彩興來來火鍋 (已結業)

聽朋友講將軍澳開左間新既邊爐小店，見呢排天氣咁凍，最啱打邊爐，所以收工同幾個朋友去左試下呢間小店星期五人流都幾多，好彩等左唔係好耐就入到去。我地未點好配料，侍應已經好好咁送上醬料俾我地我地揀左彩興鮮鯇魚湯底，待應好用心，會計住時間放魚，製作認真我地四個人嗌左好多唔同種類既食物。特別推介個牛，薄薄一片好好食！身為食肉獸既我地，好快就搶食曬啲牛我地仲嗌左豬肉丸、魚皮、白菜仔、響玲、餃子、豆腐等等。樣樣都好足料，好好味。招牌三拼餃包括黃金餃、韮菜餃同黑松露鮮蝦餃。好特別！呢間小店環境舒服，侍應好好服務又有禮貌，食物整體黎講都好食，值得一試！

成日放工返屋企都見到來來既牌。一早約左朋友黎試。咁岩今日天氣轉涼，岩哂打邊爐。一去到餐廳係滿座，建議想食既朋友早d訂位。呢度仲環境好舒服，位置好闊落。一睇個餐牌，湯底有好多選擇。最後我地揀左魚湯，個魚湯好足料，入面真係有成條魚係到。跟住我地真叫左肥牛、豬肉丸、魚皮、響玲、餃子、豆腐等等。樣樣都好足料，好好味。特別係肥牛，一上枱我地就流哂口水。餐牌仲有好多好特別既丸，係平時市面上見唔到，就好似啤梨丸咁。但係今次唔夠多人黎食叫唔到咁多。下一次一定叫多d朋友黎一齊試哂佢。總括黎講，呢餐真係好好味，一定會再黎過。

平時覺得將軍奧冇咩好食，知道開咗一間有特色小小嘅餐廳，今次專程嚟到呢度打邊爐！位置雖然遠少少，但係好有驚喜。餐廳有卡位，適合三五知己黎小聚。打邊爐飲下酒咁。醬料盤係九宮格，款式應有盡有👍🏻👍🏻👍🏻叫咗個養生湯底＄98店員先將茶樹菇、其他香菇、粟米等食材放進鑊中，再加入湯底煮熟並貼心提醒，飲啖湯先好打邊爐😙湯底非常清甜滋補，飲咗幾碗先開始打邊爐😍😍😍冬天飲更加暖粒粒❤️❤️❤️推介花雕肥牛$108個人好鍾意食啲有酒味嘅嘢🤤又鍾意食牛肉！呢個配搭，一次過滿足晒我兩個願望❤️❤️花雕味香，又唔會蓋過牛肉味牛肉嘅脂肪唔會太多。超。好。食🤗🤗🤗羊肉片＄75有羊羶味！肉質有口感。蟹子墨魚滑$88口感彈牙，食到粒粒墨魚。好滿足。花甲$108大粒鮮甜。又可令到個湯底更甜。皇帝菜＄38平時打邊爐叫菜好貴，呢度價錢合理，份量多又新鮮！皇帝菜打邊爐必叫之選！（仲有好少見既唐萵！）總結覺得餐廳幾有誠意，位置上雖然較遠，但以咁嘅價錢，質素俾好多大商場嘅食肆都要有心同有d特色。👍🏻大家可多多支持小店呢！

將軍澳新樓盤相繼落成，同時間帶來不少新餐廳，為沉悶的將軍澳帶來新景象。可惜新餐廳其實是集團式經營或者是連鎖店，同一個Menu、同一個味道倒模出來；真正獨立經營的餐廳在差不多被壟斷的市場內慢慢地「被消失」，作為小市民當要大力支持小餐廳，因此多在 Openrice 上尋找這些被遺忘的小餐廳。今日就揾左間屋企附近的新餐廳，名字非常地道，叫【彩興來來火鍋】。將軍澳區內不太多火鍋店，剛好今日開始轉涼，正好是食火鍋的時候！【彩興來來火鍋】位於帝景灣的新商場內，老實說一點都不容易找，這一帶實在太新了，附近還有住宅地盤正在施工，openrice、甚至 google map 都沒有太仔細的地圖。走了差不多十分鐘、兜兜轉轉終於找上。沒有華麗的門面，就像一間街坊餐廳、或者似是旺角上海街砵蘭街一帶的地道街坊火鍋店。步入火鍋店，客人比想像中多，而且越夜越旺。火鍋店裝潢平實，勝在有電視、有wifi，另外環境光猛整潔。甫坐下店員呈九款不同火鍋醬料($15/位)，醬料放在充滿中國風的瓷器。另外兩款免費小食(五、六、日供應)，分別有凍螺及酸蘿蔔。筆者對酸蘿蔔從來興趣不大，沒有品嚐。凍螺就味道不錯，調味惹味而且螺肉爽口彈

