張公館

营业中

休息中

出浴豬 其實係奶凍😌真係超級kawaii 蝦多士脆卜卜仲係用成隻活蝦整片皮鴨就有半隻 份量其實偏小但係肉味都夠 被亦都唔會太肥呢度除咗可以夾青瓜 京蔥仲有紅椒層次同味道都配搭得有嘅驚喜二食嘅鴨鬆生菜包 鴨肉其實佢呢度都幾大粒 最緊要係山菜揀得好新鮮同埋完整度好夠 唔會你包嘅時候啲肉粒一路喺個窿到跌出黎咕嚕肉有百合 所以鮮甜度提升 黯然銷魂飯 叉燒玫瑰露酒味好香 煎蛋流心 配合埋豉油好味😋另外食咗焗蟹蓋飯 係一位位上嘅偏西式 入面有蝦有蟹 個飯就係個蟹蓋上面 另外仲有冇影到嘅啫啫鮑魚菜心煲鮑魚稔滑入味 條條菜都掛汁 正另外一個甜品我覺得更加好就係清心丸綠豆爽你唔會覺得佢啲綠豆爽一粒粒好硬清心丸非常煙靭 成個甜品飲落去喉嚨好舒服 順帶一提呢度海景非常漂亮

見到張公館有二人下午茶，優惠價$398 2位用另加一，想訂星期五竟然無位，所以訂左星期六同老公撐枱腳！ 飲品方面我地要了茶 / 鮮橙汁及咖啡 第一道上既係雜果火箭菜沙律及蟹籽鰹魚汁冷麵，我本身唔太鐘意食冷麵，但呢個麵我覺得好好味！ 原隻鮑魚酥/蝦餃/燒賣/小籠包有水準 魚子醬滷水流心蛋，見到個樣有點失望，都唔流心既？ 幸好食入口又幾好味，滷水得入晒味！ 蝦多士/炸春卷，我在外面係第一次食蝦多士，原來咁好味！ 春卷又係好味，炸得好脆！ 紫薯牡丹酥/芒果糯米糍係2揀1，老公話芒果糯米糍成日都有得食，不如試下紫薯牡丹酥，呢個我覺得唔好食！ 酥皮咖哩酥，唔酥之外仲好難食呀 >__<!!全個餐呢個係唯一既難食！ 豬仔出浴奶凍/桂花五色糕，個豬仔奶凍好得意，話明出浴，所以用左個浴缸裝住隻豬， so cute 哈哈！  我唔食奶凍所以唔知好唔好味，但個桂花五色糕幾好，而且唔甜！ 西式 tea set 食得食，中式tea set 都係第一次食，幾有新鮮感，當日陰天否則對住維港景色更正！

張公館六公館李公館，今次係去張公館，景靚又抵食，醉乳鴿$98 1隻，特價$68，所以叫咗一隻，係BB鴿嚟架，肉嫩骨脆，點心好食喎，又唔差，size係正常，有我至愛蘿蔔絲酥餅，呢個好好食，夠酥夠鬆唔油，雪山义燒包普通，因為最好食嘅就只有國金軒，其他點心唔差，職員招呼又好，最正係我哋11:45去到，咁佢話開12點嘅但都招呼我哋入內坐低飲茶，不過點心就要12點先可以入單，問問下職員，話一點前埋單有八折，比起留電話做會員有九折仲抵，咁我哋都食得7788都可以係一點前買埋單，折咗四百幾蚊，咁就好抵喎。期待下次食晚餐。

一頓豐富嘅午餐都要有優美嘅環境配搭！服務和食物質素當然重要啦⋯⋯環境質素都非常重要😬約咗今日嘅舊同事又係舊老闆😬佢係完美主意者😬選擇這間餐廳就最好不過啦⋯⋯ 🍵🍵張公館🍵🍵餐廳裝修高雅！舒適宜人！每張枱距離非常大，坐得舒服食得放心⋯⋯瓦埕秘製玫瑰雞套餐$388 1位羊肚菌花膠燉湯呢個燉湯真係非常出色！非常鮮甜而且花膠仲好厚添⋯⋯而且非常夠熱⋯⋯蝦餃皇一件餃皮厚薄適中，蝦肉夠鮮加上筍粒帶出口感！蟹子燒賣一件燒賣非常彈牙加上蟹子帶出層次感！上湯小籠包湯汁非常豐滿 ，肉餡充滿油脂嘅甘香！玫瑰雞配絲苗採用豉油雞超級惹味！最愛佢加上秘製嘅豉油，味道立刻昇華！雖然唔係好夠熱但係味道都好好！一道豐富嘅午餐梗係唔少得甜品啦⋯⋯豬仔出浴奶凍樣子超cute，真係唔係好捨得食！橙皮清心丸綠豆爽清心丸非常煙煙韌韌，加了橙皮帶出清香！

