御前大江戶日式料理 (已結業)

係觀塘食午餐最唔好嘅地方就係冇一間好食嘅日本餐廳，同事嗰日講起話搵到個好地方，我哋決定等老細唔喺度嗰日就要去食。想到去先至知道原來自己已經嚟過呢度，上次係同朋友夜晚你食磯燒海鮮放題，已經好鍾意呢間餐廳，我哋今日決心嚟呢度食魚生飯！見到個餐牌已經流晒口水，我午餐上到枱更加不得了！真係超震撼超瘋癲！御前生盛 $128佢直頭俾咗一個用魚生來做嘅山比我！真係好似成座山咁！不過成座山都係吞拿魚茸，三文魚子，仲有好新鮮嘅海膽！平時冇壽司飯都幾難食到吞拿魚茸，不過今日真係忍唔住誘惑，一到就食咗幾啖，吞拿魚茸真係好新鮮，一啲腥味都冇，仲有鮮甜嘅味道，我忍唔住要劈開個山，因為我好想要個山裏便嘅壽司飯，原來佢最新奇嘅地方，就係喺呢一座吞拿魚茸山裏便收埋咗六大件壽司卷！係六大件壽司卷！仲有，帶子同埋三文魚刺身，其實我未食到一半已經想投降，但係真係太太太太太好味，我決定貪心啲要食晒佢！講真，樓下嗰間餐廳我都食過， 佢嗰間價錢好似平少少，但係絕對冇呢度嘅刺身咁新鮮，以呢個午餐價錢來講， 呢度直頭係超班嘅質素！雖然公司行過嚟遠左少少，不過絕對值得！

店舖位於亞太中心距離觀塘APM只有幾步之遙，中心地面層門口也有各種往來新界的巴士站，整棟中心也以餐廳及娛樂場所為主。御前大江戶佔了整層，入口登記處旁邊是整幅木柵裝飾，底部有些地台石作裝潢，配上吊掛的布旗，簡單日式風格。餐廳整層佔地面積很廣，整個店舖空擴無障礙物，一張張餐枱整齊排列，熱鬧非常。餐廳分為兩個放題時段，平日第二場八點半基本上也滿座，所以想一嚐的朋友，一定要提前訂位。每張二人枱均擺放了一部磯燒套裝、點餐平板，首次必需由餐廳職員點燃磯燒爐，之後大家可自行調整火爐。入座不久，餐廳必呈上首輪海鮮拼盤，海鮮盤包括帶子、蟶子、生蠔、鮑魚及蟹肉甲羅燒等，每件個頭不小，新鮮飽滿，肉質爽口彈牙，味道鮮甜。第二輪開始可由平板上點選，特別推薦刀貝，每顆大粒新鮮，鮮甜爽口。其他款式也不錯，可以都嘗一遍。刺身刺身有基本款選擇，包括三文魚、油甘魚、赤身、帶子、甜蝦等，質素高於一般放題。燒物燒鰻魚上桌熱騰騰，入口跟日式餐廳的無分別，入口軟熟柔軟帶魚香，encore之選。牛舌及菠蘿也是必吃小食，味道惹味而吃不膩。壽司壽司海鮮質素不錯，但飯的比例略多，吃太多容易飽肚，只能一嚐即止。炸物榴蓮炸彈：榴蓮炸彈外皮煙

哩間。放題已經食過兩次，兩次都食得好滿足，食物種類多，而且每位仲送海鮮，有蟹膏蓋，仲有鮑魚，扇貝等等。餐廳可容納好多客，服務員都做到手忙腳亂，但仍然保持笑容，態度良好，仲會教你燒幾耐，點燒先好食。上菜時間都快。飲品，雪糕種類多。這間都算有名氣，要光顧的話其實一般一定要預先book位，即場上去多數冇位，晚市有兩個時間可book，18:00或:20:45，如果預先book左，當日一定有位而且唔使再等，因為book左某一個指定時間，會一大班志同道合一齊同時進場。約330一位，價錢絕對可以一試