其實我真係好鍾意打邊爐食海鮮！最鍾意就係新新鮮鮮咩都唔加個個味！ 咩都未叫之前就先上咗嗰醬料自選。香港人最鍾意就係混醬。呢度醬料嘅選擇都幾多。但因為我都係鍾意咩都唔加，所以只係要左少少豉油。未試過呢種食法嘅火鍋， 老闆娘話個鍋係用麻油黎養住嘅，咁先冇咁容易生鏽。叫咗個養生雞煲。有花膠，有蟲草花，仲有雞，仲有淮山，幾得意嘅係佢會即場喺你面前炒&煲。但又唔算煲好耐喎，都幾快有得食！而且一路炒一路有香味出黎。令人食指大動。個湯真係好甜，雞味好出，又唔會太"鞋”。我飲左2碗先開始食野！因爲真係好鍾意食海鮮，所以叫左個海鮮拼盤，咁就唔使左揀右揀啦！個拼盤都幾大同幾多種類。蝦有，蠔有，鮑魚有，貝殻類都不少。全部都好新鮮！而且貝殻類無沙！洗得真係好乾淨！特别想提佢D蠔真係好大粒！仲有D鮑魚，廚師好細心咁切開左2半，咁食起上黎就易D啦！D蝦有膏都完全係我無諗到既。一個字！鮮！呢到仲有我好鍾意食既魚頭！上既時候真係有少少surprise, 無諗過咁大個魚頭！每個1開3剛剛好，平均分配左D好滑既魚雲同好肥美既油脂。好香好香！因爲黎得比較早，未有太多人入座。裝修用紅白黑，唔似傳統既火鍋店。枱面個個鐵圓圈下面

天氣轉涼，最近經常吃的就是火鍋，不過每次都要去尖沙嘴、銅鑼灣或旺角開餐，如果在家附近當然最好。將軍澳站附近多了很多食肆，發現有家火鍋店，一定要試一試。地鐵站過去大約7分鐘。地鐵站B出口直行過馬路，經過天晉二期，來到帝景灣商場，看見火鍋店的招牌直接向左轉，穿過小巷，就會看到商場指示牌，上商場一樓就到了！以住在附近的住客來說，是十分便利。星期五晚上7時，店內有兩檯客人。店鋪不算大，裝修簡樸實在，有兩部電視📺。座位由兩位卡位至十多人的大檯都有，不過7點半後後生意愈來愈旺，8點多更是全場爆滿，如繁忙時段前來用餐建議提前預約。只有一張雙面點餐紙，非常簡便，食材分類清晰。火鍋配料有海鮮、各款蔬菜、牛肉、手打丸、餃類等，還有一些小食和特飲。我留意到餐廳的湯底很有特色，有招牌家鄉鴨煲、彩興鮮鯇魚湯、黃金雞湯、辣雞湯、養生湯底、胡椒豬肚湯底、番茄濃湯底和香茜皮蛋湯。看見旁邊的客人點了番茄湯底，有幾塊大骨頭、幾粒番茄和薯仔，想必其他湯底也不錯。點餐後便送來醬油讓我們自由配搭。醬料齊全，應有的都有，例如芫荽、蔥花、炸蒜末、蘿蔔泥、麻醬。麻醬味道不錯，顏色啡黃色，淡淡花椒味，，微辣，有興趣可以一試。養生湯底

我們點了少的黃金雞湯湯底,火鍋料則點了芝心墨魚丸, 蘿蔔、貢丸、花雕肥牛、黃金餃、嚮鈴和油麥菜。黃金雞湯湯底除了半隻雞外還有花膠和蟲草花,店員會先洗獲, 之後再放湯,個湯頭好清甜, 味道適中, 雞肉鮮嫩肉質鮮甜, 蟲草花味道爽口清甜, 花膠好腍, 入口即熔, 配上鮮雞和湯底味道醒胃, 並不油膩。芝心墨魚丸食落彈牙爽口, 芝士味道香濃, 墨魚丸食落彈牙；蘿蔔食落鮮甜沒有渣；貢丸味道爽口, 肉味鮮甜, 足料彈牙；花雕肥牛一上桌時有陣陣花雕酒味, 酒味香醇, 牛肉肉味香濃, 好腍好美味；黃金餃皮薄餡靚, 入口有陣陣粟米粒, 粟米粒味道清甜, 肉質入口即熔；嚮鈴食落爽脆乾身, 食落不油膩, 香脆爽口；最後油麥菜新鮮清甜；餐廳醬料賣相一流, 炸蒜香口, 沙爹醬好惹味；餐廳座位舒適,食材新鮮,食物美味, 黃金雞湯湯底很有特色,雞肉, 花膠和蟲草花, 入口鮮嫩, 爽滑, 十分惹味, 美味的特色火鍋。

