影片
更多
2018-01-16
185 浏览
元朗太多太多太多好野食。原本行完浪背水塘，想去食刀削麵，不過食開果間去到已經變咗另一間舖頭（後來行吓行吓先知道原來佢搬咗）。老婆大人一向鐘情沾麵，見到有間叫彩AYA 嘅沾麵舖頭，二話不說即刻開GPS 搵間舖。左行右行竟然俾我地發現原來間刀削麵搬咗；一輪爭扎之下最終都係下次先番去回味，今次試咗新野先！左轉右轉終於搵到呢間"隱世"舖頭（因為都有少少難搵，喺一條橫巷入面），去到已經有10個人左右排緊。大大個餐牌喺門口，只係有沾麵賣，冇其他小食。三種湯底（豬骨，黑油，蝦湯底），三種麵底（小麥，黑胡椒，檸檬伯爵茶（今日special）），已有紫菜 + 溏心蛋 + 筍 + 叉燒。淨係咁都可以做咁耐（仲有分店添），個麵應該都唔差。因為排緊隊嘅時候已經問咗我地食咩，入得去坐低大約十分鐘已經有得食。老婆大人叫咗黑油 + 小麥，我就梗係試一試special 嘅 檸檬伯爵茶配蝦湯底！ 黑油湯底好香，蝦湯底超濃 （好似賣告白咁，不過呢個係事實）；小麥麵真係普通咗啲，檸檬伯爵茶就有淡淡嘅檸檬味，不過伯爵茶味就唔多食到（可能蝦湯太濃）。呢到加湯真係差唔多成個湯底整過俾你（爭在冇咗啲筍呀，蛋呀，叉燒呀咁囉）（謎之聲
原本行完浪背水塘，想去食刀削麵，不過食開果間去到已經變咗另一間舖頭（後來行吓行吓先知道原來佢搬咗）。
老婆大人一向鐘情沾麵，見到有間叫彩AYA 嘅沾麵舖頭，二話不說即刻開GPS 搵間舖。左行右行竟然俾我地發現原來間刀削麵搬咗；一輪爭扎之下最終都係下次先番去回味，今次試咗新野先！
左轉右轉終於搵到呢間"隱世"舖頭（因為都有少少難搵，喺一條橫巷入面），去到已經有10個人左右排緊。大大個餐牌喺門口，只係有沾麵賣，冇其他小食。三種湯底（豬骨，黑油，蝦湯底），三種麵底（小麥，黑胡椒，檸檬伯爵茶（今日special）），已有紫菜 + 溏心蛋 + 筍 + 叉燒。淨係咁都可以做咁耐（仲有分店添），個麵應該都唔差。
因為排緊隊嘅時候已經問咗我地食咩，入得去坐低大約十分鐘已經有得食。老婆大人叫咗黑油 + 小麥，我就梗係試一試special 嘅 檸檬伯爵茶配蝦湯底！ 黑油湯底好香，蝦湯底超濃 （好似賣告白咁，不過呢個係事實）；小麥麵真係普通咗啲，檸檬伯爵茶就有淡淡嘅檸檬味，不過伯爵茶味就唔多食到（可能蝦湯太濃）。
呢到加湯真係差唔多成個湯底整過俾你（爭在冇咗啲筍呀，蛋呀，叉燒呀咁囉）（謎之聲：呢個人好貪心）。你如果真係真係真係唔夠飽（應該都唔會），可以同佢拎番個清湯嚟飲（應該係豬骨啩，我好飽冇問佢拎湯）。
性價比都好高，唔怪得獨沽一味都可以大排長龍。
题外话/补充资料：
如果要食晏就要預早少少，佢賣晒啲麵就收工（六點先再開）。等緊嘅時候見到起碼有幾對情侶敗興而歸。
(以上食记乃用户个人意见 , 并不代表OpenRice之观点。)
张贴