德美壽司

营业中

休息中

之前都係將軍澳食過呢間日本餐廳，價錢太貴都幾平，食過刺身飯都幾新鮮，咁啱今日係尖沙咀唔知道夜晚食咩，就食返呢間啦。照舊揀咗個刺身飯，有3塊三文魚，海膽魚子帶子同蝦等等。個雞蛋上邊仲有德美兩個字㗎。三文魚都好厚肉好肥美。成個刺身飯有咁多種刺身食落都幾滿足。另外仲揀咗個吞拿魚蓉飯，吞拿魚份量超多，完全係一啖飯一啖吞拿魚，不過我覺得有啲腥所以要加少少Wasabi落去。另外都叫咗1分帶子壽司同埋一份吞拿魚壽司，呢度嘅壽司係即叫即整即刻幫你用手握，好似廚師發板咁。最後仲係有啲肚餓叫多咗一個牛肉壽喜燒，食飽飽滿足返屋企

德美壽司🍣終於都搵到時間食到呢間德美壽司一放工就即刻趕過去，果然未夠七點已經開始多人啦，好彩好快有得入座，限食時間為90分鐘款式種類都有好多種，有基本既刺身、壽司、石頭鍋飯、炸物、烏冬、天婦羅講唔晒咁多啦，應該點都有野岩食😂由於太肚餓關係，一黎到即刻Order左個廣島蠔石頭鍋飯先！齋睇賣相已經好吸引，廣島蠔嫩滑大隻同肥美，而且都重蠔味！鮮！之後當然唔少得我最鍾意食嘅火炙壽司——火炙帆立貝帆立貝肉身肥美，表面燒焦左少少，呈半刺身狀😋yummy可惜冇咗油甘魚腩，叫咗油甘魚，都好食洋風鰻魚pancake!必食！ 估唔到出奇地夾！最後埋單仲有甜品送啊，唔知係咪期期唔同，今次係芒果奶凍，都好好食。

舊聞德美壽司嘅大名今日終於有機會試不過 今日 同我 同枱食飯 嘅人唔係好食魚生所以佢專揀熟食黎嗌士多啤梨鵝肝老實講我自己唔係非常喜歡鵝肝，所以食落去覺得塊多士仲好食XD不過佢個士多啤梨汁好容易入口而且唔會好甜~鰻魚班戟同樣我唔係好鍾意食鰻魚，不過都覺得呢個班戟唔錯 ~本身鰻魚做得幾好，冇骨之餘入口即溶，加上班戟嘅蛋味濃郁，口感亦唔錯！海鮮鍋非常足料嘅一個海鮮鍋，食得出佢所有食材都係新鮮，唔係冰鮮！特別係佢粒帶子，同出邊打邊爐食過嗰啲 十下十下嘅帶子真係好大段距離，超晒班~三色壽司呢個係自己私心嗌嘅XD大拖羅+三文魚腩+油甘魚腩，每一件擺落口都係滿滿嘅油脂~大滿足~牛肉炒飯諗唔到食乜嘢主食之下嗌嘅一個炒飯。但上到檯鑊氣十足，而且最難得嘅係佢完全唔會過鹹！同埋非常驚喜地食到底竟然有飯焦wow杏仁豆腐配芒果醬本身埋單諗住走，擺低錢突然間侍應拎咗兩兜甜品畀我哋。杏仁豆腐入口唔算好重杏仁味，配埋淡淡嘅芒果醬都幾得意，好似食緊豆腐花~

🔎尖沙咀厚福街8號H8 5樓*「創新料理，喜出望外」- 德美壽司.牛肉炒飯($70)炒飯要煮得唔硬其實都好講技巧，而德美算係煮得幾唔錯。其次，就係佢啲牛肉唔會炒完好硬身。風味海鮮鍋($94)超級足料！單單係帶子都有$5銀仔咁大隻，取料絕不馬虎。如果湯底好鮮甜👍🏻士多啤梨汁鐵板鵝肝($76)士多啤梨汁加鵝肝都真係第一次試。鐵板上夠哂熱，呢個搭拌都唔錯，鍾意食嘢就係咩都唔怕試🤣洋風鰻魚班戟($59)呢到真係好多新嘗試。呢個配搭都係第一次。但又出奇地好味，咸班戟😍🍽️7/10

今日同女友係尖沙咀行街後食埋晚飯，諗左一輪，最後決定去厚福街H8嘅嚟間德美壽司食日本菜！之前食午餐時已經覺得Set Lunch選擇多價錢平又好味，所以覺得晚餐都應該唔錯，特登去試一試Menu菜式多到令我哋有選擇困難症，睇圖睇推介後終於揀得成了炸忌廉蟹肉薯餅-有4大塊，內裡炸得超熱外皮又脆，食到停唔到口，但記住小心辣嘴野菜牛肉鍋-鍋內有唔少牛肉，而且牛肉本身質素唔錯，再配合甘甜的湯底，加入菜和粉絲，整個鍋都好香，好好味鰻魚炒飯-好多鰻魚肉，而且好厚肉，睇得出並非超市的一般貨式，肥美，而且充滿油香，油香滲入飯中，好美味呀！三道菜夾埋都只係二百幾蚊，而且埋單時仲送椰汁糕作為甜品，窩心得嚟令人覺得更抵食，超值呀！

