彩

营业中

休息中

身為一個沾麵大好者，一直略有所聞這所身處於大西北區內的大人氣沾麵店。但始終大西北對我這個觀塘人來說，路途實在是超遙遠的，而且也有聽過這兒排隊人龍的盛況，就更因而令小弟卻步了....不過我這個老饕還是敵不過沾麵的大誘惑....今天，小弟可是專程為此請假而來的，有一種吃不到誓不罷休的感覺....店開十一時半，自己約十一時左右就在附近蹓躂了。看到日籍店主及一眾店員正在密鑼緊鼓做準備功夫，心情竟有點地緊張....始終在不久之後，就可以一夙素願吃到這裡出品的沾麵.... 門外放有一個牌子，說明了今天麵的選擇，另外還有各款自製麵的不同口味 (這亦是她的最大selling point)。睇到今日有的口味，心裡此時已有個大概.... 店真的很小，我看最多就只能容納不到十人。每個人點完麵後就忙著看手機，而我呢，卻在靜靜去欣賞日籍老闆專注地烹調一眾人的麵.... 一場來到，自然就想試更多東西。加麵底一定是必要做的動作。在這兒，非常貼心的是麵可以選不同口味的。今天小弟選的是聞所未聞的羅勒味道，後加的則是同樣少見的黑胡椒.... 呈微橙紅的湯底顏色，未吃之前已先嗅到了極濃烈的蝦湯香鮮氣，已可以預期這一碗蝦沾麵

雖然星期日晚等了足足一個小時，但絕對值得等待。男友叫了蝦沾麵，我叫了原味沾麵，兩人都是配小麥麵。原味湯底很香(我不知道怎麼形容才好)，不會死咸。肥瘦相間的肉和流心蛋配上湯汁令我吃完想再叫。蝦沾麵湯底也很好味。雖然是廢話，但我還是要說，超有蝦味。吃完口腔還有那種鮮甜味。這是一家有機會再入元朗會再去吃的優質小店

今日咁岩同住天水圍既朋友都係平日放假,就約出黎食個LUNCH,佢揀左呢間,因為假期既LUNCH成日都好多人排~今日凍冰冰,十二點去到都幾多人,好彩唔駛等,岩岩好坐到最後兩個位~店唔算大,大約十個位到,望望餐牌,每日有幾款自製既拉面~蝦沾面(小麥面)—朋友要左呢隻BASIC面,蝦油湯好香好濃,面質都幾彈牙,而且D湯都掛到好耐~黑油沾面(伯爵茶面)—上枱時向前一聞,真係有淡淡既伯爵茶香味~至於黑油湯亦都有好香既黑蒜味,不過當面一沾上湯,自自然伯爵茶既香味就被蓋過左~不過面質同小麥面一樣咁好~佢仲有D炸蒜粒俾你自己加,真係好香口GA,我就咁食都得XD係咁凍既天氣,食碗熱辣辣既拉面,感覺真係好幸福呢~~~~

聽人講元朗有間好好食既沾麵係openrice 見到食評都好好所以就抱住唔少期望 去試下星期日 十二點半左右到已經有條人龍 大約四至五枱客等左大約四十五分鐘左右就入得去叫左蝦沾麵加小麥麵其實佢一上個麵已經好失望!!佢個麵好幼身...最重要係 佢個麵 係熱上夾起麵放落湯啲麵唔係條條分明 有啲麵會痴住隔離個條個蝦湯味道幾濃 不過不失不過食完幾口渴應該唔少味精由於湯係杰身所以啲麵都算掛到湯麵食落 其實都偏淋食碗麵最好食係隻蛋佢岩岩好做到唔會好水既流心！總結其實沾麵最主要就係食個麵質但依度既麵 連合格都稱唔上

