御膳

营业中

休息中

上星期婆婆生日我哋就同佢出街食飯慶祝，婆婆好鍾意食中菜，我哋一早已經訂咗一間私房菜，呢間私房菜好巴閉㗎，經常爆滿，要一早預訂才有位，係一間高質素嘅私房菜館，食物一流，員工夠親和有禮，所以真係要稱讚一下。四位用（ 套餐 2）香芒沙律大蝦球4份圓碌碌嘅大蝦球，爽甜多汁，鮮味無窮，幽香新鮮芒果肉配上多款新鮮沙律菜，前菜已經好享受。大肉蟹一只可選花雕雞油蛋白蒸，避風塘炒，薑沖炒，胡椒炒，四川香辣炒我哋揀選咗避風塘炒，一上枱已經聞到香噴噴，超大隻嘅肉蟹，蟹鉗蟹身都啖啖肉，非常鮮甜惹味，蒜蓉都炒得甘香可口，我哋連蒜蓉都冇放過，大廚嘅手勢真係一流。生煎東星班12兩，養魚雖然係養魚，但係東星都係優質食材，只要有一流師傅，都能做到色香味俱全，養魚都會做得好出色。白胡椒爆炒南非鮑魚4只優質嘅南非鮑魚，本身已經好有質素，再配合同樣有質素嘅大厨，鮑魚鮮味嫩滑，肉質軟腍多汁，簡直無得輸。蒜蓉粉絲蒸蟶子王4只食材同樣新鮮大size，老闆對食材絕不吝嗇，蟶子好食就唔使多講，連粉絲都係一流。江南百花雞半只手工製作菜式，爽口彈牙嘅蝦膠 味道出色，釀在鮮嫩雞肉上，讓你食起上嚟口感好豐富，啖啖肉又鮮甜。上湯浸時菜濃濃上湯，

若非有朋友推介，否則很難會找到這間位於觀塘工廈12樓的私房菜。跟地址上到12樓，外面亦沒有起眼的招牌。內進見到有大約6張枱，原來隔鄰的單位都是同一食肆的。我們先到，但不久其他枱也坐滿人客了。據服務員說，這裡已經開了五年多，惠顧就必須預先訂位及選定菜單。我們當然是準備妥當，否則來到都未必有得食。我們點了一個四人套餐，包括香芒沙拉大蝦球、花雕蛋白雞油蒸大肉蟹、生煎東星斑(12両)、蒜蓉粉絲蒸蟶子皇4隻、白胡椒爆炒鮑魚4隻、百花雞半隻、上湯浸時菜、招牌御膳炒飯及甜品，套餐價$1740。先來的是香芒沙拉大蝦球，剛好就是四份，每人一份，除了沙拉菜外，當然還有標明的芒果，與及紅蘋果、青蘋果、士多啤梨、藍莓、提子及青瓜，而大蝦球更是炸得外脆內軟，蝦味鮮甜，與沙拉一起吃，一冷一熱，,又是別有一番滋味。繼而是花雕蛋白雞油蒸大肉蟹，大肉蟹新鮮而且大隻，肉質飽滿完全填滿殼內，鮮甜味美，蛋白又蒸得剛剛好，火候掌控得恰到好處，食落嫩滑而且份量不少，相信是與蟹先分開來蒸，到差不多時再合體，放在一起再蒸，否則待蟹熟了的時候蛋白就會老。加上花雕的香味，令得菜色稱得上色香味俱全，實在是上佳之作。大大碟的蛋白都給我們全部

