御品·千之味 (深水埗) (已結業)

今日陪男友去深水埗行街，大家想食日本野，係網上搵到一間評價不錯既日式料理-千之味，我地決定去試下店內新裝修，環境不錯。店內清潔。午餐款式選擇多，咩種類都有！男友叫左蟹肉海鮮丼，三文魚肥美鮮甜，蟹肉新鮮肉質彈牙，蝦結實有咬口，魚籽汁多飽滿，配飯一流，飯份量適中，有咬口，好食，沙律夠爽脆，仲有洋蔥圈同雪米糍，滿足我就食左壽司烏冬餐，烏冬彈牙，刺身又新鮮，配上熱熱既麵鼔湯，一流！我地食左咁多野先$231，都幾抵食丫！

日日經過深水埗，今日又執到寶見到間日本野（叫千之味），應該難食極都有個譜，果然有意外收穫。雖然人好多，好彩唔洗排隊，仲要有梳化坐!野食都好多款，多到唔知點揀，最尾㨂左個壽司餐，一個刺身冷烏冬餐，燒鯖魚加兩支波子汽水刺身夠新鮮，又夠肥，仲有件冇得輸既吞拿魚壽司冷烏冬都好食，又夠彈，男士推介，因為食日本野通常唔夠飽，呢兩個餐絕對十成飽。爭啲漏左條燒鯖魚，絕對唔係整定，又夠熱個皮又脆，仲好大條，十成飽都要食埋佢。唯一美中不足就係個胃唔夠大，見到人地張枱啲小食咁靚都食唔落。

作為大鄉里的我，第一次去到西九龍中心逛街。夜晚我們到處覓食，附近有很多餐廳美食，茶餐廳為主，也有很多小食店，完全不知道選那一間～突然看到這間日本餐廳「御品•千之味」，門口有電視介紹食物，旁邊中學生又說有朋友介紹這間餐廳，好像是很受歡迎的樣子！十分吸引！同行朋友又說她曾經吃過這裡的放題超級正，刺身、壽司、炸物樣樣足料，沒有限時，心想：太好了，最愛吃日本菜。（不過當時沒有胃口吃大餐，又看見有丼飯、壽司食，就入去試試）入到餐廳內就看見坐滿客人，差不多全部客人都是食無限時放題，只有少數人食定食~看見其他客人食放題好正，食物新鮮，種類又多，下次會來食放題的！餐廳內還有廁所！真是超方便呀，雖然我們食定食，但當然也不會限時，可以因應自己胃口選放題還是定食，想坐多久就多久，很適合聊天的地方。 送餐來的時候，店員首先會介紹調味料，原來是有分普通醬油和刺身醬油。後來發覺店員送餐時每個客人都會提醒，十分貼心！而食物方面，我們點了一冷一熱的丼飯溫泉蛋饅魚飯和蟹肉海鮮丼，一來到已經覺得食物豐富足料。尤其是甜蝦和饅魚，大大件，而且定食餐有前菜，主菜，甜品，小食，物有所值。（還有飲品，不過只有汽水選擇，所以我們選面

深水埗區一直以黎比我既感覺都係食平野無要求可言而且係掃街為主🙈朋友今日帶我去左呢間位置比較靜既日本餐廳食魚生飯老實說我無咩期望架鋪位唔算大所以都坐得幾逼不過眼見好多人叫串燒同邊爐串燒既味道都好吸引架如果唔係有啲咳真係想叫返幾串食！講返正題先今次主要係想食魚生飯選擇都好多我就決定左食「I」飲品方面就自選飲品喇種類都比我想像既多有紙包或者罐裝登登～刺生飯到由於位置唔多個人認為用呢個盤既方式上係幾好有沙律 燒栗米雖然份量唔多但係估唔到啲菜都幾新鮮而且啲醬都幾夠好萌～主角黎啦！好正呀魚子好新鮮！三文魚同帶子夾起左慢慢品嘗一啲都唔薄架食落口仲幾有口感無雪藏味之餘仲有些少鮮味其餘既就撈埋一齊食呢一碗飯都相當滿足店員會同你講應該用咩醬油而且會幫你收起啲用完既碗碟好細心走既時候先睇到呢個放題已經同朋友講好左要黎試下個放題見到啲食客食實在太享受啦！