憑我食過咁多間沾麵，我可以好肯定咁同你講彩 既沾麵真係全港最好食架。正因為咁，每次去呀排隊一定要排長龍，所以建議想食既記住要早半個鐘去排隊啦，如果唔係有排等呀，仲要成日都好快賣曬。今次想推薦既會係佢既黑蒜油味沾麵，原隻既溏心蛋，配上自家製既叉燒肉，不得不提既係主廚係日本人，自家製麵，所以可以選擇唔同既麵款，特別既會有波菜麵咁，基本上每日都唔同既，所以我每次去都會要求加麵，咁就可以食埋另一款麵呀ma。

【2016 年 12 月】 元朗朋友成日都話元朗有很多美食，一定要帶我們去試 趁著聖誕節假期，我們終於約齊人由這位元朗地膽帶我們元朗一日遊 第一站，先去這間只有十一個座位的日式沾麵店食個早餐 ... 應該是午餐先晏 這間也是很受歡迎的長龍店，我們這日特登約早點 .... 在開店前半個排隊已經來排隊，做這日的第一輪食客，才可以一行九人一起開餐 食物種類不多，只有沾麵、蝦沾麵和黑油沾麵 麵條是自家即製的，每日有不同的味道 ... 這日有小麥麵、黑胡椒麵和菠菜麵 我們在店外排隊時，已經見到日藉師傅在製作麵條 儍媽的 ... 蝦沾麵配小麥麵條 麵條和湯汁分開盛裝 沾麵的食法是把一小撮麵條放進湯內，沾上湯汁後進食 蝦沾麵裡面有紫菜、筍、兩片叉燒和一隻半熟玉子 先飲一口蝦湯汁，味道很鮮甜，很濃郁的鮮蝦味 小麥麵條質感煙韌彈牙，帶麥香，掛汁力強，每條麵條沾滿了鮮味的蝦湯汁 加上大塊又夠厚仲帶點肥肉的日式叉燒，真是太滿足 ~~ 兩隻小魔怪的 ... 沾麵配菠菜麵 豚骨醬油湯汁味道帶陣陣豚骨鮮香，不太膩口，與健康的菠菜麵很夾 儍爸的 ... 黑油沾麵配黑胡椒麵 黑胡椒麵條上混了不少黑胡椒粒

彩拉麵都算係元朗名物，一路都未試過，主要因為我地對沾麵興趣不特別大，二來又知道 彩 嘅人氣好高，要有心理準備等位先食得。朋友見到我地平時都有周圍去食野，見我未試過 彩，都提議不如去試下。本來月初已經相約過黎一試，點知當日好黑仔 (冇做資料搜集)，撞正星期二去到，人家休息喔…於是我地再約另一日，所以對 彩 嘅期望頗高，畢竟期待左一段時間。彩位置都真係幾隱蔽，因為之前食過旁邊嘅甜品店 (HOME SWEET)，所以略有印象。週一晚上7:50pm都已經有條小人龍喺店外，小店只有十一個位置，所以都有心理準備要等待一段時間。換轉平日只有我同男朋友嘅話，相信我已經放棄左…不過約埋另外兩位朋友，就心諗，大家都想一試究竟，就點都俾啲耐性等下。等左十幾分鐘，店員就先出黎問問客人想點邊款麵，更容易控制時間。一來客人需要再等候食物一坐低就有麵食，二來亦都可以節省門外客人嘅輪候時間。彩 只供應沾麵，除左小麥麵外，每日都供應唔同味道嘅自家製麵條，我地當日就有黑胡椒、青辣椒兩種口味。至於湯底，分別有沾麵、蝦沾麵、黑油沾麵。最終45分鐘等待後，我地成功入座。基本上距離師傅好近，煮麵嘅係日藉師傅。空間唔多，但未至逼，

