彩

营业中

休息中

好耐以前食過一次，嗰陣無特登細味每條麵嘅味道，當時都係快快手食完就走，無諗太多，只知兩三年前已經好出名。今次再戰，除咗係朋友想試之外，都想食吓呢間有過咁多新聞的沾麵店。全店只有 11 個位，6 點開舖前已經有人排隊，搭正六點到都要等三輪先入得，等足一個鐘。是日特別麵底係檸檬味，但今次沾麵就分別點了豚骨湯底 + 黑胡椒麵底。等大概 10 分鐘就有得食，先上湯底後上麵，麵就有 190g，一般女仔食就剛剛好，男仔就可能唔夠飽。麵條食落彈牙，掛湯力尚算不錯，食落都好有黑胡椒味。但湯底就比其他沾麵湯底淡，未算太多油，但沾麵湯未較熱，食得慢少少都凍晒，要快快手食晒先夠暖。叉燒肥膏多但軟腍，溏心蛋都非常流心。麵、配料都不錯，唯獨湯底較遜色。店入面有極濃烈筍味，比一般日式拉麵店來得強，在門外已經聞到，頂唔順的客人可能比較辛苦。今次等足一個鐘，食咗 30 分鐘就離開，唔係話唔好食，但未至於讓人驚歎跟要花一個小時排隊。不過大部份食客都自律，食完就快快手離開。

彩已經變成我嘅沾麵排行榜top3每次得閒就會專登去食放假就會多人排 但通常閒日都唔使點排不過店內座位唔多 所以都好滿座～最出色嘅地方就緊係拉麵有得揀味例牌兩款原味小麥同黑胡椒仲有每日限定口味 要到當日先知係咩口味之前試過伯爵茶 真係好香茶味今次就係檸檬味同咖啡味個人最鍾意食係海老沾麵 配叉燒溏心蛋紫茶湯底非常之濃郁 有蝦嘅鮮味配埋檸檬麵係出奇地夾 好清新嘅感覺！麵條係粗麵 掛湯力都好勁 吸晒湯底精華其他湯底 特別係黑蒜油都好好味基本上想食沾麵就會諗起呢間已經成為拉麵食堂 百吃不厭呀～～

一直都聽過沾麵，但從來都未食過，咁啱見元朗有間評價不錯，聽講要成日排隊嘅鋪頭，所以收工即刻仆去元朗試下。1800開門，我1745去到已經排第四，店員已經係入面預備緊隔左陣就有店員出黎幫我地落單先，店員話麵底固定有小麥同黑胡椒，而今日 special就每日都唔同終於開門喇，一入到去就有好大陣叉燒味。店員逐個逐個安排座位，店內空間不大，坐係到係會對住廚房題外話：廚房有三位師傅，其中兩位共用一個水槽，一位處理緊食材，另一位洗緊野，師傅都小心翼翼咁洗，怕彈到啲泡泡係食材到全店座位唔多，大約有10-11位，而且有點擠迫今日special-甘筍麵底份量比預期中多，聽到旁邊兩位食客點左小麥，外表睇唔出有咩分別，麵黏住一pat黑蒜油湯底有蒜香，但油膩同好鹹，食完要狂飲水，鹹到完全蓋過麵嘅味道，難以想像旁邊食客可以連湯都飲晒，叉燒同蛋都一般，冇驚喜。而筍甘甜，最好食有店舖名嘅海苔屬打卡位

據男朋友所講 呢間鋪頭星期六日一個人黎都要排下隊🤔🤔 今日既然平日放半晝就黎食下 希望冇咁多人啦🙈🙉 鋪頭規定一要人齊先入得🤦‍♀️所以我無得即刻入😭😭唯有睇定餐牌揀食咩先啦😚 Today’s special係伯爵茶😝😝😝好似好特別咁wo真係😙我就一於要個🦐味噌湯伯爵茶沾麵啦❤️ 個🦐味噌湯湯頭偏重蝦頭味 油太多🙈🙈筍就硬左d 唔算好出色 不過個伯爵茶就真係好special 麵彈牙之餘 食落真係有伯爵茶味！！沾湯黎食又唔會好奇怪wo！好得意阿😝😝😝 至於叉燒就少左d 細塊d同肥左d 唔係我杯茶😲😲男朋友個原味豚骨黑胡椒沾麵💁‍♂️我試左d麵 都真係沾完湯都仲有黑胡椒味 而d黑胡椒粒仲一早伴左入去拉麵度 見到一粒粒果d就係啦🙆‍♂️ 個味咬開都幾濃tim架🙆‍♂️不過如果要排長龍我就未必會等lu 間唔中食一次都得既🤔