今天是二師姐牛一，又大一歲，要聽聽話話，快高長大了！一早就想好要說吃海鮮慶祝生日，本來冬天冰冰冷冷吃火鍋是最好的選擇，但這個冬天真的吃得太多了！打算在家自己弄，又怕煮好一碟又一碟的時候其他海鮮都變冷了就不好吃，而且放工後自己弄又確實比較麻煩！想起上次跟我一樣愛吃的「鬼姐」介紹，有一家私房菜海鮮夠新鮮，小炒夠火喉，而且價錢也相當合理，就決定今天來這家叫 御膳 的私房菜試一下！這裡可選擇的款式也真的不少，我們就點了一個三人用套餐 (4)，食物都是我們喜歡的菜式！麻辣手撕雞中式前菜，麻辣味十足、青瓜夠清新、手撕雞絲肉感分明，這絕對是開胃菜的首選，口感非常夠辣頂癮，準備一下好胃口開大餐！什菌豆腐大蜆湯食飯又怎可以沒有一個靚湯？今天本來就是打算吃海鮮，這個用鮮甜大蜆跟新鮮什菌，還有滑豆腐熬成的湯，鮮味無與倫比，一定是最佳靚湯水之選！菊子魚 (12兩 東星斑)十二兩的東星班起肉，切花，下鍋滾油炸！熱辣辣上碟後再加上凍凍的柚子醬，一冷一熱，口感爽到不得了，我一口氣就可以吃三顆！炸粉沒有覺得有多少，外層炸得脆卜卜，內裡啖啖嫰魚肉！正！避風塘炒大肉蟹喜歡大肉蟹的肉感，店員表示可選花雕雞油蛋白蒸，避風塘炒

出糧請媽咪食餐好嘅，佢最鍾意食海鮮，於是我就預約左呢間私房菜同佢食海鮮餐。一早同餐廳WhatsApp聯絡，我同媽咪都好鍾意食蟹，所以就請佢安排有蟹嘅套餐，而且餐廳亦都會問我地有冇D乜嘢唔食，咁我就講咗話我地唔食內臟同魚，於是餐廳就會根據着客人嘅口味設計餐單，餐廳send個餐單嚟，一望就非常合我嘅口味，一直非常期待海鮮餐嘅來臨一入到去，枱面上已經放咗已經安排好嘅啟枱紙，店員會再次confirm我食物係咪同WhatsApp所安排嘅一模一樣，Confirm咗之後就會開始陸續上菜先來一個雜菌大蜆豆腐湯，非常足料，大蜆鮮甜，豆腐好滑，而且雜菌新鮮，個湯鮮甜好飲飲完湯隨即送上前菜，麻辣手撕雞，份量都幾多，青瓜爽脆，雞肉都幾滑，麻辣味道非常濃郁，但係又唔會話辣到食唔到，食食吓舌頭會感覺到有少少麻痹，都幾惹味之後就到大肉蟹出場，我哋選擇左用胡椒炒，未食已經聞到一陣陣嘅胡椒香味，胡椒味道濃郁，大肉蟹非常新鮮，肉質鮮甜，估唔到胡椒同肉蟹嘅味道係咁夾流沙黃金蝦，個人一向好鍾意食鹹蛋黃，個蝦脆到連殼都食得到，味道鹹香，非常鍾意白胡椒爆炒鮑魚，鮑魚爽口彈牙，配埋白胡椒汁，非常之入味士多啤梨骨，酸酸甜甜好開胃，而

觀塘工廈多正嘢食就係人都知，但係好多時都唔知去邊食，要覓食都要花d時間做下research。海鮮焚化爐Venus就去咗一間不賣環境，只賣質素，充滿家的味道私房菜，去觀塘搵食又多一個參考la依間私房菜除咗提供套餐，客人仲可以自行編寫菜單。茶位$2/位非常親民，開瓶同切餅都無須收費，仲要全店免加一！實在太好la，食$1000都慳返$100，免加一舖頭真係買少見少P.S. 沙律、龍蝦、西瓜盅是必須預定麻辣手撕雞：依碟麻辣手撕雞麻辣份量唔太多，少少麻辣味適合唔太食到辣的人，辣辣地做地盤好開胃，新鮮脆口青瓜配入味手撕雞味道一流什菌龍骨湯：無湯不歡的Venus大讚依碗湯，大大塊龍躉骨煲湯，膠質十足！加入什菌成碗湯好鮮味，依碗湯骨膠原十足，飲多2碗補充下膠原先生煎東星斑：清蒸東星斑食得多，生蒸真係第一次食，12兩養魚星斑啖啖肉，煎到好香口。平時食蒸魚要挑走魚皮先會食，煎到咁香口就一定要連皮食先係精髓！薑蔥大肉蟹：大肉蟹有幾種食法，不過Venus最鐘情都係薑蔥炒(因為屋企都係薑蔥炒)，薑蔥爆到好香口，重秤大肉蟹肉質鮮甜，即叫即製包新鮮。蟹鉗有手掌咁長，超抵食！大蜆燉蛋：一上枱個個嘩嘩聲，好靚好精緻。蜆

