德美壽司

营业中

休息中

剛完成九日土耳其之旅，皮膚又乾，口味又唔慣，但四處靚，令我大飽眼福，也很滿足! 回港第二天，除了馬上做facial急救皮膚外，還馬上滿足我的小胃子，去吃我最喜歡的日本菜。來到尖沙咀，第一時間諗起熟識的「德美」。隔了一段時間沒有到訪，但裝潢並沒有改動，同樣正方形的格局，設有一排壽司吧枱，以及多張二至四人枱，還有一個小居酒屋設計的露台。 裝潢沒有改變，菜式亦大致相同，分別有薄切、刺身、壽司、軍艦、火炙、花之戀、三色壽司、大盛、五點盛合、卷物、小卷、手卷、丼物、前菜、沙律、漬物珍味、串燒、燒物、天婦羅、炸物、一品料理、碗物、鍋物、麵類、御飯、飲品和甜品。*************************壽司當然不能少，點了兩款最愛。中拖羅壽司 Chu Toro Sushi ($75/1件) 色澤鮮紅亮麗，厚度適中，油脂份量屬中等，岩岩好，吃起來不會太漏滯，這正是我選它而不選大拖羅的原因。肉質相當柔軟，並沒有任何筋膜，魚香四溢，啖啖鮮味，蘸上少許山葵醬油提味已很美味。另一款是洋風三文魚壽司 Seared Salmon Sushi ($33/2件)，配上沙律醬和蔥花。其本身已滿載油脂，再加上火炙

鍾意食日本嘢嘅原因係欣賞日本食物的傳統工藝，同埋仔細。你會見到日本菜通常除咗食物之外到裝橫甚至乎成間店都會好有自己嘅文化氣息。今日行過尖沙咀見到成棟h8都係餐廳，所以想試一試之前未食過既然後見到德美壽司。於是撳𨋢上去睇下跟住打開menu，因為唔係太肚餓想揀下一啲平時少食嘅嘢。嗌咗一份德美玉子燒和牛燒同埋海膽軍艦加多個清酒煮蜆。嗰個玉子燒得恰到好處咬落去好香而令人有驚喜嘅反而係佢哋燒和牛😄 佢哋燒完嘅黃牛入口真係又話有香值得一讚好多時候出面食嗰啲和牛刀雖然叫做和牛但係硬係咬口落去嘅感覺都爭啲，呢一度嘅嘴勁相當唔錯👍另外值得一提嘅係佢哋嘅海膽唔會一pat pat，入口仲有嗰種好新鮮嘅海膽味，相信做菜選材方面落過一番苦工。

今天星期五，一早就約好了幾個朋友吃飯和happy hour. 這次挑了來到很多餐廳的厚福街，這家餐廳不接受訂位，只能walk in。我們點了一大盤壽司和開了一瓶清酒，還點了幾道小吃。三文魚腩壽司三文魚腩很新鮮和肥美，飯也不算很大，比例剛好。芥辣八爪魚軍艦八爪魚很多，芥辣的份量剛好，不會搶了八爪魚的鮮味。油甘魚壽司油甘魚很新鮮，他用厚切，和飯配合得剛剛好。清酒煮蜆這個相當不錯，蜆的份量很多，蜆很鮮甜。吉田藏在朋友的推薦之下，開了這一瓶清酒，吃著壽司喝清酒真的很配。星期五晚上，吃一頓令人滿意的晚餐，算是來一個完美的週末歡迎儀式。

一直以來 如果要食壽司的話我都會選擇去元氣 板長但係今次經朋友推介去咗食德美壽司🍣雖然壽司唔算正宗但係就非常適合香港人食。不得不推介我最喜愛的牛油果軟殼蟹卷薄薄的一層牛油果🥑加上包唔晒的軟殼蟹旁邊仲有一大隻軟殼蟹腳👣

