張公館

营业中

休息中

今日同老闆去見客，傾了差不多兩個多小時終於簽成了單生意，超開心，老闆萬歲請食飯。我也不客氣地預約了一間特色中菜餐廳，位置在銅鑼灣V point 大型食廈，落地玻璃窗望見整個銅鑼灣夜景，而且還可以欣賞到幻彩詠香江的燈光匯影。羊肚菌姬松茸水中花燉湯羊肚菌嘅功效可以媲美冬蟲草，長期食用仲可以預防癌症。姬松茸是一種可以提高免疫力嘅茸類，比靈芝嘅功效更高。湯頭清澈，羊肚菌同姬松茸香味濃郁，最有睇頭莫過於將豆腐切成的水中花，師傅手工了得，水中花在水中央晃動，視覺效果一流。脆焗蝦多士蝦多士即點即炸，炸到金黃色，入口香脆可口，蝦肉亦爽彈，蝦肉厚度差唔多有2cm，口感豐富，鮮味十足。蜜汁銀鱈魚充滿油脂的銀鱈魚，配上香甜的醬汁，挫它一點膩滯感，魚皮香脆，魚肉卻嫩滑多汁，蜜汁的甜味更引發出魚肉嘅鮮甜，超有水準。蝦醬骨蝦醬骨是鹹鮮、惹味、香口集於一身，排骨炸到又香又脆，入口蝦醬味濃郁，外面炸得微微香脆，惹味好食。海皇芝士蟹蓋焗飯採用時令海鮮，蟹拆肉後加入洋蔥同飯炒香，面層芝士鋪上芝士烤焗，焗好後飽滿的蟹蓋呈誘人焦香味，焗釀蟹蓋飯材料真的非常豐富有蝦、帶子、蟹肉等，鮮味之餘又充滿芝士香味，滋味滿分。

同親人食飯，就搵間好食既店舖，在銅鑼灣V Point都有好多好食環境不差既店舖，到最後親人選了中菜。可以嚐試下高級中菜。【紅燒潮州翅】用上爐仔煲住，令個潮州翅熱辣辣。魚翅很飽滿，口感滑膩爽口，湯汁味美鮮香。【脆焗蝦多士】酥脆可口，原隻蝦肉彈牙，蝦膠爽滑，一件多士便有幾種層次，一試難忘。【荷葉炆和牛面頰肉】賣相不錯，用上一大塊荷葉包住了材料，一打開荷葉，陣陣的牛肉香味加上清香的荷葉味，己經流口水，牛面肉肉質鮮嫩帶點彈性，值得推介。【海皇芝士蟹蓋焗飯】外型非常吸引，外層有淡香芝士味帶點燶香，內裡用料十足，有蝦粒、帶子粒、蟹肉等，味道口感豐富。

1️⃣六宮格有百花釀秋葵,蝦多士,墨魚餅,蕃茄冰菜,酥炸蛋,麻醬牛油果.老實講得個蝦多士係好食,好大塊,入面真係好多蝦肉,足料.同埋外皮真係好脆. 其他食落都好普通,個牛油果唔知咩事,係硬的.💰HKD$1682️⃣12年陳皮牛肉腸腸粉幾滑,不過偏厚,牛肉就唔係話真係好香陳皮味💰HKD$583️⃣蝦餃皇的確好多蝦,蝦好新鮮彈牙💰HKD$784️⃣蟹籽麻辣燒賣負評,佢係得個辣字,辣到蓋過哂燒賣味,佢果種味道係鳳爪排骨隻味💰HKD$785️⃣百花釀竹笙好爽口,汁好多💰$586️⃣酥皮西班牙黑毛豬菠蘿包酥皮太薄,唔夠味,包入面豬肉好小,空心咁,汁又小.💰HKD$58景觀好靚,但價錢同食物質素唔成正比

