彩

营业中

休息中

聽朋友介紹呢間係佢地食過最好食既沾麵後，終於山長水遠入元朗，果然唔錯！值得推薦小店只有十幾個位左右，1130開門，我地12點到已經要排隊等位，等既過程仲可以落堆單先總共有三種湯底同三種麵條，咁今次個特別麵條就係蘿勒，原來係一種香草黎架！好想試下！所以最後就叫左蝦湯加羅勒麵（$88）入店坐低後 好快就有得食啦好大份呀！未食已經聞到蝦湯既鮮香 先飲一啖蝦湯味真係好濃 已經預計到麵沾上湯一定好好食而羅勒麵食落意粉再加小小香草味 但當沾上湯底後就只會得返蝦湯味 但都好好食 好彈牙最開心係溏心蛋 有流心效果 仲有蝦湯既味道 好好味

同朋友去開元朗 想食沾麵 就去左元朗幾出名嘅隱世沾麵彩aya去到門口 其實真係唔顯眼招牌都好似唔覺眼有但見到甘多人排隊 就知係呢度啦！去到已經有二十多人排隊店內得十一個位置 所以等位的朋友要比啲耐性等到差不多會有店員問你食咩大家可以睇定先記住人齊先入得啊！睇下先知香港大學站遲啲開分店等左大概一個鐘 就入得了 因為大家享受完都會體諒排隊的客人入面煮麵的是日本人 好有日本feel入面仲有洗手間 叫左三個麵 麵的味道係食得出但其實沾上湯就會被蓋過 而且 美中不足的 係啲麵上枱一嚿痴住哂 好難整散不過沾麵湯底先係重點好嘅沾麵係會可以掛上啲湯呢到就做到原味湯 黑糊椒麵 ($78) 原味湯底好突出 豬骨味濃湯已經有溏心蛋 荀 海苔 叉燒 正黑蒜湯 蘿勒麵 ($83)蒜味好重好濃！麵係當日special 香草味般！淨食都幾出！叉燒有2大塊 不過都多脂肪食好野就唯有食埋佢啦 精髓哈哈!!蝦湯 黑糊椒麵 ($88)湯底一流！ 好重蝦味！整體 正！

成日聽人講元朗多好野食。 最近有時間都會入黎揾食呢間鋪，都幾難揾。點左蝦沾麵，麥麵。麵到，試下個湯。 嘩，正！！！跟住夾d麵，再加少少湯，再加d配料落，一啖食落去！ 有d蝦味，唔會太咸，麵又夠彈牙，感覺幾fresh! 隻蛋d蛋黃，杰杰地。 我正散左，撈落d麵度，有d1甜味，好正！兩片叉燒係半肥瘦，淋淋地，唔咸，好有叉燒味，like!! 雖然麵既份量幾多，我係細食，但都食晒。服務都好好，上麵速度快。支持！！會再黎試其他麵

上一次行到門口 發現貼左通知要暫時關閉勁失望 點知最近聽聞佢重開 好開心之前聽朋友講經常要排好耐先有位 得知佢11:30開門 12點左右到左鋪頭 立即有位 好好彩店鋪約有10個位左右 全部bar枱 幾有日本既感覺 餐牌一目了然 只得三款湯底及三款麵底蝦沾麵 配小麥麵 HKD83小麥麵夠彈牙 d湯底都掛到係麵上面 開頭d湯會覺得好有鮮味 但愈食愈咸 黑蒜油沾麵 配小麥麵 HKD80黑蒜油超級香 每一啖都有濃郁既黑蒜味 非常好食但係隻唐心蛋太咸同太熟 可以改善後來男朋友再追加左90g既胡椒麵麵內有原粒胡椒 但佢話都係小麥麵同湯底最夾可以再encore試埋個原味湯底 價錢又適中 very good

難得入屯門打保齡球，專登入一入元朗尋找美食，依飽個肚先去打波。早一日係Openrice search下有乜好食，咁就搵到呢間沾麵餐廳，由日本人打理，期望甚高。咁落車搵左一排，先搵到間餐廳，因為佢門面完全無個"彩"出現，係我要上openrice睇下個門面先知係呢間。去到要等2張台先到。見到佢個門面，真係一啲都唔開胃，完全唔知道佢係做緊生意，仲係做緊飲食生意。餐牌主要就俾我地揀湯底，有普通沾麵、蝦沾麵同埋黑油沾麵。而麵就有小麥、黑胡椒同蘿勒味揀。咁會有待應係你入去前幫你落單。因為需要等一段時間，所以門外都有冰水提供。依個就真係要讚，因為真係幾貼心咁叫左蝦沾麵，賣相吸引，海苔係專登度身訂造，好有日本風味。麵底就揀左蘿勒。個人認為蝦沾麵係最好食，因為蝦湯係有超級超級濃嘅蝦味，feel到師傅落足料。而蘿勒麵有少少蘿勒味，唔會話太強烈嘅basil味。另外叫左黑蒜油湯底。配上小麥麵。相對蝦沾麵，黑蒜油無咁濃味，但黑蒜油味都重。