一家人聚餐，最好是吃私房菜，我們選了7位用的餐，價錢$2348，包括:砂鍋大魚頭豆腐湯、金銀蒜蒸龍躉腩、薑沖炒大肉蟹2只、蒜蓉粉絲蒸特大蟶子皇7只、踏雪金巢（金勾翅、瑤柱、蛋白和芋頭造成雀巢，以椒鹽方法去製成菇類食品）、士多啤梨骨、上湯浸時菜、招牌御膳炒飯及甜品: 芒果布丁。砂鍋大魚頭豆腐湯 (Kim子推介指數8/10)豆腐湯呈奶白色，魚味而且甜、夠火候，當中最搶手是豆腐，因為非常滑。但為何不是砂鍋上呢?金銀蒜蒸龍躉腩(Kim子推介指數8/10)金銀蒜蒸龍躉頭腩」選用了油脂多的的龍躉頭腩入饌，配合蒸煮方法不但能突出其魚油香味，而且更可令肉質嫩滑的魚腩位變得更入口順滑；加入生蒜、炸蒜一起蒸煮，入口陣陣魚肉鮮味及濃郁蒜香。蒜蓉粉絲蒸特大蟶子皇(Kim子推介指數8/10)蟶子皇配生蒜、炸蒜一起蒸，非常好味!而且每隻都有手掌般大，鮮嫩彈牙。墊底的粉絲簡直是精華所在，充滿鮮味。踏雪金巢（金勾翅、瑤柱、蛋白和芋頭造成雀巢，以椒鹽方法去製成菇類食品）一道兒時十分喜歡的菜!以芋頭造成雀巢，芋頭炸得香脆。雀巢裝著椒鹽什菌，金菇、秀珍菇等都炸得酥香惹味。雀巢下面是金勾翅瑤柱蒸蛋白，非常香滑，平衡予整道菜的

聖誕佳節與家人聚餐，西方節日避開人潮選擇中菜，到了此眾多食友推薦的私房菜。地方藏身工廈不好找，但到來發現高朋滿座且寬敞舒適，侍者客氣有禮，感覺良好。預定的套餐先來魚頭豆腐湯。湯底清甜，豆腐軟滑，老人家吃著魚頭好不過癮。香芒大蝦沙律球是傳統的什果沙律，伴上炸過的大蝦仁香脆結實，開胃之選。蒜蓉粉絲蟶子皇火候剛好，肉質結實鮮味，配合大量蒜蓉炸蒜芫荽，惹味非常，連粉絲轉瞬清碟。花雕蛋白蒸大肉蟹，肉多結實，配上帶酒香蛋白，簡單煮法突顯新鮮味美。上湯焗菲律賓杉龍蝦走過油，肉質新鮮結實，且上湯入味又不油膩，老人家大讚。白胡椒爆鮑魚十分惹味，鮑魚煙韌，不錯。大蜆燉蛋鮮甜，伴炸蒜蒸水蛋同樣惹味，口感豐富，唯部份蜆有砂，美中不足。金華玉樹雞，肉味濃郁，火腿甘香，四平八穩之作。士多啤梨骨，酸甜並重，聰明地中和排骨的膩。大家已飽到不行，但炒飯飯粒分明，夠乾身不油膩，鑊氣十足，質素媲美星級名廚，還是抵不得吃下。還有甜品！紅豆椰汁糕，簡單清甜，完美作結。這裏海鮮質素不輸鯉魚門等地，但地點方便，大件夾抵食，必定翻兜。

