御前大江戶日式料理 (已結業)

今晚來了平時很少到觀塘，記得曾經來過御前而且記得印象不錯，所以決定再次來這裡晚餐。當時閒日時間7時，幸好時間尚早不用等位。每位$248加一，限時2.5小時。地方好大，未入門口已經聞到磯燒味道，原來每枱會按人頭送海鮮呢，有鮑魚、蟶子、甲羅燒、凡立貝和蠔。自助區有冷熱飲品、甜品、雪糕、中西式湯水（湯很淡和稀）、各式前菜小吃，例如海蜇、鴨腎、牛舌、沙律、少量壽司、熱盤菜式等等。但當然自選任食才是主角。餐廳有電子板自助下單，清晰又方便。刺身：天然赤身、油甘魚、劍魚腩、象拔蚌、赤貝、北海道帶子 - 當中的天然赤身最有驚喜，來到時原來是粉嫩的拖羅，入口滿有魚脂香，筋位香甜，很滿足。壽司、壽司創作：豆紙蟹肉牛油果醬帶子、風乾肉眼卷蜜瓜明太子醬、海鮮海膽拌飯釀紋甲魷魚的魷魚。火炙壽司、軍艦：蟹膏蟹肉、芝士鰻魚黃金盒子和岩鹽左口魚邊 - 火炙過後有脂香。燒物：蜂蜜燒雞翼的肉質嫩滑；鹽燒牛舌不算太韌算合格；燒鰻魚串腍身惹味。天婦羅炸物：海苔多春魚蘸上沙律醬特別惹味；相思雙皮奶香脆得來裡面熱烘烘又清甜；芝麻雞翼十分脆口惹味。一品料理：芝士龍蝦伊麵 - 很小的一碗，不怕會份量太多太膩。第一口覺得有點咸，之後就

叫左個滿瀉角切魚生飯....成品同餐牌張相差唔多，但......其實...啲魚生中間係飯嚟，姐係下面一碗飯，上面就係金字塔的飯 再加魚生。咁打完卡之後就開始食，一食.....啲魚生就跌哂出嚟😐😐😐😐😐😐😐😐味道一般，但個感覺麻麻，話哂 一路食一路怕佢跌又一路喺張枱執番啲魚生呢個情境係好狼狽.....完

一入個場就聞到好大陣異味， 如果說這是璣燒味， 我真的不能接受。 這是江戶前的特色嗎？ 裝修非常簡約， 朴素和陳舊， 燈光昏暗， 總而言之， 廉價的裝修。 通道狹窄， 仲要員工們推住收集碗盤的垃圾車往來收集廚餘， 令到行人要側身行過去取外面的食物。 點歺是用平板電腦的， 可惜顯示屏反應緩慢， 而且5秒鐘就自動黑屏去慳電， 開返就要㩒好多下， 食母親節飯， 母親對咁先進嘅電腦顯得束手無策， 有老人家， 都係唔方便了。 6點半食到8點半的時段， 7點3就叫人埋單， 佢話慳返我地埋單的時間， 但係8點就唔比叫嘢食， 仲要廣播叫人快啲走， 佢地員工只有15分鐘執嘢， 咁我地顧客只有1個鐘多點的時間用歺，他們又不體諒呢？其實同返工食中午飯差唔多時間。 咁為何黎食放題， 如果唔鐘意璣燒的話， 真係選擇好少。 一肚氣， 我細佬嫌服務和環境太差， 坐左15分鐘就走左啦！ 雖然係個人問題， 但係都係個參考， 要求高的人，係接受唔到的。 我地8點05分就走啦。 走時聞下著的衣服， 成個身焦臭味。 還有， 因為璣燒果啲嘢都係貝殼類嘅嘢係會忽然間“啪"一聲爆開， 搞到成台都係， 心都離一離。 我地用匯豐卡，

阿媽生日想搵間近屋企而且有d特色既放題 ，於是就訂左位試下 。一開始上到去排曬長龍 訂左位都係要排隊🤦🏻‍♂️🤦🏻‍♂️心諗唔係到左先黎搵d甘既野黎玩阿。排左15分鐘後終於到我地 佢地安排位置既效率好高。一入到去內部環境都唔錯 落單有部平板電腦落單 唔洗下下搵人收單 食物方面 刺身夠新鮮但款式有d少 而且熟食味道還可以 一般水準無咩太大特色 但較近門口到既自助熟食檔味道就比較重 比較岩我胃口，後邊重有d沙律🥗配菜 而個機燒方面唔識整既朋友可以叫侍應幫手佢會好貼心地幫你燒同幫你整開d貝類海鮮。整體而言都對得住個價錢。

收工平時都會約埋班同事上去食，大約等15-20分鐘左右，魚生黎得都算快，仲好捉料，寫幾多黎幾多，炸物都好好食，芝麻雞翼真係好好好食，服務態度平日幾好，假日一般，不過都正常設定黎，我能體諒，呢間款式都算多，但偏貴，食材方面都幾好。