寒冬來了，情人的問好，還不及陪你熱哄哄的打邊爐。將軍澳帝景灣，是新入伙的商店呢，靜中帶旺的小天地，難得有火鍋新店，吃這個火鍋真的太合時了！一看餐牌就決定要點招牌家鄉鴨煲。在其他火鍋店幾乎找不到這特別的湯底，而且煮法相當特別，氣勢十足。首先將滾油燒熱鐡鑊，然後將炆好的鴨肉炒香，一會兒便可以慢慢吃家鄉鴨煲了！鴨肉相當入味，香濃肉嫰，相當有𡁻口。不消一會就吃光光！放入上湯就即將進入打邊爐時段了，另單點了：黑松露鮮蝦餃、響鈴、牛脷、珊蝴蚌、竹笙、油麥菜。黑松露鮮蝦餃份量很大隻呢，一口口都是滿滿鮮蝦肉和黑松露香，超級引人垂涎！牛脷也有夠肥美，爽口彈牙，值得一吃！招牌家鄉鴨煲加火鍋，一鍋兩食物有所值，如果多帶幾個朋友Share，試更多配料，就更適合了！

上星期六突然急降六七度, 一向怕凍的我, 當然馬上找出所有預寒衣物和被鋪, 但單單靠外在保暖是不夠, 要由內在是有效, 那就需要由吃入手。又掛住食, 哈! 故第一時間相約朋友去火鍋, 簡直是暖身的好方法。友人住將軍澳, 而我就在將軍澳工作, 一於齊齊在這區覓食, 當然由友人安排, 始終都是她較熟識這地方。不是由她帶路也找不到這間火鍋專門店, 位於帝景灣屋苑附近, 平時很少踏足的地方。友人帶我沿小路走入去, 便見到一間佔地不少的火鍋店, 透過大型的落地玻璃門窗可清楚看到內裏環境。餐店裝潢跟一般的火鍋店有點不同, 帶點時尚感, 牆上貼了一幅長長的黑白色寫實打邊爐照,  挺有意境, 亦有幾張火鍋大相片, 很吸引。內裏設有三張四人卡座, 亦有一排長沙發座配四人枱, 而另一邊亦設有數張六至八枱, 岩晒大夥兒圍在一起“烚下烚下”, 熱熱鬧鬧。翻閱兩張餐牌, 選擇不少, 分門別類, 有湯底、火鍋配料、火鍋滑類、手工籃四寶、火鍋飯麵類、餃類、火鍋什薈、手打丸類、醬爆手打丸類、火鍋海產類、牛肉類、小食推介、田園時蔬、特飲類和飲品, 選擇多得令我倆眼花撩亂, 揀乜好呢? *****************

講真我住將軍澳都覺得呢間彩興有少少格涉。其實佢都有啲慘慘B. 因為帝景灣未正式開曬，要入去都要經過一條巷仔，對一間餐廳黎講，呢個location的而且確唔係太容易招客，我哋如果唔係friend介紹都唔識行。不過佢地既火鍋都真係好有特色，值得一試！呢到唔係做放題任食，基本上你想食乜嘢就自己點，價錢有平有貴，任君選擇。我哋先點咗個花膠雞湯做底。 重點就嚟啦！平時啲湯底都係成煲咁樣上嘅。廚房一早煲左個花膠湯雞湯，然之後就再滾番熟佢就做火鍋湯底。 但呢到係成碟花膠雞咁樣攞過嚟，我一開頭都諗佢咪上錯咗。 結果原來佢會炒下啲材料，跟住之後先至再落雞湯去煲。係即場喺你面前做呢樣野。成件事即刻高級咗 味道方面，D雞因為經過炒香過，所以食落都特別覺得香！而且D雞都好嫩滑！花膠就更加唔洗講啦！滑捋捋都幾大塊喺等緊佢煲熟嘅時候我哋叫咗個黑栢葉，我地冇睇清楚以為佢係前菜可以就咁食。結果原來係要火鍋咁要淥既。係咁肚餓嘅時候緊係第一時間淥咗蝦先啦！快熟呀嘛！佢啲蝦超級新鮮！佢個蝦頭係有蝦膏嘅！好耐冇試過食過咁樣嘅蝦啦！平時都係食啲基圍蝦多！正！食完蝦就食我鍾意就蠔啦！我食蠔嘅生熟度同爸爸媽媽食嘅真係好唔同！我鍾意