今日同朋友係深水埗買模型，買完之後大家肚餓想食午餐，係網上搵到一間評價不錯既日式餐廳，千之味，我地決定去試下。午餐選擇多，有壽司/丼飯/烏冬揀。店內環境清潔！裝修新淨。前菜有麵鼓湯同沙律，麵鼓湯夠熱，鹹度適中，沙律既菜夠爽甜新鮮，配上蟹籽主角出場了，溫泉蛋鰻魚飯，鰻魚冇骨厚肉又香濃，好食，溫泉蛋蛋汁味濃，撈飯食一流！半熟牛扒飯，牛扒煮得岩岩好，唔熟夠腍，肉味重，而且牛扒份量多，唔吝嗇最後仲有甜品送，朱古力蛋糕，朱古力算濃唔甜，接受最後埋單$176，唔收加一，都幾抵食，下次經過會再黎食。

等了很長很長的時間,終於有人陪我一起放放題了這間店,靜靜、舒服的環境,一邊享受着美食,一邊聽着宮崎駿先生的動畫音樂,最重要的是,平日的下午沒有限時,只要傍晚六時前離開,每位HKD238 加一。店家愛護地球環境,不喜浪費,所以把好吃的東西吃光光除了是對為你烹煮食物的廚師尊重外,也是對愛護地球出一分力,不然,若有吃不完的食物,錢包請乖乖奉上,以正價付款。多年來,去過好幾間放題店,有些失望而回,有些敗興而歸,有些好吃,大多難吃。這裡說的「有些好吃」不是說有些店舖的食物都好吃,而是說有些店舖的一些食物較為好吃的意思,這裡面是大有分別的。此店在食物質素方面,先論火炙壽司,以三文魚脂和三文魚芝士為優。前者入口即化,脂腩的甜和肥美慢慢滑入口中,飯是淑女的一口飯,口感軟軟的帶着食物香烤過的味道,配合貴 店獨有的即磨山葵和壽司醬油,一種幸福的感覺從口中洋溢,忍不住眼睛一亮。再來,後者的感覺也很好,我是一個不太熱衷芝士的人,但芝士混和了三文魚,放進口中是極美的配搭。心中不禁想:太好了!終於不是飯歸飯,魚歸魚,芝士歸芝士的獨立個體了。然後,喜歡墨魚,甜蝦的我也嘗過味道,你們都知道,墨魚和甜蝦放久了不夠新鮮會

又來到兩公婆夜晚餐枱腳嘅時候， 今次特登上網揀咗一間近近哋地鐵站又近我哋放工位置嘅 日本放題定食餐廳， 貪佢呢度有放題又有定食。 去到餐廳唔使等位非常之好店員有禮貌咁帶我哋入去坐低， 入到去見完即刻畀餐牌我哋介紹呢度有定食同埋放題， 由於我哋唔係非常之肚餓所以揀咗日式定食食定食當然唔少得我哋最鍾意嘅魚生飯同埋壽司定食啦佢哋呢度啲壽司非常新鮮以呢個價錢嚟講都算係非常經濟實惠同好味， 我本人就最鍾意食佢嘅鰻魚同埋三文魚壽司啦佢哋嘅壽司新鮮就自然魚生飯都非常新鮮， 大大件厚切件甜蝦仲非常大條仲有兩條添呀， 記得枱面上面有兩種 豉油 一種係比魚生，第二種係比壽司， 唔好搞錯啦最後原來鋪頭有facebook promotion優惠， 只要上佢哋嘅facebook讚好同埋打卡就可以送一款日式小食料理， 我哋賺咗了 呵呵整體嚟講非常唔錯呢個價錢嚟講經濟實惠非常適合一家大細家庭朋友撐枱腳!Nice