真係好得! 亦得很美的一餐日本菜晚餐!無論是三文魚腩、油甘魚還是花之戀都一致沒有雪味，而且其獨特鮮味突出，真真正正吃到空運過來的鮮魚味，更驚喜的是火灸帆立貝非常厚肉，灸燒的表面多了一層甜美感，真心也好久沒有嚐到比上次到日本大阪還要新鮮的味道，吃高質壽司必定要再來。另外喜出望外的一客雜錦天婦羅! 由於兩位選擇困難症坐埋一檯自然叫一個乜都有嗁天婦羅熱氣一下, 如圖所見天蝦到冬菇的SIZE絕對保值, 就連蝦頭都被我這個怪口吃貨咬得脆口非常! 就以天婦羅來講這客已經滿足了放題那種貪婪的選擇。三文魚茶漬飯一睇你一定有種密集式恐懼! 除非你無....這份茶漬飯又係值得推介!(而其實這間店無咩野唔值得推介~) 吃落口唔係誇張, 我真係尋回上次到訪京都吃過的一種地道嘅感覺, 不其然自問點解會咁嘅!? 湯同三文魚配飯都做得唔錯, 吃多了壽司吃兩口暖暖的茶漬飯真心不錯!盛讚之中當然要有要求地彈一彈, 整餐唯一美中不足的就只有厚燒玉子未如預期美味, 玉子帶甜還可以, 但冰凍的感覺加上口感較乾身之中扣了不少分數。 牛油果軟殼蟹卷, 修圖時合梗眼訓所以圖文不符🙈, 但到時到訪這店你一定會想食, 因為呢個算是餐廳

上學的飯堂非德美莫屬，因為lunch set定價不高，而且還不收加一，是窮學生可以享受的小小奢華☺️🍽沙律、茶碗蒸、面豉湯醬汁有點像柚子醬油的味道，酸酸甜甜的非常開胃。茶碗蒸的蛋蒸得很滑，可是水份比較多，吃到最後會出水，但是味道還可以👌🏻湯有大量海帶，只是略嫌有點鹹🙈🍽北海道三色魚生飯熟悉我的人都知道我非常喜歡魚生，所以到日本餐廳吃飯我一定都會吃魚生飯（而且飲食控制也更容易做到，不用顧慮烹調方法、用油...）魚生飯包括三文魚、油甘魚和帶子，每種都有3片，而且完全不偷工減料，切得蠻厚身的👍🏻重點當然是中間的溫泉蛋，把蛋黃搓破令蛋黃汁和魚生及壽司飯混為一體一口吃下去，非常滿足👍🏻🤤🍽甜品最後還附上一小份甜品，是類似紅豆椰汁糕的，我個人覺得蠻好吃的☺️

牛油果軟殼蟹卷.其實黎呢到我鍾意飯卷物多過壽司😂首先第一樣係係我每次黎食都must order🥢因為軟殻蟹新鮮次次都炸出黎又唔厚粉再加埋永遠唔會錯嘅牛油果真係無得輸🥑.煎鵝肝帶子卷然後今次就揀埋煎鵝肝帶子卷鵝肝都算肥美再加埋帶子無咁膩係正嘅🤤.壽司盛合(美).另外再叫左個sushi platter🍣 同d卷物相比之下就可能普通d不過d刺身幾新鮮以around $200嘅價錢有咁多件壽司其實算唔錯😌

尖沙咀德美壽司好高質，我同朋友食完都讚口不絕，回味無窮！先order幾款壽司，件件都大大件，好吸引！三文魚腩壽司好肥美，玉子壽司好厚身既玉子，包住啲飯，滿足！帆立貝壽司好厚肉味美！蟹肉蟹膏軍艦正！蟹膏唔會太鹹，剛好帶出鮮味，must eat!牛油果軟殼蟹卷同樣都係超大件，牛油果滿滿咁鋪滿壽司飯，仲有炸軟殼蟹蟹鉗好味道，香脆！廣島蠔石頭鍋飯，睇相都望到啲蠔有幾大隻肥美，肉質嫩滑，好重蠔味，食得出新鮮既味道！最後仲有甜品送，nice!

