御前大江戶日式料理 (已結業)

講起放題，黎到觀塘就好想再食御前大江戶，佢的磯燒海鮮好吸引，鮮味至極，今日就同朋友訂座過黎再食，地點又方便，就在地鐵站隔離。今晚7點入座，已經坐到满晒了。每檯都會先上一桶大大盤的磯燒海鮮，有蟹味甲羅燒，生蠔，蟶子皇，活帆立貝等，用牛油燒，味道好香。餐廳職員會幫手在檯隔離燒，新鮮即食。蟹味甲羅燒，份量大隻，餡料又多，有蟹膏蟹肉，蛋黃等，蟹味好濃郁，蟹膏入口即溶。燒帆立貝同鮑魚，肉質好彈牙，咬落好鮮甜，有淡淡的海水味，鮑魚肉有嚼勁。仲巾燒海蝦同馬刀甲,白沙蜆等，蝦肉鮮甜彈牙，係新鮮海蝦先有咁爽口的肉質。刺身系列，有帶子，三文魚，油甘魚，吞拿魚，翡翠蝦等，可以選擇的款類好多，新鮮即切，肉質嫩滑新鮮，可以叫到幾輪不停食。燒菠蘿，切片的新鮮菠蘿好多汁，清甜，有咬口，燒一陣熱熱地食令到甜度更加突出。海膽手卷，小小的一啖仔份量，但海膽份量稍細，飯的份量就比較多。火炙芝士三文魚腩壽司同左口魚裙邊壽司，飯粒入口煙韌，魚肉鮮甜，入口即溶。泰式生蝦，泰式辣醬味道好香濃，少少辣，生蝦好爽口，多汁鮮甜。芝麻雞翼，食放題必叫的，炸粉夠薄，外皮炸得好香脆，入面肉質嫩滑，一啲都唔乾身。燒鰻魚串，醬汁好入味，鰻魚肉淋身