德美壽司

营业中

休息中

晚市用膳時間為90分鐘...三文魚親子卷 - $64親子卷味道豐富，材料新鮮，配上點點的沙律醬，更添美味。燒牛舌 - $40 / 七味燒雞腎 - $22牛舌厚身，口感一流，爽口有咬口。燒雞腎加了點七味粉，令雞腎味道更突出，更惹味。味醂雞泡魚干 - $57雞泡魚干軟硬度適中，味道鮮甜，煙煙韌韌，香口又有咬口。德美海膽魚生飯 - $158丼飯還配上送麵豉湯及沙律。沙律菜翠綠，加上了三文魚、栗米、醬汁，食落特別醒胃。麵鼓湯入口不會太咸。德美海膽魚生飯內有：三文魚、海膽、蟹柳、三文魚籽、帶子、還有德美玉子。三文魚厚身肥美，海膽鮮甜入口即溶。

我平時去開紅磡德美，間唔中都會黎下尖沙呢間。上次黎德美尖沙咀呢間分店都無咁多人。今日full house喎！我地兩個人就嗌咗壽司盛合 美、燒腐皮餃子同野菜牛肉鍋。壽司盛有呑拿魚 油甘魚 三文魚 池魚 帆立貝 熟花竹蝦 三文魚子 鰻魚 拖羅茸卷 蛋。我首先緊係搶咗吞拿魚黎食啦。入口即溶，仲好新鮮！其他都係好新鮮，兩個人食要share 同搶，哈哈。我地仲叫咗燒腐皮餃。係我見到隔離枱叫，好似幾好食咁，所以叫。佢係腐皮卷同餃子混合物！腐皮卷煎得脆脆的，餡料係豬肉。再沾少少，應該係天婦羅汁。成件事好特別，我都幾鍾意食。另外仲叫咗一個野菜牛肉鍋。我哋應該係第一次喺度食牛肉鍋，牛肉份量勁多，入邊仲有粉絲同冬菇。好足料！我估啲牛肉應該係牛肩肉，比較少肥。

尖沙咀厚福街就出名多好嘢食， 今日好想食日本嘢，於是就想咗呢一間德美壽司。 入到去最吸引我係窗外面嗰幾個燈籠，同埋一個好似日本建築嘅嘢， 即刻好有日本feel。三文魚腩刺身，肉質新鮮肥美串燒雞軟骨 火喉恰到好處亦都唔會太鹹牛油果配炸軟殼蟹手捲呢個大件夾抵食， 炸軟殼蟹大大嚿而且上面有我最鍾意食嘅飛魚子， 可以話係超抵食！食日本嘢除咗食壽司嘅時候會食飯之外，我都唔會刻意叫麵食， 所以就叫咗番薯天婦羅， 食完之後真係十分之有飽腹感， 佢真係日本番薯所以食咯有一種濃厚味道嘅感覺。食咁多嘢埋單都係二百幾蚊，喺尖沙咀嚟講真係十分抵食嘅日本菜！

久違嘅日本菜。星期六當晚八點到尖沙咀，兩人等咗廿分鐘後有位。全場滿座，但環境坐位尚可。壽司拼盤🍣 & 蜆仔麵豉湯🍲米飯口感不俗，魚生新鮮足料。麵豉湯都係真材實料牛油果沙律🥑有樣你睇，溫泉蛋，新鮮蔬菜，牛油果又厚肉，抵食夾大件。鰻魚芝士卷🍣最後追加一個卷物，非常好食。最後二人埋單，唔使$300仲送埋麻薯甜品。員工人數稍為唔夠，但服務態度依然ok。以呢個價錢同厚福街呢個位食到咁嘅質素，真心唔錯！！

中拖羅好正🤤好肥美, 仲有日本吞拿魚壽司🍣超香!!!!估唔到赤身都咁好食，無筋魚味濃又夠腍三文魚都係超出意料既好食! 好厚身 食落口感豐富My favourite food - toro😋🥰雖然佢都唔平 要成$75 一舊 不過真係物有所值 肥美程度令人滿意赤身其實都好抵，因為佢係日本🇯🇵第一次食德美係9年前係Whampoa, 個陣已經覺得好好食好深刻，今次再係尖沙咀食質素都好好。未到7點已經坐左大半人，今日仲要係閒日，所以每枱只能坐一個半鐘only

