴但仍保持刺身既滑溜口感 而北寄貝都幾大件同新鮮另外仲有我同小胖男友喜愛既牛油果軟殼蟹卷🥑雖然得4件 但每件都勁大舊同足料 d蟹籽同牛油果多到呢😻)腐皮迷見到有個腐皮餃子雙眼忍唔住發光外面炸到脆卜卜 入面就啖啖肉好多汁另外仲點左土佐豆腐同炸雞軟骨仲有小胖男友好欣賞既牛肉炒烏冬味道甜甜地 食落有點似大阪燒既風味食飽埋單仲有件好日式既抹茶甜品送 好滿足

放工同朋友簡左「德美壽司」食飯，上到去好快就安排到位置，我最近因為少食左壽司，所以專登叫左兩碟三文魚、蟹柳壽司、仲有加州卷啦蟹子沙津、鰻魚飯，味道超正👍🏻兩個女孩子食到飽哂超級大滿足！下次會再去！

聽朋友介紹話德美壽司唔錯，所以放工特意過嚟試下。餐廳面積雖然唔算大，但座位寛闊舒適，唔會話坐得好迫。打開餐牌唔使點諗就叫左我最鍾意的火灸壽司，另外亦揀左牛油果軟殼蟹卷、鰻魚飯同清酒煮蜆等。隔左一陣壽司上枱了。壽司面頭的大大粒帆立貝燒至微焦，入口即溶非常鮮甜。左口魚邊壽司經火槍燒過後，充滿魚油香味，一啲都唔覺得腥，依舊是一咬即化的幸福口感。旁邊的油甘魚也沒有令我地失望，刺身色澤好靚，新鮮不帶半點霉味，很好吃。牛油果軟殼蟹卷大大件，面頭放了厚厚的牛油果同蟹子，入面則包着還帶點微溫的炸軟殼蟹，外軟內脆的口感無得彈。鰻魚飯面鋪滿芝麻同蛋絲，聞落好香。不過鰻魚比較乾身，如果有更多醬汁可以撈飯食就更好了。清酒煮蜆嘅份量都幾多，數一數起碼有二十多隻蜆而且全部都無沙，鮮甜美味，用來煮蜆的湯底我們都喝光了。最後是餐廳附送的甜點，每人各有一件樣子漂亮且帶牛奶味的糕點，面頭放了酸酸甜甜的芒果醬，很好吃。