御品·千之味 (深水埗) (已結業)

平時去開西九龍商場行街既時候，都會路過呢間日式餐館，見到佢平時都好多人👨‍👨‍👦👨‍👩‍👦👩‍👩‍👦。上個禮拜，見到客人唔算多，就入左去試下我同我朋友各自叫左個烏冬套餐啦，分別係壽司烏冬套餐🍣🍣，鰻魚手打烏冬套餐🐟🐠。先講講個烏冬🍜，麵質彈牙，味道清香。湯底味道略濃，但唔會話好鹹而且隻半熟蛋煮得剛剛好😍其中一個主角就一定係呢款炭燒鰻魚🐠，炭燒既香味一上枱就飄揚出去，真係流晒口水🤤🤤魚肉結算，唔會煮到散散地。個醬汗亦有不錯既醬油味💓壽司款式眾多，所以就唔逐一細講啦🙈🙈，魚生沒冰鮮味😍，飯亦都好結實，唔係一夾就散既貨色。味道尚算鮮甜，份量亦多🍣🍣🍣另外，我點可能唔叫個香口又惹味既雞中翼呢👻👻佢地既雞翼已經拆左一條骨，所以咬起黎啖啖肉，超爽最後，佢地仲送左兩粒麥提沙食，嗯都算唔錯😂😂😂最後，我覺得呢間日本餐廳都幾岩行完街街去食，畢竟價錢相宜，位亦坐得舒適😉😉

抱著之前訂過網購，覺得店內刺身都不錯。現在新推288 任食任飲，不限時吸引，與6位好友去放肆一下店內比較小，應該是我吃過最細面積，有點擔心，坐位比較迫，冷氣正常。建議一定要訂位。有圖有真相，今次先點串燒先試一下，所以只點2串share, 估不到比我們想像中出色。燒蝦很大隻 最正的是豬肉蕃茄卷，完全一個人食2串，所以最後我們再追加10串。 完全癲了串燒醬汁蠔第1次這樣食，很不錯，蠔表面乾身，蠔肉內仍很滑，味道不錯，有追加雞軟骨串燒，正常普通。他他牛肉，要同生洋蔥同吃味道更出燒玉子難得自家制，不是來貨的，見到中間少少燶，但很香很好味。牛扒居然做到中間嫩，5成熟很不錯連殼燒蠔都不錯，大大隻。刺身正常，比較出色刺身為：油甘魚，劍魚腩，帶子，白玉豚，鯛魚，赤貝（爽甜），吞拿魚，赤海蝦（堅大隻）。燒魚干很惹味，追加了3次火龍卷很漂亮，炸蝦即製所以很熱，壽司很好吃。飲品最搶手係地道解茶，地道烏龍茶，可樂，memo蜜桃茶，檸檬C+重點食剩一件$10 千其不可以浪費！

今天途經深水埗，見到好吸引及最愛的海膽丼，而且價錢合理，一於試下。餐廳簡潔又不會太迫，侍應姐姐好nice，特別提醒不同醬油的用法，啡色樽供壽司用，而白色樽供刺身食，第一次食日本野有分醬油的食法， 竟然在深水埗區......我們叫了2 份套餐，分量都相當多，包括沙律，玉子，海膽丼，飲品及甜品。另一份包括沙律，手卷，照燒雞扒手打烏冬，飲品及甜品沙律菜好新鮮加上魚子配搭剛好，玉子味道剛好，手卷紙菜好脆。我的主菜來啦，見到板海膽實在興奮，對我來講，飯好大碗，海膽好新鮮加上魚子及吞拿魚，全部都係我的最愛，而且佢的飯軟硬適中👍👍👍👍照燒雞扒手打烏冬，雞好滑，加埋葱食更香，鳥冬上還有至愛的溫泉蛋朱古力糯米，相信係自家制，外面上朱古力粉未，味道適中又唔甜。

去日本之前搵下好嘢食，要食日本嘢做定熱身。今次嚟到深水埗一間叫做御品千之味嘅日式餐廳，聽朋友講話幾好味，今次決定試下。餐廳環境唔算好大，但坐落去都幾寬敞，重點係好快就有位。見到啲海鮮魚生好吸引，有定食嘅選擇，定食包主菜、沙律、玉子、甜品同埋麵豉湯或者飲品，但係我就畀另一個御品丼吸引左。御品丼做緊半價129蚊，有海膽魚子同埋吞拿魚碎，另外附送麵豉湯同埋沙律，望到都幾吸引。海膽份量都幾多，好新鮮，賣相亦都幾光鮮，另外仲有魚籽。魚籽嘅口感唔錯，再加埋吞拿魚碎，層次味道豐富。另外仲有麵豉湯，麵豉湯有味得嚟唔算太鹹，作為前菜係唔錯嘅選擇。仲有沙律，沙律有三文魚籽同埋新鮮蔬菜，連埋番茄好豐富。除此之外仲有其他半價既餐，例如海膽帆立貝丼、釧路丼等等，下次有機會都想試下。不過今次一個人好難食太多嘢。最後埋單一百四十幾蚊，呢個價錢如果唔係深水埗都食唔到咁平，好豐富嘅一餐，整體都幾滿意。

