彩興來來火鍋 (已結業)

上次食完返尋味今次帶朋友黎食,,好野緊係要開心Share~呢度鍋底係即場烹調, 先飲完熱辣辣的雞湯,, 成個人當場暖立立啖啖湯都係雞的精華, 好濃郁~~~老闆話飲完湯,食埋雞, 蟲草花, 先加入上湯打邊爐飲完湯火鍋料先一一上台呢度XO醬入面有蝦米,瑤柱 麻辣醬, 自家制辣得好過癮!!牛頸脊. 脂肪分佈平均好食, 牛肉嫩芝士制響鈴, 比起坊間的響鈴特別大!! 加入芝士條係入面,更香濃~~招牌三併餃,, 每粒都好大粒,皮薄同好足料貢丸原來係手打貢丸黎, 入面有好多冬菇, 豬肉用半肥瘦, 唔會太油膩!好正

近日天氣咁凍, 最好就係去打邊爐啦~~~呢度的火鍋係先飲左個養生鍋再加上湯打邊爐上次同朋友食過真係好好食, 今次再黎食女仔當然要飲返個黃金雞湯補一補呢度湯底係你面前即叫即煮!四個人叫左半隻雞，材料仲有花膠同蟲草花雞的精華都去哂d湯度, 重口味其實飲完個湯都有半飽~中意食餃子的我就叫左招牌三拼餃,, 各款有3粒黑松露鮮蝦餃好好食又夠特別！！松露的味道出哂黎,好香又好食點左牛頸脊, 好重牛味加上又淋～芝士響鈴又大又脆, 亦都係餐廳自己炸呢度係遂碟計的，所以食物質素有返咁上下，高質！值得一提的XO醬同麻辣醬都係自家制！

朋友之前食過，介紹我黎食花膠雞湯火鍋，聽落都幾補，當打邊爐之餘又可以當下養身。湯底要左黃金雞湯，材料有雞、蟲草花、花膠、淮山等。店員會先用蒜頭同薑炒香隻雞，再落其他材料，最後放自家煲無味精嘅雞湯。個湯好香濃，啖啖雞嘅精華，每人飲左兩碗先夠。雞肉份量都唔少，夠三個人食。之後店員會加清湯比我地打邊爐。頂級安格斯牛頸脊打邊爐唔少得嘅牛肉，脂肪分佈密集，充滿油香，肉味濃，例牌都幾大碟鮮打蝦滑蝦滑口感結實彈牙，帶有蝦本身嘅鮮味，唔洗點豉油都得秋葵好少見嘅火鍋配料，食落好爽口，中間滑滑地，都幾清甜。秋葵營養價值高，要食多啲。最後老闆送上香甜桂花糕。

這邊新起多個樓盤，還開了很多幼兒培訓PLAYGROUP系列。而母親大人跟小米在這邊探路時，發現這邊有食店，所以選定在這邊晚餐。而自己放工後，就沿著燈箱指引，來到這個火鍋店。　在卡位就座後，先看看餐牌，都是很正常十分大路的鍋底和火鍋料。選擇困難症發作之時，職員就來主動介紹各款鍋底。誰知小米想要養生鍋！即是菇菌粟米之類，總之肉都唔多條的鍋底。我和母親大人都有點驚訝！小米平常無肉不歡，何故會喜歡＜養生鍋＞。點選其他食材後，然後自己調校醬料。以大量芫茜蔥蒜再加麻油，夠健康吧！　這個漆黑的鍋，是生鐵鍋嗎？職員把鍋內清洗乾淨後，放入養生的食材：粟米，小蘑菇，花菇，秀珍菇，金針花，杞子紅棗。在鍋內炒熱後，再倒入高湯，慢慢煮，然後多款食材都呈上了。　　終於等到這個養生鍋滾起來了！可以開始這晚的養生宴。　頂級安格斯牛頸脊　　餐牌有極上肥牛，美國肥牛，花雕肥牛。但自己知道，肥牛就是紅白相間，牛肉和牛脂平均分佈的牛肉。　不過，看到隔離枱講日文的客人所享用的安格斯牛頸脊，紅多白少，即是肉的比例較高，少脂肪，所以點這個安格斯牛頸脊。這盤安格斯牛頸脊跟隔離枱一樣都是紅多白少，可以想像到那種以肉味為主的靚牛。有高質

