御品·千之味 (深水埗) (已結業)

在深水埗行完街，晚飯時間很想吃日本菜，但這一區感覺甚少日本菜的選擇，上來OPENRICE搜一搜，發現這家評價不錯好！我們就來試一試吧！這裡除了放題任食以外，也有主餐牌及定食套餐選擇，我們選了一個壽司冷麵餐，和豚肉SHABU SHABU鍋。晚市定食附送前菜小食及飲品。壽司質素不錯，魚生新鮮美味，有驚喜！蟹籽沙律冷麵拌芝麻醬。冷麵有咬口，配料也充足，很不錯！豚肉鍋（味噌湯底），除了肉類，湯底已配備蔬菜菇菌類。豚肉賣相很吸引呢！而且不是一般平價豚肉片，不會有騷味。說實在的，食物價錢未必符合深水埗平民價，但這間有點質素的日本料理小店，而且店員態度親切，很值得支持！

早兩個月之前去咗呢間舖頭食三文魚放題覺得佢都有一定嘅質素, 所以今日都趁住放假, 近近哋帶媽媽去嗰度食晏晝. 今次見到有一啲丼物,同壽司set. 我就係叫咗壽司set, 十分豐富, 三文魚, 油甘魚, 白玉豚 赤蝦 蟹子 熟蝦 玉子 鰻魚 三文魚吞拿魚薯蓉手捲, 本來仲有吞拿魚壽司但係吞拿魚冇貨所以改咗新鮮帆立貝壽司, 帆立貝好大片而且厚身, 食咗十分滿足. 其實有好多依類型嘅日本餐廳, 都唔會有白玉豚壽司, 加埋油甘魚, 呢兩款魚都係會肥美啲, 入口近乎溶咁款。 赤蝦好夠肥美好creamy有啲令人陶醉嘅感覺. 老實講, 食依幾嚿已經開始飽. 我冇誇張真係款款都好新鮮! 而媽媽嗰個就係刺身冷烏冬套餐, 有三文魚同北寄貝刺身，另外仲有大大隻嘅赤蝦, 墨魚片及三文魚魚子. 仲有蟹子蟹柳冷烏冬, 其實啲刺身分量好足夠, 估唔到冷烏冬, 上面有好多蟹籽，近乎有手掌咁多，撈埋落啲烏冬食，好過癮！勁爽口！而且蟹柳肉都有好多，一啲都唔dry! 今日嘅安排, 媽媽表示滿意, 大讚呢一間嘢以為係平民化但係真材實料, 話下次可以帶埋啲auntie過嚟威威

夜晚食飯嘅時候經過呢間日本料理望到個賣相好吸引，價錢亦都好親民，就入左去食😍😍😍😍佢地d刺身丼真係好抵食，呢個set佢除咗有個飯之外，仲附送埋面豉湯同埋沙律俾你做前菜。👍🏻另外呢個聲就配左一個刺身飯，一個沙律，一個小食，一個甜品，一碗麵豉湯或飲品，呢個都係十分之抵食，但係冇頭一個咁吸引。😚😚😚佢除左有刺身飯或壽司之外，仲有好多款熟食既set俾d唔食生冷食物既客人，咁就算同朋友一齊黎食都唔會怕唔岩食👍🏻👍🏻👍🏻另外佢仲有shabu shabu食，但我就見唔到menu上有，可能要問問店員了。呢間日本料理真係超多食物選擇，全消亦都超級超級多款俾你揀，真係唔怕啱食。飲料都有好多俾你揀。👍🏻👍🏻前菜有胡麻豆腐，沙律菜，麵豉湯，賣相好好，亦都好新鮮好味。至於今日既小食，因為佢地玉子賣晒，所以就送左炸生蠔，好香口好脆，生蠔亦都好鮮甜。主角黎喇，叫左個刺身拼冷烏冬，刺身又大，又厚切，烏冬份量都多，超級正👍🏻👍🏻👍🏻另外呢碗刺身丼，刺身下面全部都係飯，啲飯其實都幾大碗，但係佢啲刺身都係厚切同埋都多件數，所以都幾抵食。😋😋😋萬眾期待嘅就係呢一碗一板海膽刺身飯，另外佢配埋d吞拿魚蓉，好鮮味好甜，海膽好新鮮，