上星期陪家人去深水埗買野，順便食埋晚飯。我地去左荔枝角道近警署既一間餐廳［御品·千之味］🍱🍱🍣🍣店內不大，設計簡單餐廳食品選擇都幾多，除左有做緊優惠既半價丼飯、定食（壽司刺身、拉麵烏冬），仲有不少串燒添🍣🍱🍜🍲🍢重點係百幾蚊就有一個套餐，已經包主食、沙律、甜品、湯/飲品，望落都幾抵食～沙律：蟹籽粟米蔬菜 壽司餐 $108數數先知原來共有11件壽司咁多三文魚、蟹籽、赤蝦、熟蝦、白玉豚、吞拿魚、玉子、油甘魚、鰻魚、三文魚吞拿魚蓉手卷而且件件都新鮮，唔會似超市買到既硬冰冰壽司一樣當中以手卷最特別，將三文、吞拿魚mix埋咁食都好夾鰻魚手打烏冬 $103師傅好細心將鰻魚分開上，避免熱湯影響鰻魚口感鰻魚份量都不少，燒得剛剛好。滑溜溜既溫泉蛋比烏冬更吸引蟹籽手卷 甜品係朱古力糯米糍講漏左添，餐廳的飲品係自助式的，落單後去門口附近的冰箱揀就可以喇，幾方便有個不足係餐廳座位不多，如果一班朋友來吃最好預先留位喇～

星期六同老公去黃金買電腦，之後去了鴨寮街買mon貼，行經這間在荔枝角度的日本刺身店，順便入去食個午餐。餐廳主要以刺身丼及定食為主，全部都配沙律、小食、甜品及湯或飲品。蟹子沙律及麵豉湯沙律菜爽脆，撈上蟹子及沙律醬；麵豉湯比較淡，不會太咸。蟹柳沙律手卷珍珠飯煙韌，蟹柳及沙律醬放在面，紫菜較腍。玉子燒新鮮熱辣，很有蛋香。日本豚肉手打烏冬烏冬煙韌，湯底是鰹魚湯汁，非常鮮甜，表面舖上洋葱炒過的半肥瘦豚肉片，旁邊還有些粟米及木耳等。三色丼有三文魚、帶子、魚子，下面是珍珠米飯，三魚文色澤鮮艷，味道爽甜；帶子應是開邊，味道尚可，加上鰹魚汁豉油，味道更鮮。

平時行過都知呢間野抵食，今日落大雨，門口唔使排隊，見有位即刻坐低試吓。平時見佢價錢都合理，估唔到坐低見到個餐牌先至咁抵食做緊半價。御品丼 $129，咁我梗係試吓招牌菜啊！呢個價錢有一個丼飯，仲送埋味噌湯湯同埋沙律，真係見到都開胃。御品丼 即係有 海膽、魚子、吞拿魚碎。賣相真係OK，見到有成版海膽。我個人覺得海膽 size 大細唔係問題，最緊要就係鮮甜同埋唔會有腥味。呢版海膽合格，仲好細心咁有紫菜，我就可以包飯食喇，口感一流。魚子 粒粒晶凝通透，入口好似爆發嘅感覺。吞拿魚碎，口感軟綿綿，味道一樣鮮甜又肥美。整體感覺還不錯，唔知道優惠做到幾時，我估我好快會來再食多次！記得問吓店員打卡有小食送