御前大江戶磯燒放題 可以話喺我心目中佔了非常重要的位置 咁多間放題入面 我覺得呢間係我頭三甲之選首先地方面積大 佔了全層有多款飲品提供 飲品款式特別 有部分不能再 超級市場找到的 亦有熱飲提供設有冷盤區 熟食區 甜品區 選擇多羅羅但最令我喜歡的是磯燒拼盤 海鮮生猛大隻 餐廳貼心附送牛油急不及待 開始燒海鮮 職員會從旁幫忙 例如會幫我們除去鮑魚的內臟 打開生蠔的殼 值得一讚蠔 非常肥美飽滿 海水味重扇貝清洗得非常乾淨 一啖一口 鮮甜彈牙食完海鮮拼盤之後就點放題食物 意想不到連龍蝦伊麵都有 仲有我最鍾意嘅鰻魚壽司舊飯細細嚿 唔怕食完食唔落其他嘢另外餐廳仲有部分海鮮是任點任食的 喜歡吃海鮮的我 表示非常滿意海膽粥 有海膽 蒜蓉 蔥花 魷魚絲 雞蛋 白飯及高湯一鍋啖啖海膽嘅粥 食到我舐舐脷 非常奢華的享受燒牛肉 拿捏嘅時間剛剛好 依然肉質豐富最後去自助櫃檯拎埋生果 真係飽到上心口

紀念日男友帶我黎觀塘食放題過萬尺空間，四周設計都好有日本居酒屋FEEL好多旗幟同油畫都係舊日本風格首先上既係人頭計既磯燒海鮮同剌身大大隻蟶子，鮑魚，蠔、毛蟹等蟶子就有小小沙，其餘都ok新鮮台面預先擺左清酒同調味料我哋加咗$8任食生蠔，好肥美，其中一款幾特別係蘋果柚子味，不過用杯上有啲怕佢唔夠凍

我和老公都算是Buffet和放題達人，香港大部份的放題我們也幾乎試過了，對上一次去到新界吃了某間日本放題，已經感到好驚嘆，原來現在的放題已經不是純粹以任食刺身為主打，還有好多有份量有價值的好東西吃，甚至小禮品、娛樂、小遊戲等等。作為食客的我們真的是越來越有福!一山還有一山高，我們昨晚誤打誤撞地去了位於觀塘的御前大江户日本放題，又再一次驚嘆了！嘩，我以為是去了日本的大江户溫泉物語呢～～一入去就很有去了日本渡假的感覺，裝修很像日本呢，場地超大，食物也超多！連擺放在自助吧的食物也多得很，放飲品的雪櫃也有好幾大個，單是飲品已超多選擇了，我真的很難相信我還在這寸金尺土的香港！一進地就聞到很香的爐端磯燒香氣，很像日本地道的居酒屋，精神為之一振喔！嘩～一坐下，天呀！為什麼有個保險套送贈呢？想了３秒再定一定神一看，喔！原來是消毒濕巾！老闆真的夠創意，我就拿了回家當紀念品囉～在我們點菜我途中，店員突然端上一大盆活海鮮，有鮮鮑魚、聖子皇、大生蠔、毛蟹和大虎蝦喔！眼前一亮，內心卻是怕怕，一定是很貴的！然後跟店員說：你是送錯餐了嗎？我們還未開始點菜喔～然後店員居然說是免費送的！！！哇！才＄２８８一位居然這麼划

今次去到觀塘嘅大江日本放題料理餐廳，地方清潔整齊感覺良好!一入門口啦真係嚇親人呀地方好大但係後座無虛席。睇嚟呢間餐廳已經累積咗唔少嘅粉絲。當準備埋你去坐位嗰陣發現，枱面上面呢有啲平時做愛做的事嘅必須用品。唔通有人整蠱大K？哈哈你嚇我唔到㗎，原來係 濕紙巾!檯面上有一個好大嘅燒烤爐 可以燒烤多新鮮嘅食材，有蟹，蟶子，鮑魚，大蝦等等等等啦諗起都覺得正呀!食放題自助餐當然刺身壽司當然唔少得啦。 呢度每一件放題食品無論新鮮程度，賣相，都係冇得彈! 怪得知咁多人幫襯。老闆抵你發達啦!順帶一提食完飯之後 當然唔少得各種飲品同埋甜品毒嘅汽水櫃同埋雪糕櫃多到嚇親人吧 !呢餐使我嘅減肥計劃 忠告失敗! 睇來大肚腩跟我一點時間啦。

由地下講起，條街多人，無位泊車，電梯慢要排長龍。出電梯一堆人塞住，條路窄，燈光暗，行路踢到台腳，座位逼，無位轉身，菜單少選擇，壽司刺身得幾款，垃圾級吞拿魚都無，得炸雞翼可以簡。簡完唔夠幾秒有侍應叫你埋單，好趕住收工咁。菜來到，唔使期望，成間野烏煙障氣，食左兩啖好似受罪，俾左1000蚊，乾脆走人返屋企食杯面。只可以講，用最低成本材料，去快速宣傳賺錢既餐廳，喜歡便宜劣食 可以去試下，成肚都係火走出黎。DLLM