嘩，都吾知幾耐無出去深水埗，不嬲知道多野食架喇！但一諗起人多，我就怕怕😆😆😆不過今日冇計，要出黎買電話卡！所以當然吾會放過呢個機會，響深水埗食埋個tea 先！我老公已即刻話係咪有間食成板海膽嘅日本野，我梗係二話不說馬上幫佢搵！🤓🤓🤓就係呢個喇！淨用眼睇都滿足$128有湯有野飲！係新鮮嘅，紫菜好脆！不過個湯就～～～～冇味的！完全想像不到點解味噌湯會冇味🙄🙄🙄我就叫左呢個下午茶！好扺食！但份量你預吾係多law~個麵夠凍，夏天食一流🤩🤩🤩

依排興北上食好東西，梗係要做足準備，就係去深水埗買返張電話卡啦，買完又係時候醫醫肚，去食返個又抵食又好食既dinner啦望望餐牌，一般定食70幾80蚊，dinner黎講算幾抵食，仲要有埋沙律，手卷，甜品，同味噌湯或野飲，而且選擇好多，無論想食丼又好，鳥冬又好，牛又好，豬又好，雞又好，魚生又好，總有一樣啱心水叫完餐等食，先到味噌湯，沒有特別，湯一碗再黎沙律，依個就不得了啦，芝麻醬再加滑一滑既豆腐，真係絕配，再加上面既蟹子，食落啪啪聲，正，沙律菜亦新鮮，有好清新既感覺入正題啦，主角1號出場，海膽凡立貝丼，我最鐘意既海膽呀，海膽色澤金黃，食落鮮甜無苦味，入口即溶，真係好幸福呀，而凡立貝都好新鮮，仲有個飯真係啱啱好，唔會太多，又唔會好硬，真係食完一碗想再食多碗男朋友叫既主角2號都出場啦，一板既海膽，但因為我唔多好呑那魚，所以我無叫依個，但當然忍唔住默默食男朋友既海膽啦，一不做，二不休，橫掂食開，唔爭在食埋三文魚子，嗱，我有用凡立貝做交換ga，三文魚子都好正，每一粒響口中爆開既感覺，真係忍不住想大叫：好好味呀，但基於我唔想失禮，所以我無咁做依餐食得好開心，又滿足，下次去開深水埗再encore

成日行過搭巴士 ，今日夜晚終於有機會試試。入左去之後愈黎愈多人。 呢度可以散叫/放題。 見到隔離 食放題 刺身大大舊 好吸引，但因為冇乜胃口 所以只係叫左魚生飯同串燒。魚生飯幾新鮮， 80幾蚊有咁既質素算唔錯。串燒叫左牛舌同汁燒蠔， 有失望😞 所以無影到。 店中員工好有禮貌，加分深水埗有咁既質素日本小店，實屬意外。

話說前一晚食左餐垃圾日式野諗住搵間平衡下心理仲要星期五晚難得準時早放緊係要去食好西 <3今次有人帶路不過間野同地鐵都有少少距離近住西九龍中心再落多少少南昌個邊開初入去坐低真心有D 驚驚因為間野一半做放題一半做丼飯，個下真係淆係一般放題級既刺身...話晒叫左個$258既御品海膽丼 lol服務員姐姐一開始放低左個wasabi同介紹左呢到會分開左食刺身同壽司既鼓油個下先個人定返D至少wasabi係山葵磨出黎唔係牙膏擠出黎D fd 鼓油都好有心思咁分埋沙律同個湯雖然外表睇落一般般但其實入口唔錯特別個湯應該無咩味精飲完唔會好咸，係咁飲水/茶主菜個丼飯有驚喜一上枱碗野真係同張相一樣多(講緊D料)大大板海膽(問完店員話係韓國馬糞海膽)即刻覺得抵返晒 XD仲要吞拿魚腩同魚子都唔少每樣就咁食左少少，唔錯跟手就落左少少刺身鼓油落飯到成碗混埋一齊食仲用埋D 紫菜整左個迷係飯團俾自己成餐飯真係好滿足平衡返早一日食垃圾既心理 ^^

同事今日last day,我地叫左壽司黎farewell 佢，唔覺唔覺原來都叫左差唔多100件。不過麻煩左要用　whatapp 落單，打曬自己要叫既食物，係就係麻煩d，不過好處係一定唔會錯。落完單唔駛1個鐘就送到了。即叫日整黎講算係好快了。壽司既味道不過不失，海膽花之戀d海膽都好新鮮，不過最衰無我最中意食既蟹棒，如果開party 既話，呢間都係唔錯既選擇不過最抵賺既係佢用住保凍袋同冰種keep住壽司既溫度