聽朋友講過呢間好耐今次決定入去試下間野位置比較偏僻 有d難搵夜晚6點半去到已經有大概10個人排緊隊😣旁邊仲有大型垃圾桶我第一印象係點解有臭味仲有咁多人排隊😂😂見到大家意志咁堅定更加要等落去大概7點3左右就入到去鋪頭唔算大得10個位左右------------------------------🌟 蝦沾麵湯底配小麥麵 $83自製麵 有小麥麵 羅勒麵同黑胡椒麵 選擇湯底就有 原味蝦 同黑油麵份量算多 大胃王🐷女都差d食唔哂蝦湯底呈橙紅色 有兩片叉燒最驚喜一定係個蛋👍超級流心 半熟狀態 蛋黃都有湯底嘅味道😋😋------------------------------

難得去開元朗，點到要去一去「彩」。早排知道「彩」有一段時間關閉了，好失落，驚佢唔開返，無機會再食佢地嘅沾麵。好彩「彩」重新開業，有機會再回味。一直支持用心製作同經營的小店，「彩」係我非常欣賞的小店之一。^_^下午12點左右去到，有4人正排隊等候，當日天朗酷熱，店員好體貼，安排了冰水及紙杯給室外等候的客人消暑。等了大約15分鐘，有位了。 我點了沾麵 （即豬骨湯底)，朋友點了蝦沾麵。 兩款湯味濃郁而不咸不油膩，蝦湯亦非常鮮甜，溫度夠熱。 配合胡椒麵一流，麵條份量適中，加一點點檸檬汁將麵修拌勻，間外清新！假期遠離繁囂市區，到小店慢慢享用用心製作的沾麵，非常滿足！

前排星期日約左人食呢間沾麵，本身知道出名所以都早左去，點知六點未到已經有十幾個人係出面，要到第二輪先入到去。其實未入去已經聞到個陣蝦湯味，流哂口水，入到去後，我同友人都叫左招牌蝦沾麵，面質就分別叫左小麥同黑椒，兩隻都試哂之後，可能因為蝦湯味濃，蓋過黑椒味，個人比較喜歡小麥味，面質彈牙，份量方面較其他鋪少，只有190g選擇，但如非大胃王，應可飽肚。配料好，豚肉嫩而濃味，就連荀亦十分爽脆。再加上獨有嘅綠茶可樂，無得彈。以沾麵論，綜合評分我會比8分，面質雖彈牙但易碎，稍為扣分，但湯及配料皆一流，如果想食沾麵，絕對係一好選擇！

以前經過的時候，總有一大幅藍色布掛著，大大的白字寫著''彩''，到今天真的要去吃了，眼前的是一間很低調的店，店外沒有文字了。沾麵需要分別點麵底和湯底，選了黑胡椒麵底和原味湯底。麵條帶有韌性，咬下去的時候會淡淡滲出黑胡椒的味道，不會過於嗆辣，而是自口中幽幽散發出微辛和香氣。湯底味道濃厚，就如在東京吃到的相似。荀很爽脆，蛋有蛋香，而且是糖心的！叉燒肉質嫰，伴上油脂香，很好。沾麵湯濃厚，故店家加下柚皮於內，喝下湯，咬下柚皮，那種甘澀味中和了膩感。放在湯底最上的海苔有心思地畫出一個''彩''字，果然，這餐沾麵是在不起眼的地方正在大放異彩。

話說，小妹上回在大門吃過一次超級難吃的沾麵後，今天朋友介紹元朗區這家正宗日本的沾麵店，當然要試試！這家店面積小小，很地道的日本小店，中午十二時來到也要等十分鐘左右，據聞晚上還要排很久呢！ 進店內，會嗅到一陣淡淡的蝦腥味，感覺很＂鮮＂。店的食物選擇只有三款不同味道，小妹選了蝦麵。 簡單的賣相，配以印有店名的紫菜，別出心思。湯底味道充滿香濃豬骨湯味，師傅每晚以堅持新鮮餚製，加上蝦油，鮮味十足，叉燒有4-5片，肉質腍身，調味得宜，麵則另上，感覺到麥香，口感煙靭～ 這裡的拉麵確是有實力！

平日的11:45AM來, 已經有其他食客入去, 應該是一開店就到. 一入到去, 店子有種氣味, 唔係拉麵店的味, 而係似貨倉既味.  看到店子走廊位都放滿了紙皮盒同麵粉. 店子本身已經好細, 加埋紙皮盒同麵粉, 感覺更迫. 沾麵, 小麥那個紫菜切成的 字好靚好有美感, 一讚. 湯面有明顯的一層油, 先飲一啖湯,  算濃郁好飲, 但應該有少許味精, 因為食完也有少少口渴. 感覺是平時食拉麵的湯底多過沾麵的湯底. 小麥麵有些強差人意, 麵質不夠彈牙, 而且麵有點痴埋一pat, 作為 沾麵既麵來說不太合適.  流心蛋值一讚, 蛋黃係會液體咁流出來. 蝦沾麵, 黑胡椒;  蝦沾麵,湯或蝦味好重, 算好飲, 雖然都係有點味精。麵既黑胡椒不會太重, 所以不會搶走湯底的味道. 不過都係可惜麵有點痴埋一pat, 而且不夠彈牙. 麵既掛湯能力尚可, 如果以拉麵來說應該不錯, 但以沾麵來說就不太合格. 當日夏天三十幾度, 麵同湯都好快就凍, 如果冬天來食應該會更快凍. 可能個人喜歡好熱的沾麵, 所以還是喜歡會加熱石/有熱爐的沾麵店.  湯比麵出色. 味道尚可, 以普通拉麵來說不錯, 但以沾麵來說就不太成氣