深水埗好多好嘢食，今次嚟食日本嘢～以前有間嘢叫五十嵐成日會嚟深水埗呢頭食。但好似無咗有朋友介紹話呢間唔錯，咁啱陪媽咪去附近街市買餸就嚟食個午餐💕🔍雙色三文魚丼 $62大量蟹籽加上大量三文魚真的沒有不吃的理由🤣最重要佢一個價錢仲包埋沙律+是日小食+甜品+味噌湯/飲品。完全飽到夜晚個餐唔知食咩好🤣🔍刺身冷烏冬餐 $95一個午餐差唔多$100可能大家會覺貴，但係佢勁多刺身！三文魚2件、油甘魚2件，魚子墨魚1份，赤蝦1件，北寄貝2件。特別想講三文魚大件到係出面嘅一件x2，即係2件=出面嘅4件🤤另外一提，因為我鍾意熱嘢多啲，所以轉咗熱烏冬！大家如果寒底好似我咁就食熱啦🤣🍽7/10🔎 御品·千之味 (深水埗)深水埗荔枝角道390號C號地舖

今日陪老公行鴨寮街， 行到攰攰哋，見到有間日本餐廳，食日式lunch ，有前菜、沙律 、飲品、主菜同埋甜品，咁多嘢食都係$60至$98，仲唔使加一，見到咁抵食，所以入去試下。我哋叫咗壽司餐同埋蟹肉海鮮丼， 侍應好快就上咗沙律， 前菜有 粟米， 野飲自己去雪櫃攞，有好多選擇，有罐裝、 有紙包，我同老公都揀左coke zero。先上壽司餐， 有海鰻、蛋、三文魚、吞拿魚 、 熟蝦、 紅蝦 、 蔥吞拿魚蓉三文魚手捲...。 刺身算新鮮， 好鮮味 ，壽司飯酸度適中， 蔥吞拿魚三文魚手捲勁多料，飽肚又好味， 絕對對得住88蚊嘅價錢有餘。跟住嚟咗蟹肉海鮮丼 有蟹肉、 蟹膏、 赤蝦、三文魚 同埋魚子。 蟹肉講真就真係一般，但啲蟹膏好正、好正！ 三文魚同埋赤蝦都好新鮮， 魚子鹹鹹地，送飯一流。最後仲有兩件蛋糕仔，作一個完美嘅句號。

特地為了原板海膽而來千之味的。之前朋友介紹這裡的特盛御品丼，豐富的魚生丼上，竟然還要多加一整板海膽，讓我一看難忘，總是希望找機會來一試。晚上8時左右到，要稍為等一下才有位，眼看餐廳都食客滿座。在門外等的時侯才知道原來這家餐廳都有在做晚市放題呢，價錢是$288，跟一般的放題餐廳沒有太大分別，不過最重要的是這裡沒有時限，不用趕著食。終於能入座，雖然一心想來食特盛御品丼的，但看到MENU上各款丼有不同的配搭，看上去都很吸引。點餐後侍應先送上味噌湯和沙律。特盛御品丼($198)單看賣相已經令人食慾大增，原板金黃色的海膽﹑原隻切片鮑魚﹑立魚﹑甜蝦﹑魚子及吞拿魚蓉擺在一起，十分吸引。先試海膽，顏色很漂亮，完全沒有變黑；而質地亦很完整挺身，不會有糊掉的感覺。食落鮮甜香濃，配飯或單食都讓人回味。鮑魚煮得很軟身，有嚼勁而不難咬，帶點甜味。立魚味道偏淡，加點醬油才能提起其本身鮮味。甜蝦為沒有帶頭的，肉質軟滑，食落好鮮味。而魚子跟吞拿魚蓉對我來說，都是伴飯食的佳品。再加點醬油，味道和口感更為豐富。蒜香辣雞翼(另加$10)蒜香雞翼外層稍為炸過，都蠻有蒜味。裡面肉質細滑，$10有2隻都值得一試。最後還會送上檸檬