呢個衘品丼套餐，半價左，加埋一係$142就講下有咩食！ 套餐可以有餐飲或者麵豉湯,今日天氣熱,所以揀咗凍飲!原來+C都有出apple cider,味道幾好,係甜左少少！個雪櫃放既係正宗港式飲品，唔會揀唔落手！跟餐有個沙律上面有豆腐同埋蟹子，沙律菜驚喜地新鮮，分量都幾多 要讚！呢度仲有好多半價嘅選擇可以慢慢揀 日日食唔同款都冇問題！好！到個主角喇！其實衘品丼就係海膽三文魚子吞拿魚蓉飯！冇睇錯！冇睇錯！真係有完整一板嘅海膽!當然呢個價錢食到一整板海膽，都唔好諗住係極品貨。雖然海膽唔係超肥美，但係味道鮮甜，絕對係對得住個價錢，係推介之選!三文魚子大大粒， 有天然嘅鹹香味!最後一樣就係個呑拿魚蓉，其實個人對吞拿魚冇乜特別喜好。因為平時係一般餐廳，放題食到既吞拿魚質素都一般。唔肥美得黎仲會食落有渣。 不過呢度食到嘅吞拿質素比較好，就算係打成蓉，亦都食到本身的魚味同肥美，令我對吞拿魚蓉係一般平民餐廳既質素改觀。

今日係深水埗行完街，天氣有點熱，唔想食熱野，突然想起日式丼飯，咁岩經過千之味，聽講評價唔錯，就去試下。到門面已被廣告吸引，已被海膽吸引，就試下御品丼！除此之外，晚市仲有其他選擇，而且款式多！店內環境清潔首先麵鼓湯，夠熱，鹹淡適中。到沙律，生菜夠爽甜，豆腐夠滑，配上芝麻醬很開胃。到主菜御品丼，材料十分豐富，滿滿的。海膽份量多，新鮮，色澤不錯，甜味夠，好食三文魚籽份量足，色澤靚又飽滿，入口鮮甜甜！另外吞拿魚蓉微甜，冇腥味，配壽司飯一流最後連加一食左$284，間中食一次可以接受，因唔洗晒時間排隊，而且用料又新鮮。

在深水埗覓食，總是有一種花多眼亂的感覺，無他的，選擇太多，沒有說不好，只是無從入手而已。走著走著，我們來到這家叫做「御品 千之味」的日式餐廳，位於荔枝角道的小店，原來晚上為食物提供放題、丼飯餐、散點幾種選擇。對於喜歡丼飯的我來說，選擇丼飯也很正路呀，眼見丼飯的價錢原來也不算便宜，反正走入來就是想要吃丼飯，那就試試它吧。 先看看菜單，丼飯的款式也蠻多的，看了好一陣子，我選擇了「海膽帆立貝丼」。 原來這裡的豉油分兩款，一款是用作伴刺身食用的昆布豉油，另一款是配合壽司飯食用的甜豉油。我嘛，早已留意得到昆布豉油，相信整個丼飯都會用上它。 一份丼飯餐包括一客味噌湯，一客沙律，未有丼飯之後，先試試湯跟沙律…..嗯…..很普通吧。這時有點擔心丼飯的質素….後來一解煩惱，其實都不用庸人自擾，應該要給多一點信心。 丼飯來了，我的是「海膽帆立貝丼」，有海膽、帆立貝、魚子、蟹子、青瓜，雖然賣相不如理想，不過味道卻超越想像。海膽是來自韓國的馬糞海膽，甘香鮮味，帆立貝相當鮮甜，魚子大大粒超有口感，很愛咬落去「bob」一聲，然後品嚐到濃郁魚油味的感覺。把刺身拌勻飯，再加入點點昆布豉油跟Wasabi

深水埗有咁多美食，但係通常都係中式小菜或者茶餐廳為主，近日朋友推介我係呢區一間食丼飯比較出名嘅日本餐廳， 而且佢近排做緊半價優惠，喺openrice都有唔少嘅好評，所以就過嚟試下啦。店舖面積唔算大，座位嘅數目亦都唔算太多，不過勝在 人流去得好快，所以我哋唔使等好耐就可以有位坐喇。 店鋪裝修都算係幾唔錯，而且環境乾淨企理， 不過座位相對嚟講冇咁闊落，會同隔離枱比較近。我地每人個別叫個Dinner Set，我就叫左海膽帆立貝丼飯，再配送味噌湯同埋沙律， 價錢都係一百蚊鬆啲，如果對比起其他旺區嘅食丼飯餐廳嚟講，呢個價錢已經算係比較相宜， 價錢固然重要啦，但係更加重要嘅係丼飯刺身新鮮程度。大概等咗十分鐘左右就上菜啦， 當然要趁熱飲咗味噌湯，湯頭較為清淡，比較適合一啲冇咁鍾意濃味嘅人士，由於我就比較怕鹹同埋怕飲完好口渴，所以我覺得呢個湯都幾啱我飲，飲落去都冇乜味精亦容易入口。 至於沙律方面，生菜都幾新鮮，再配以百福滑豆腐同埋蕃茄，加埋百搭嘅芝麻醬 ，可以令我先清清味蕾先，食落都幾fresh。到主角海鮮帆立貝丼飯，整個飯嘅份量適中，飯面舖咗滿滿嘅刺身，絕不欺場，包括新鮮海膽，大大粒嘅帆立貝同埋魚籽