第三次嚟呢座大廈食嘢，其實每次嚟都覺得呢度環境好好，因為有大落地玻璃可以望到海，但係今日天色就麻麻。今日請咗假同屋企人嚟,時間大概係11:20原來餐廳未到營業時間嘅，不過職員都好好，照幫我哋開茶同埋落單。嚟到嘅時候檯已經擺咗蕎頭同埋木耳，每碟收費20, 點心款式都好多。茶有蠟燭heat 住嘅👍百花釀竹笙好彈牙❤️鳳凰煎糯米雞煎得香👍百花煎釀秋葵其實即係釀蝦滑，賣相好靚，不過108蚊定價就有啲高食到1230全場full ,估唔到weekday 都咁多人

今日－行九個人去食開年飯，叫咗十幾個點心，本以為晚飯都唔錯嘅酒樓，午餐點心應該都唔會中伏。普通點心就唔多講，味道其實未見太突出。當中有幾樣都值得分享吓。~ 龍蝦泡飯($388): 本身係六個人份量，但係九個人食，所以每人得半碗，湯底本身有龍龍嘅龍蝦味，每一匙都有滿滿嘅材料，口感算豐富，但龍蝦就好少。~ 滷水鵝 （$198）：份量足，但沒有鵝味而且有點韌～生煎安格斯牛肉包（$58- 3件）：餡唔多，牛肉粒一粒粒，有口感，但份量較少～麻辣燒賣 （$78～4件）都辣嘅，但太搶冇乜肉汁味～脆脆哈哈笑（$68）：口感似春風得意腸之類入面脆卜卜，有蝦，都好味嘅～冰菜：一大碟菜，下面有冰墊底，似乎就有啲冇乜誠意，食完仲有一大碟冰留返響度～ 上湯小籠包（$48～2只）：都算幾好味，冇臭豬肉味，入邊嘅湯都好香濃，所以都推介～百花煎釀秋葵 （$108～8件）：絕對係煎釀三寶啲friend，但冇乜味道，所以CP值比較低～豬仔出浴芒果布甸（$58）：冇得輸嘅項目居然中伏，價錢貴不在話下，但質地似啫喱多啲，靚還靚，收得咁貴都要好味先得～綠豆爽清心丸（$58）：另一個中伏系列之一，等咗大概一個鐘先上枱，點知當中主

致電訂座，晚上9：30，服務人員態度嫌棄說10點截單，11點下班。問早點擺放蛋糕，服務人員又說不可以，雪櫃無位。我地提早9：10到店希望唔好阻住佢地收工，話執緊枱俾我地（實情上一枱客仲食緊野），急不及待攞定menu俾我地企喺門口落單（話廚房師傅9：45收工）。正式上菜，老實說，食物不差，分量也足，唯獨脆皮雞姍姍來遲等了1個鐘多先黎（可能師傅番左屋企煮啦 ）雞又唔黎，店員又好齊心地“binling banlang"執枱，仿佛只有他們想收工回家，我地係貓頭鷹唔洗休息 一路食一路又有隻蚊子飛來飛去....嗱嗱聲請佢地上蛋糕癈事阻人收工啦。。。終於我地都可以散場，老實既店員話：佢地終於走啦! 其實我想多謝隻脆皮雞啊，好彩佢唔洗我等2個鐘我先可以10:45分番屋企 絕不回頭的店

我買咗kkday “中式點心午市套餐”優惠, 一早打去訂12月3號 1 pm 枱但去到等咗好耐張公館一味話有枱啦 但等咗30分鐘都仲係未有枱 結果 走啦 結果 走啦 結果 結果 走啦 走啦冇心做乜優惠.

本來打算同朋友、同屋企人一齊去張公館星期日下午茶，打去查詢收費各資料時，職員態度惡劣，未能回覆提問，只著我自行查看優惠。透過電話，也能感覺到接聽電話的同事只想草草收線，並沒有耐心聆聽客人的需要。坦白說，我們一直也喜歡張公館的食物質素，對於張公館廚師對食物一絲不苟的態度，我們一家人都給予廚師們高度的肯定和讚賞，所以才會經常到訪，可惜是次的經驗，讓我們很卻步，可能我們一家人日後只能割愛，不再以它作我們的飯堂了😭。