今日終於有時間去試御前大江戶！平日晚市都幾多人，好彩穩陣起見都係提前訂咗位。坐底先嚟咗個海鮮拼盤有珍寶級帶子、鮑魚、聖子同蠔。侍應哥哥可能見我地掛住影相就問洗唔洗幫手燒😂 當然好啦（驚自己燒唔熟）因為坐好近爐，燒緊果陣啲香味（尤其放咗牛油之後）同煮汁聲已經搞到流哂口水... 好想問侍應哥哥幾時食得？珍寶帶子真係值得推介，煮熟哂都唔會縮水，洋溢牛油香味嘅帶子入口都無蓋過本身啲鮮味。Overall所有海鮮都幾鮮味，其他無咩特別就唔多講。之後叫咗刺身（三文魚，赤貝，元貝），壽司，海蝦，少少蔬果同埋酒煮蜆。海蝦係一定要試，自己燒熟再加啲鹽，已經好夠味！手握壽司照顧到我呢啲細食嘅輕量級放題選手，啲飯只係得幾粒，如果想食飯就真係要叫佢啲主食😂 壽司個配料絕對冚過哂啲”米粒”。最後有驚喜嘅係酒煮蜆，一粒沙都無。兩個鐘比較多時間嚮玩嘰燒度，成晚體驗都唔錯，但會搞到成身味，件衫一定要洗清清味。

不可一不可再，向御前Say No！恕我無禮，未食過一間食物質數咁差既放題。今晚二人行，見呢間有爐端燒海鮮，每位228+60，食得放題既唔爭在豪埋比佢，原來唔係每款海鮮都任燒，真正任燒既係得D蜆仔、蝦，O左！不過都有個叫頭盤海鮮，一人一隻蠔、鮑魚、聖子同半個蟹膏，最後個蟹膏係無掂過既，水到反胃。脆皮豬腸，皮唔脆是其一，豬腸係梅且無豬腸味、刺身冇味道而且少款、海膽手卷，粒海膽如同我手指甲大小，第一次食放題係會叫炒飯填肚！台細環境逼，食一餐飯比隔離既爐燒海鮮彈左幾次，成餐飯都食到提心吊膽！抱住喜悅既心情試食，懷著惱怒既心情歸家。食到半個鐘開始停手，個幾鐘離場！倆個人埋單600幾，心情慘過比人打劫，食完唔知食過乜

今次係我第二次嚟御前大江戶 由於對上一次嘅印象實在太好喇 所以決定再encore幸好一早有訂位 即使平日入座率亦超高 餐廳係分時段進場 今晚我和朋友食九點呢輪 排隊期間聞到陣陣磯燒味道 肚子已經餓到不行了這個是新出的優惠 晚市時段八蚊生蠔任食餐廳設計日式居酒屋風格 佔地起碼有一萬呎 非常大 座位非常多 雖然有啲逼夾 但係食物質素勝過一切磯燒拼盤 按人頭計算 海鮮生猛 清洗得非常 乾淨 不能重複享用 每人一份一邊燒嘅同時 餐廳職員非常貼心會前來幫忙 在等候海鮮燒熟嘅期間 出去熟食區拎嘢食 同拎嘢飲用ipad落單 圖文並茂 本人最為喜歡壽司類的 一嚟壽司飯唔鬆散 細細嚿已入口 款式亦都多元化燒鰻魚 豬大腸 同樣非常喜歡 鰻魚啖啖肉 非常肥美 豬大腸好似係新產品 上次呢好似見唔到有磯燒類產品無限量提供海鮮 蕃薯蜆及刀貝 不停點不停點 好快就食到回本

生日去吃，咩也優惠都無，10樓果間仲有送香檳。兩大兩小，埋單1200。其實除佐一開始的燒野，後面我們都無咩叫野吃。應該是話，無乜好叫。過程都無乜印象。有記憶的就是入黎半個鐘就停曬，坐佐陣就去拎雪糕同甜品。D甜品真是比較難吃！反正，我就真是唔會再去。PS提前打電話預約的時候，前台姐姐態度真是麻麻，呵呵，問多句野，語氣都好“特別”。

有日同事傳給我這幅大膽鬼海報，口水隨即直流，午餐便衝去食，這店原來是日式放題店，午餐定食非常吸引，各款丼飯，鳥冬拉麵都有，當然點一份細膽鬼店員先送上一碗麵豉湯濕濕口暖暖胃細膽鬼上的海膽基本上鋪滿飯面三分二，加拿大海膽每一塊都好大塊，一塊一塊移開共有十多塊，旁邊附上紫菜可以夾著海膽一起吃，海膽入口creamy 即溶，平時一點一點慢慢吃，現在可以豪不客氣地放入口看下去細細碗，其實底層壽司飯是非常多除了海膽，旁邊還有三塊甜蛋，味道不會太甜碟邊有薑片/ wasabi，還附送了一件日本魚蛋