御品·千之味 (深水埗) (已結業)

壽司餐 $108呢個餐有10件壽司、一件手卷！除咗主食之外，仲包埋沙律、小食炸魷魚圈、味噌湯或嘢飲～壽司新鮮之餘，份量亦很足！呢個價錢抵食！配送嘅沙律，甜甜酸酸，很開胃！店員有向我們講解，枱面上有兩款豉油，一款是專點刺身的，另一款是專點壽司的豉油。吉列日本黑豚 $128吉列黑豚的味道，完全能夠媲美日本所食過的味道，外皮不太厚，能保持肉質嫩滑，入口即融！另外椰菜更可以任意添加！客人可以即場磨碎芝麻，放入特配的醬汁。兩款主食到最後都有附上甜品。

又去咗深水埗覓食 今次食日本嘢入左間日本餐廳好得意 有定食叫之餘 又有做埋放題 見到隔離枱啲放題 質素相當唔錯好吸引但由於媽咪話佢個胃最近消化麻麻 所以我哋只叫定食就算未食得見到電視不停loop藍鰭吞拿魚丼既片 睇到流晒口水 好想食定食有沙津 麵豉湯同一款指定前菜小食 仲有甜品我哋揀咗壽司set同埋吉列日本黑豚壽司set好吸引 有吞拿魚,三文魚,鰻魚,赤蝦壽司等等 仲有三文魚拖羅蓉手卷食材都相當新鮮 吉列日本黑豚外皮炸得香脆 肉質軟淋 配珍珠米就最好味另外椰菜絲仲係可以無限添加Like facebook仲有小食送 當然唔執輸啦雞翼同餃子都做得唔錯 幾好味食埋雪米糍做甜品 又飽又滿足

歡送朋友去新的地方 所以臨時在一天預先預訂了一系列的壽司刺身本身店舖有提供一系列套餐 任供選擇這次我地選擇了精選刺身盛盒A但因為我地比較嘴調的關係我地選擇了散叫以下的壽司 火炙三文魚壽司火炙三文魚腩壽司三文魚腩壽司北寄貝壽司熟蝦壽司帶子壽司辣味螺肉壽司芥辣八爪魚壽司而且還附上不同的豉油 芥末以及大量的餐具最後我地6個人埋單$1340 平均$225食物質素當然是很不錯下單方式都幾方便 whatsapp 下單 然後payme 比錢運送方面 店舖會提供一個雪袋連冰種超級貼心

深水埗呢到有好多不同食店，選擇非常多，今次試下呢間日本菜定食餐，價位親民，食完令人滿足。 我呢個壽司餐 $88 (包主食 + 沙津 + 是日小食 + 甜品 + 味噌湯或飲品) 沙津是蔬菜沙津，伴上蟹子同粟米，最鍾意個沙津汁酸得黎好醒胃，有少少柚子香。 而味噌湯如果再熱D會更好。 是日小食係炸雞。 店內提供兩款鼓油，甜鼓油點壽司，昆布鼓油點刺身用，昆布鼓油味道會淡一D，唔會蓋過魚生本身的味道。 壽司餐入面有三文魚2件，油甘魚1件，白肉豚1件，赤蝦1件，吞拿魚1件，蟹子1件，熟蝦1件，玉子1件，饅魚1件，蔥三文魚吞拿魚蓉手卷。 個人最鍾意食油甘魚，入口好香魚油味，赤蝦大隻之外食落仲好甜，好厚肉，好鮮味，熟蝦肉質紮實彈牙，而饅魚微微燒香左，有點兒入口即溶的感覺，反而三文魚有一點失色，味道較淡，不過以整個壽司餐睇，性格比仍是很不錯，值得推介的。

今晚要去深水埗買野，順便可以食埋晚飯先返屋企，發覺自己都好耐冇系深水埗食飯了，呢次搵間日本野又有套餐價錢又大眾化。御品千之味有放題任食，定食套餐都有。定食套餐種類都有好多款，定食包括：主食+沙律+是日小食+甜品+味增湯/汽水。系facebook 打卡讚好就送一款小食👍饅魚定食鰻魚肉質肥美又夠厚肉又有口感，溫泉蛋夠流心又滑溜沙律菜又爽脆，麻醬菠菜又好好味。燒青魚天婦蘿定食，青魚燒到皮脆肉嫩，炸天婦蘿粉又不厚

今日突然想食日本野，朋友介紹有一間地道既日本野可以試下，見佢好似會做放題，覺得可能會一般般，質素麻麻地咁～-lunch有套餐，包野飲，野飲就係雪櫃既紙包飲品咁，冇其他熱飲提供。我叫左一個照燒雞扒定食 $60，免加一。-個定食都幾多野食，有小食，沙律等等，照燒雞扒都唔錯，好入味，又唔會燒得太乾，我成碗飯食哂！-食到最後仲有一個雪米磁做甜品，好滿足既一餐～朋友食魚生飯既comment都唔錯呀，所以話呢，個舖面其實係禾桿冚珍珠，性價比高既一餐午餐～