元朗太多太多太多好野食。原本行完浪背水塘，想去食刀削麵，不過食開果間去到已經變咗另一間舖頭（後來行吓行吓先知道原來佢搬咗）。老婆大人一向鐘情沾麵，見到有間叫彩AYA 嘅沾麵舖頭，二話不說即刻開GPS 搵間舖。左行右行竟然俾我地發現原來間刀削麵搬咗；一輪爭扎之下最終都係下次先番去回味，今次試咗新野先！左轉右轉終於搵到呢間"隱世"舖頭（因為都有少少難搵，喺一條橫巷入面），去到已經有10個人左右排緊。大大個餐牌喺門口，只係有沾麵賣，冇其他小食。三種湯底（豬骨，黑油，蝦湯底），三種麵底（小麥，黑胡椒，檸檬伯爵茶（今日special）），已有紫菜 + 溏心蛋 + 筍 + 叉燒。淨係咁都可以做咁耐（仲有分店添），個麵應該都唔差。因為排緊隊嘅時候已經問咗我地食咩，入得去坐低大約十分鐘已經有得食。老婆大人叫咗黑油 + 小麥，我就梗係試一試special 嘅 檸檬伯爵茶配蝦湯底！ 黑油湯底好香，蝦湯底超濃 （好似賣告白咁，不過呢個係事實）；小麥麵真係普通咗啲，檸檬伯爵茶就有淡淡嘅檸檬味，不過伯爵茶味就唔多食到（可能蝦湯太濃）。呢到加湯真係差唔多成個湯底整過俾你（爭在冇咗啲筍呀，蛋呀，叉燒呀咁囉）（謎之聲

老公話要試好耐~今日禁岩要外出lunch望一望鐘11:15，佢開11:30，衣家出去一定唔洗排隊去到未開門，係門口等左陣就入得~諗住平日11點幾，一定無咩人啦，點知坐唔夠5分鐘，已經有人陸續入黎，得幾個位，唔怪得有啲人話排隊排好耐都未食到啦一上台已經覺得碗麵好精緻，個“彩”字紫菜好靚老公要左蝦湯伯爵茶麵佢呢個湯蝦味超濃，完全係用左超多蝦去煮出黎，食左佢呢個之後，我唔想食自己個個我要左黑蒜油湯黑胡椒麵呢個湯都好食，不過無蝦禁正，下次再食我都一定係要蝦！估唔到佢啲濃其實好濃，啲麵算清，但係兩個既味都食得出，好分明溏心蛋個心超正，個蛋白既醬油味岩岩好，唔會搶哂隻蛋既味件叉燒又綿又有肉味，簡直係心心眼啊~勁想飲哂個湯底，不過真係會漏同飽既係迫夾啲，同飲品應該無乜特別~麵~真係好好好好好食，絕對會再去

#沾麵VS拉麵我會選沾麵環境：店裡位子不多 大概只有八九個但店內很小 有點逼幸好我去的那天是平日 （不用排隊 ）小小店內有洗手間 不錯廚師在你面前煮 親手為你遞上食物：我叫了最經典的原味豚骨醬油湯底 配小麥麵湯底很濃郁 有豚骨醬油味外 也有點柚子味不過當天吃的湯不夠熱 有點可惜麵很彈牙很香同行的朋友叫了 蝦沾麵 配 限定菠菜麵（我個人覺得這個配搭比較好喔一來很特別 而且湯很香蝦味）環境🏡：6/10食物質素🍽：8.5/10價錢💸：7/10推薦指數✨：9/10 *