最近的工作很忙，也很少與家人食飯，難得與家人相聚當然選一間有質素的食肆。 記得上年也曾到過這間私房菜晚餐 ，非常滿意所以再次到來。 一如以往要先預約，跟餐廳相談餐單內容。砂鍋大魚頭豆腐湯魚味很濃，砂鍋煲過的魚湯，豆腐，菇香軟有口感。金銀蒜蒸龍躉腩蒸龍躉腩火喉剛剛好，肉滑香口, 龍躉腩中間有少許的瀡骨， 慢慢"選“一下， 龍躉腩肉在口中慢慢融化。 底下的粉絲吸收了蒜蓉和魚的精髓，味道非常好, 整碟也已經給孤清大肉蟹2只，薑沖炒我喜歡口吃海鮮，肉蟹的肉很多，薑沖炒過的蟹肉海鮮味很濃而帶香，肉汁有水準地保留。蒜蓉粉絲蒸特大蟶子皇蟶子皇超大隻, 以粉絲放於底下， 蒜蓉調味， 蒸的時間剛剛好， 彈牙又容易入口，非常滿足。踏雪金巢上台時看見雀巢上的類似椒鹽鮮魷的東西, 吃起來原來全是菇類， 非常香口。 底下是瑤柱蒸蛋白， 海鮮味濃蛋白非常滑， 最後來吃兒時最愛的雀巢, 芋頭炸成。 上下的感覺balance,上面香炸香口，下面淡雅海鮮味。士多啤梨骨這個骨的味道很好 ，少少酸味， 士多啤梨味很出 ，估不到生果可以與肉類這樣有這樣的配襯。上湯浸時菜招牌御膳炒飯非常足料的一個炒飯，以蝦，帶子為主， 炒飯粒

朋友仔出Pool，當然要賀一賀佢啦！好友當中有人提議食私房菜，再介紹左個好地方。負責人好有責任心，事前都會通過WhatsApp同我地傾好，了解我哋的喜好，再安排一個適合我哋的餐單。地點確實有點難搵，因為做私房菜的緣故，佢哋唔接街客，門面較為低調。但係裏邊就好企理，而且坐得幾舒適。先來香芒大蝦沙律，大蝦係新鮮蝦，彈牙有鮮味。沙律唔係用罐頭生果，而係用上新鮮的青紅蘋果同芒果，好開胃。我哋幾個都係超級鍾意食海鮮，所以幾款新鮮美味的海鮮實在唔少得。先來聖子皇，餐廳非常落足本，聖子皇的size比起手掌更長。大廚好用心，加上生熟蒜、蔥花、小辣椒等等的配料，當然唔少得粉絲啦！聖子大隻厚肉得來真係一粒沙都冇，外出食飯其實都幾難得。味道方面，各種配料balance得好好， 剛好提升聖子本身的鮮味。而且大廚亦掌握得火候唔錯，剛剛好熟透。第二道菜同樣令我哋好滿意，南非鮑魚較為扁身，表面積較多，可以更加入味。佢哋用想特別的做法，就係白胡椒炒，鮑魚吸收晒醬汁的精華，滋味當中有啲啲辣，好惹味。蟹係秋冬唔少得的元素，而我哋就揀咗最穩陣的薑蔥炒蟹，一上枱已經香氣撲鼻，鑊氣十足。大肉蟹好大隻，好多肉，仲有唔少蟹膏添。再

2018年正式來臨，早兩日就约左幾個好友去左觀塘敬業街嘅御膳，嘆下佢地嘅私房菜.當晚我地試左佢地嘅蒜蓉粉絲蒸蟶子皇,Ｄee 蟶子好新鮮，肉質彈牙,加埋蒜蓉香味水煮牛肉就啱晒Ｄ锺意食辣嘅朋友,辣椒可以带出牛肉嘅鲜味,軟腍唔韌。香芒沙律大蝦球,有好香芒果味,加埋鲜蝦蝦球,好彈牙,好清新爽囗.大蜆湯好鮮甜，奶白色湯底,鮮而不油膩。飯後果菠蘿鳥，有多款水果，葡萄，奇異果,桃驳李,多款水果各式各適,開胃消滯。呢一餐為2018打開序幕