久不久便會來光顧這間日式餐廳，一直很想試它的放題， 奈何家人覺得有點貴， 因為他們認為可以在外面吃更好的放題餐廳， 但每一次都看到另人吃得很滋味！ 每位大概$318左右， 食物的款式真的比外面少， 但食物水準確是維持到。 特別是金菇肥牛卷、 一些串燒物類都不錯、 焗蠔、 壽司。 但清酒煮硯味道便認真痳痳地了， 幾乎完全沒有味淋和清酒的味道。 另外炸物如炸蝦的粉漿不夠脆身， 其他全部都非常滿意。 最後補充， 餐廳地方平民細小， 但服務非常棒！

今日同媽咪去左深水埗行街，一向都知道深水埗有好多野食，所以行完街，順便係深水埗食埋野~行行下比我見到呢間御品千之味，門口有本menu,見到佢有 lunch set, 款式都多，價錢都ok,就決定試下呢間雖環境不算大，但尚算整潔~Lunch Set包括主食，沙律，是日小食，甜品，味噌湯或飲品~如facebook讚like and share仲有多個小食送~多款Lunch Set最後我地點左照燒雞扒定食配溫泉蛋和鰻魚定食配溫泉蛋定食送到，好豐富，而且賣相都很美照燒雞扒定食d雞肉好嫩呀，加埋d燒汁，正呀鰻魚定食鰻魚好滑身，冇細魚骨，加埋鰻魚汁，暖暖地咁食，正呀雜菜沙律有沙律菜，玉米粒，蟹子粒，再加左少少甜醋撈埋食，特別開胃麻醬沙律菠菜好淋，食到好香既菠菜味，原來烚好左既菠菜加芝麻醬食都幾好食溫泉蛋都好新鮮，個黃好靚好黃，整碎佢，撈飯食正總結，整體食物質素唔錯，Lunch抵食，服務員態度有善，有下次~溫馨提示，此店只收現金

千之味黎過幾次，每次行過深水埗又想食日本野一定想起千之味。一百蚊內一個don set, 又沙津又小食又飲品又新鮮，仲可以邊度搵？ 每次去食都冇令人失望，今次亦唔例外。壽司set 已成為我必點，另幫女友點餐就會每次唔同，今次幫佢試蟹肉海鮮don. 蟹肉需唔及日本食過的美味，但咁既價錢已夠鮮甜，蟹膏比想像中野味，加飯野正！三文魚一d 都唔瘦，少少雪花似係魚腩位。櫻花蝦大大隻好甜。另外壽司set 仍然大件夾抵食。十件大大舊好飽。個人都好鍾意跟set 沙津，用左少量柚子醋汁，酸酸地好開胃。每次兩個人埋單都唔洗$200 食飽飽，下次會再黎幫襯。

放工同姊妹去食晚餐，見到OpenRice 好多好評，就去試下我們早去到，大約6:30去到，所以入都唔算多，但食到7:00開始人多。我們去簡單食個晚餐，但入去見到原來佢有放題，好似都幾吸引，好多人原來係去放題的！🤔簡單食個dinner ,都幾多款可以揀叫左個吉列黑豚，一個蟹肉海鮮丼，同姊妹share 食有前菜，飲品同小甜品個蟹肉海鮮丼係好食喎，好新鮮好好食😋黑豚肉肉質實啲，無咁肥，啱哂keep fit 人仕💃🏼有得食有得玩，有啲芝麻俾您讀散佢，再沉入啲醬汁度😆甜品有雪糯米糍😍

今日接男朋友放工，準備一齊食晚餐。行到西九龍，見到這間日本餐廳好多客人又未試過，就入去試一試。這間日本餐廳都設計用了日本裝飾，簡單又舒適有梳化及坐椅選擇，環境都唔錯；這裡有晚餐套餐（$88-108），更有日本放題，價錢$288一位，包了任飲任食，有埋海膽、刺身、日式火鍋等，好正咁。我們今次試晚餐套餐，點了：9號餐-天婦羅·烏冬·刺身套餐好大份，這個餐包了好多野食大碗烏冬配上粟米、木耳絲等配菜，簡單營養之選天婦羅熱辣辣上枱，即點即炸，有3款：粟米、冬菇、蝦，最特別是粟米，未食過的！刺身都好新鮮，有帶子、三文魚、北寄貝，好正又有口感沙律有多種款式沙拉菜、粟米、蝦籽（好健康喔）；另外有麻醬涼伴菜苗，喜歡它的爽脆清涼！3號餐：鰻魚定食好大份喔！有蔬菜沙拉及涼伴菜苗外，更可選麵豉湯或飲品；我最愛的鰻魚，這個燒鰻魚香又厚身、汁唔咸！溫泉蛋好靚的蛋黃，香香滑滑，配上日本芝麻米飯同燒鰻魚，好正還有甜品：是抹茶雪糕糯米糍