喺銅鑼灣V Point呢座新開嘅中心有好多高質嘅食肆，而入面其中有一間高質嘅中菜餐館張公館，佢哋嘅出品精緻又好味，呢次我哋就去試下佢哋新出嘅晚市尊享秘製瓦罉玫瑰雞套餐。前菜：三款嘅前菜分別係冰鎮醉鮑魚、脆焗蝦多士 、魚子醬滷水流心蛋。鮑魚好有咬口，酒味好突出。蝦多士夠哂香脆可口，一啲都唔油膩，用嘅蝦都好鮮甜。而最後魚子醬滷水流心蛋，鮮味十足嘅魚子醬客配埋經已滷得好入味嘅流心蛋，味道好夾，兩者相互突出各有嘅特色，令整體變得更加完美。湯品就係羊肚菌花膠燉湯，亦可＄200可升級為 紅燒潮州翅。呢個燉湯用料十足，無落任何嘅味精，而所有嘅材料嘅味道精華都融入哂喺湯中，夠哂滋補。而紅燒潮州翅真係不得了，入面啲翅勁多，好好味，啖啖都食到翅，口感極佳，完全唔洗再加其他調味。主角就係秘製瓦罉玫瑰雞配絲苗香米，佢哋嘅用咗無激素雞，所以食到健康又安心。而佢哋玫瑰雞色澤夠亮麗，顏色均勻，而雞肉夠哂嫩滑，煮得都好入味，有陣陣濃郁芳香嘅玫瑰露嘅香味滲透哂喺雞肉入面。最後仲有兩款甜點，分別係有可愛造型嘅豬仔出浴奶凍，同埋清涼解暑嘅橙皮絲清心丸綠豆爽。奶凍有可愛嘅造型，用嚟打卡影就最啱，除咗賣相好，其味道都好好。奶香

因為疫情特別訂房食呢餐，個景好靚。第一次食，所以點晒招牌菜，不過無食山珍。非常好味手工菜有驚喜，掛注食好多冇影桐。個蟹鉗回味無窮係最出色。粉絲索哂蝦味，好正。龍蝦泡飯有趣趣米通好特別。

性價比低-港式混醬腸粉，上碟已經不熱，份量少，花生醬沒味，豉油好淡-腐皮蝦卷，腐皮不夠香脆，炸得不夠火候-蝦餃正常，非常熱，蝦夠新鮮-榴槤奶黃酥，榴槤味不夠，沒有奶黃味，味道只能用奇怪形容-XO醬炒淮山麵，淮山麵炒得夠乾身，但只有辣味總結味道普通偏低，價錢卻偏貴，沒有下次了

好耐冇同我嘅好姊妹見面，約咗喺銅鑼灣一齊做facial，跟住就去shopping，不過所以先要醫肚，又想食中餐，希望環境舒適啲可以傾吓計🥰朋友揀咗呢間🥢🥢張公館🥢🥢餐廳環境相當優美，居高臨下，而且枱與枱之間非常闊落，非常整潔乾淨🥰⋯⋯瓦埕秘製玫瑰雞套餐$338一位點心每樣一件蝦餃皇皮薄餡靚！蝦仁超級鮮甜！蟹子燒賣蟹子燒賣鮮香夠味，燒賣做得非常彈牙爽口！上湯小籠包充滿鮮美湯汁，肉餡滑嫩適口！用三層的蒸籠承載着！非常精美！羊肚菌花膠燉湯湯頭🥰鮮丶香丶濃⋯⋯花膠肉質黏口！營養豐富！滋陰養顏⋯⋯玫瑰雞配絲苗份量相當大！飯粒晶凝通透⋯⋯配以秘製醬油！如果夠熱就仲好食😋⋯⋯甜品豬仔出浴奶凍個樣實在太可愛都唔捨得食！橙皮清心丸綠豆爽充滿橙味！又甜又夠熱⋯⋯