黎到呢間店食下日本野，見價錢好親民，d賣相又唔差就入去試下成板海膽既刺身飯都係129蚊，你話抵唔抵喇？😱😱😱😱係抵到爛！佢除左刺身飯之外，都仲有好多選擇俾你，唔食生冷野都得😼😼😼最吸引人既串燒又有，另外佢仲好似有shabu shabu架，非常之多野食揀👍🏻👍🏻👍🏻飲品選擇亦種類繁多，實有一款適合你👍🏻👍🏻👍🏻我同朋有就分別order左個刺身飯套餐，有前菜沙律，胡麻冷豆腐，麵豉湯，佢地d沙律菜幾新鮮，麵豉湯入面都好多料👍🏻👍🏻👍🏻套餐仲有款小食，今日就係炸蠔，口感都不錯，炸得幾惹味👍🏻👍🏻😲終於到最吸引人既主菜，d刺身都好新鮮，又唔會薄切，呢個價錢真係好抵好抵，最緊要係d刺身夠新鮮又有大件。讚👍🏻👍🏻👍🏻‼️

最近見幾多人介紹呢間野，所以都去試下。想揾間足料既日式餐廳，又想$100可以埋到數，我覺得呢到都算唔錯。價錢唔係只係包主食，仲有沙律，玉子，甜品，湯！真心飽！我同朋友一個叫C一個叫I，都好推介！簡單沙律，D菜幾fresh，沙律醬落得好足，蟹籽粟米既份量剛好。咬落爽脆爽脆。味噌湯味道係我飲過最好飲既，唔會太咸，好清！味道剛剛好。不過加兩粒我愛既豆腐就更好！玉子做得好仔細，切得好靚！甜度唔會過份。卷蛋實得黎都仲係juicy既。喜歡！朋友食既三色丼。我每樣都偷左D食。魚子好鮮唔會鯹。帶子勁鮮甜！三文魚不過不失。好喜歡佢係葉上面放左朵真花做點綴！令食既人心情都特别好。我就叫左個刺身配冷烏冬。天氣太熱真係唔多想食熱野！D刺身都好好味！特别係個墨魚魚子，好有驚喜！佢好香墨魚味，切細左好易食，同魚子又好夾！個蝦都好好味！fresh! 呢個甜品絕對係一個happy ending! 勁好食！雖然細細粒！但個甜度掌握得剛剛好！你叫我就咁點我都會想再encore呢個朱古力糯米滋！飲品種類都唔算少。服務好好。職員都好盡力介紹美食！

御品。千之味周五，森仔自己一個於深水埗食好西。深水埗，一向多平，靚，正既野食🤓今次森仔就搵到間御品。千之味。這間餐廳環境還好👌🏻可以容納大約20至30人。座位係用梳化，不過相對位和位間較緊密。而餐廳既裝潢十分新淨，亦很光猛😎😎😎同時餐廳既餐牌，圖文並茂，令客人清楚知道食物既賣相同大致份量，讚👍🏼👍🏼講反食物既質素先。其食物的性價比超高。森仔見到好多刺身丼，只需要在Facebook 打咭就可以獲得半價既優惠。平民既森仔就叫左御品丼，價值由原價258變到129，真係抵！點解森仔話御品丼又平又正？因為佢足足有一板海膽，再配上三文魚子和呑拿魚蓉🤤🤤🤤真係超級扺食！最重要個份量同餐牌上展示的圖大致相同，真係抵到一個點😍😍😍而海膽係十分新鮮，只有鮮甜味，沒有苦味！同時，配上紫菜和青瓜，讓客人卷埋黎食，正！森仔真係食到停唔到口。而三文魚子，同樣新鮮，在口中咬破時一點也不腥，反而有點置係大海的感覺🤓🤓呑拿魚蓉，相對上沒有什麼特別。不過，係正規正矩，正常的味道😂而佢係一個套餐，包味噌湯和沙律🥗。兩者亦十分正常，味道不錯！整體來說，御品丼以這個價錢，簡直物超所值。森仔一直會再去食。不過，好似聽說優惠做到8