尋日同老婆同個女都打邊爐, 老婆想食重慶雞煲個女又唔食得辣所以訂位時問佢可唔可以食完雞煲可唔可以轉返清湯, 因為小朋友唔食得辣, 仲好醒咁問佢咁樣轉要唔要加錢, 答覆係可以同埋唔使加錢, 咁我當然好滿意個答覆再 book 埋枱啦好啦, 到餐廳都叫正正常常, 個重慶雞煲唔係咁正宗又多水, 不過算啦, 近屋企將就下食完雞煲叫佢轉煲, 阿邊個即刻變面同我講好少人轉煲架喎, 我話事先講左咁佢就真係俾個新煲我, 咦? 冇湯既? 唔係轉清湯架咩? "先生, 我地唔可以就咁上清湯, 要叫返個湯底" 下? 乜講完唔算數都得架?另外一個女侍應走埋黎話 "對唔住, 係我聽電話架, 我頭先可能剛開工聽唔清楚"下? 即係點呀? 你聽唔清楚又答係既? 算! 費事同你嘈! 叫返個最平既蕃茄濃湯, 承惠 $98 加一蕃茄湯整好後, 問佢可唔可以烏冬上先, 阿邊個又變面, 叫我體諒佢地人手唔夠廚房好忙下? 乜烏冬都要加工架? 定個 packing 要廚房先可以拆? 早知自己帶包去叫佢體諒下我叫左個芝士響羚, 幾好食, 算係最特別同最好食既一碟餸黎左幾碟就冇野食, 叫佢追單啦, 佢話出晒, 張單冇埋哦, 咁我寫過張囉總

將軍澳站近月多了不少新樓盤, 食肆自然也多了。是晚闖夜帝景灣商場這條"火鍋巷", 選了好評較多的彩興來來。入座後才發現全店的鍋都是生鐵鍋,而且湯底配料都會即場烹調,保證新鮮🌼。我們好不容易才選定鮮雞蟲草花花膠湯,選擇太多只能下次再試其他心水款式。店主把鑊燒紅後,便像大廚一樣逐一放入配料,最後倒入鮮雞湯熬煮一會,一鍋鮮甜暖胃的花膠蟲草花雞湯便做好了。我們盈不及待品嚐了數碗,一碗接一碗的喝下完全零味精的熱雞湯,感覺暖透身心。店主還用而雞件也十分嫩口好吃。難得有數塊厚身花膠,當然女士優先吃, 以200元內的價錢而論,食物質素的確比預期的高。肥牛是火鍋良伴, 當然不能缺少。店主替我們添入湯汁後, 便可放入火鍋料繼續打邊爐。店內供應隔油舀, 服務周到。頂級安格斯肥牛果然雪花勻稱分明,牛味濃郁。幾款手打丸也很有特色, 爽滑彈牙,手打貢丸尤其少有。全場之最要數巨型花竹蝦, 比手掌還要長。口感味道一流,從此愛上了。某些食材份量貴精不貴多,但雞窩和肥牛都相當有份量,足夠4人吃, 故此這頓晚餐也十分豐富。

朋友之前推介將軍澳站有間打邊爐好正，話同一般打邊爐唔同，今日天氣凍凍地同老公去試吓先😋餐廳環境都好乾淨整潔，坐得都好舒服，唔會坐得好迫夾，食得都舒服啲😆店員會介紹餐廳打邊爐嘅食法和招牌菜，我同老公都想試吓招牌家鄉鴨煲，啲蘿蔔炆得好林和好入味，啲鴨好香好嫩滑多汁，配菜都好多，所以好惹味和香噴噴😋調味盤好精緻，有九種調味料任君選擇，XO醬是自家製的，仲有好大粒蝦米同瑤柱絲，真係好正啊😻手切和牛超有牛味，又唔韌又有口感，超正😋值得一試👍🏻👍🏻黑松露鮮蝦餃超有驚喜，水餃勁大粒又彈牙，咬落去成個口都充滿着黑松露，啲蝦又大隻又多，超級好食😻😻蓎蒿菜每棵都好大棵，好新鮮，勁鐘意😋芝士響鈴係餐廳自己炸，所以一定新鮮，仲超級脆，食到中間有溶溶地嘅芝士，好正😆蟶子皇超級大隻，好新鮮，好彈牙仲好鮮甜，必食推介👍🏻👍🏻職員好細心會幫你撈起啲肥油，等你食得健康啲，仲冇咁肥添😆😆係馬路出面有個招牌會指示您點樣入去餐廳。整體上非常滿意這間餐廳，因為樣樣食物都好新鮮好好食，坐得都好舒服，職員都好細心服務你，還有每道菜式都睇到廚師好細心咁裝飾，我哋食嘅時候都會開心啲，影相都靚啲😻👍🏻