天氣有點冷，想食下麵暖下身。這家店子位於小街，只有十個位。六點多已經見到人龍在店外等候。呆等了五十五分鐘有多，終於入座。餐廳很細，有曰本地道麵屋感覺-室內播放著強勁日本流行音樂，而廚師是曰本人吧！這兒只有沾麵供應，由$78-$88。湯底有三款：豚骨、黑蒜油同蝦味噌。自家製的麵也有三款選擇：小麥、黑胡椒同是日精選青檸。所有拉麵都包括紫菜、叉燒、旦及筍。蝦味噌$88這蝦味噌湯很濃，滿口是蝦的濃縮味道！蝦味爆燈！鮮味十足，配合微辣的黑胡椒麵，口感彈牙又煙韌！叉燒有兩片，入口甘香，肉質軟稔；旦是流心狀態，好滋味；配菜還有荀同紫菜，味道唔錯！黑蒜油湯$83這黑蒜油湯十分香，漆黑的湯全是蒜的味道！蒜味十足，咸咸地加上丁點的辣作點綴，幾惹味又幾唔錯。一小時的等待有D累，吃完一陣，那濃郁的滋味在口中猶久不散，這沾麵實在不錯！推介！

出面沾麵通常得個咸字，麵亦好少，但彩就唔係，就算唔加錢，佢麵既份量都可以食得飽人！睇紅葉前梗要食飽啲啦😍😍😍蝦沾麵（小麥麵）因為太餓，所以食左幾啖先記得影相😂😂沾麵湯濃郁，呢種濃郁唔係味精唔係靠倒一大堆鹽造成，食得出真係用左好多蝦去煲出黎既靚湯，鮮甜濃郁，唔會太咸，食落唔膩！小麥麵，唔似出面啲店咁係集中向拉麵公司買返黎，食落有淡淡好香既小麥香，沾左湯唔會太淋，仍然可以keep到口感，食落淡淡小麥香同埋鮮甜蝦味充斥住成個口腔，味道濃淡得宜，唔會好似其他沾麵店咁只食到死咸味！如果對外面既沾麵失去信心，覺得沾麵只有死咸，你可以黎元朗總店試下！包你對沾麵即刻有正面睇法，從此愛上沾麵！（因為聽講西環嗰間同元朗冇得比，所以我每次都只幫襯元朗總店）

慕名來到元朗超出名既彩食沾麵，聽過唔少人大讚呢度既沾麵，甚至講到係全港最好食，慕名一試，味道唔錯而且個麵好特別，但冇其他人講到好食得咁誇張。我點的是豬骨湯配黑胡椒麵，整體味道唔錯：黑胡椒麵：幾令人驚喜，除左個麵質有咬勁，個味道都唔錯，食落真係有黑胡椒既辣勁，食到好過癮，絕對係真材實料，落足黑胡椒！同埋好掛湯食落一啲都唔寡。豬骨湯：都幾濃郁、但太咸，食完都幾口渴。湯底仲有蔥絲配料，都幾香，仲有啲辣辣地，味道好有層次，不過仲食得出有果皮？味道幾清新但有啲唔係好夾。叉燒：肉質上乘、仲要係厚切有咬口好滿足，最正既係佢仲有陣豬膻味，個人幾中意呢啲重口味，但同行者覺得太膻。味玉：個蛋竟然係成碗麵入面我覺得最好食既主角，係100分既溏心蛋，一咬落走蛋黃香超濃郁同埋個流心既口感真係好正！如果唔係怕膽固醇高，真係好想encore 3隻！整體黎講個麵係自家做好特別、個蛋又超級好食，值得一試但食完冇回頭既欲望。

自從喺東京食完沾麵，喺香港就周圍搵好食嘅，朋友推薦呢間「彩」，兩次嚟都係要排成一個鐘隊。人山人海，夠鐘就冇得排八半就冇得再排㗎嘞入去坐之前就揀好曬～落完單入座好快有得食！三隻麵湯我都試過嘞，麵就試過小麥同伯爵茶個人比較喜愛蝦沾麵，蝦味濃郁，沾湯配料十足，但今日就食原麵，想淡少少，配伯爵茶麵底。呢間店只係坐倒十個人，大家食完就走㗎啦。自助水，可以望住師傅煮麵，好日本風！而日本師傅親手做嘅同香港師傅做嘅，真係好明顯味道唔同。你睇下塊紫菜幾靚！蔥絲好幻好香口，荀好鮮，配埋湯裡面舊肉，真係好好味！麵嘅份量都幾多，不過唔夠熱，同埋唔夠彈牙，伯爵茶味道唔係好濃，主要係飲個湯底。今次唔係日本師傅整，比上次食差咗少少～ 不過以沾麵嚟講都算香港三大，會再食！