自家製玉子燒$36，一定要食，同日本食既差不多，冷同溫/甜同咸既玉子燒我都鐘意食，呢款係冷+甜既，好味啊😋 已經切開左6小舊 一啖一舊!右邊: 大拖羅1件 $100, 夠肥美之餘又唔會太過油膩導致飽滯，佢係so far最岩我口味既大拖羅 上面既葉仔係微苦既左邊: 秋刀魚1件$4x 時令既, good後邊: 油甘魚2件$3x 中規中矩 魚味唔特別濃 不過都夠腍 配埋壽司飯唔錯好多人，見佢6點開門我仲早左兩分鐘去到，已經有人等緊位，好受歡迎👏🏻

不嬲都好鐘意食德美，今晚又同朋友黎食，每次都好full！一定要book定位！每次黎都必定點既炸雞軟骨，好香好香脆🥰🥰自己食哂成份都得跟住又叫左個三文魚茶漬飯，今次係第一次食茶漬飯，好清但又幾好味，如果唔想食太重口味既話，呢個好推介～跟住又叫左個鰻魚芝士，每舊都好大份，呢個搭配真係好夾，係我既最愛🤭另推第款卷物係牛油果軟殻蟹，每件既軟殻蟹勁大份！！好好味🥰🥰最後仲叫左納豆卷物，我個人覺得又幾好味🤭一d都唔臭！！想試新野可以試下haha Overall好味～每隔幾個月必黎一次🤭

今日去完食壽司 老公話唔夠喉🙈想食番啲日本料理忍唔住就去咗平時食飯打躉鏡德美壽司再encore💟蟹肉芝士薯餅炸到脆卜卜咬入去雖然芝士好多但係唔漏啖啖蟹肉點沙律醬 very good💟鰻魚炒飯性價比超高 石窩上 鰻魚好多味道中上 唔算油💟牛肉石鍋有好多蔬菜生雞蛋菇類最抵讚係大量薄片牛肉 走肥勁多料 濃濃嘅壽喜燒味用嚟送鰻魚飯一流三個料理都交到功課 真心抵讚但係如果冇book位建議真係九點之後先呢因為實在太多人下次會試刺身拼盤因為睇住隔離食 真心🙈好吸引🎀德美壽司Sushi Tokumi🎀尖沙咀厚福街8號H8 5 樓

今日終於去左試人氣超高既德美壽司啦 好彩我地早到 因為7點幾已經多人等位到排滿左𨋢口😱 我地好幸運 可以坐吧台 睇住師傅整壽司😆壽司方面我地揀左三文魚腩同火炙帆立貝 食落果然高質 非常新鮮 三文魚腩好肥美 仲好大件🤤 帆立貝燒過後更香 入口就要溶化啦🍣我地仲叫左牛油果軟殻蟹卷 師傅好細心咁分開左2碟比我地2個人 等我地食得方便d☺️ 軟殻蟹卷上有4-5片牛油果 中和炸物既油膩感 食落好清新👅主食我地就揀左野菜牛肉鍋 呢個牛肉鍋晚市泥講未免太抵食啦掛😍 $74入面有勁多牛肉 幾款蔬菜 粉絲 豆腐 冬菇等 十分足料🤤 湯底濃郁所以全部食材都好入味 加埋面頭隻雞蛋簡直係畫龍點睛👍🏻最後我地都揀左一款小食 紫蘇沙追魚海膽天婦羅😋一睇就見到有勁多海膽 食落紫蘇葉味好出 同海膽都幾夾🌟

之前喺沙田分店食過德美壽司，覺得非常之唔錯，性價比亦都好高，所以喺尖沙咀分店再試一次。首先講吓個免治雞肉串，軟骨同雞肉嘅比例啱啱好，每一啖都有軟骨嘅，但同沙田分店相比，差了個鵪鶉蛋，少了一些鮮味。串燒雞皮非常失望，炸得有少少乾，差唔多食完先上。鰻魚飯係最好食嘅，用左珍珠米，如果鰻魚笑得不要太燶就好啦。牛肉鍋有份量很多嘅牛肉，但係是一大舊的，沒有分開一塊塊，便煮熟了。壽司就唔錯，我見每一檯都係最主要食壽司嘅，下次可以嘗試多幾款唔同嘅選擇。