提起深水埗餐廳，相信大家都會有唔同嘅推薦。但係日本餐廳就相信比較少啦。今次呢間餐店係誤打誤撞入到來的。由於人數唔多，只叫左兩個set淺嘗一下。第一個係御品鰻魚手打烏冬($103)，而另一個係壽司餐($108)。兩個都係跟沙津，手卷，甜品同埋野飲。由於個日冇玉子手卷，俾左蟹籽手卷替代。 先講沙津，同出面食到嘅分別不大，有沙津菜同埋胡麻醬，但菜幾新鮮。而蟹籽手卷蟹籽分量幾多，幾爽脆。飲品就自己係雪櫃到拎，幾多選擇下。壽司餐方面，分量超過十舊，有唔同選擇，飯濕度適中，配上佢地特登為壽司而做的昆布豉油，味道不錯，亦十分有心思。鰻魚手打烏冬嘅鰻魚就十分厚身，食落去味道十分濃，分量分分鍾比起出面一個鰻魚飯多。但美中不足係鰻魚皮有D厚，食落有D韌。烏冬麵方面，麵食落都算彈牙，湯味道較清淡，同濃味鰻魚食落十分夾。最後以一口小甜點結尾

經過深水埗警署見到呢間，午餐既set都幾扺食6x~8x$就包：沙律，主食，小食，飲品/味噌湯嗌左個三色丼，有三文魚，帶子，魚子每款都係厚切，而且有成4-5塊，好滿足!三文魚超厚切，三文魚控不能錯過!而且份量好多又新鮮!帶子都係厚切，帶子鮮味纏繞囗中好滿足至於魚子，本身就不太興趣，總覺得好咸!絕對不能獨自進食，最好撈飯食但呢個又唔咸喎!直接食都可以!先來個沙律，份量好多又足料!今日小食係芝士年糕!好喜歡，利申：煙軔控外層炸得好脆!內裡都係滿滿既芝士!最好在芝士未凝結前，趁熱食，好香芝士友人叫左個什錦魚生飯，有好多款魚生在內：吞拿魚容，甜蝦，響螺，玉子，魚子等，岩晒唔中意獨沽一味既人，這個還可以，可以再新鮮啲!有螺肉!多款魚生!正竟然呢度會供應兩款甜豉油同昆布豉油，可見其認真!分別點唔同食材!想讚既係竟然有得揀茶，唔係好多餐廳都有!好貼心，加分加分!來解腻解渴，正最後以朱古力糯米池作結，畫上完美句號!甜甜的甜品

喺深水埗買電腦用品，買完之後想搵間好嘢食，經過呢間日本餐廳，門口見到幾抵食，於是試下，之前都未試過。餐廳嘅環境間隔簡單，電視螢光幕顯示有唔同嘅食物款式，見到有壽司蛋糕，好特別，真係未見過用壽司堆砌成蛋糕，下次朋友生日一定要帶佢嚟試。我叫咗個吞拿魚蓉飯，份量超大，除咗好多魚蓉之外，仲有好多魚生，有吞拿魚、三文魚、大蝦、三文魚，幾新鮮，賣相都好吸引。另外叫左個壽司餐，壽司餐好豐富，有大概十款野食，包括蟹子軍艦、三文魚手捲、三文魚壽司、鮮蝦刺身、玉子壽司、蝦壽司等等。就好似迷你十全大簋咁，色彩繽紛得黎又非常吸引。定食包一個餐前沙律，同埋一杯嘢飲或者一碗麵豉湯。我揀咗紙包飲品，另外仲有啲汽水嘅選擇。另外仲送甜品，食埋甜品真係超級飽啦。埋單200蚊真係好抵食。

好耐無去行西九，對上一次黎係用年黎做單位🙈，所以今次就衝出西九，行埋附近啲街道，順便覓食💁🏻‍♀️行出去無耐，到警局對面條街就見到呢間日本餐廳，見價錢親民就入去試試😇可能因為時間尚早，所以無咩人🤔 環境唔係話好靚，但都企企理理，帶點日本風而其實foodpigss🐷🐷入黎係因為見到啲刺身丼飯半價😍 仲係最愛既海膽所以就叫左呢碗御品丼（$129）刺身包括海膽、魚子&呑拿魚碎，份量絕對唔少！當中海膽有成板😱，雖則唔係話勁鮮甜，但都唔錯，起碼無腥味，加上有充足既紫菜包住，性價比不俗另外，menu都有講明係包味噌湯味道係唔會過咸，都幾好飲仲有呢個沙律🐷🐷最滿意係佢有好多蟹籽😚 襯埋豆腐真係好match，餐前食係最岩不得不提，野飲係自己出去隨意揀一款，種類都唔少其實勁想飲汽水，但努力戒緊有糖既野飲，所以解茶就最適合不過Btw. 個人最欣賞係店內既豉油有分甜豉油（for 壽司）&好少見既昆布豉油（for剌身），真係唔係店員咁細心講解都無留意，值得加分