小弟為左食佢先後入元朗四次，但頭三次無功而還。第一次排長龍，第二次出job後去撞正佢星期二休息，第三次去遇到佢CNY休息兩星期，今次放工後即去，排隊等20分鐘就可以此店只賣沾麵，夠專注自己產品 (我好驚去d拉麵店賣拉麵，同時又賣飯同埋小食)。此店提供三種湯底和三款自家制麵條選擇，我揀蝦湯+黑胡椒麵。麵一入口有濃烈黑胡椒味，夠特別，但唔係粗麵 (太麵/極太麵)，同沾麵始終有dd唔夾。口感普通，如果再煙韌彈牙d就好。係麵條方面，始終好難搵對手可以同中環周月匹敵。湯底甚有驚喜，蝦味濃郁，完全唔口渴，怪唔之得咁多人慕名而來。叉燒肥瘦適中，鬆軟而唔鞋。蛋略嫌唔夠入味，但夠溏心。整體來講，可以翻兜。

一直都知道有這間拉麵的存在，亦從朋友口出得到不少好評，但礙於地點其在太遙遠，一直沒有試。今次，終於踏出了這一步，為了它遠征元朗！ 店舖非常小，只容納到十數人，是日大約七點到達，人龍已經十分長，再遲多十分鐘，拉麵就已經售罄，我們真的很幸運！ 否則就白行一趟！ 麵條可選黑椒味或原味，我要了蝦沾麵配黑椒麵條，$83。 蝦湯底頗濃郁，有陣陣蝦的鮮甜味，黑椒麵條可以看見黑椒粒，每條麵條均有黑椒的香味，麵條雖偏幼身，但掛湯能力不錯，而且口感彈牙，好吃！ 配料有叉燒兩片，溏心蛋一隻以及一些冬筍。叉燒肥瘦適中，不會太肥之餘又不會乾，糖心蛋很流心，尚算入味，不錯。枱面還有檸檬醋，炸蒜粒和辣椒油，客人可自行添加。 強烈建議加上炸蒜粒，蒜蓉炸至金黃色，又香又脆，為拉麵錦上添花。而檸檬醋就減低湯底油膩感，並帶出湯底的鮮味，一定要加！ 另一碗麵則要了黑沾麵配小麥麵條，$80。 黑沾麵即是黑蒜油湯底，黑蒜味不太強烈，是溫和地融入豬骨湯底中，自行添加炸蒜蓉會令味道更出。 黑蒜湯底，配上原味麵條最適合不過，小麥香加上黑蒜，味道很融合。 整體來說，由湯底、麵條和配料上都很不錯，亦不難理解為何長期有人排隊。

元朗多野食係人都知。。。有d食店開左一段時間都keep住有人排長龍去等就應該係keep得住水準啦今日同朋友本來想食西餐慢慢傾下計但7點左右。。。可能今日食左tea唔太餓所以想話食碗麵當晚餐啦諗起呢間長龍食店。。。見時間仲早去碰下運氣結果係平日嘅7點唔太多人，等4，5個就有位lu 一路等一路傾下計都好快門口好明顯我同朋友安排坐起入面最邊邊位姐係藍色布後面入面好細，都係得十個位左右所以食完就要走沾麵食過幾次呢間口味有三隻湯原味，蝦味同黑油味麵都有不同今日係黑胡椒，青椒。。。仲有隻唔記得不過我就選左青椒上枱喇！麵是暖暖地，湯就好滾熱蝦湯蝦味濃紫菜cut左個彩字好有心思入面仲有d筍啦大葱啦叉燒同半熟蛋叉燒唔會過肥好淋隻蛋一咬入面嘅蛋黃流出來個麵好青，但青椒味唔會好強麵質彈牙有咬口，不錯不錯最後食完無勁口喝，姐係味精不多但湯比較油 偶然食下都ok食太多就肥得多喇

第一次去 找了好一陣子才找到地方較為隱蔽 不過為了美食值得一搵！進去會深宵食堂 那種感覺地方偏小 所以等候時間變相偏長第一次去 當然要試試他的原味沾麵而拉麵 我選了青辣椒麵！沾麵湯 沒有想像中的那麼咸 對於我來說是適中的！而青辣椒麵 麵條有咬口 夠煙韌 有淡淡的青椒味！朋友說小麥面比較好吃 下次要再去嘗嘗！叉燒方面 即叫即切 下次要再叫多一份才夠食！