講起放題，黎到觀塘就好想再食御前大江戶，佢的磯燒海鮮好吸引，鮮味至極，今日就同朋友訂座過黎再食，地點又方便，就在地鐵站隔離。今晚7點入座，已經坐到满晒了。每檯都會先上一桶大大盤的磯燒海鮮，有蟹味甲羅燒，生蠔，蟶子皇，活帆立貝等，用牛油燒，味道好香。餐廳職員會幫手在檯隔離燒，新鮮即食。蟹味甲羅燒，份量大隻，餡料又多，有蟹膏蟹肉，蛋黃等，蟹味好濃郁，蟹膏入口即溶。燒帆立貝同鮑魚，肉質好彈牙，咬落好鮮甜，有淡淡的海水味，鮑魚肉有嚼勁。仲巾燒海蝦同馬刀甲,白沙蜆等，蝦肉鮮甜彈牙，係新鮮海蝦先有咁爽口的肉質。刺身系列，有帶子，三文魚，油甘魚，吞拿魚，翡翠蝦等，可以選擇的款類好多，新鮮即切，肉質嫩滑新鮮，可以叫到幾輪不停食。燒菠蘿，切片的新鮮菠蘿好多汁，清甜，有咬口，燒一陣熱熱地食令到甜度更加突出。海膽手卷，小小的一啖仔份量，但海膽份量稍細，飯的份量就比較多。火炙芝士三文魚腩壽司同左口魚裙邊壽司，飯粒入口煙韌，魚肉鮮甜，入口即溶。泰式生蝦，泰式辣醬味道好香濃，少少辣，生蝦好爽口，多汁鮮甜。芝麻雞翼，食放題必叫的，炸粉夠薄，外皮炸得好香脆，入面肉質嫩滑，一啲都唔乾身。燒鰻魚串，醬汁好入味，鰻魚肉淋身

聽同事推介, 午餐來了試OPC這間御前大江戶。我們一致點了滿瀉角切魚生丼。真係又好味又抵, 正到一個點!!! 滿瀉角切魚生丼一大碗的角切魚生, 多料到呢....仲有隻蝦....真係好新鮮好美味....角切魚生並不是細細塊, 而是大大塊, 食到啖啖肉!!!名副其實, 滿到倒瀉....絕對食到飽....飽都忍唔住要食埋佢!重料, 鮮味, 大推介! 心心眼....<3另外令人欣賞的, 芥末真的不是粉做出來的....好正啊!!!想說其他的Lunch都好吸引...必會再來食, 除了再食滿瀉角切魚生丼, 仲要試其他!!!好多人都只是夜晚來吃放題, 但個人認為lunch好正。仲要免加一, $78咋, 有咁正的美食!環境都好舒服自在....我們坐窗邊, 望著街景雨景, 好嘆的一個lunch。

呢度有得食自己燒同埋 放題初初book都唔知雖然佢冇希靈魚但係都幾得意 佢嘅服務超級好笑容有埋幫你燒埋雖然忙中都唔記得咗我哋因為第一次嚟唔知啲海鮮要燒幾耐最後都係燒到硬曬食完成個頭髮都臭曬不過佢啲魚生壽司真係幾好食畀埋啲嘢你自己燒真係幾好嘅idea佢個龍蝦伊麵堅係芝士味好好食魚生壽司都好新鮮加多30蚊就有清酒任飲如果你想有得玩有得自己燒呢度真係一絕放題中都算係nice價錢雖然比普通放題貴但係佢種類繁多食完所有嘢都冇胃食雪糕

同事之前去了亞太中心八樓的御前大江戶，她一直念念不忘，被她拉著我一起去。 午餐是不設放題的，只有set menu。Set Menu 由68 元至188元，算是觀塘區的中高價食肆。我們要對自己好一點，點選了甲羅之特選御膳同御前之山盛。午餐會跟味噌湯，加四蚊會有汽水。先來御前之山盛，我們已經準備好相機，不停影，多角度地影，個賣相真係不得了。最初同事不知道如何拆解這座魚生山，（請容許我用山來形容）每篤一下，旁邊的吞拿魚蓉會散開，跌出了木板外，最後向待應拿了一個碗子，把外層的三文魚蓉，魚子，海胆先拿走，足足可以盛了一大碗，山原來是由六個大大壽司卷造成，旁邊仲有三文魚及帶子，同事食完大讚好鮮甜及滿足。到我的甲羅之特選御膳，當然又是相機食先，整個賣相好有層次感。後面兩碗分別是海膽魚子魚生飯及蟹柳蟹子魚生飯。魚生新鮮，份量十足，每一口飯都可以配上海膽魚子的感覺實在太滿足了。前面就有牡丹蝦，三文魚腩，劍魚腩，帶子，生蠔，吞拿魚蓉配手卷。個牡丹蝦有手掌咁大隻，爽肉鮮甜。咀嚼三文魚腩及劍魚腩的時候你會感受到魚油溶入口中，很肥美。帶子及蠔加了少少檸檬汁，最後食埋個吞拿魚蓉壽司，劃上完美的句號。來多一個鳥瞰相