When in doubt, go for sushi🍣 喺尖沙咀行完唔知食咩 行行下就黎到厚福街 於是上左黎德美! 壽司, 串燒都keep到一貫水準, 當中牛油果軟殼蟹卷, 煎餃子同鹽燒雞翼串燒好食到想encore😍 玉子壽司印有佢地嘅鋪頭名，食落蛋味好清香，口感夠滑，我次次都會叫。雞軟骨同牛舌串燒係超級好食，燒到乾身得黎入面仲保留到肉汁，拿捏得好好。另外，想讚下啲staff喺極忙嘅時候都keep到唔錯嘅service，甚至好過以前😂 不過建議避開繁忙時段黎, 條隊真係長到呢...-德美壽司 (尖沙咀)尖沙咀厚福街8號H8 5樓-

真係好耐好耐冇黎，呢幢H8同以往一樣咁多人，迫到爆😂 𨋢門一開，已經見到德美門口企滿哂人，好彩人流都去得快，15分鐘就入到去！我地叫左一大堆壽司同串燒share，質素係一如以往咁好，好滿足！我推介左口魚邊壽司、鰻魚壽司同印有佢地「德美」兩隻大字嘅玉子壽司。魚生係十分新鮮，食落會有鮮甜嘅魚味慢慢滲透出黎，飯粒分明，溫度仲暖和，好易入口。串燒就必食鹽燒雞翼同雞軟骨！燒到皮脆肉嫩，仲keep到肉汁，唔會乾爭爭咁。最後個鍋燒烏冬都唔錯，湯底香濃，有好多餸。烏冬質感彈牙，而且口感好滑，配上天婦羅同蔬菜等好好食👍🏻

香港的確係有好多日本野食，但有日本feel的無幾間做到，通常都係唔新鮮出事，而且軍艦同手卷的紫菜都係林既。好耐無食咁有日本風味的壽司🍣芥辣八爪魚軍艦好足料，紫菜仲係脆既，一啖擺落口真係好正其他壽司都好鮮甜，三文魚就比較遜色，好似無乜味咁，帶子同三文魚籽好好味，帶子好肥美，三文魚籽一啖擺落口即刻充滿魚籽汁，好滿足。仲有另一個口感好豐富既小食，士多啤梨汁煎鵝肝多士。皮脆內軟，而且充滿油脂，士多啤梨汁令到外皮帶甜味，食落好香鵝肝味。🤤

鉴于大灰狼跳槽成功，好好敲诈下。这家日料好吃到哭了, 真是一分价格一分货。最喜欢的还属那个洋风鳗鱼班戟，口感太惊艳了。鳗鱼鲜美咸甜，入口即化，芒果粒酸甜多汁。再裹上一层甜甜的班戟，吃来酸中带甜，甜中带鲜，又颇有层次感，强推。寿司和卷物也是一流，先不说料，这个米饭就调味调的恰到好处。食材也都非常新鲜，摆盘也赏心悦目，让人看着就有食欲。牛肉锅和鱼鲛虽说不算惊艳，但味道也很不错。总而言之，除了贵还没啥缺点。

食過厚福街- 德美已經不止一次，平時都係晚餐時段去食，而今日終於放假，所以決定去試下德美既lunch set！好好彩個日係平日，唔洗等位就有得入去，一坐低就點左「咖哩炸豬扒定食」lunch set 十分豐富，跟餐仲有沙律，麵豉湯，熱辣辣蒸蛋食哂呢幾樣野已經飽左差不多一半了 😂主食- 豬扒炸得非常香脆而且非常多汁，足夠一人份量，好滿足，價錢都合理。食過幾次，德美從沒令我失望不論係刺身、壽司、或熟食水準都十分高 十分推介

今日去咗尖沙咀食呢一間壽司店， 入到去環境都算寬敞，枱與檯之間有一定距離，可以放心傾計，而且可能早到，所以又唔算多人，我揀咗一個最埋邊個位置坐。打開menu，一眼相中咗佢嘅海膽海鮮丼， 價錢中等，以一個有海膽嘅海鮮丼嚟講，其實佢都唔算太貴，之前食其他鋪頭都要二百幾蚊，個人覺得性價比多算高， 不過自己覺得如果可以係刺身蝦會開心啲，因為佢畀嘅係一隻熟蝦。 海鮮丼刺身份量都算多，一個人食其實都好飽，而且個餐本身亦都跟麵豉湯甜品同前菜，以一個人嚟講都算飽。另外因為見到有人介紹佢嘅自家製腐皮卷好好食， 所以亦都點咗。 叫咗之後發覺其實佢都幾大件，而且仲有四件好抵食，不過個人覺得可能因為用油炸，所以有啲太油膩嘅感覺， 不過以一樣油炸物嚟講其實都還可以， 而且個皮炸到好脆， 個人覺得味道係ok嘅。