諗住family day一家人去食個tea，但呢間餐廳真係服務態度極差，由receptionist 到樓面到經理都係發緊夢！冇禮貌，態度又差，好似貼錢買難受咁！就算唔講服務，最基本食物質素亦完全唔得，唔要求佢有超水準嘅發揮，但佢係連佢嘅價錢(二百零蚊位)都唔值，難怪連weekend都坐唔爆個場。豬扒包嘅豬扒又凍又硬，芒果布甸散嘅，鮑魚穌嘅鮑魚又係極硬又凍，定係我誤會左，其實佢地成個Tea set都係凍食？好明白tea set啲野食一早整定，唔使佢係熱嘅，但保温係基本啦下話？我真係唔知自己食緊咩🤷🏻‍♀️嘥時間，冇下次！

下午茶SET,  看似唔飽, 其實食唔晒~ 頭盤, 點心, 甜品, 叫咗杯由100%天然鮮橙榨汁. 和朋友坐四人枱, 隔離左右都好寛躺,  行完山來到這裡, 望住個海再飲啖菊花茶,恍如置身外遊般寧靜, 舒適! 

有一日同屋企人行經登龍街，又想食中菜，就去咗張公館！一嚟到就叫咗個秘制醬乾炒九肚魚河粉，夠鑊氣，又唔油膩！仲叫咗個潮式荷香欖菜肉鬆蒸菜心，菜心好冧，加埋荷香嘅香，入口時加埋欖菜肉鬆，屋企人都話正！會再嚟食！

無意之中行行街發現銅鑼灣VPoint 高質素中菜廳，約定朋友去嘆吓茶，我們朋友從屯門及荃灣沙田特來品賞美食，景觀靚服務員服務態度非常親切，張公館是我第一次品嘗到服務態度親切有禮，三人行吃了醉乳鴿入味肉嫩、黑毛豬义燒腸、皮薄腸粉滑，陳皮山竹牛肉、味道有陳皮味好吃、櫻花蝦蒸蘿白糕有特色、但如果是熱D便加好吃，紫薯豬仔包買相出位、可愛豬豬包好味，蝦餃大大好彈牙，醬汁鳳爪好入味、蒜香豬手汁超好味😋，甜品吃了杏汁蛋白好香甜。

張公館個下午茶想食左好耐啦！今日終於可以嚟試下,行完山過嚟食啱晒訂位時要求左窗口位 景觀開揚超舒服,真係心情都靚啲！啲嘢食買相都幾精緻,有花過心思設計 中西合璧 好有新鮮感 仲要係非常大件頭 一般女生應該食唔晒.食物嘅味道都算有水準,個人最中意個鮮果沙律 我果個係杧果 朋友果個係哈蜜瓜,夠晒fresh.咸點我就最欣賞 鮑魚酥同猪手,個猪手口感煙韌配上勁蒜醬汁 真係好夾 好味.隻猪仔出浴就有啲攪鬼最後飲埋杯鮮榨橙汁 寫上完美句號.

上次食完下午茶，點心水準相當唔錯，又有靚海景，今次同客食飯就決定二訪，果然無令我失望，全部都係水準之作！而且上菜係逐樣上, 所以可以樣樣都係熱辣辣放入口！（都可能係我地食得快，一上菜就極速消滅😂）大大粒鮮蝦真材實料貪得意唔係好多地方有得食，叫左麻辣蟹籽燒賣，唔食辣既朋友仔佢有返傳統唔辣架好脆口既春卷，食得出係新鮮炸起唔會好油好鹹，健康又好味既菜心，大愛炸粉超薄，唔會好油，幾特別第1次食用九肚魚炒既河粉，估唔到係咁好味上次下午茶食完今次Encore之作：成盅好大碗，好滑好香杏仁味整體好滿意，用餐環境舒適濶落，又有好靚海景，食物質素都好好，值得再訪！

第一次試餐廳下午茶套餐，雞鎚竟然是生的，同第一位服務員講，態度差劣，再同經理投訴，他說是熟的，現附上兩張相片，大家看看，明明是生，他們兩位都話是熟，完全無道歉，不知所謂。