我喺將軍澳都住左好耐，平時食嘢都是一些連鎖快餐或連鎖餐廳為主，沒有什麼很有特色的餐廳。不過近年將軍澳發展迅速，很多大型商場都包含各式各樣的美食。就在這個帝景灣商場，也就是新開的商場之一。在冠冕堂皇的商場裏面，竟然有一間火鍋店。平時吃火鍋都是以酒樓為主，今次就試一試這間新開的火鍋店，看看質素如何。雖然距離地鐵站大約有6至7分鐘距離，但是前往途中的指示牌很多，不難找到餐廳的位置。餐廳坐得舒適，有不少卡位。我和朋友兩個就被安排坐在窗邊，可以看到露台的景色。這間火鍋店與其他與別不同，因為它用的是砂鍋火鍋，更耐熱，更傳統。這裏的食法是先叫一個湯底，其實它更是一個小菜。食完之後再加上湯打邊爐。這裏最出名的就是招牌家鄉鴨煲，咁就當然要試吓。招牌家鄉鴨煲（例牌）＄198店員首先將鑊預熱，把鴨煲材料放進去。可見它煙霧四起，就感覺到它很有鑊氣。例牌份量都不算少，足夠三至四人分享。材料有鴨件，芫荽，香蔥，蘿蔔，蒜頭和洋蔥等等。 這些香口的食材為鴨件加上鮮甜和香氣。鴨件不肥膩，亦都腍身。醬汁完全深入鴨件之中，味道不錯。蘿蔔很鮮甜，吸收了鴨件的肉汁和醬料，味道濃郁，滋味。豉油的配料很多，有蒜蓉，炸蒜，辣椒，辣椒

踏入十二月中後期香港終於有點冬意，冬天少不了打邊爐。近日將軍澳開了不少新食肆，除將軍澳中心及天晉二期外，原來帝景灣商場亦已悄悄開幕。同街坊講起，提到帝景灣有間火鍋店用闊口鑊打邊爐，鑲入枱中，湯底即叫即煮，聽落亦覺特別，就擇日一試。帝景灣商場原來喺天晉三附近，不過位置比較僻靜，都需要用到google map搵位置。商場一樓位置暫時面對空地，將來好似會起公園，到時既可望到公園景又近海濱應該環境唔錯。湯底中揀選半隻黃金雞湯，材料除半隻雞外，尚有花膠、蟲草花及鮮淮山。侍應先將薑蒜落鑊，再煎熟雞件，然後加入雞湯，放入花膠、蟲草花及鮮淮山再滾起。侍應建議先飲雞湯，之後再加雞湯打邊爐。黃金雞湯材料十足，雞件嫩滑有肉，唔會切得太細，花膠爽中帶腍，蟲草花及鮮淮山增加湯頭鮮甜度，此湯實在係養顏之選。食完半隻雞及一兩碗湯後，兩人已有半飽，只點少許火鍋料已夠。西班牙黑毛豬西班牙黑毛豬入口嫩滑又肉味濃，薄薄一片輕淥已熟。脆骨腩 脆骨腩很爽口，雖然骨多但亦大條，小心慢食即可。醬爆手打丸 手打丸有柚子墨魚丸、芥末芝士鮮蝦丸、黑松露蘑菇牛丸及花膠粒北菇肉丸。柚子墨魚丸的柚子餡很清新特別。芥末芝士鮮蝦丸亦有點點芥末攻鼻

有朋友住帝景灣先知呢度有間真材實料的火鍋店.已經Book好台,所以唔洗等位.當日我地點左黃金雞湯(有花膠,蟲草花) , 鮮鯇魚湯, 一次試哂兩個湯底兩個湯底都好足料...等到個湯底滾起, 就先喝湯,魚湯真係十分夠味,唔會有腥味!! 雞湯吸收哂所有的精華,一啖花膠一啖雞,女仕補補身咁凍的天氣打邊爐. 喝完成個人都暖立立呀呢度係自選火鍋,,唔係任食, 有便有貴, 一分錢一分貨呀呢度的醬料亦都相當出色, XO醬好夠料,食到粒粒分明而我地相當喜歡食辣!! 如無辣不歡的你..你都要試下佢的麻辣醬,辣得好過引,食完一啖再添一啖, 好滋味即炸響玲,,好脆!!招牌三併餃, 好大粒好足料牛頸脊, 一試難忘所有食材都好新鮮, 好有水準, 一定會再黎過