假期難得個女肯陪我逛街， 西九龍中心買完衫， 經過這間日式餐廳， 門口招牌吸引，肚又餓, 入去試。午餐種類有很多選擇， 烏冬、 壽司、 冷麵、飯…… 價錢唔貴 lunch set 有沙律， 味噌湯/雪櫃飲品 二揀一，玉子和甜品送2個人， 可以揀到味噌湯和飲品一盒玉子捲蛋肉厚味甜，可惜太少了壽司餐 88元有11件咁多， 三文魚、油甘魚、白玉豚、赤蝦、吞拿魚、 熟蝦 、鰻魚和三文魚吞拿魚蓉手捲， 一次過可以樣樣試到， 超值！超值而且質素好，鮮味 御品鰻魚手打烏冬 83元手打烏冬特別煙韌， 溫泉蛋滑滑， 鰻魚意外的好食， 汁和肉燒得好靚，仲有手捲送， 啱曬個女大胃王最後兩個顆小小朱古力糯米糍完成這個超值午餐。

突然間好想食日式料理，臨急臨忙搵餐廳試下。經過一輪比較之後，最後就簡左呢一間。一入到鋪頭，店員都好好笑容，又好有禮貌，個種感覺真係有啲特別，差啲以為自己去左日本。周圍既環境都舒服，坐得寬落，坐得覺得好relax。坐低之後緊係拿拿林寫野食啦。角切魚生飯套餐咁我就叫左一個套餐，價錢唔算貴。一個套餐有一個主食、沙律、玉子、甜品，加一個湯或者飲品。另外再可以以十蚊追加啲野食。首先黎既係前菜，姐係沙律。沙律有生菜、花椰菜、栗米同一小撮蟹子整成，混有少許沙律醬。沙律啲菜都算新鮮，咬落爽脆，沙律醬個味真係令人食慾大增。啲蟹子係個口到卜落卜落爆開，個種感覺真係好過癮。個味噌湯味道唔錯，廚房調味調得幾好，個湯飲落唔會好咸。飲落去，滲出淡淡的味噌味。等左一陣，主角終於出場，我最愛的魚生飯。魚生飯有青瓜、玉子、吞拿魚刺身、油甘魚、大大粒既鮭魚子同一隻甜蝦。先講左個飯先，有口感，好明顯會食到少少酸味，即係落左啲醋去處理。啲刺身色澤都非常之唔錯，夠新鮮，廚房就將刺身切到長方體形狀，食起上黎就易入口啲。總括黎講，味道無得彈。吉列炸蠔原本套餐應該跟個玉子，店員就話玉子無哂，所以轉左呢個。唔緊要啦，吉列蠔都唔錯。外觀

今日同女友行深水埗，肚餓搵野食，係網上發現一間平價既日式午餐，感覺吸引，我地決定試下。場內環境清潔，午餐選擇多，有十幾款揀。我地叫左鰻魚烏冬同三色丼。首先黎左麵鼓湯同沙律，湯夠熱鹹度適中，沙律蔬菜夠甜夠脆烏冬餐送粟米手卷，粟米夠甜，配上蟹籽唔錯。丼飯送芝士年糕，剛整起，夠脆而且芝士味濃！主角出場，三色丼！三文魚腩新鮮肥美，帶子夠厚同甜，配上大大粒魚籽配鬆軟日本飯，特別夾！到另一主角，鰻魚烏冬！烏冬夠彈性，湯算清甜，而蛋味濃，流心效果好！鰻魚夠大件，而且汁濃厚肉，食落起啖啖肉呀！我地食左咁多野先$171，而且唔收加一，抵食，下次會再黎惠顧！

和媽媽去深水埗買餸，路經此店子吃埋中午先反屋企🤗午餐set的沙律🥗都不馬虎，蟹籽爽口，菜加胡麻醬很好吃。喝面豉湯本一定一身汗，幸好冷氣足夠，不太熱。是日走運了，套餐玉子售罄，用芝士年糕替代呢，軟糯就是我最愛。三色丼88三文魚子閃令令，擺得真係好靚，三文魚和帶子也可見亦是新鮮的，特別喜歡三文魚的卜卜聲，拌飯吃是很滿足。壽司餐88擺盤幾好看，份量夠大胃女生吃，三文魚油甘魚赤蝦吞拿白玉豚熟蝦蟹籽鰻魚玉子樣樣齊，飯量適中，再加上三文魚吞拿蓉手卷更是飽足，美中不足手卷紫菜淋左。。甜品糯米糍朱古力口味喔！食後感：價錢定位不高，材料份量不少，魚生質素都ok，地方不大，但坐得挺舒服的，員工招待也不錯wo！