早排冬至做節，阿爸話呢排興食私房菜叫我帶佢去食，哈哈。咁我就係openrice揀左幾間，最後決定呢度啦！ 之後打俾店家，佢話wtsapp我因感我口味設計菜單，人頭收費，幾方便！！ 又話兩個人起就可以訂。態度好好, 俾我問左好耐都好耐心咁答我。有電視睇，一路煲劇一路食飯係最開心的有湯有海鮮有肉有甜品4位用的香芒沙律大蝦球蝦球炸完之後，底層鋪滿雜果：士多啤梨、藍莓、提子等等，仲有一片芒果係面層，味道清新砂鍋大魚頭豆腐湯呢個湯好重魚味，我地每人飲2-3碗暖胃，食埋個大大嘅魚頭，真心唔錯！魚頭好新鮮，魚雲滑而不腥。鐘意飲魚湯就一定要點呢個！我媽大讚話無味精四川香辣炒大肉蟹呢隻肉蟹都幾大隻，個蟹蓋好多肉，我同店家講話要中辣左右，呢個辣度岩岩好。蒜香味重，d蒜用黎撈飯應該好好味花雕蛋白蒸龍躉球龍躉魚皮出名厚身，呢個又厚又彈，口感唔錯花雕香氣十足，個蛋都夠滑。蒜蓉粉絲蒸蟶子王每人一隻蟶子王，肉質嫩而不老，底層有少少粉絲吸晒d鮮味，好正！如果粉絲多d就好啦野生椒炒牛柳絲呢碟嘅洋蔥同埋蔥好好味微辣，醬油風味。牛肉都嫩滑上湯浸時菜時菜係西蘭花，有d野菌點綴下。淡淡地，但菜幾新鮮的！ 招牌御膳炒飯呢個真心推

新一年同農歷新年一樣，都要同屋企人好好食一餐團聚，平時我們都會去大排擋圍住張圓枱熱鬧咁食飯，今次我地都唔例外去左私房菜館食圍飯，之前都聽聞過依間菜館幾高評價，加上我地一家人亦有興趣，所以預約座位同訂定套餐菜館位置離觀塘地鐵站大約8-10分鐘路程，雖然係工業大廈樓上，但幸好大廈只有一個停車場出入口，入到去靠右邊搭客電梯，一出電梯對正門口就到了入到店內範圍唔算好大，每張都係圓枱，有大同細枱，我都比較喜歡坐圓枱，放飯餸都可以放多些，點左個四人套餐，先上前菜拼盆同魚湯過下口癮先麻辣滷水拼盆(例)拼盆中有三款不同前菜，分別有麻辣手撕雞、鹵水大腸同金錢肚，但因為我地都唔食牛，所以菜館幫我地改左椒鹽豆腐，每款前菜份量都唔少，椒鹽豆腐外皮薄粉得黎又帶少少脆口，咬一口豆腐依然非常嫩滑且豆味香濃，食落完全唔會覺得好熱氣。麻辣手撕雞拌左青瓜絲，雞絲有咬口配埋清爽青瓜絲一齊食好惹味，麻辣味夠香且帶微辣，正啊！鹵水大腸切好擺齊整，清得乾淨又無肥膏，滷得相當入味，入口好軟熟，雖然食得多唔好，但食到停唔到口砂鍋什菌龍躉骨湯魚湯用左龍躉骨、什菌同豆腐粒煲成，味道甜得黎又有濃郁魚香，湯入面無落薑絲，但依然唔會跑出腥味，

2017終於完結了，實在是太令人感動，記得好像從5月開始就忙個不停，工作接腫而來，雖然每天上班的時間是過很快沒有錯，但每天都把下一天的腦細胞也用盡(哭)，所以2017完結了我實在是覺得感動。新的一年可以把累積久久的飯局重新啟動，第一餐約的是去年幫了我很多的一個好朋友，他喜歡吃海鮮，所以我們就去了觀塘一家專門吃海鮮的私房菜吃晚飯。*吃私房菜的好處就是，他們可以為你量身訂造菜單，這樣就可以確保每一道菜都是你想吃的。以下是我跟他們預先溝通好的菜單，是基於他們預有的菜單再作微調，可以參考一下：麻辣手撕雞一份/大肉蟹一只 花雕雞油蛋白蒸/什菌豆腐大蜆湯/白胡椒香爆南非鮑魚兩只/蒜蓉粉絲蒸蟶子皇2只/士多啤梨骨/蟹油銀芽炒麵/上湯浸時菜/甜品/全單＄930（全店免加一，茶位$2/位）*麻辣手撕雞坐下不久，店員就送上了麻辣手撕雞，作為開胃菜真是很開胃(廢話)，相比起一般的麻醬手撕雞，我覺得麻辣更特別一點，配上青瓜絲的清爽，很容易一口接一口的吃光光。*雖然是麻辣，但麻辣的感覺不會太重，只是吃完之後舌頭有一點點小麻的感覺，我覺得不吃辣的也可以吃得到。*什菌豆腐大蜆湯吃了麻辣後來碗湯真的是很適合，剛好可以