咁岩有朋友住喺帝景灣於是成班朋友去完佢屋企housewarming就去樓下打邊爐啦，聽朋友講呢間彩興有好多唔錯comment，平日都坐滿曬，一去到我哋開咗兩個爐，佢原來唔係普通打邊爐嘅煲，係用鑄鐵鑊，同埋個湯底係即叫即煮架，好有趣！我哋叫咗鮮魚湯底同埋花膠蟲草雞煲， 呢兩個煲都係老闆推介嘅， 條魚係新鮮炸起，所以個湯底係特別鮮甜， 老闆會親自烹調個湯底 ，見佢哋即叫即煮都值回票價，哈哈！ 老闆溫馨提示，策略係先飲咗個湯底之後先至落配料， 因為之後後加嘅湯都係清湯 ！ 好有驚喜嘅係個湯真係好甜，花膠雞湯又好補好暖身！ 我哋叫咗蝦同象拔蚌，好新鮮。再叫牛頸脊， 牛頸脊真係超好食，入口即溶，唔肥又勁多雪花， 另外有幾款都係必點，芝士響鈴 自家製，出面係食唔到！ 餃子同埋芋頭都係自家製，芋頭即叫即炸， 真係超好食，外脆內軟好鬆化，  材料真係好新鮮值得一讚！ 聽講係老闆每日自己親自去街市搜羅新鮮食材！下次一定再光顧

呢幾日凍到得十幾度，決定喺屋企附近打邊爐，呢一次係我食過第四次喇！😂 原因無他，價錢合理火鍋食材又新鮮， 坐得又舒服仲要湯底係即煮！今次同六個朋友一齊去食，可以食多啲嘢嘛,嗌咗兩個湯底！ 花膠蟲草同埋魚湯底！我好鍾意花膠湯底，就咁飲啲湯都飲左一半 有幾樣必點嘅， 牛頸脊 蝦滑同自製餃子 今次都係第一次食自製餃子，最鍾意食係黑松露味仲有最開心係烏冬有得叫稻庭烏冬鍾意嗰種口感彈牙感覺！ 平時叫嘅烏冬都係好粉無口感仲有係黑栢葉必點因為出面好難買，所以都唔係成日有得食仲有食過幾次最好食嘅脆骨腩每一次都會必點架！勁爽口！ 海鮮好新鮮，叫左基圍蝦同象拔蚌！資料由iPlayHK.com香港愛玩生提供

OT放工後喺返將軍澳區內搵食，就同兄弟去打個麻甩邊爐啦！小店形式經營，餐牌選擇唔算多，但亮點係個湯底，即叫即煮！我地就叫左胡椒豬肚湯底（$98），個湯就在你面前爆香胡椒，再煮個湯底架！醬料盤好精緻，自己撈撈先！（醬料$15/位）打邊爐點可以唔食牛呢？我地叫左碟頂級安格斯牛頸脊（$208），牛味都幾濃，以例牌黎講都算大碟。響鈴（$48），即炸，夠新鮮！皇帝菜（$38）醬爆手打丸類（$128），叫得醬爆，當然粒粒都有內涵啦！柚子墨魚丸、芥末芝心鮮蝦丸，黑松露蘑菇牛丸同花膠粒北菇肉丸；隻隻味道都比平常食開嘅特別，例如墨魚丸有柚子嘅清新味，豬肉丸內有花膠同冬菇嘅咬口，仲有，全部都爆汁，咬落去嘅時候真係要小心，唔好辣親個嘴呀！

這間火鍋店位於新商場內，距離地鐵站比較遠一點，差不多要行十分鐘，但因為客人不多所以坐得很舒服，而且店員招呼也很好，所以地點比較遠也沒所謂。醬料每位要付$15，其實款式很多所以也值得；但如果喜歡原汁原味也可以選擇不加醬料。黃金雞窩(半隻) 我們叫了滋補的黃金雞窩，材料非常豐富：有半隻雞、很厚很大件的花膠、還有蟲草花和新鮮淮山。店員先在生鐵鑊爆香蒜頭和薑片，然後再落雞件，炒一會再落蟲草花、鮮淮山和花膠，再加上廚師精心熬製的上湯，令湯底香味四溢。店員蓋上鑊蓋再煲一會，還提醒我們先喝些雞湯才開始打邊爐。那碗雞湯真的很鮮味很濃郁，像媽媽煲的老火湯，所以一定要喝多幾碗才再加上湯打邊爐。花雕肥牛 花雕肥牛一上枱已經使我們聞到很香花雕味，熟了的肥牛還有淡淡的花雕香味，而且肉質也很好，一點也不覺得肥膩。廣島蠔 廣島蠔份量很多，隻隻新鮮又美肥，用來火鍋很好味和有口感。皇帝菜 皇帝菜份量很多，而且很新鮮。