還住深水埗的時侯經常都看到這家日本餐廳，還以為只是提供晚市放題的。這天經過才知道除了放題外，還有單點的晚市套餐可供食客選擇。看一下menu選擇都蠻多的，而且賣相都好吸引，於是便入內一試。餐廳店面不算太大，眼看大部份食客都是為了放題而來的。稍稍看過放題的menu，選擇都好多呢，而價錢也不過是$288，最重要的是不限時間呢。我則是為了魚生丼而來，魚生丼的選擇都很多，而且每款賣相都很吸引，材料很豐富。點套後侍應會先送上小碗的沙律，清新一下。這次試的是蟹肉海鮮丼($118)，材料有蟹肉﹑蟹膏﹑赤蝦２隻﹑三文魚2片和魚子。餐廳將蟹肉拆出，上面放了濃稠的蟹膏。雖然蟹膏份量不算太多，但都好鮮味。配上同樣鮮味的蟹肉，很是好味。比較意想不到的是赤蝦原來都好大一隻，肉質軟嫩，食落CREAMY。再加上JUICY魚子配飯，食完滿口都是海鮮的鮮味。隨套餐還會送上是日小食，今天是炸魷魚圈。這個小食就比較普通，不過值得一讚的是魷魚圈炸得一點都不韌，一口就能咬斷。厚燒玉子(另加$10)厚燒玉子小小2件，煎得層層分明，外層還帶點金黃色，賣相不錯。味道調味得剛好，帶點微甜。飲品方面套餐是包了味噌湯，或者可以自行到近門口的

好一段時間沒吃日本菜，這天同友人去了深水埗買電腦，順便食個飯，見幾多人介紹呢間日本餐廳，於是入去試下。原來餐廳晚市有放題，不過今晚不算好肚餓，所以沒打算放題，每人點了一個餐。我叫了一個海膽御品丼，有一板海膽、三文魚子和吞拿魚碎。個人認為海膽好新鮮，又多，最後都食不完。吞拿魚碎很滑和新鮮，沒有腥味，反而比主角更加出色。沙律都幾新鮮，沙律醬剛剛好不會少。麵豉湯略有失色，淡而不夠味。美中不足的是套餐竟然不包飲品。

有一日同女朋友行街行深水埗行完街諗下食乜嘢點知見到一間日本放題九點鐘後入座打卡有海膽食，我同我女朋友都超鍾意食海膽即刻入咗去點知原來樣樣都咁好食淨係講海膽又新鮮又甜其他唔使講樣樣都咁新鮮一定會再去過👍🏻👍🏻👍🏻👍🏻👍🏻

常說深水埗一帶很多美食，這天去西九龍中心買東西，就搜尋一下附近的餐廳。這幾年多了人吃丼飯而不是單純的點壽司吃，因此多了專賣丼飯的專門店，而驚喜地發現在深水埗藏了這間高質的日本餐廳。御品海膽丼是招牌丼飯之一，包括了海膽、魚子、和吞拿魚蓉，海膽有足足一板，非常新鮮，附送的紫菜配海膽，大減膩度。另一款北海六式丼，有七款海鮮，分別是海膽、赤蝦、吞拿魚、三文魚、油甘魚和馬刀背，另配玉子粒，啖啖都是肉，新鮮又肥美。套餐還有麵豉湯和沙律。

朋友在西九龍中心開了小檔口，這個星期日就前來為她打氣。當然，支持還支持，我們還是決定先醫肚，雖然天氣開始轉達涼，但在陽光普照的情況下，天氣還是很熱，不想走得太遠，就到附近的餐廳吃吧。 無意間發現了一間日本餐廳，lunch set選擇非常多，價錢由HK$58 - HK$178不等，已包括主菜、沙律、是日小食、飲品/甜品。 沙律口感清新，只是味道有點偏鹹。飲品可選擇雪櫃內的罐裝/紙包飲品，不過，最後我還是點了味噌湯，味噌湯味道較清淡，湯沒有什麼豆腐粒或紫菜配料。 小食是炸薯圈，外層炸至金黃色，入口超級香脆。 三色丼賣相不錯，三色丼內包括了三文魚、帶子三及文魚子籽，三文魚膄香肥美，口感嫩滑，三文魚籽晶瑩剔透，爽口清新，帶子味道鮮甜，結實中帶Q彈，佐飯一流。 溫泉蛋鰻魚飯廚師大頭蝦，忘了放上溫泉蛋，幸好被我們發現了，後補上來，鰻魚挺肥美，帶有油脂香味，配上甜甜的蒲燒汁，以及溫泉蛋蛋漿的甘香，讚。 甜品是慕絲蛋糕，細細件，口感香滑，一啖吃下挺滋味。