明明先前在這一區，工作了整整兩年多，但是也沒有的起心肝來試試這店。「彩沾麵」先前因為甚麽糾紛問題，曾在本年四月一度結業，如今重啟，又再次惹來人龍😏。然後卻又在報章看到有稱其沒有牌照的報道，是非較多，熟真熟假，難以判斷。而目前這家沾麵店，與報道的分別，好像是沒有了白色的廚子🤔，定還是可能他只休假一天。有天，一心來這一區，於是堅持要來試試這一家沾麵店。想不到，星期六的中午，時間已過了下午兩時，外邊還滂沱大雨，即使在店外排隊，撐着傘也被雨點濺濕衣服，但是還有不下十人在排隊，大家真是對這加沾麵店非常之趨之若鶩。看，連門外的餐牌也被雨濺得字也化開。本來排隊的時候，只看到橙麵，以及黑胡椒麵，幸好，差不多到本人的時候，店員掛出了小麥麵條紙牌。大約等了15至20分鐘，終於進店了，果然店舖非常小，只有一邊長檯一邊短檯，容納十人左右。三款沾麵的味道，有蝦味、有黑油味，但是如果沒有吃過原味，就吃其他味道，好像很難為這間沾麵店下評論，於是本人點了一個原味😏。由於天雨關係，其實等位也不會太熱，店內冷氣顯得特別寒冷，以至食客也覺冷，麵條及沾汁也較快冷卻掉。本人獲安排坐在長的那一邊中間位置。點了一個原味的沾麵，以及

之前食過第一次就覺得是最好食的沾麵，回味無窮，聽到重開後十分興奮，終於有得食番個種味道有次8:30去到原來一早截左龍。當晚7:00到，前面都有十幾個人排隊，條隊隔離有蚊香，好貼心排左個幾鐘就入得啦。今次都點了難以忘懷的蝦沾麵，一上枱就聞到好香的蝦味，蝦湯十分濃郁、啖啖充滿蝦，好似食緊成隻蝦咁叉燒肉質嫩滑，麵條很彈牙又掛湯，浸一浸再食真係人間美味一眨眼就食晒成碟最後問店員加湯再飲蝦湯，十分滿足，成碗麵都感受到師傅的誠意。排左咁耐都值得～下次一定會再來

彩，是我吃過的沾麵店中最喜歡、最美味的一間。可惜之前因合作問題，以致要突然宣佈結業，這個措手不及，令忠粉未能吃上它最後的一碗麵，非常遺憾 。幸好擾攘的風波，上星期終於叫作告一段落。原址重開的彩，消息於網上一傳出，吸引到新客、舊客蜂湧而至，令這小後巷又再熱鬧起來。33度的高溫下於露天環境，無遮無掩地安份排隊等候，確實叫人有點卻步，所以重開後第五日才動身前往，以行動來支持，幸好這夜刮起大風來，令等侯時沒有預期的辛苦。6:45到達，7:15就可以就座。門前那一大塊奪目搶眼的彩藍色底白色店名的特式掛布，重開後卻換上了相對十分低調的白色掛布，完全沒有店名也沒有商標，慕名而來的新食客，不明就裡，都要跟其他排隊的人查證: 這間是以前的彩嗎？ 排隊等候的時候，店員已安排落單，所以就座後不久，麵食就送上。沾麵汁依舊只有三款選擇: 沾麵 $78、蝦沾麵 $83、黑油沾麵 $80。而麵條今天有三款口味: 小麥、黑胡椒和羅勒，重開後的價錢仍舊沒有加過價。 門後的陳設佈局完全沒有改變，L型的吧檯前依舊只有11、2個座位，餐牌、檯上的汽水、調味，以及自家製麵的那台機器，一切都依舊，變的只是吧檯後店員面孔全都換過新

此店在元朗可為首屈一指，但礙於人龍頗長，一直未曾到訪。在上月，此店突然宣布結業，當時頓感晴天霹靂，萬分後悔！！幸好，今天它又再次營業🤗，當然馬上捧場。小店以拈面作主打，麵條自家製，有多種口味，以我挑了🍋味🤓，配以🦐湯，非常鮮味，又不失麵上🍋味，酸中帶咸，非常好味。除🍋味，還有胡椒味，店主還會不時轉口味，感受到店主對拉麵之真誠，不像旺區的拉麵店，熱情慢慢被生意額所呑噬。店主乃日本人，態度親切。好像置身日本！此店可謂元朗之最，如真的失去了實太可惜！！