日式放題在香港已經唔係咩新鮮事了，間間的食物款式都差不多，但係「御前大江戶」就比較特別，可以食到磯燒海鮮。既然磯燒海鮮係主角，我就集中講磯燒海鮮啦。嘩這個係餐廳按人數（我地有5個人）提供的海鮮拼盤（非任食），有蟹蓋、蠔、蟶子、鮑魚、帶子。燒蟶子 - 肉質爽口、彈牙而且鮮甜，雖然有少少砂但唔算影響口感。燒帶子 - 帶子很大粒，啖啖肉，燒到剛剛熟真係好好食。燒鮑魚 - 原先擔心鮑魚燒好之後會很韌，但在店員協助下，肉質保持到爽口彈牙，唔錯。燒蟹蓋 - 高難度的燒烤食物，因為唔知點至叫燒好所以都係在店員協助下完成。燒的時候，加些少稀釋了的清酒，再連同蟹膏、雞蛋、蔥花等攪勻煮滾就食得。但食落比較咸，直接食的話味道就普通。燒蠔 - 燒蠔很好食，蠔味香濃，口感軟滑。但可能因為有海水在裡面，同樣係偏咸。有一部分的海鮮，是無限任點的。例如係鮮蝦和蜆之類。最值得讚的係鮮蝦很新鮮，上檯時仲識郁㗎。佢的肉質結實而且飽滿，有蝦的甜味，值得一食再食。這個清酒煮蜆，係要自己煮的，直接放在燒烤爐上面加熱煮熟。酒味唔會太濃，蜆肉吸收了清酒香味，好食！食得日式放題，點會無魚生和壽司丫。魚生的選擇都夠多，而且新鮮。三文魚、

第一次去呢度，睇 Open rice 好似好多讚，又話好抵，於是就去啦。去到環境麻麻，扮日本餐廳，但又好似唔乾淨。一坐低，就有盆海鮮拼盤，好新鮮，waiter 都有幫手燒，都好味。大致食物係幾好。到咗差唔多到鐘，d waiter 就不斷係度吹，好似欠佢地錢咁，好想趕走你，比人覺得好唔舒服lor....最後仲衰，放人入來，企係度，焗你走，有冇搞錯啊，茶餐廳咩....我們都係坐多10分鐘啫，唔使咁啊！呢d態度實在唔得lor......今時今日....服務態度係好重要嘅。吃物再好食都好，咁嘅服務態度就唔得lor...呢間餐廳大家都唔應該去，因為佢地都唔重視顧客，不應該助長佢嘅氣焰。😡😡😡😡我覺得呢個平台應該反映真實！本人不吐不快！

-磯燒頭盤新鮮大大隻，有專人幫手處理一下鮑魚扇貝，蠔，蟶子-沙律位乾淨企理，蟹柳蟹籽獨立任fill-壽司有特色，唔怕撞刺身款，飯量偏少，方便大家食多d唔既菜式-雪糕有甜筒，Mega，脆皮香芋雪條呢d可以選擇-加$5會多個蠔既放題種類，不過原先諗未必食到太多野，一開始無加，食量大既不仿試下佢-落Order用平板電腦，上菜效率幾好-走道寬敞，座位坐得舒服，環境整潔提前Book左星期日晚去大江户食放題，依然要係門口排好隊果然受歡迎，食物水準幾好，新鮮大大隻，頭盤磯燒既部分有鮑魚，扇貝，蟹膏煮蛋，蠔，蟶子一人一份，唔夠既仲有其他磯燒既選擇，有做額外收費既亦有本身放題既，任君選擇。一坐低即刻去左攞飲品同沙律，飲品如咸甘桔呢一類都有細枝裝，隨時轉口味都會較少浪費另外沙律既部分蟹柳仲有蟹籽係獨立出來既，特別鍾愛既人可以好似我咁加多d，又或者獨立攞一堆來食都無問題，而且保持住乾淨整潔，平時如果見到呢d位置如果沙律汁飛到周圍都係，多數都唔會攞呢類沙律，難得今次少有咁攞左一盤返埋位。返到埋去枱面已經放好左一開始落Order 既刺身，刺身夠新鮮，唔錯唔錯，值得一提既係壽司既選擇比較有特色，而且飯量會偏少，唔

以前的觀塘一到晚上那有生意！今時今日旁晚時段6:00已經爆滿？早段已經爆👍開始食野：飲品選擇多，不是平貨👍有個自助小食吧，只有2款！叫野食用平板落單👍上菜都係快👍刺身蝦好大隻，有蝦味，燒海鮮到了我的至愛，款式多，用貴貨海鮮，不是一般平價海鮮，有服務👏有人幫你燒🔥正，所以海鮮都好新鮮，不用調味，燒的員工也很專業，燒得剛好👏👍其他炸物也不錯，不是我的喜好，最後送上一個壽司蛋糕（免費）🙏甜品雪糕自取，也是用靚野（無取）我的寶貝女們當然不客氣，非常好的一個開心晚餐（不用追野食