隱世小店， 正宗日本人開及打理。 之前已經知道要排隊所以我喺開舖前5分鐘到咗， 入到去原來得10 個bar 枱位左右， 好在我排頭幾名，唔洗等。 每日只有3 個麵款同3個湯底選擇， 今次我試左最出名既蝦沾麵， 湯超濃似落足料， ， 麵底分開上，份量好大。 加埋個濃湯， 超飽。 但我仍然見到有男客人要加底， 好勁。 如果加底， 湯是免費添的。 雖然好味， 不過實在多人排， 見議大家可以係佢開鋪前到， 減低排隊時間。 注意餐廳有落場時間。

元朗呢間沾麵，聽就聽好多人講過 ，話好好食， 成日都排曬長龍 。今日冇咩做 ，就早啲嚟排隊啦 ，十一點九到嚟到， 門口已經排咗幾個人 ，等到十二點開門 ，好彩即刻第一輪可以入到去。 佢有原味沾麵，蝦沾麵，黑油沾麵， 仲可以配唔同嘅麵餅食。 今次叫咗嘅係黑胡椒面 ，蝦沾麵個湯底真係好好飲， 好夠香濃，好有蝦味， 係我食過咁多個蝦湯底之中最重下蝦味嘅。我食過上環周月嗰間沾麵， 都冇呢間咁好食。 佢塊紫菜有佢個名喺度 ，整得好靚， 夠曬脆， 如果有多幾塊就好了 。佢嗰份量都好多 ，一個女仔食一定夠曬飽， 我見隔離個男人食唔夠飽可以加錢加底~ 會繼續黎

蝦沾麵（$83）黑油沾麵（$80）👅住元朗既朋友仔話呢間沾麵長期排哂隊😳😳有無咁堅呀🤔去到真係見到條人龍，排左大概45分鐘就入得去啦🤗🤗隊尾都捷埋龍添😗😗煮麵既師傅都係日本人黎😎望住佢地好型咁fing麵好期待🙈麵簡左黑胡椒麵同小麥麵🍜兩碗主角一黎已經聞到超香☺️☺️作為沾麵控都試過唔少沾麵湯，而呢個蝦沾麵一食真係呆左😳😳😳我係未試過呢種味既湯！平時主要係咸味，呢個係咸得黎好有鮮味😍😍😍而黑油就油香重啲再滲少少蒜味😌黑胡椒麵估佢唔到真係會有微微黑胡椒香，同蝦湯會好夾，成個味道好有層次👍🏻👍🏻啲麵比較乾身會痴住，不過都算夠咬口，掛哂啲汁😋😋😋呢個就係沾麵控既幸福😌入面仲有啲筍同叉燒，不過塊叉燒就偏瘦～總之，蝦沾麵湯加黑胡椒麵，呢個組合無得輸😎😎😎食哂啲麵，再加啲熱湯落去飲埋碗蝦湯☺️☺️Perfect❤️

去完大棠睇紅葉 就順便去元朗搵野食想食呢間沾麵既朋友 記得早d黎同埋預左排長龍😂7點幾既時候已經截龍我同fd係岩岩好最後2個人有得食一路等既時候 都好多摸門釘所以想食要趁早最後我地等到9點幾先有得食😂等既時候已經落左單所以一坐低已經好快有野食我地叫左原味同蝦味面就叫左小麥同黑胡椒羅勒麵賣晒 所以無得試最特別係2碗麵都有用紫菜整成既彩字呢個係原味同小麥麵原味係似醬油湯底既沾麵湯唔太杰 唔太稀無過咸雖然味道上無乜特別但係都好好食個小麥拉麵就好彈牙呢個係蝦味同黑胡椒麵個蝦湯我好想知用左幾多蝦去煲未食已經聞到好重蝦味飲落有少少飲緊龍蝦湯甘個黑椒麵就辣辣地加埋個蝦湯好夾好似食緊拉麵版既龍蝦湯鋪頭有好多特別野飲雖然櫻花同綠茶可樂無咩可樂未不過試飲下都唔錯