御品·千之味 (深水埗) (已結業)

今日陪男友去深水埗行街，大家想食日本野，係網上搵到一間評價不錯既日式料理-千之味，我地決定去試下店內新裝修，環境不錯。店內清潔。午餐款式選擇多，咩種類都有！男友叫左蟹肉海鮮丼，三文魚肥美鮮甜，蟹肉新鮮肉質彈牙，蝦結實有咬口，魚籽汁多飽滿，配飯一流，飯份量適中，有咬口，好食，沙律夠爽脆，仲有洋蔥圈同雪米糍，滿足我就食左壽司烏冬餐，烏冬彈牙，刺身又新鮮，配上熱熱既麵鼔湯，一流！我地食左咁多野先$231，都幾抵食丫！