單點的蟹子壽司、腐皮壽司和花之戀樣子跟往日的都差不多，可惜味道差很遠！見到個啤酒就想同大家講，我喺香港未飲過咁難飲嘅生啤又溝左好多水又冇乜汽飲開生啤嘅你應該明我講乜冇一件新鮮冇一件好食叫完一Round就bye bye!! 反而天婦羅係最保持到水準但係依間野唔係食壽司嘅咩？最後咪送一粒嘢做甜品嘅，我冇影到相，因為太樣衰同埋好難食，其實我以前好期待呢粒野㗎！係黃豆麻薯菓子果啲，個今日⋯我個friend竟然用~點解有勇氣食多啖~嚟形容我哋今日係完全唔使等位，未試過！本身諗住因為係星期四嘅晚上所以清淨啲食完之後我明白點解啦！因為我哋都決定唔會再嚟呢度食香港已經冇乜呢啲價位嘅壽司係正常，咁先覺得依間都OK，究竟有冇人話俾我聽香港有冇邊間依啲價既壽司可以食！

終於食到德美喇，真係名不虛傳，壽司好高質呀！全場爆滿！好彩我地早咗少少避開咗晚飯時間🤣座位都算寬闊。<壽司盛合-美>黎到梗係食壽司啦！呢個Set有8款壽司，池魚、油甘魚、三文魚、鰻魚、熟花竹蝦、拖羅茸卷、玉子燒、帆立貝、三文魚子。所有壽司都好高質，好新鮮，魚生厚身肥美，我解決到日本思鄕病啦😂好幸福！！<火炙和牛壽司>呢個不得了！燒得好香口，和牛係入口即溶！！牛味香濃！好正！<煎鵝肝帶子卷>卷上面係少少辣嘅脆脆，帶子爽口，鵝肝煎得好甘香，好邪惡呀👽呢個配搭非常唔錯！！<野菜牛肉鍋>一上菜，即刻將隻蛋變蛋花先~估唔到係有咁多牛肉！忍唔住飲咗幾碗湯😂😂<芝麻雪糕、綠茶雪糕>呢餐嘅完美句號~

好耐冇食過德美壽司，上一次食係紅磡嘅分店今次嚟到尖沙咀，朋友話未食過 一於一齊食啦~~估唔到隔左幾年，一樣係咁受歡迎咁多人建議真係book定位先啦，如果唔係晚飯時間都等幾耐不過佢都限定左每台一個半小時食德美壽司點到嗌返個壽司盛盒試吓連最基本嘅蛋都好好味，其他魚生都好新鮮👍🏻👍🏻另外叫咗野菜牛肉鍋。湯底濃度適中但係牛肉遍肥咗少少！卷物都好好味，帶子又大塊又新鮮最後叫埋個雪糕做甜品，今餐就滿足晒啦！❤️

喺尖沙咀搵嘢食，見到好多人讚呢一間德美壽司,尋晚大約八點幾九點去到，都有人等緊位。首先講吓呢間食肆嘅裝修，環境好一般，唔覺得自己似食緊日本野， d 檯又迫，而食物好一般， 唔係話好新鮮，當時可能夜啦， 好多野食都冇， 又可能夜左d野冇咁新鮮， 餐牌食物又冇咩特式， 性價比低。番屋企仲有少少肚痾。點攪呀？ 入面好嘈，好似去左任食場咁， 好劈！帶女朋友去請三思。以呢個價錢可以有好多選擇， 唔洗迫係度。我真心唔明點解咁多人讚好= =

每次同閏蜜過開去街都總會搵機會食德美👍🏻尤其是午市套餐真係好抵食實在實在係太中意食日本野了今次2點到 星期六 唔洗等😍叫左個壽司餐 好正❤️❤️下次都係會黎食究竟德美幾時可以係港島開分店啊