這是性價比極高既一間海鮮放題，就算book 左檯都要排隊入座。一入到去就自動有人放一份唔係無限order 既海鮮，ready to 磯燒！Wow! 有聖子，大大隻既廣島蠔！scallop, 鮑魚，北海道蟹蓋，超豐富呀！未燒先興奮！也可以自己用iPad 落單order 其他海鮮，種類也繁多！一班人gathering 唔怕冇野食～也有instruction 教客人如何磯燒才最好味！無限order 的iPad menu, 限時兩小時！刺身很新鮮咁多咁正既磯燒海鮮海題都唔駛四百一位，很超值！

今日同朋友在觀塘行街，心血來潮想食放題，記得在亞太中心好似有幾間選擇，我地揀左這間御前大江戶試試，來到餐廳地方真大，富日式的裝潢，整體感覺舒服，完全沒有擠迫的感覺。點餐前到自助區逛一圈，都有幾多選擇：熱菜有鴨胸西蘭花、燒汁魷魚鬚；涼拌皮蛋青瓜、韓式牛舌、和風雞腎、泰式鳳爪、西式沙律味付海蜇、辣味魚生杯和吞拿魚蛋沙律；忌廉蘑菇湯和雪梨木瓜煲雪耳；還有多款新鮮水果。我隨便揀左啲試試。用上平板電子落單方便又環保，點餐的同時，店員好快就把浜燒的海鮮送上，並問我們可以開始燒嗎，放題都有人服侍，真好。浜燒的海鮮有鮑魚、帆立貝、蠔、蟶子和甲羅燒。店員把鮑魚肉先起殼，並放到帆立貝的殼上一同燒，燒出來更香更鮮。蟶子好巨型，肉質稍微有點韌；甲羅燒好吸引，把所有材料拌勻，味道鮮味香濃，叫碗飯就啱曬。刺身：刺身我們叫了天然赤身、油甘魚、劍魚腩、象拔蚌、赤貝、北海道帶子，刺身質素都不錯。壽司、壽司創作：我點了睇相比較特別的豆紙蟹肉牛油果醬帶子、海鮮海膽拌飯釀紋甲魷魚和風乾肉眼卷蜜瓜明太子醬，都幾得意，大膽創新。還試了火炙壽司、軍艦：有蟹膏蟹肉、岩鹽左口魚邊和芝士鰻魚黃金盒子，很喜歡左口魚邊，火炙過後油脂豐盛，入

兩三年前黎食過一次放題，覺得質素五錯，今次剛好要請朋友食飯，於是又林到呢間日本放題。前一日訂座時講明系要訂$228既放題套餐（食2.5小時），仲問過系五系，都答話系，咁當晚餐廳既人都WhatsApp我請我confirm一次。結果第二日朝頭早睇部分食評話會有呃人既情況，心血來潮就WhatsApp confirm多次我訂既系咪228一位，結果被告知我訂左288既放題套餐....大佬我真係從來都無講過我訂既系288咯....好彩當日都即刻有得改，咁都無所謂啦，但想再做好d就真係要搞清楚每個顧客訂既套餐。番翻正題，呢間放題有兩個套餐，$288比$228多既就係每人有一份時令磯燒海鮮（蟶子、鮑魚、扇貝etc），我地都係想去食刺身就無揀呢個。點菜系用ipad自己揀，非常方便，而且五會好似有d放題上菜慢又會特登少上比你，都非常有效率。出面還有前菜區，甜品區同野飲可以自己lor，選擇都好豐富，自助沙律，壽司款，涼菜，水果，湯，茶等等基本既都有齊曬，比起兩年前黎真係多左野，雖然五系話好好食，但放題有更多選擇始終都係開心既。消毒紙巾好搞鬼菜式方面都五算少，刺身有八九款，我地就梗系食三文魚多，三文魚都好滑，

相信御前大江戶大家都有聽聞過！仲唔到親身來試試，真係名不虚傳！個磯燒set 豐富到爆！個魚生sashimi bowl 每一片都肥美到chi sin ❤️ 我地幾個女仔加一個小朋友每一次食，見住d海鮮真係唔識燒，唔知點先算係熟，舉手求救，有位待應哥哥出現拯救我地（應該係怕我地d食物燒到變炭 😆) 講解點燒同幫手處理，仲好有心間唔時過來check吓，講真，現場超full ，好多人，所有工作人員都好忙，真係好感謝佢咁好人 ❤️問佢會唔會星期日晚冇咁多人，但佢話日日都多人 😆最驚喜係叫咗d 鍋物，心諗放題食物，水準一般都接受，點知個牛肉鍋同魚頭鍋黎到，個湯竟然好好飲！ d炸雞翼又好好食，係新鮮炸！！！小提示：小童身高要係140cm以下先有小童價。