［無試過點叫來過元朗］聽友人講之前店舖因合作問題，以致突然結業，幸好再入元朗時事件已告一段落，重開後的彩，見招牌都未有，但仍然人氣不減，在街尾小巷仍有人龍。午餐時間來，選擇的種類不多，但友人說都可以一試。餐牌好簡單，三款湯加三款麵底，今日special 是羅勒我點了黑蒜油湯配小麥麵底 湯頭較油，開頭d湯會覺得好有鮮味，但愈食愈咸，但黑蒜油超級香，每一啖都有濃郁既黑蒜味，不錯。如覺味濃，可以選擇加入自家製的檸檬醋，不但減少油膩感，也令人越食越開胃。

有個拉麵專家朋友推介話呢間#彩 係全香港最好食既沾麵 想試左好耐但次次黎都好長既人龍 今次都唔例外 星期六18:15黎到都等到19:30先入到座 不過都真係好食既 但要排咁耐都係唔制喇 （地點真係堅隱世 喺條後巷入面 企左15分鐘已經俾蚊圍攻左十幾撻😭）小店獨沽一味淨係賣沾麵 得3款湯同3款麵選擇 其中一款麵就會時不時轉款 第一次黎 試左啲basic野先蝦味噌湯 #小麥麵底 $88 😋: 8/10第一次黎試左個招牌先 一上枱已經好吸引 長期鼻塞既我麵聞到好香蝦味 飲一啖湯好似幾萬隻蝦煮成既湯咁 真係好正 不過個湯係用普通碗裝 食得慢好快凍哂 最後可以要求店員加鰹魚湯變湯麵食 小麥麵煮得好彈牙而且夠乾身 值得一讚 溏心蛋係超級入味而且流心 真係好高質黑蒜油湯 #黑胡椒麵 $83 😋：7/10呢個湯相比蝦味噌湯就較為遜色喇 反而要讚下個黑胡椒麵 每一啖都食到粒粒胡椒 好香 下次都會揀返呢隻麵！

傳奇的彩，經過一番人事擾攘之後，2017年9月開設了西環分店。元朗店回歸平靜，在朋友口中聽到排隊等候入座的情況沒有以往的誇張。本某下午往元朗探望朋友，離開已是晚上六時半左右，心想既然來到元朗，又到晚飯時間，何走去彩Aya看看，十分鐘後抵達，居然沒有人等待入座，又剛巧有一對情侶吃畢沾麵，正在結帳離開，於是我順理成章直入店內就座。店內除了我及隔鄰空座，其他座位已坐滿了人，他們正在大啖大啖的享受著沾麵，兩名著住格仔裇帶箸扁帽的廚子在忙著煮麵及處理醬油配料，年輕的男待應在執拾枱面，舖內播著調子輕鬆的日本及外國的歌曲，外邊並未有人排隊，我感到舒服愉快。由於自己早前和朋友吃了下午茶，還未感到肚餓，我只點選了蝦味噌湯柚子麵底沾麵。不到十分鐘，沾麵來了，外觀和之前相同，感覺美麗及開胃。要稱讚一點是沾汁碗及麵條碟用蒸氣及熱水煮過，手指一接觸器皿表面時會感到相當温暖。中太麵條寬約2mm，麵條伴隨碎碎的小麥粒，賣相吸引。師父的揈水功夫亦十足，沾沾汁只空口吃伴隨陣陣淡淡的柚子味，咬口度十足，口感獨特，好吃得來水準沒有褪色。如果沾著蝦味噌湯，麵條掛湯能力我認為只是一般。沾汁方面，彩字形的紫菜片是焦點所在，異

難得早送一於去元朗食一直想試既沾麵 人氣一直高企 每次經過見到啲人龍都決心掉頭走😂六點左右無咩人等 即時入座餐牌好簡單 三款湯加三款麵底 今日special 係伯爵茶 咁梗係試下啦😊室內得大概10幾個位 見到師傅即場煮麵 切叉燒叫左碗黑蒜油湯 賣相唔差 但試左湯頭 好油而且個湯熱度偏低 就更覺油脂分泌過盛😑 仲有個湯係偏稀 撈完啲麵其實啲味都去得七七八八 舊叉燒見佢切時已經是肥脂比例高達40% 食落時更甚😅另外友人叫左個豬骨濃湯 🍲無咩特別 同樣係湯底唔夠溫度 好油 好淡個伯爵茶麵細嘗都有啲味😜但個麵水份都係多左少少 可以再fing多兩下 抱著一試乾坤的心態 食完出去 覺得個胃好唔實在同滿足