今日突然間很想食壽司，但係肚子近來又不舒服，人生就是這樣的無奈，你越係不能夠吃那些東西但你就要想。好吧，不吃刺身壽司，但係都想吃點串燒之類。這裏可算是這座大廈其中一間最火熱的餐廳，總會發現人群會在電梯口徘徊等位，好不容易終於有位置，坐下已知道想要吃什麼了，不過今次有少許不同，我們點多了一個海鮮炒飯，這個從來不會在這些日式餐廳點的菜式。免治雞肉棒和那個大阪風墨魚串都好味，不過我還是愛吃那個雞肉棒，因為它真的鬆軟無比而且帶一點雞軟骨的咬勁。牛油果軟殼蟹卷就中規中矩了，可能是因為在外邊也有很多類似的。壽喜鍋就有點已經驚喜了因為他的牛肉看似很瘦削，但係每一啖都是十分之嫰滑入口即溶的這個價錢吃這般的牛肉實在有點意想不到。最後的海鮮炒飯也是一個高水準的菜式飯炒得十分乾身，而且每一啖都充滿海鮮的香味

是次朋友介紹,到了厚福街H8呢棟大廈食lunch。H8美食多都好多人知,而呢間5樓的德美壽司就第一次黎。打開MEUN發現有超過20款的定食選擇,壽司,天婦羅,燒物樣樣都有。但叫得德美壽司~ 第一次就試試佢D壽司。(好可惜所有相片都係之前的sd卡...)叫了一個牛肉烏冬+壽司6件set $95除了主菜,前菜有蟹子沙津+茶蒸蛋,兩款都有準壽司6件, 要稱讚吓$95呢個價錢,壽司的材料絕對唔係平貨。有三文魚子,吞拿魚腩蓉,三文魚,帶子,油金,熟蝦果然沒有拎人失望,壽司大細配合完美,材料新鮮相反牛肉烏冬則相對失色,湯底淡而無味。甜品-牛奶布甸+芒果汁  牛奶味香濃,絕對係我杯茶(笑)最後埋單,竟然唔係加一!!!!!!唔知幾埋無去過唔駛加一的餐廳,即時加分!!!以呢個價錢換取到這食物質素絕對係超值。下次會試吓全壽司定食~

2019年4月16日約左幾個朋友慶祝生日。因為我地早食飯。所以都唔多人。到我地食飽都叫有啲人。但唔多。間野普遍偏貴。又唔算好好食。但勝在叫靜靜地。傾幾都幾好。放得12張相。啲相放唔曬。有啲唔夠凍。普普通通。如果凍啲就正。波子汽水。兒時回億。好普通。幾好食既饅魚飯。啲牛油果都係好生。超硬。又冇味。好普通 有啲腥。而個勁普通。唔好叫。幾好食。但好飽。啲牛油果好生。最好食就係佢！如果一定要講。冇乜太特別。但想傾計都可以考慮佢。

又去試新野嘅時候，約咗妹妹去尖沙咀食日本菜。我們點了一個鵝肝多士配士多啤梨醬，天婦羅炸蝦,一串炸雞皮及豬肉，這裏環境舒適,讓人胃口大開！首先來的是鵝肝多士，廚師把我鵝肝煎香，外脆內嫩，即食即溶在口裏，配上鬆脆的多士配合得相當不錯！再來一個天婦羅炸蝦，鬆脆可口，肉質鮮甜，師傅的技術值得一讚。最後一串豬肉及炸雞皮串燒作終結。豬頸肉肥瘦適中，絕對是一絕。最後甜品也出場椰子奶凍，清甜可口，作為一餐飯的結尾是不可缺少。

德美壽司，紅磡店以前返工成日食，今日終於食尖沙咀嘅分店，性價比高咁食手握壽司！🤪🤪叫咗一個壽司盛盒，有差唔多10件壽司，種類好多，全部都好鬼新鮮，自己特別鍾意食佢入口即溶嘅鰻魚、魚子、又甜香嘅滑蛋，好正啊啊啊🤤🤤野菜牛肉鍋有成兩份牛， 配埋蛋、幾棵娃娃菜、金菇、粉絲、冬菇、魚蛋片，浸係我最愛嘅壽喜燒嘅湯底食，食落超正又好飽肚，大愛🤤。最後，三文魚茶漬飯唔係好食得慣。一上碟有粒粒淨係覺得好有密集恐懼症好恐怖🤦🏻‍♀️。食落真係搵茶撈飯食，三文魚味道又唔出，好奇怪，不了👋🏻👋🏻-壽司盛盒 美 | $208野菜牛肉鍋 | $74三文魚茶漬飯 | $50-

同朋友慶祝，三個人最後揀左德美壽司。餐廳唔算難搵，因為book左枱同埋比較早去基本上直入，去到大約七八點開始多人。餐廳基本上同其他日式餐廳一樣都有唔同嘅擺設，整體幾有氣氛。(題外話，我坐嗰張枱有少少搖同埋同拍落隔離嗰張枱有啲高低不平)兩位朋友驚我唔夠食，叫左個鰻魚炒飯同𩶘魚湯稻庭烏冬。鰻魚炒飯味道濃，可惜鰻魚味唔夠特岀。𩶘魚湯稻庭烏冬非常足料。另外芝士鰻魚卷，芝士同鰻魚嘅味道互相輝影，同其他餐廳味道分開唔同，值得一試。汁燒魷筒咬口、味道相對比較遜色。個人最鍾意就係佢既薄切sashimi。本身想試左口魚但係無晒，轉左日本真鯛薄切加上佢既酸汁，食到停唔倒口！有機會一定要試下其他薄切！