尖沙咀太多日本餐廳，真係花多眼亂，但真係要試過先得。我同朋友一行三人去到德美，等左一陣就有位了。 牛肉鍋好好食，粉絲比一般的粗，有口感，味道好 燒雞翼好香，必食 壽司好新鮮 牛油果軟殻蟹好食，味道好Match 鏝魚飯，鏝魚ok,但比較小，飯太多，汁太小。 餃子味道OK ,皮薄料多，燒茄子賣相靚，但味道一般。雜錦天婦羅，賣相靚，炸粉夠薄，炸蝦啖啖肉，有秋葵，蕃薯🍠，冬菇,茄子,南瓜🎃，好食總結：性價比高，味道好食，新鮮，值得一試再試

在網路上德美的評價，都是中價高質壽司，一直也在to eat list中。初開店，即成為熱門餐廳。現已有幾家分店，人龍不減。日式料理餐廳的餐牌，一般都是圖文並茂，排版清晰，種類排列次序大致相同，閱覽時，不會迷失的感覺。🍣壽司盛盒(美)一上桌，最吸晴的是玉子燒，印上「德美」二字。壽司款沒有重複🤩從淡味至重口味的魚也有。吞拿魚、油甘魚、三文魚、池魚、帆立貝、熟蝦、三文魚籽、鰻魚、拖羅茸卷。魚生肥美新鮮，油脂分布正常。魚生與壽司飯的比例合理，壽司飯微暖不過酸。面對長期座無虛席，師傅們也從容不迫。手握的一份執著🤙🏻，令🍣出品很一致。沒產生，鄰桌食物，更吸引的錯覺。鰻魚班戟個人很喜愛，卻沒法常吃到。偶爾才在本地日本餐廳遇上，而且人多分不了，吃不了。肥美的鰻魚，卜脆的蟹籽，軟熟的牛油果，包裹在軟熟的班戟內。四重奏的入口漸融，滲出咸鮮。結帳前，每桌也送上一塊蕨餅。Q彈軟糯，為晚餐劃上句號🥰

一直覺得壽司好難真係有好味同唔好味之分😂，今日試左德美壽司，又真係有驚喜喎！刺身類-油甘魚$42每一舊都係厚切，份量唔少而已做到入口即溶，好味之選🤤🤤壽司軍艦類首先三文魚同三文魚子都好新鮮，要特別一讚既係左口魚邊👍🏻👍🏻牛串燒類-牛舌$40每舊都燒得好香，一啲都唔乾！鐘意食牛舌既朋友必點👍🏻熟食類-野菜牛肉鍋$74抵讚！湯頭甜甜的，勁多牛肉😂同菜，而且粉絲係勁入味，必食！食埋個免費小甜品結埋尾🥳🥳好滿足！

我同朋友食生日飯，因為時間早，6點多已經到了，好彩即刻入到去，唔使等！入到去1個小時30分鐘用餐時間，但原來食到急到死，下次同朋友傾計就唔好去呢間，仲要一夠鐘埋單都唔使叫，自動波遞過黎，收左錢，待應急到收野時倒到一地湯，仲彈到我地，仲要遞個甜品黎都勁速度，根本就算好食都無意思，價錢又唔係平，好似趕狗咁！一D服務都無！差！整體食物好食，但對於呢種價錢大把地方可以食，又唔使食到咁急，難忘的急速晚餐，因為多人等位，要食既朋友一定要早D Book位！

小弟牛屎仔一名,都係小胖女帶我黎呢間野都食先知原來呢間德交係十分之出名,咁究竟出名d咩呢?今日知啦,出名夠多款式,根本上你諗到既日式料理都有,小至壽司刺身,熱食串燒同天婦羅乜都有,可能你又會話,周圍都係呢d架啦,今之就黎試試佢有咩特別啦,黎到立即叫返d壽司啦,火炙帆立貝超大粒,燒完味道非常之好,夠大件,當然唔小得小弟至愛牛油果軟殼蟹卷,足料夠大件呢d唔洗講,值得一捉呢到上菜速度係勁快之後就不停上菜啦,腐皮餃子,土佐豆腐,炸雞軟骨,牛肉炒烏冬,樣樣都十分大件足料份量夠,花款多,價錢唔貴,味道有水準,真係小弟暫時無咩食過幾間夠佢黎