深水埗區近年開左好多新食店 越來越多好野食今晚同朋友都是約左深水埗食晚飯見到呢間日本餐廳有放題，又有定食今晚我們決定一人一個定食套餐一看 定食套餐已經覺得可以滿足我們的肚子因為套餐包左一個主食、沙律、小食、甜品同飲品飲品可選麵豉湯或雪櫃內的罐裝或盒裝飲料喜歡吃壽司的我當然點了個壽司餐有十款壽司：當中最愛三文魚同赤蝦魚生都鮮甜易入口不會很腥味點埋店鋪的壽司專用豉油加上感覺上係鮮磨的wasabi 微粒醬好正啊當被wasabi 攻鼻時，食返個清爽的沙律有蟹籽粟米同雜菜加埋日或芝麻醬清新好味今日的小食是炸雞粒肉滿不油膩 小小一口 方便食用朋友點了吉列日本黑豚定食吉列黑豚好特別出面好少有試了一件吉列黑豚真的與別不同黑豚炸得金香外脆肉味好濃👏🏻裡面的肉好juicy不會硬 很喜歡這種感覺如果想更有味道可以點埋燒汁先食還有一樣特別就是有個芝麻粒 可以自己磨芝麻 加落食物到 令食物更香口吃到飽飽 我們都好滿足差點忘記還有甜品原來是一冰凍的雪米糍總算為這個晚餐畫上完美的句號😋😋

今日去完深水埗幫公司買野行行下就見到呢間日本餐廳眼見都唔少人幫襯所以決定試下~餐牌都好多選擇!有飯有刺身等等而我就點左呢個冷麵壽司餐~壽司加手卷味道唔會好大雪藏味亦都唔會好冰刺身都唔會太薄好多野食小食方面係燒栗米  好可愛沙律比想像中新鮮同多冷麵份量唔少不過撈埋D醬之後D麵既味都係淡左少少如果可以有多D醬相信味道一定會更好由於個麵都好多下所以壽司同手卷都食唔哂如果唔係太餓2個女仔點呢個餐加其他食物都應該夠食P.S呢到D職員都幾細心會自覺幫你加水又有禮貌

難得黎深水埗，意外食到間CP值高gei餐廳- 御品千之味。星期六都有set lunch - 包主食、沙律、食日小食、甜品 同埋 味噌湯/飲品。———————————————壽司餐($88)-有三文魚、油甘魚、白玉豚、赤蝦、蟹子、熟蝦、玉子 & 鰻魚，仲有手卷，係三文魚配吞拿魚蓉。 件件壽司都非常新鮮，手卷入面，魚生&飯比例近乎1:1。鰻魚定食($88)-鰻魚燒到金香，配上燒汁，香口無比，唔好以為個碟分量好似好少，但其實都食到好飽。碗飯好特別，淋上芝麻粒，加添飯香味，又帶點咬口。呢度整gei溫泉蛋可以將蛋白同蛋黃各同樣size但又唔會分離。價錢大眾化，大約都係$60幾到$100到，只係特盛御品丼因爲有一板海膽，所以價錢略高，但都只係$178，真係好抵食。

今日同朋友去左深水埗一間小店食日本野 整體幾唔錯叫左兩個定食 一個係三色丼 一個係蟹肉海鮮丼三色丼有三文魚 三文魚籽同帶子 三文魚籽同我食開嘅唔同 唔會有平時嗰陣腥味 反而帶點甜 幾正 另外帶子雖然唔算大粒 但勝在好新鮮好鮮甜 整體上都好滿意 最特別係佢提供兩款醬油 一款係用黎拌飯 一款係用黎點魚生 用黎拌飯嘅嗰款醬油同普通嘅壽司豉油唔同 食完都唔會口渴 除左丼飯之外 一個定食仲有一碗面豉湯同一個小沙律 份量都接受 款色味道幾豐富另一款海鮮丼都唔錯 有兩隻大蝦食😋厚肉得嚟新鮮 冇乜腥味 佢嘅蟹肉都算多 撈埋啲飯食好正 另外仲有兩片三文魚同三文魚籽 兩款都新鮮都有味 整體幾好👍🏼食完仲有荔枝味雪米糍食 好豐富晚餐仲可以係facebook打卡換小食 叫咗個三文魚手卷 係少見嘅有豐富三文魚肉嘅手卷 所以十分滋味 另外叫咗份厚玉子燒 個人覺得煎得唔錯 帶點甜味😋