將軍澳站一帶，建了不少新住宅，多番探索一下，或會發現新美食。是夜，不經意來到近海濱一帶的帝景灣，新建的商場果然格格不同，以宮殿風格，霸氣又不失一番華麗感。其實這商場還有很多商鋪仍未開張，不過就找到了這間新開的火鍋店。的確，將軍澳站一帶除酒樓外，經營火鍋店可謂十指可數。值得一提的是，這裡提供不少特色湯底，包括招牌家鄉鴨煲，彩興鮮鯇魚湯，養生湯底，還有以蟲草花、花膠製成的黃金雞湯。而是次就選了彩興鮮鯇魚湯，魚湯打邊爐感覺不會太膩吧！？而湯底亦有分例和大size，適合幾伙子，或是全家人吃。未打邊爐，可先喝湯！彩興鮮鯇魚湯/$168(例)，採用新鮮鯇魚熬成，不像坊間的味精湯，最欣賞的是湯底特別鮮甜，很重魚味但又不覺腥，喝幾口暖暖胃，又不會感到口渴。鯇魚亦可以上碟吃，不能煲太耐否則失去原有的魚味，不過記得吃時小心魚骨。邊爐怎不少得配料醬油，9宮格有辣椒，蒜，蔥，XO醬，辣椒醬等調味，以一般中式配料為主。芝士腸/$40，份量多，非常脆口，而裡內的芝士也頗多，打邊爐最適合。美國肥牛/$98，色澤紅嫩，不過就看落脂肪太過多了。肥牛是打邊爐必需品，不過牛牛脂肪就較多，有點失色。由四款不同的丸類組成的醬爆

將軍澳站近年起唔少新樓，其中亦開唔少餐廳。今日就嚟到臨海一帶的帝景灣行下，呢到只係開左幾個月到，商場的舖大部分都未開，不過就搵到呢間火鍋店。一開始入到嚟無咩人，不過坐耐左之後就開始FULL場了。座位都幾寬敞，冷氣又好夠，唯一不足係枱下條邊爐線好麻煩，成日KICK到，如果枱下有洞收起會更好。呢到提供邊爐食物都幾齊全，基本上咩都有，價錢亦算合理。調味料都係款款都有，好似9格宮咁，任君選擇。呢個鮮鯇魚湯，係餐廳的推介湯底之一，真係好入味，未打邊爐可以試一試個湯先，暖下胃，再繼續作戰。湯鍋內的鯇魚件件都好大舊，湯底熬成白色，一D魚腥都無，幾好味，可以先食左D魚，再打邊爐。點咗個醬爆手打丸，不算太醬爆，不過就幾彈牙，味道都唔錯。其中黑松露蘑菇牛丸好夠味，未食已經聞到一陣陣黑松露的香，而柚子墨魚丸都幾好，夠晒Fresh，咬開入面有一條條西柚小弟就好鐘意呢個炸魚皮，超脆口，好新鮮，用嚟打邊鍋最正。脆骨腩亦係必點之物，骨膠原重，咬落極爽口，食完一件又一件。食返d菜中和一下，以減酒膩度，酒麥菜亦非常新鮮，又可以吸收魚湯底，打邊爐係唔錯選擇。 另外亦叫了個烏冬，發覺呢到的烏冬好彈牙，口感幾好。整體覺得食物

過了中秋，過了重陽，秋天正式來到，秋風起三蛇肥，但我不喜歡食蛇，我愛吃火鍋。家住將軍澳，全區沒多少間火鍋專門店，最近到附近的彩興麵點食挍挍麵，與老闆閒聊，老闆話眼見附近很少火鍋專門店，就膽粗粗在最近落成剛入伙的帝景灣開了一間彩興來來火鍋，還叫我去試吓俾啲意見。本來已想去吃火鍋，就約同家人去試一試。順便一提，幫襯了彩興麵點多年，挍挍麵一直保持水準，彈牙好味。去彩興來來火鍋，是要一點膽量，哈哈！帝景灣剛入伙不久，入口處長長暗暗的通道，最初還以為自己走錯路，一直行到轉彎位才看到商場入口。彩興來來火鍋簡單的裝修，大大小小十多張枱都已坐滿客人。那個火鍋的鍋子以前從未見過，鍋子裡好像有點麻油香香地，店員講解，鍋子是生鐵鍋，傳熱快有鑊氣，為防生銹塗點麻油，開火前輕輕抺去就可以。黃金雞湯（花膠、蟲草花），有專人席上烹調，蒜頭薑片白鑊爆香，放雞件，鍋子雖然近在咫尺但油不會濺到衣服，這就是那鍋子的神奇功能，雞件炒至半熟加花膠和蟲草花，再加雞湯冚蓋焗熟，揭開鍋蓋，香噴噴的雞湯味撲過來，先嚐雞湯再吃雞件，雞湯濃郁帶一點點薑味暖胃，雞件鮮嫩有雞味，雞件食晒，喝清雞湯，再加上湯吃火鍋。頂級安格斯牛頸脊，不是普通肥