新工過proba請媽咪食好西，所以去左銅V point呢間張公館，佢地依家推咗個秘製瓦罉玫瑰雞套餐，每位$398～有燉湯又有鮑魚CP值都幾高📍冰鎮醉鮑魚/脆焗蝦多士 /魚子醬滷水流心蛋 前菜三款三樣我都好鐘意😍鮑魚好鮮甜仲有淡淡酒香，蝦多士香脆可口一啲都唔油膩，最後魚子醬滷水流心蛋既流心蛋勁精緻📍羊肚菌花膠燉湯/紅燒潮州翅（+＄200)我地想兩樣都試晒，先講燉湯用料十足夠哂滋潤呀～紅燒潮州翅就仲正，佢會用個爐仔幫你保溫上到黎仲熱辣辣，啖啖翅群十萬個滿意～ 📍秘製瓦罉玫瑰雞配飯上到黎就知勁入味，入口雞肉嫩滑，啖啖玫瑰露香📍豬仔出浴奶凍/橙皮絲清心丸綠豆爽。豬仔奶凍超可愛呀！！清心丸加綠豆爽同橙皮絲，成碗都好清新～

張公館銅鑼灣登龍街18號V Point 29樓-----鍾意食中餐嘅朋友仔生日，唔想咁悶棍去酒樓飲茶，就book咗呢一間有得食中式下午茶嘅餐廳同佢慶祝一下。.餐廳位於銅鑼灣嘅高級食肆集中地V Point 嘅高層，客人用餐位置被270度落地玻璃包圍，彩光度一流。下午茶餐包括14款食物，茶及咖啡/橙汁（$398/2人）：先不說食物質素，呢個環境服務黎講，價錢算唔貴。.食物方面最令我驚艷嘅係脆焗鮮鳳尾蝦多士，口感酥酥脆脆，蝦鮮味突出另外矜貴嘅原隻鮑魚酥味道亦值得讚許，並非單純金玉其外，內裡亦嗒得杯落。魚子醬滷水流心蛋香甜有致上湯小籠包湯汁飽滿清甜紫薯牡丹酥甜而不膩，都係個人嘅心水之選。其他食物相片：

跟住靚太食好西 高性價比貴婦享受～～～難得放假，梗係要對自己好啲，是日黎銅鑼灣sogo感謝週濕平完之後，就順道到附近食個high tea唞一唞～～～一上到黎就見到店內有好多靚太打卡，一個二個靚太前面則拜訪著圓形嘅精緻點心架，二話不說一於跟風，靚太食咩我就跟住食咩！☺️下午茶套餐：脆焗鮮鳳尾蝦多士原隻鮑魚酥魚子醬滷水流心蛋鮮蝦燒賣皇張公館蝦餃皇鮮蝦炸春卷上湯小籠包酥皮咖哩酥鮮雜果火箭菜沙律蟹籽鰹魚汁冷麵紫薯牡丹酥/ 芒果糯米糍豬仔出浴奶糕桂花五色糕～～～熱騰騰嘅點心新鮮蒸好就送出嚟，蝦餃紮實，小籠包多汁，燒賣就好Juicy。～～～圓轆轆嘅點心架，頭兩層係鹹點，底層係甜點，滿足我鍾意多鹹少甜嘅比例。～～～蝦多士好脆口，芒果糯米糍軟糯軟糯的，出浴豬仔🐷質感有少少似大菜糕，但係就有奶香味，幾特別。～～～蟹籽鰹魚汁冷麵則冰凍清爽，夏日消暑一流。～～～張公館銅鑼灣登龍街18號V Point 29樓

鑑於新冠肆虐及限聚令，我們五個摯友幾乎兩年沒有齊集活動。近期疫情放緩，我們急不及待相約聚會。友好推薦位於銅鑼灣V-Point張公館的中式下午茶套餐，立即安排訂位。今午我們無懼風雨交加，歡聚歎茶。餐館位於二十九樓，佈置簡潔雅緻，單邊落地大玻璃窗可遠眺維港，景色怡人。我們兩點半入座，侍者殷勤招待，迅速送上茶水，一壼龍井玫瑰花茶，清香迷人；一壼陳年普洱，濃醇甘香，都是用爐火暖著，非常貼心。下午茶套餐包括每人兩味冷盆、兩小籠熱點、一個銅製吊籃盛著的五款鹹點及兩款甜點，壓軸是一款特色甜品及飲品。冷盆兩款：鮮雜果火箭菜沙律 — 用料上乘。蜜瓜、士多啤梨、芒果切粒，伴以青翠火箭菜，再以芝麻沙律醬拌和，甜甜酸酸，色香味俱全。蟹籽鰹魚汁冷麵—和風料理， 麵條爽滑彈牙、鏗魚汁鮮美，飾以橙紅蟹籽、紫菜絲及青翠䓤粒，食得睇得。熱點兩小籠，分載小籠包、燒賣及蝦餃各一粒：上湯小籠包—乾癟癟，弄破也不見有湯汁，肉沒鮮味，失水準之作。 鮮蝦燒賣皇— 飾以橙色蝦籽，賣相不俗，味道則一般。張公館蝦餃皇—細細粒，當然容不下一隻蝦，餡料單薄，沒鮮蝦甜味。作為鎮店皇牌，難負招徠重任了。鹹點五款：魚子醬滷水流心蛋—半隻溏心蛋，剛

今日嚟咗將公館試吓佢哋嘅下午茶二人套餐，就同閨蜜嚟試吓啦。一坐低見到個無敵大海景，真係加晒分。今晚今日天氣又幾好喎，呢個門票價$398(2人用）就食到又覺得物超所值。呢度嘅服務唔錯，侍應都好細心，等咗冇耐好快啲嘢食就上嚟。首先有點心set，小籠包皮薄餡靚，不錯不錯。蝦餃燒賣都正常發揮👍🏻👍🏻👍🏻👍🏻到終點呢個靚tea set 啦！甜嘅Tea set食得多，鹹點Tea set為主真係比較少食到好嘅質素。但係今次又有啲喜出望外喎，成個Tea set 好味，唔會太油膩，每個鹹點味道都啱啱好。尤其鮑魚酥、蝦多士真係有驚喜！好少見到下午茶套餐會有蟹子鰹魚汁冷麵食，開胃得來又幾夾個Tea Set 。最後呢個"豬仔出浴奶凍"好Cute ，甜而不膩。整體來講今次呢個下午茶套餐值得推介！！！！呢個維港嘅景加埋呢個食物質素=我推介你哋嚟試吓！唔食Tea Set 都見有茶飲架，歎住海景都一流🤭!

🌤放假鐘意周圍搵好嘢食又想影靚相打吓卡呢度係唔錯嘅選擇餐廳落地玻璃望住180度維港海景 份外醒神😍空間感闊落唔再講下晝時間去嘅我就揀咗佢哋今期推介⭕️$398 二人用13款下午茶鹹甜點套餐 頭盤鮮雜果火箭菜沙律配合日式芝麻醬夠哂開胃醒神蟹籽鰹魚汁冷麵個人覺得鰹魚汁分開上會更加出色🔅燒賣蝦餃不過不失😀 最驚喜嘅莫過於一口鮑魚酥入味彈牙味道鮮甜🤤🤤蝦多士同鮮蝦春卷夠脆口🦐仲有咖喱酥豐富酥脆層次食埋個糯米糍同可愛豬仔奶凍甜而不膩大滿足💯✨

銅鑼灣登龍街近年真係變左好多，簡直係美食集中地！今次揀去左29樓既張公館High Tea. 無諗過下午茶套餐可以咁抵食！398 for 2, 包括左13款點心小食，仲有無敵海景。環境舒服服務亦都唔錯，花茶亦係有keep熱住，好貼心可以坐耐d都唔怕茶凍左。而且鹹點為主，食物種類好豐富，有蝦餃，燒賣，小籠包。咁多樣覺得最正係五色糕同鮮果沙律，食得出足料同埋心思。賣相好靚既牡丹酥咬落去好香芒果椰汁同椰絲五色糕個層顏色食到係唔同生果，幾特別豬仔造型好得意，都有少少唔捨得切開